देवी पूजा (पुराणोक्त विधिः)
 
 आचम्य। प्राणानायम्य।
• मम उपात्त ..... श्रीपरमेश्वर प्रीत्यर्थं, 
• श्रीमहाकाली महालक्ष्मी महासरस्वती स्वरूपिण्याः श्री राजराजेश्वरी परदेवतायाः अनुग्रहावाप्त्यर्थं, 
• स्थिरलक्ष्मी-कीर्तिलाभ- शत्रुपराजय-सदभीष्टसिद्ध्यर्थं, 
• (स्त्रीणां दीर्घसौमंगल्य सिद्ध्यर्थं), 
• श्री महाकाली महालक्ष्मी महासरस्वतीस्वरूपिण्याः श्री राजराजेश्वरी परदेवतायाः, ध्यानावाहनादि षोडशोपचार पूजां यथाशक्ति करिष्ये।। 
• गणपति पूजा, कलशपूजादिकं कृत्वा। 

   ध्यानम्
     
 सिन्दूरारुण विग्रहां त्रिनयनां माणिक्य मौलिस्फुरत्- 
   तारानायक शेखरां स्मितमुखी.मापीन.वक्षोरुहाम्।
 पाणिभ्या.मलिपूर्ण रत्नचषकं रक्तोत्पलं बिभ्रतीं
  सौम्यां रत्नकटस्थ रक्त चरणां ध्यायेत् परामंबिकाम्।। 1
  
   लक्ष्मीं क्षीर समुद्रराज तनयां श्रीरङ्गधामेश्वरीं 
  दासीभूत समस्त देववनितां लोकैक दीपाङ्कुराम्।
 श्रीमन्मन्द कटाक्षलब्ध विभव द्ब्रह्मेन्द्र गङ्गाधरां 
   ता.न्त्रैलोक्य कुटुम्बिनीं सरसिजां वन्दे मुकुन्दप्रियाम्।। 2
  
   या कुन्देन्दु.तुषार.हार.धवळा या शुभ्रवस्त्रान्विता
  या वीणावरदण्ड.मण्डितकरा या श्वेत.पद्मासना। 
 या ब्रह्माच्युत.शङ्करप्रभृतिभि.र्देवै.स्सदा पूजिता
   सा मां पातु सरस्वती भगवती निश्शेष जाड्यापहा।।  3
• सुवर्णवर्णां हरिणीं  सुवर्ण रजतस्रजम्‌।
चन्द्रां स्वर्णमयीं  लक्ष्मीं जातवेदो म आह्वय।।
श्री महाकाली महालक्ष्मी महासरस्वती स्वरूपिण्यै, श्रीललिता परदेवतायै नमः।। ध्यायामि ध्यानं समर्पयामि।।
 आवाहनम्
  
    कल्लोलोल्लसितामृताब्धि.लहरी मध्ये विराजन्मणि- 
  द्वीपे कल्पक वाटिका परिवृते कादम्ब.वाट्युज्ज्वले।
 रत्नस्तम्भ सहस्र.निर्मित.सभामध्ये विमानोत्तमे
  चिन्तारत्न विनिर्मिते जननि ते सिंहासनं भावये।।
  
   एणाङ्कानल.भानुमण्डल.लस.च्छ्रीचक्र.मध्य.स्थितां
  बालार्कद्युति.भासुरां करतलै पाशाङ्कुशौ बिभ्रतीम्।
  चापं बाण.मपि प्रसन्नवदनां कौस्तुम्भ वर्णांशुकाम्
   ता.न्त्वां चन्द्र.कलावतंस.मकुटां चारुस्मितां भावये।।
• तां म आह्वय हे देव  लक्ष्मीं दिव्या मनन्यगाम्‌। 
यस्यान्तु प्राप्नुयां हेम गा अश्वान् पुरुषा नहम्‌।।
महाकाली महालक्ष्मी महासरस्वती स्वरूपायै श्रीललिता परदेवतायै नमः।। आवाहयामि।।
 आसन पाद्यार्घ्याचमनानि - 
  
    ईशानादि.पदं शिवैक.फलकं रत्नासनं ते शुभं
    पाद्यं कुङ्कुम.चन्दनादि.भरितै.रर्घ्यं सरत्नाक्षतैः।
  शुद्धै.राचमनीयकं तव जलै.र्भक्त्या मया कल्पितं
   कारुण्यामृत.वारिधे तदखिलं त्वत्प्रीतये कल्प्यताम्।।
• रथमध्या. मश्वपूर्वां  गजनादप्रबोधिनीम्‌।
उपाह्वये श्रियं देवीं सा श्री.र्मां जुषतां सदा।।
महाकाली महालक्ष्मी महासरस्वती स्वरूपायै श्रीललिता परदेवतायै नमः। रत्नसिंहासनं समर्पयामि।।
• कां सुस्मितां हेमवर्णा.-  मार्द्रां ज्योतिस्स्वरूपिणीम्‌। 
तृप्तां पूजादिभि.र्भक्तां.- स्तर्पयन्तीं वरादिभिः। 
पद्मवर्णां पद्मवासां तां मां प्रत्याह्वये श्रियम्‌।।
महाकाली महालक्ष्मी महासरस्वती स्वरूपायै श्रीललिता परदेवतायै नमः। पादयो पाद्यं समर्पयामि।
• चन्द्रप्रभां यशोभासा.- मुदारां देवपूजिताम्‌।
पद्मिनी.मीं शुभां लोके प्रपद्ये शरणं श्रियम्‌।
देवि मे नश्यता मश्री. - स्त्वां श्रीलक्ष्मी. महं वृणे।।
श्री चक्रस्थितायै श्रीललिता परदेवतायै नमः। हस्तयोः, अर्घ्यं समर्पयामि।
श्री राजराजेश्वरी परदेवतायै नमः मुखे शुद्धाचमनीयं समर्पयामि।।

  स्नानम्
  
   लक्ष्ये योगिजनस्य रक्षित जगज्जाले विशालेक्षणे
   प्रालेयाम्बु.पटीर.कुङ्कुम.लसत्. कर्पूर.मिश्रोदकैः।
  गोक्षीरै.रपि नारिकेल.सलिलै.श्शुद्धोकै.र्मन्त्रितैः
   स्नानं देवि विधेहि मंगलकरं गाङ्गेय.कुम्भोदकैः।।
• भानुवर्णे बिल्वभूज.- स्तपसस्तेध्यजायत।
तवानुकम्पया देवि वनस्पति फलानि वै। 
आभ्यन्तराश्च बाह्याश्चा- लक्ष्मी. स्सर्वाः नुदन्तु मे।।
श्रीललिता परदेवतायै नमः।। स्नानं समर्पयामि।।
 वस्त्र यज्ञोपवीते -
  
   ह्रीङ्काराङ्कित.मन्त्रलक्षित तनो हेमाञ्चलै रञ्चितम्
   रत्नै.रुज्ज्वल.मुत्तरीय.सहितं कौस्तुम्भ वर्णाम्बरम्।
 मुक्तासन्तति.यज्ञसूत्र.ममलं सौवर्णतन्तूद्भवम्
   दत्तं देवि धिया मयैत.दखिलं त्वत्प्रीतये कल्प्यताम्।।
• प्राप्नोतु मां देवसखः कीर्ति.र्मे मणिना सह।
अस्मिन् लोके प्रजातोस्मि कीर्ति.मृद्धिं ददातु सा।।
 आभरणानि- 
  
    हंसै रप्यतिलोभनीय गमने हारावली.मुज्वलाम्
    सिन्दूर.द्युति.हीरपूरिततरे हेमाङ्गदे कङ्कणे।
  मञ्जीरौ मणिकुण्डले मकुट.मप्यर्धेन्दु चूडामणिम्
   नासामौक्तिक.मङ्गुलीय.कटके काञ्ची.मपि स्वीकुरु।।
• क्षुत्तृष्णां मलिनां ज्येष्ठां नाशया. म्यह. मश्रियम्‌।
असंमृद्धी. रभूतीश्च सर्वा निर्णुद मे गृहात्‌।।
श्रीललिता परदेवतायै नमः।। आभरणानि समर्पयामि।।
 चन्दनम् -
  
   सर्वाङ्गे घनसार. कुङ्कुम.लसच्छ्रीगन्ध.पङ्काङ्कितम्
   कस्तूरी तिलकञ्च फालफलके गोरोचना पत्रके।
  गण्डादर्शन मण्डले नयनयो.र्दिव्याञ्जन.न्तेर्पितम्
  कण्ठाब्जे मृगनाभि.पङ्क.ममलं त्वत्प्रीतये कल्प्यताम्।।
• गन्धद्वारां सदापुष्टां दुराधर्षां करीषिणीम्‌। 
सर्वभूतेश्वरीं लक्ष्मी.- मिह देवी. मुपाह्वये।।
 श्रीललिता परदेवतायै नमः।। श्री गन्धानुलेपनं समर्पयामि।। गन्धोपरि अलङ्करणार्थम्, अक्षतान् समर्पयामि।।
 पुष्पम्- 
  
   कल्हारोत्पल.मल्लिका.मरुवकै.स्सौवर्ण.पङ्केरुहैः
   जाती-चंपक- मालती- कुरुवकै. र्मन्दार.कुन्दादिभिः।
 केतक्या करवीरकै. र्बहुविधै पुष्पस्रज कल्पिताः
   सङ्कल्पेन समर्पयामि वरदे सन्तुष्टये कल्प्यताम्।।
• आकूति. र्मनसः कामं वाचस्सत्यं लभेमहि। 
पश्वन्नकीर्तिरूपा सा  श्री.रास्तां मयि सर्वदा।।
श्रीललिता परदेवतायै नमः। पुष्पाणि समर्पयामि।

  अङ्गपूजा - 
 ऐं ह्रीं श्रीं
    दुर्गायै नमः  पादौ पूजयामि
    गिरिजायै नमः गुल्फौ पूजयामि
    अपर्णायै नमः जानुनी पूजयामि
    हरिप्रियायै नमः ऊरू पूजयामि
    पार्वत्यै नमः कटिं पूजयामि
    आर्यायै नमः नाभिं पूजयामि
    जगन्मात्रे नमः उदरं पूजयामि
    मङ्गलायै नमः कुक्षिं पूजयामि
    शिवायै नमः  हृदयं पूजयामि
    महेश्वर्यै नमः कण्ठं पूजयामि
    विश्ववन्द्यायै नमः स्कन्धौ पूजयामि
    काल्यै नमः  बाहू पूजयामि
    आद्यायै नमः हस्तौ पूजयामि
    वरदायै नमः  मुखं पूजयामि
    सुवाण्यै नमः नासिके पूजयामि
    कमलाक्ष्यै नमः नेत्रे पूजयामि
    देव्यै नमः  सर्वाण्याङ्गानि पूजयामि।
 चण्डी नवावरण देवता पूजा
 • प्रथमावरणम् - (तत्र यन्त्र षट्कोणस्थ पश्चिमकोणे)
(1) महालक्ष्मी पृष्ठभागे सरस्वतीब्रह्मभ्यां नमः।
(2) नैरृतिकोणे गौरीरुद्राभ्यां नमः ।।
(3) वायुकोणे लक्ष्मीहृषीकेशाभ्यां नमः ।।
(4) पूर्वकोणे अष्टादशभुजायै नमः ।।
(5) अग्निकोणे दशाननायै नमः ।।
(6) ईशान्यकोणे अष्टभुजायै नमः ।।
 दयाब्धे त्राहि संसार-सर्पा.न्मां शरणागतम् ।
 भक्त्या समर्पये तुभ्यं प्रथमावरणार्चनम्।।
अनेन प्रथमावरणार्चनेन भगवती श्री महाकाली महालक्ष्मी महासरस्वती स्वरूपा श्री चण्डीपरदेवता प्रीयताम्।
 द्वितीयावरणम्- (पुनः षट्कोणेषु प्रागादिषु)
1.    नं -  नन्दजायै नमः
2.    रं-  रक्तदन्तिकायै नमः
3.    शां- शाकम्भर्यै नमः
4.    दुं-  दुर्गायै नमः
5.    भीं-  भीमायै नमः
6.    भ्रां- भ्रामर्यै नमः
 दयाब्धे त्राहि संसार-सर्पा.न्मां शरणागतम् ।
 भक्त्या समर्पये तुभ्यं द्वितीयावरणार्चनम् ।।
अनेन द्वितीयावरणार्चनेन भगवती श्री महाकाली महालक्ष्मी महासरस्वती स्वरूपा श्री राजराजेश्वरी परदेवता प्रीयताम्।
 तृतीयावरणम्- (षट्कोणाद्बहिः, आग्नेयादि बहिरन्तराळे)
1.    जं-  जयायै नमः
2.    विं-  विजयायै नमः
3.    जं-  जयन्त्यै नमः
4.    अं-  अपराजितायै नमः
5.    सिं - सिंहाय नमः
6.    मं - महिषाय नमः
 दयाब्धे त्राहि संसार-सर्पा.न्मां शरणागतम् ।
 भक्त्या समर्पये तुभ्यं तृतीयावरणार्चनम्।।
अनेन तृतीयावरणार्चनेन भगवती श्री महाकाली महालक्ष्मी महासरस्वती स्वरूपा श्री राजराजेश्वरी परदेवता प्रीयताम्।
 चतुर्थावरणम्- (अष्टपत्रेषु प्रागादिषु)
1.    ब्रां-  ब्राह्म्यैनमः 
2.    मां-  माहेश्वर्यै नमः
3.    कौं- कौमार्यै नमः
4.    वैं-  वैष्णव्यै नमः
5.    वां-  वाराह्यै नमः
6.    नां-  नारसिंह्यै नमः
7.    ऐं-  ऐन्द्र्यै नमः
8.    चां- चामुण्डायै नमः
 दयाब्धे त्राहि संसार-सर्पा.न्मां शरणागतम्।
 भक्त्या समर्पये तुभ्यं चतुर्थावरणार्चनम् ।।
अनेन चतुर्थावरणार्चनेन भगवती श्री महाकाली महालक्ष्मी महा सरस्वती स्वरूपा श्री राजराजेश्वरी परदेवता प्रीयताम् ।।
 पञ्चमावरणम्- (पुनरष्टदलेषु प्रागादिषु)
1.    अं  असितांग भैरवाय नमः
2.    रुं  रुरु भैरवाय नमः 
3.    चं  चण्ड भैरवाय नमः
4.    क्रों  क्रोधन भैरवाय नमः
5.    उं  उन्मत्त भैरवाय नमः
6.    कं  कपाल भैरवाय नमः
7.    भीं  भीषण भैरवाय नमः
8.    सं  संहार भैरवाय नमः
 दयाब्धे त्राहि संसार-सर्पा.न्मां शरणागतम्।
 भक्त्या समर्पये तुभ्यं पंचमावरणार्चनम्।
अनेक पञ्चमावरणार्चनेन भगवती श्री महाकाली महालक्ष्मी महासरस्वती स्वरूपा श्री राजराजेश्वरी परदेवता प्रीयताम्।।
 षष्ठावरणम्- (चतुर्विंशति दलेषु प्रागादि क्रमेण)
1.     विष्णुमायायै नमः
2.     चेतनायै नमः
3.     बुद्ध्यै नमः
4.     निद्रायै नमः
5.     क्षुधायै नमः
6.     छायायै नमः
7.     शक्त्यै नमः
8.     तृष्णायै नमः
9.     क्षान्त्यै नमः
10.     जात्यै नमः
11.     लज्जायै नमः
12.     शान्त्यै नमः
13.     श्रद्धायै नमः
14.     कान्त्यै नमः
15.     लक्ष्म्यै नमः
16.     धृत्यै नमः
17.     वृत्त्यै नमः
18.     स्मृत्यै नमः
19.     दयायै नमः
20.     तुष्ट्यै नमः
21.     पुष्ट्यै नमः
22.     मात्रे नमः
23.     भ्रान्त्यै नमः
24.     चित्यै नमः
 दयाब्धे त्राहि संसार-सर्पा.न्मां शरणागतम्।
 भक्त्या समर्पये तुभ्यं षष्ठाख्यावरणार्चनम्।।
अनेक षष्ठावरणार्चनेन भगवती श्रीमहाकाली महालक्ष्मी महासरस्वती स्वरूपा श्री राजराजेश्वरी परदेवता प्रीयताम्।।
 सप्तमावरणम्- (भूगृहे रव्युदय प्रागादिषु)
1.    लं-  इन्द्राय नमः
2.    रं-  अग्नये नमः
3.    मं-  यमाय नमः
4.    क्षं-  निर्ऋतये नमः
5.    वं -  वरुणाय नमः
6.    यं-  वायवे नमः
7.    सं-  सोमाय नमः
8.    हं-  रुद्राय नमः
9.    आं  ब्रह्मणे नमः
10.    ह्रीं-  शेषाय नमः
 दयाब्धे त्राहि संसार-सर्पा.न्मां शरणागतम्।
  भक्त्या समर्पये तुभ्यं सप्तमावरणार्चनम्।।
अनेक सप्तमावरणार्चनेन भगवती श्री महाकाली महालक्ष्मी महासरस्वती स्वरूपा श्री राजराजेश्वरी परदेवता प्रीयताम्।।
 अष्टमावरणम् (पुनस्तेनैव क्रमेण)
1.    वं-  वज्राय नमः
2.    शं-  शक्तये नमः
3.    दं-  दण्डाय नमः
4.    खं-  खड्गाय नमः
5.    पां-  पाशाय नमः
6.    अं-  अङ्कुशाय नमः
7.    गं-  गदायै नमः
8.    त्रिं-  त्रिशूलाय नमः
9.    पं-  पद्माय नमः
10.    चं-  चक्रायनमः
 दयाब्धे त्राहि संसारसर्पान्मां शरणागतम्।
 भक्त्या समर्पये तुभ्य मष्टमावरणार्चनम्।।
 अनेक अष्टमावरणार्चनेन भगवती श्री महाकाली महालक्ष्मी महासरस्वती स्वरूपा श्री राजराजेश्वरी परदेवता प्रीयताम्।।
 नवमावरणम् (भूगृहाद्बहिः प्रागादि दिक्षु)
1.    गं  गणपतये नमः
2.    क्षें-  क्षेत्रपालकाय नमः
3.    वं- वटुकाय नमः
4.    यों- योगिनीभ्यो नमः
 दयाब्धे त्राहि संसार-सर्पा.न्मां शरणागतम्।
 भक्त्या समर्पये तुभ्य नवमावरणार्चनम्।।
अनेन नवमावरणार्चनेन भगवती श्री महाकाली महालक्ष्मी महासरस्वती स्वरूपा श्री राजराजेश्वरी परदेवता प्रीयताम्।। आवरण देवताभ्यो नमो नमः।

  अष्टोत्तर शतनामावळिः (सर्वत्रादौ     ऐं ह्रीं श्रीं इति संयोजयितुं शक्यते)  
1. रजताचल शृङ्गाग्र मध्यस्थायै नमो नमः
2. हिमाचल.महावंश.पावनायै नमो नमः
3. शङ्करार्धाङ्ग सौन्दर्य.शरीरायै नमो नमः
4. लसन्मरकत.स्वच्छविग्रहायै नमो नमः
5. महातिशय.सौन्दर्य.लावण्यायै नमो नमः
6. शशाङ्क.शेखर.प्राणवल्लभायै नमो नमः
7. सदा.पञ्चदशात्मैक.स्वरूपायै नमो नमः
8. वज्रमाणिक्य.कटक.किरीटायै नमो नमः
9. कस्तूरी.तिलकोल्लास.निटलायै नमो नमः
10. भस्मरेखाङ्कित.लसन्मस्तकायै नमो नमः
11. विकचाम्भोरुह.दललोचनायै नमो नमः
12. शरच्चाम्पेय.पुष्पाभ.नासिकायै नमो नमः
13. लसत्काञ्चन.ताटङ्क.युगलायै नमो नमः
14. मणिदर्पण.सङ्काश.कपोलायै नमो नमः
15. ताम्बूलपूरित.स्मेरवदनायै नमो नमः
16. सुपक्व.दाडिमी.बीजरदनायै नमो नमः
17. कम्बु.पूग.सम.च्छाय.कन्धरायै नमो नमः
18. स्थूलमुक्ता.फलोदार.सुहारायै नमो नमः
19. गिरीश.बद्ध.माङ्गल्य.मङ्गलायै नमो नमः
20. पद्मपाशाङ्कुश.लसत्कराब्जायै नमो नमः
21. पद्मकैरव.मन्दार.सुमालिन्यै नमो नमः
22. सुवर्ण.कुम्भ.युग्माभ.सुकुचायै नमो नमः
23. रमणीय.चतुर्बाहु.सँयुक्तायै नमो नमः
24. कनकाङ्गद.केयूर.भूषितायै नमो नमः
25. बृहत्सौवर्ण.सौन्दर्य.वसनायै नमो नमः
26. बृह.न्नितम्ब.विलस.ज्जघनायै नमो नमः
27. सौभाग्यजात.शृङ्गार.मध्यमायै नमो नमः
28. दिव्यभूषण.सन्दोह.रञ्जितायै नमो नमः
29. पारिजात.गुणाधिक्य.पदाब्जायै नमो नमः
30. सुपद्म.रागसङ्काश.चरणायै नमो नमः
31. कामकोटि.महापद्मपीठस्थायै नमो नमः
32. श्रीकण्ठनेत्र.कुमुद.चन्द्रिकायै नमो नमः
33. सचामर.रमावाणी.वीजितायै नमो नमः
34. भक्त.रक्षण.दाक्षिण्य.कटाक्षायै नमो नमः
35. भूतेशालिङ्गनोद्भूत.पुलकाङ्ग्यै नमो नमः
36. अनङ्ग.जनकापाङ्ग.वीक्षणायै नमो नमः
37. ब्रह्मोपेन्द्र.शिरोरत्न.रञ्जितायै नमो नमः
38. शचीमुख्यामर.वधूसेवितायै नमो नमः
39. लीलाकल्पित.ब्रह्माण्ड.मण्डलायै नमो नमः
40. अमृतादि.महाशक्ति.सँवृतायै नमो नमः
41. एकातपत्र.साम्राज्य.दायिकायै नमो नमः
42. सनकादि.समाराध्य.पादुकायै नमो नमः
43. देवर्षिभि.स्स्तूयमान.वैभवायै नमो नमः
44. कलशोद्भव.दुर्वास.पूजितायै नमो नमः
45. मत्तेभवक्त्र.षड्वक्त्र.वत्सलायै नमो नमः
46. चक्रराज.महायन्त्र.मध्यवर्तिन्यै नमो नमः
47. चिदग्निकुण्ड.सम्भूत.सुदेहायै नमो नमः
48. शशाङ्क.खण्ड.सँयुक्त.मकुटायै नमो नमः
49. मत्तहंस.वधू.मन्दगमनायै नमो नमः
50. वन्दारु.जनसन्दोह.वन्दितायै नमो नमः
51. अन्तर्मुख.जनानन्द.फलदायै नमो नमः
52. पतिव्रताङ्गनाभीष्ट.फलदायै नमो नमः
53. अव्याज.करुणापूर.पूरितायै नमो नमः
54. नितान्त.सच्चिदानन्द.सँयुक्तायै नमो नमः
55. सहस्त्रसूर्यसँयुक्त.प्रकाशायै नमो नमः
56. रत्नचिन्तामणि.गृहमध्यस्थायै नमो नमः
57. हानि.वृद्धि.गुणाधिक्य.रहितायै नमो नमः
58. महापद्माटवी.मध्यनिवासायै नमो नमः
59. जाग्रत्-स्वप्न-सुषुप्तीनां साक्षिभूत्यै नमो नमः
60. महापापौघ.पापानां विनाशिन्यै नमो नमः
61. दुष्टभीति.महाभीति.भञ्जनायै नमो नमः
62. समस्त.देवदनुज.प्रेरिकायै नमो नमः
63. समस्त.हृदयाम्भोज.निलयायै नमो नमः
64. अनाहत.महापद्म.मन्दिरायै नमो नमः
65. सहस्रार.सरोजात.वासितायै नमो नमः
66. पुनरावृत्ति.रहित.पुरस्थायै नमो नमः
67. वाणी.गायत्री.सावित्री.सन्नुतायै नमो नमः
68. रमा.भूमिसुताराध्य.पदाब्जायै नमो नमः
69. लोपामुद्रार्चित.श्रीमच्चरणायै नमो नमः
70. सहस्ररति.सौन्दर्य.शरीरायै नमो नमः
71. भावनामात्र.सन्तुष्ट.हृदयायै नमो नमः
72. सत्यसम्पूर्ण.विज्ञानसिद्धिदायै नमो नमः
73. त्रिलोचन.कृतोल्लास.फलदायै नमो नमः
74. श्रीसुधाब्धि.मणिद्वीप.मध्यगायै नमो नमः
75. दक्षाध्वर.विनिर्भेद.साधनायै नमो नमः
76. श्रीनाथ.सोदरीभूत.शोभितायै नमो नमः
77. चन्द्रशेखर.भक्तार्ति.भञ्जनायै नमो नमः
78. सर्वोपाधि.विनिर्मुक्त.चैतन्यायै नमो नमः
79. नामपारायणाभीष्ट.फलदायै नमो नमः
80. सृष्टि.स्थिति.तिरोधान.सङ्कल्पायै नमो नमः
81. श्रीषोडशाक्षरी.मन्त्र.मध्यगायै नमो नमः
82. अनाद्यन्त.स्वयम्भूत.दिव्यमूर्त्यै नमो नमः
83. भक्त.हंसपरी.मुख्य.नियोगायै नमो नमः
84. मातृमण्डल.सँयुक्त.ललितायै नमो नमः
85. भण्डदैत्य.महासत्त्व.नाशनायै नमो नमः
86. क्रूरभण्ड.शिरश्छेद.निपुणायै नमो नमः
87. धात्रच्युत.सुराधीश.सुखदायै नमो नमः
88. चण्ड.मुण्ड.निशुम्भादि.खण्डनायै नमो नमः
89. रक्ताक्ष.रक्तजिह्वादि.शिक्षणायै नमो नमः
90. महिषासुर.दोर्वीर्य.निग्रहायै नमो नमः
91. अभ्रकेश.महोत्साह.कारणायै नमो नमः
92. महेशयुक्त.नटन.तत्परायै नमो नमः
93. निजभर्तृ.मुखाम्भोज.चिन्तनायै नमो नमः
94. वृषभध्वज.विज्ञान.भावनायै नमो नमः
95. जन्ममृत्यु.जरा.रोग.भञ्जनायै नमो नमः
96. विधेय.मुक्ति.विज्ञान.सिद्धिदायै नमो नमः
97. कामक्रोधादि.षड्वर्ग.नाशनायै नमो नमः
98. राजराजार्चित.पद.सरोजायै नमो नमः
99. सर्ववेदान्त.संसिद्ध.सुतत्त्वायै नमो नमः
100. श्रीवीरभक्त.विज्ञान.निधानायै नमो नमः
101. अशेष.दुष्ट.दनुज.सूदनायै नमो नमः
102. साक्षाच्छ्री.दक्षिणामूर्ति.मनोज्ञायै नमो नमः
103. हयमेधाग्र.सम्पूज्य.महिमायै नमो नमः
104. दक्षप्रजापति.सुत.वेषाढ्यायै नमो नमः
105. सुमबाणेक्षु.कोदण्ड.मण्डितायै नमो नमः
106. नित्ययौवन.माङ्गल्य.मङ्गलायै नमो नमः
107. महादेव.समायुक्त.शरीरायै नमो नमः
108. महादेव.रतौत्सुक्य.महादेव्यै नमो नमः
 महाकाली महालक्ष्मी महासरस्वती स्वरूपायै श्रीराजराजेश्वरी परदेवतायै नमः। अष्टोत्तर.शतनामार्चनं.समर्पयामि।।

  सप्तशत्यन्तर्गत चण्डी त्रिशति नामावलिः 
1.     विश्वेश्वर्यै नमः
2.    जगद्धात्र्यै नमः
3.    स्थिति संहारकारिण्यै नमः
4.    निद्रायै नमः
5.    भगवत्यै नमः
6.    अतुलायै नमः
7.    स्वाहायै नमः
8.    स्वधायै नमः
9.    वषट्कारायै नमः
10.    स्वरात्मिकायै नमः
11.    सुधायै नमः
12.    अक्षरायै नमः
13.    नित्यायै नमः
14.    त्रिधामात्रात्मिकायै नमः
15.     अर्धमात्रास्थितायै नमः
16.     विशेषतोनुच्चार्यायै नमः
17.     सन्ध्यायै नमः
18.     सावित्र्यै नमः
19.     जनन्यै नमः
20.    परायै नमः
21.    विश्वधारिण्यै नमः
22.    विश्वस्रष्ट्रे नमः
23.    विश्वपालयित्र्यै नमः
24.    विश्वहन्त्र्यै नमः
25.    सृष्टिरूपायै नमः
26.    स्थितिरूपायै नमः
27.    संहृतिरूपायै नमः
28.    जगन्मय्यै नमः
29.    महाविद्यायै नमः
30.    महामायायै नमः
31.    महामेधायै नमः
32.    महास्मृत्यै नमः
33.    महामोहायै नमः
34.    महादेव्यै नमः
35.    महेश्वर्यै नमः
36.    सर्वप्रकृत्यै नमः
37.    गुणत्रय.विभागिन्यै नमः
38.    कालरात्र्यै नमः
39.    महारात्र्यै नमः
40.    मोहरात्र्यै नमः
41.    दारुणायै नमः
42.    श्रियै नमः
43.    ईश्वर्यै नमः
44.    ह्रियै नमः
45.    बुद्ध्यै नमः
46.    बोध.लक्षणायै नमः
47.    लज्जायै नमः
48.    पुष्ट्यै नमः
49.    तुष्ट्यै नमः
50.    शान्त्यै नमः
51.    क्षान्त्यै नमः 
52.    खड्गिन्यै नमः
53.    शूलिन्यै नमः
54.    घोरायै नमः
55.    गदिन्यै नमः
56.    चक्रिण्यै नमः
57.    शङ्खिन्यै नमः
58.    चापिन्यै नमः
59.    बाणिन्यै नमः
60.    भुशुण्डिन्यै नमः
61.    परिघायुधायै नमः
62.    सौम्यायै नमः
63.    सौम्यतरायै नमः
64.    अतिसुन्दर्यै नमः
65.    परमेश्वर्यै नमः
66.    सर्वदेव.शरीरजायै नमः
67.    शम्भुतेजोमुख्यै नमः
68.    याम्यतेजः.केशिन्यै नमः
69.    विष्णुतेजो.बाहवे नमः
70.    सौम्य.स्तनयुग्मायै नमः
71.    ऐन्द्र.मध्यायै नमः
72.    वारुण.जङ्घोर्वै नमः
73.    भूनितन्बायै नमः
74.    ब्रह्म.तेजःपदायै नमः
75.    अर्क.तेजःपदाङ्गुल्यै नमः
76.    वसूनां तेजःकराङ्गुल्यै 
77.    कौबेर नासिकायै नमः
78.    प्राजापत्य.दन्तायै नमः
79.    पावकतेज.स्त्रिनयनायै नमः
80.    सान्ध्यभ्रुवे नमः
81.    अनिलतेज.श्श्रवणायै नमः
82.    समस्तदेव.तेजोराशि.समुद्भवायै 
83.    सिंहवाहिन्यै नमः
84.    त्विषा व्याप्तलोकत्रयायै नमः
85.    पादाक्रान्त्या नतभुवे नमः
86.   किरीटोल्लिखितान्बरायै नमः
87.   क्षोभिताशेषपातालायै नमः
88.    दिग्व्याप्त भुजसहस्रायै नमः
89.    अनायस्ताननायै नमः
90.    सुरर्षि स्तूयमानायै नमः
91.    जगन्मात्रे नमः
92.    अरुण.लोचनायै नमः
93.    महिषासुर.हन्त्र्यै नमः
95.    निश्शेष देवगणशक्ति समूह.मूर्तये नमः
96.    अखिलदेवमहर्षि पूज्यायै नमः
97.    अम्बिकायै नमः
98.     सुकृतिनां भवनेषु स्वयंश्रियै नमः
99.    पापात्मनां भवनेष्वलक्ष्म्यै नमः
100.    कृतधियां हृदयेषु बुद्ध्यै नमः
101.    सतां श्रद्धायै नमः
102.    कुलजन.प्रभवस्य लज्जायै नमः
103.    अचिन्त्य.रूपायै नमः
104.    अतिवीर्यायै नमः
105.    असुर.क्षयकारिण्यै नमः
106.    अद्भुत.चरितायै नमः
107.    समस्त जगतां हेतवे नमः
108.    त्रिगुणायै नमः
109.    दोषै.र्न ज्ञातायै नमः
110.    हरिहरादिभि.रप्यपारायै 
111.    सर्वाश्रयायै नमः
112.    अव्याकृतायै नमः
113.    परम.प्रकृत्यै नमः
114.    आद्यायै नमः
115.    मुक्ति.हेतवे नमः
116.    अविचिन्त्य महाव्रतायै नमः
117.    विद्यायै नमः
118.    भगवत्यै नमः
119.    परमदेव्यै नमः
120.    शब्दात्मिकायै नमः
121.   सुविमलर्ग्यजुषां निधानायै नमः
122.    त्रय्यै नमः
123.    वार्तायै नमः
124.    परमार्ति.हन्त्र्यै नमः
125.    मेधायै नमः
126.    विदिताखिल शास्त्रसारायै 
127.    दुर्गायै नमः
128.    दुर्ग.भवसागर.नावे नमः
129.    असङ्गायै नमः
130.    श्रियै नमः
131.    कैटभारि.हृदयैक.कृताधिवासायै 
132.    गौर्यै नमः
133.    शशिमौलिकृत.प्रतिष्ठायै 
134.    अशेषजन्तु.भीतिहारिण्यै
135.    दारिद्र्यदुःख.भयहारिण्यै 
136.    सर्वोपकार.करणायै नमः
137.    सदार्द्र.चित्तायै नमः
138.    सुरसङ्घ. संस्तुतायै 
139.  दिव्यनन्दन.कुसुमार्चितायै 
140.    दिव्यधूप.सुधूपितायै 
141.    जगतां धात्र्यै नमः
142.    प्रसाद सुमुख्यै नमः
143.    जगत्त्रय.हितैषिण्यै नमः
144.    लोकाना.मुपकारिण्यै नमः
145.    देव्यै नमः
146.    महादेव्यै नमः
147.    शिवायै नमः
148.    प्रकृत्यै नमः
149.    भद्रायै नमः
150.    रौद्रायै नमः
151.    नित्यायै नमः
152.    गौर्यै नमः
153.    धात्र्यै नमः
154.    ज्योत्स्नायै नमः
155.    इन्दुरूपिणे नमः
156.    सुखायै नमः
157.    कल्याण्यै नमः
158.    प्रणता.मृद्ध्यै नमः
159.    सिद्ध्यै नमः
160.    कूर्म्यै नमः
161.    नैरृत्यै नमः
162.    भूभृतां लक्ष्म्यै नमः
163.    शर्वाण्यै नमः
164.    दुर्गायै नमः
165.    दुर्गपारायै नमः
166.    सारायै नमः
167.    सर्वकारिण्यै नमः
168.    ख्यात्यै नमः
169.    कृष्णायै नमः
170.    धूम्रायै नमः
171.    अति.सौम्यायै नमः
172.    अति.रौद्रायै नमः
173.    जगत्प्रतिष्ठायै नमः
174.    देव्यै नमः
175.    कृत्यै नमः
176.    सर्व भूतेषु विष्णु मायेति शब्दितायै नमः
177.    सर्व भूतेषु चेतनाभिधानायै 
178.    सर्वभूतेषु बुद्धिरूप.संस्थितायै नमः
179.    सर्वभूतेषु निद्रारूप.संस्थितायै नमः
180.    सर्वभूतेषु क्षुधारूप.संस्थितायै नमः
181.    सर्वभूतेषु छायारूप.संस्थितायै नमः
182.    सर्वभूतेषु शक्तिरूप.संस्थितायै नमः
183.    सर्वभूतेषु तृष्णारूप.संस्थितायै नमः
184.    सर्वभूतेषु क्षान्तिरूप.संस्थितायै नमः
185.    सर्वभूतेषु जातिरूप.संस्थितायै नमः
186.    सर्वभूतेषु लज्जारूप.संस्थितायै नमः
187.    सर्वभूतेषु शान्तिरूप.संस्थितायै नमः
188.    सर्वभूतेषु श्रद्धारूप.संस्थितायै नमः
189.    सर्वभूतेषु कान्तिरूप.संस्थितायै नमः
190.    सर्वभूतेषु लक्ष्मीरूप.संस्थितायै नमः
191.    सर्वभूतेषु वृत्तिरूप.संस्थितायै नमः
192.    सर्वभूतेषु स्मृतिरूप.संस्थितायै नमः
193.    सर्वभूतेषु दयारूप.संस्थितायै नमः
194.    सर्वभूतेषु तुष्टिरूप.संस्थितायै नमः
195.    सर्वभूतेषु मातृरूप.संस्थितायै नमः
196.    सर्वभूतेषु भ्रान्तिरूप.संस्थितायै नमः
197.    इन्द्रियणा.मधिष्ठात्र्यै नमः
198.    भूतेषु सततं व्याप्त्यै नमः
199.    चितिरूपायै नमः
200.    शुभ हेतवे नमः
201.    कौशिक्यै नमः
202.    कालिकायै नमः
203.    भगवत्यै नमः
204.    भद्रायै नमः
205.    हुङ्कार.भस्मीकृत.ध्रूमलोचनायै नमः
206.    काल्यै नमः
207.    करालवदनायै नमः
208.    असि.पाशिन्यै नमः
209.    विचित्र. खट्वाङ्गधरायै नमः
210.    नरमाला. विभूषणायै नमः
211.    द्वीपिचर्म.परीधानायै नमः
212.    शुष्कमांसातिभैरवायै नमः
213.    अतिविस्तार.वदनायै नमः
214.    जिह्वा.ललन.भीषणायै नमः
215.    रक्त.नयनायै नमः
216.    नादापूरित.दिङ्मुखायै नमः
217.    दुर्दर्श. दशनोज्ज्वलायै नमः
218.    चामुण्डायै नमः
219.    शिवदूत्यै नमः
220.    रक्तबीज. निहन्त्र्यै नमः
221.    निशुम्भशुम्भ. निहन्त्र्यै नमः
222.    कात्यायन्यै नमः
223.    प्रपन्नार्ति.हरायै नमः
224.    अखिल.जगन्मात्रे नमः
225.    विश्वेश्वर्यै नमः
226.    चराचरेश्वर्यै नमः
227.    जगदाधारभूतायै नमः
228.    मही.स्वरूप.स्थितायै नमः
229.    अपां स्वरूप.स्थितायै नमः
230.    अलङ्घ्य. वीर्यायै नमः
231.    वैष्णवी.शक्त्यै नमः
232.    अनन्त वीर्यायै नमः
233.    विश्वबीजायै नमः
234.    परम.मायायै नमः
235.    भुक्ति.मुक्ति. प्रदायिन्यै नमः
236.    स्वर्गापवर्गदायै नमः
237.    कला.काष्ठादि. रूपायै नमः
238.    परिणाम.प्रदायिन्यै नमः
239.    विश्वोपरतौ शक्त्यै नमः
240.    सर्वमङ्गल. माङ्गल्यायै नमः
241.    शिवायै नमः
242.    सर्वार्थ.साधिकायै नमः
243.    शरण्यायै नमः
244.    त्र्यम्बकायै नमः
245.    देव्यै नमः
246.    सृष्टि.स्थिति.विनाशानां शक्तिभूतायै नमः
247.    सनातन्यै नमः
248.    गुणाश्रयायै नमः
249.    गुणमय्यै नमः
250.    शरणागतदीनार्त-परित्राण.परायणायै नमः
251.    सर्वस्यार्ति.हरायै नमः
252.    हंसयुक्त.विमानस्थायै नमः
253.    साक्षसूत्र. कमण्डल्वै नमः
254.    कौशाम्भः-क्षरिकायै नमः
255.    ब्रह्माण्यै नमः
256.    त्रिशूलचन्द्राहिधरायै नमः
257.    महावृषभ.वाहिन्यै नमः
258.    महाहि.वलयायै नमः
259.    महेश्वर्यै नमः
260.    मयूर.कुक्कुटवृतायै नमः
261.    महाशक्ति.धरायै नमः
262.    अनघायै नमः
263.    कौमारीरूप. संस्थानायै नमः
264.    शङ्ख-चक्र-गदा-शार्ङ्ग-गृहीत-परमायुधायै नमः
265.    गरुडोपरि संस्थितायै नमः
266.    वैष्णवी.रूपायै नमः
267.    गृहीतोग्र महाचक्रायै नमः
268.    दंष्ट्रोद्धृत.वसुन्धरायै नमः
269.    वराहरूपिण्यै नमः
270.    सटा.क्षेप.क्षिप्त.नक्षत्र.संहत्यै 
271.    त्रैलोक्य.त्राण.सहितायै नमः
272.    नारसिंह्यै नमः
273.    किरीटिन्यै नमः
274.    महावज्रायै नमः
275.    सहस्र.नयनोज्ज्वलायै नमः
276.    वृत्र.प्राणहरायै नमः
277.    गजराजोपरि स्थितायै नमः
278.    ऐन्द्र्यैनमः
279.    शिवदूती.स्वरूपायै नमः
280.    हतदैत्य.महाबलायै नमः
281.    घोररूपायै नमः
282.    महारावायै नमः
283.    दंष्ट्राकराल.वदनायै नमः
284.    शिरोमाला.विभूषणायै नमः
285.    चामुण्डायै नमः
286.    मुण्ड.मथनायै नमः
287.    मेधायै नमः
288.    सरस्वत्यै नमः
289.    वरायै नमः
290.    भूत्यै नमः
291.    बाभ्रव्यै नमः
292.    तामस्यै नमः
293.    नियतायै नमः
294.    सर्वस्वरूपायै नमः
295.    सर्वेश्यै नमः
296.    सर्वशक्तिधरायै नमः
297.    अनघायै नमः
298.    दुर्गादेव्यै नमः
299.    भद्रकाल्यै नमः
300.    नन्दजायै नमः
301.    रक्तदन्तिकायै नमः
302.    शताक्ष्यै नमः
303.    शाकम्भर्यै नमः
304.    भीमायै नमः
305.    भ्रामर्यै नमः
306.    सुरथ.राज्यप्रदायिन्यै नमः
307.    समाधि.ज्ञानदायिन्यै नमः
308.    लक्ष्म्यै नमः
309.    वृद्धि.प्रदायै नमः
310.    धर्म.शुभमति.प्रदात्र्यै नमः
311.    महाकाल्यै नमः
312.    महालक्ष्म्यै नमः
313.     महासरस्वत्यै नमः
   महाकाली महालक्ष्मी महासरस्वती स्वरूपिण्यै राजराजेश्वरी परदेवतायै नमो नमः। त्रिशतनामार्चनं समर्पयामि।

  अथ अष्टोत्तर शतनाम पूजा
1.    माहेश्वर्यै नमः
2.    महादेव्यै नमः
3.    जयन्त्यै नमः
4.    सर्वमङ्गस मङ्गलायै नमः
5.    लज्जायै नमः
6.    भगवत्यै नमः
7.    वन्द्यायै नमः
8.    भवान्यै नमः
9.    पापनाशिन्यै नमः
10.    चण्डिकायै नमः
11.    कालरात्र्यै नमः
12.    भद्रकाल्यै नमः
13.    अपराजितायै नमः
14.    महाविद्यायै नमः
15.    महामेधायै नमः
16.    महामायायै नमः
17.    महाबलायै नमः
18.    कात्यायन्यै नमः
19.    जयायै नमः
20.    दुर्गायै नमः
21.    मन्दारवन.वासिन्यै नमः
22.    आर्यायै नमः
23.    गिरिसुतायै नमः
24.    धात्र्यै नमः
25.    महिषासुर.घातिन्यै नमः
26.    सिद्धिदायै नमः
27.    बुद्धिदायै नमः
28.    नित्यायै नमः
29.    वरदायै नमः
30.    वरवर्णिन्यै नमः
31.    अम्बिकायै नमः
32.    सुखदायै नमः
33.    सौम्यायै नमः
34.    जगन्मात्रे नमः
35.    शिवप्रियायै नमः
36.    भक्तसन्ताप संहर्त्र्यै नमः
37.    सर्वकाम.प्रपूरिण्यै नमः
38.    जगत्कर्त्र्यै नमः
39.    जगद्धात्र्यै नमः
40.    जगत्पालन.तत्परायै नमः
41.    अव्यक्तायै नमः
42.    व्यक्तरूपायै नमः
43.    भीमायै नमः
44.    त्रिपुर.सुन्दर्यै नमः
45.    अपर्णायै नमः
46.    ललितायै नमः
47.    विद्यायै नमः
48.    पूर्णचन्द्र.निभाननायै नमः
49.    चामुण्डायै नमः
50.    चतुरायै नमः
51.    चन्द्रायै नमः
52.    गुणत्रय विभागिन्यै नमः
53.    हेरम्ब.जनन्यै नमः
54.    कादये नमः
55.    त्रिगुणायै नमः
56.    यशोधारिण्यै नमः
57.    उमायै नमः
58.    कलशहस्तायै नमः
59.    दैत्य दर्पनिषूदिन्यै नमः
60.    बुद्ध्यै नमः
61.    कान्त्यै नमः
62.    क्षमायै नमः
63.    शान्त्यै नमः
64.    पुष्ट्यै नमः
65.    तुष्ट्यै नमः
66.    धृत्यै नमः
67.    मत्यै नमः
68.    वरायुध. धरायै नमः
69.    धरायै नमः
70.    गौर्यै नमः
71.    शाकम्भर्यै नमः
72.    शिवायै नमः
73.    अष्टसिद्धि.प्रदायै नमः
74.    वामायै नमः
75.    शिववामाङ्क.वासिन्यै नमः
76.    धर्मदायै नमः
77.    धनदायै नमः
78.    श्रीदायै नमः
79.    कामदायै नमः
80.    मोक्षदायै नमः
81.    अपरायै नमः
82.    चित्स्वरूपायै नमः
83.    चिदानन्दायै नमः
84.    जयश्रियै नमः
85.    जयदायिन्यै नमः
86.    सर्वमङ्गल. माङ्गल्यायै 
87.    जगत्त्रय. हितैषिण्यै नमः
88.    शर्वाण्यै नमः
89.    पार्वत्यै नमः
90.    धन्यायै नमः
91.    स्कन्दमात्रे नमः
92.    अखिलेश्वर्यै नमः
93.    प्रपन्नार्ति. हरायै नमः
94.    देव्यै नमः
95.    सुभगायै नमः
96.    कामरूपिण्यै नमः
97.    निराकारायै नमः
98.    साकारायै नमः
99.    महाकाल्यै नमः
100.    सुरेश्वर्यै नमः
101.    शर्वायै नमः
102.    श्रद्धायै नमः
103.    ध्रुवायै नमः
104.    कृत्यायै नमः
105.    मृडान्यै नमः
106.    भक्तवत्सलायै नमः
107.    सर्वशक्ति. समायुक्तायै नमः
108.    शरण्य. सत्यकामदायै नमः  
इति श्री दुर्गा अष्टोत्तर शतनामावलिः

  धूपः -
  
 हन्तारं मदनस्य नन्दयसि यै.रङ्गै.रनङ्गोज्ज्वलैर्‌
   यै.र्भृङ्गावलि.नीलकुन्तलभरै.र्बध्नासि तस्याशयम्।
  तानीमानि तवाद्य कोमलतरा.ण्यामोद.लीलागृहा- 
   ण्यामोदाय दशाङ्ग.गुग्गुलु.घृतै.र्धूपै.रहं धूपये।।
• सुप्रजा.स्सा कर्दमेन  प्रसीद मयि कर्दम।
कुले वासय लक्ष्मीं तां  मातरं पद्ममालिनीम्‌।। 
महाकाली महालक्ष्मी महासरस्वती स्वरूपायै श्रीललिता परदेवतायै नमः। धूप माघ्रापयामि।।
 दीपः - 
  
   लक्ष्मीमुज्ज्वलयामि रत्ननिवहैर् भास्वत्तरे मन्दिरे 
   नानारत्न.विडंबिभि.र्मणिमय.स्तम्भेषु सम्भावितैः।
  चित्रैर्हाटक.पुत्रिका.करधृत.र्गव्यै.र्घृतै.र्वर्धितैर्
   दिव्यै.र्दीपगणै.र्धिया गिरिसुते त्वत्प्रीतये कल्प्यताम्।।
• सृजन्तु चाप.स्स्निग्धानि  वस चिक्लीत मे गृहे।
मातरं च श्रियं देवीं   कुले मम निवासय।।
महाकाली महालक्ष्मी महासरस्वती स्वरूपायै श्रीललिता परदेवतायै नमः। दीपं दर्शयामि।।
 नैवेद्यम् - 
  
   ह्रीङ्कारेश्वरि तप्तहाटक.कृत.स्थालीसहस्रै.र्भृतम्
   दिव्यान्नं घृत.सूप.शाकभरितं चित्रान्नभेदं तथा।
 दुग्धान्नं मधुशर्करा.दधियुतं माणिक्य.पात्रे स्थितम्
    माषापूप.सहस्र.मम्ब सफलं नैवेद्य मावेदये।।
• पुष्टि. मार्द्रां पुष्करिणीं  सुवर्णां स्वर्णमालिनीम्‌।
सूर्यां लक्ष्मीं स्वर्णरूपां जातवेदो म आह्वय।।
 महाकाली महालक्ष्मी महासरस्वती स्वरूपायै श्रीललिता परदेवतायै नमः। नैवेद्यं निवेदयामि। मध्ये मध्ये स्वादूदकं समर्पयामि। हस्तौ प्रक्षालयामि। पादौ प्रक्षालयामि। मुखे शुद्धाचमनीयं समर्पयामि।।
 ताम्बूलम् - 
  
    सच्छायै.र्वर.केतकी.दलरुचा ताम्बूलवल्लीदलैः
  पूगै.र्भूरिगुणै.स्सुगन्धि.मधुरै कर्पूर.खण्डोज्ज्वलैः।
  मुक्ताचूर्ण.विराजितै.र्बहुविधै.र्वक्त्राम्बुजामोदकैः
   पूर्णा रत्नकलाचिका तव मुदे न्यस्ता पुरस्ता.दुमे।।
• आर्द्रां यशस्करीं तन्वीं  पिङ्गला. मब्जमालिनीम्‌।
चन्द्रां स्वर्णमयीं लक्ष्मीं जातवेदो म आह्वय।।
 महाकाली महालक्ष्मी महासरस्वती स्वरूपायै श्रीललिता परदेवतायै नमः। ताम्बूलं समर्पयामि।। 
 नीराजनम् -
  
   कन्याभिः कमनीय कान्तिभि.रलं स्वश्रीभि.रारार्तिकम्
  पात्रे मौक्तिक.चित्र.पङ्क्ति.विलस.त्कर्पूर.दीपालिभिः।
 तत्तत्ताल.मृदङ्ग.गीत.सहितं नृत्य.त्पदाम्भोरुहम्
  मन्त्राराधन.पूर्वकं सुविहितं नीराजनं गृह्यताम्।।
• जातवेदा श्चाह्वयतात् तां लक्ष्मी.मनपायिनीम्‌। 
यस्यां प्रभूतं स्वर्णञ्च  पुरुषान् परिचारकान्‌।
गा अश्वान् पशुसंपत्तिं  लभेय. मह. मन्वहम्‌।।
 महाकाली महालक्ष्मी महासरस्वती स्वरूपायै श्रीललिता परदेवतायै नमः। नीराजनं दर्शयामि।।
 मन्त्रपुष्पम् -
  
   लक्ष्मी.र्मौक्तिक.लक्षकल्पित.सितच्छत्रं च धत्ते रसा-
   दिन्द्राणी च रतिश्च चामरवरौ धत्ते स्वयं भारती। 
  वीणा मेणविलोकना.स्सुमनसां नृत्यन्ति सर्वाङ्गनाः
    भावै.राङ्गिक.सात्त्विकै.स्स्फुटरसं मात.स्त्वयालोक्यताम्।।
 महाकाली महालक्ष्मी महासरस्वती स्वरूपायै श्रीललिता परदेवतायै नमः। मन्त्रपुष्पं समर्पयामि।।
 प्रदक्षिण नमस्काराः - 
  
   ह्रीङ्कारत्रय.संपुटेन मननोपास्ये त्रयीमौलिभिर्- 
  वाक्यै.र्लक्ष्यतनो तव स्तुतिविधौ को वा क्षमेताम्बिके।
 सल्लापा.स्स्तुतय प्रदक्षिणशतं सञ्चार एवास्तु मे
   सँवेशो नमसां सहस्र.मखिलं त्वत्प्रीतये कल्प्यताम्।।
श्रीमहाकाली महालक्ष्मी महासरस्वती स्वरूपिण्यै श्रीललिता परदेवतायै नमः। प्रदक्षिण नमस्कारान् समर्पयामि। 
 अपराध स्तुतिः -
  
   आवाहन.न्न जानामि न जानामि विसर्जनम्।
   पूजाञ्चैव न जानामि क्षम्यतां परमेश्वरि।।
   अपराध.सहस्राणि क्रियन्तेहर्निशं मया।
   दासोय.मिति मां मत्वा क्षमस्व परमेश्वरि।।
अनया पूजया श्री महाकाली महालक्ष्मी महासरस्वतीस्वरूपिणी भगवती सर्वात्मिका श्रीराजराजेश्वरी परदेवता प्रीयताम्। एतत्फलं श्रीपरमेश्वरार्पणमस्तु।
 फलश्रुतिः -
  
   श्रीमन्त्राक्षर.मालया गिरिसुतां य पूजये.च्चेतसा
   सन्ध्यासु प्रतिवासरं सुनियत.स्तस्यामलस्याचिरात्।
 चित्ताम्भोरुह.मण्डपे गिरिसुता नृत्तं विधत्ते सदा
   वाणी वक्त्रसरोरुहे जलधिजा गेहे जगन्मङ्गला।।
  
   भवानि त्वं दासे मयि वितर दृष्टिं सकरुणां
   इति स्तोतुं वाञ्छ.न्कथयति भवानि त्वमिति यः।
 तदैव त्वं तस्मै दिशसि निजसायुज्य पदवीं  
   मुकुन्द.ब्रह्मेन्द्र.स्फुट.मकुट.नीराजित.पदाम्।। १
  
    विद्युद्दाम समप्रभां मृगपतिस्कन्ध.स्स्थितां भीषणाम्
   कन्याभि करवाल.खेट.विलस.द्धस्ताभि.रासेविताम्। 
 हस्तै.श्चक्रधरालि.खेट.विशिखां.श्चापं गुणं तर्जनीम्
   बिभ्राणा.मनलात्मिकां शशिधरां दुर्गां त्रिनेत्रां भजे।।२
  
   विधे रज्ञानेन द्रविण विरहेणालसतया
   विधेयाशक्यत्वात् तव चरणयो.र्या च्युति.रभूत्।
 तदेतत् क्षन्तव्यं जननि सकलोद्धारिणि शिवे
   कुपुत्रो जायेत क्वचि.दपि कुमाता न भवति।। 3

 श्री देवी राजोपचार सेवा
  
   छन्दोभि.रखिलै स्तुत्ये छिन्न.दुर्दैत्य.कन्धरे।
 छत्रं स्वीकुरु सौवर्णं राजराजेश्वरीष्टदे।। छत्र.न्धारयामि।
  
   व्योमकेशि विशालाक्षि वयोवस्था.विवर्जिते।
 व्यजनेन वरिष्ठेन वीजयामि विशारदे।।  व्यजनेन वीजयामि।
    
 ध्वजद्रु.दल.ताटङ्के ध्वजिनीगण.सेविते।
 ध्वज.न्ते दर्शया.म्यद्य राजराजेश्वरीष्टदे।। ध्वजं दर्शयामि।
    
 बाण.तूणीर.सन्धात्रि बाणजि.त्करपूजिते।
 बाण.न्ते दर्शया.म्यद्य भाग्यदे वरवर्णिनि।। बाणं दर्शयामि।।
    
 दुर्लभे दुर्गमे दुर्गे दुर्ग कष्टनिवारिणि।
  दर्पणं दर्शया.म्यद्य दुराचार.विघातिनि।। दर्पणं दर्शयामि।

  वेदशास्त्रादि पठन सेवावधारणम्
  
   राकाचन्द्र समानास्ये राजीवनिभ.लोचने।
 राजराजेश्वरि श्रीशे राजन्य.कर.वन्दिते।।
 ऋग्वेदः -  
  
   ऋषिवृन्द समर्च्याङ्घ्रे ऋगादि श्रुति संस्तुते।
 ऋग्वेदं शृणु देवेशि ऋजुमार्ग प्रबोधिके।।
श्री राजराजेश्वरी देवि पराक्, ऋग्वेद प्रिये, ऋग्वेद.सेवा.मवधारय।।
 यजुर्वेदः-
  
   यजु.राम्नाय.सङ्घुष्टे यजनार्ह.पद.द्वये।
 यज्ञप्रिये यजुर्वेदं समाकर्णय मङ्गले।।
श्री राजराजेश्वरी देवि पराक्, यजुर्वेद प्रिये, यजुर्वेद.सेवा.मवधारय।।
 सामवेदः -
  
   सामगान.प्रिये सौम्ये समुद्रतनये शिवे।
 सामवेदं सदाराध्ये शृणु देवि शिवप्रिये।।
श्री राजराजेश्वरी देवि पराक्, सामवेद प्रिये, सामवेद.सेवा.मवधारय।।
 अथर्व वेदः- 
  
   अथर्वाम्नाय.सन्तुष्टे अथर्व.मुनि.वन्दिते।
 आथर्वण.महासूक्तं शृणु सौभाग्य.दायिनि।।
श्री राजराजेश्वरी देवि पराक्, अथर्व वेद प्रिये, अथर्ववेद.सेवा.मवधारय।।
  उपनिषत् -  
  
   उपचार प्रिये देवि उपघात.विनाशिनि।
 स्वस्ति चोपनिष.द्वाक्य-मवधारय शाङ्करि।।
श्री राजराजेश्वरी देवि पराक्, उपनिषत्प्रिये, उपनिषद्वाक्य.सेवा.मवधारय।।
  शास्त्रम् - 
  
    शस्त्र.मण्डित.हस्ताब्जे शास्त्रज्ञ.सुजन.प्रिये।
 शास्त्रतुष्टे शान्तिधात्रि शास्त्रवाक्य.मिदं शृणु।।
श्री राजराजेश्वरी देवि पराक्, शास्त्रप्रिये, शास्त्रपठन.सेवा.मवधारय।।
 पुराणम्- 
  
   पुराराति.प्रिये देवि पुराण.गण.संस्तुते।
 पुराराध्ये पूर्णरूपे पुराणं शृणु शाम्भवि।।
श्री राजराजेश्वरी देवि पराक्, पुराण प्रिये, पुराणपठन.सेवा.मवधारय।।
 स्तोत्रम्- 
  
   स्तोतव्य.गुण.सम्पन्ने स्तोत्रभीष्टप्रदे शिवे।
 स्तोत्रप्रिये मुनिस्तुत्ये स्तोत्रं शृणु जगत्प्रिये।।
श्री राजराजेश्वरी देवि पराक्, स्तोत्र प्रिये, स्तोत्रपठन.सेवा.मवधारय।।
 संगीतम्-
  
   सङ्गरागत.दैत्यघ्ने सङ्गीत.प्रियमानसे।
 सङ्गीतं शृणु शर्वाणि सङ्कल्पातीत.वैभवे।।
श्री राजराजेश्वरी देवि पराक्. सङ्गीतप्रिये, सङ्गीत.सेवा.मवधारय।।
 नृत्यम्- 
  
   नटराज.प्रिये देवि नाट्यानन्दित.मानसे।
 नृत्यं वीक्षस्व हे दुर्गे शिवे रम्भादि.वन्दिते।।
श्री राजराजेश्वरी देवि पराक्, नृत्य प्रिये, नृत्यसेवा.मवधारय।।
 पञ्चाङ्ग पठनम् -
  
   पञ्चानन.समारूढे पञ्चास्य.नयन.प्रिये।
 पञ्चमालाप.सन्तुष्टे पञ्चाङ्गं शृणु पार्वति।।
श्री राजराजेश्वरी देवि पराक्, कालात्मिके, पञ्चाङ्ग.श्रवण.सेवा.मवधारय।।

  कमलारात्रिक दीप दर्शनम्  - १
  
   सहस्रदल मध्यस्थां चित्प्रकाश.स्वरूपिणीम्।
 नमामि परमां नित्यां श्री देवीं कमलालयाम्।।
 कन्यारात्रिक दीप दर्शनम्  - २
  
   वज्र.वैढूर्य.दीप्ताङ्गीं सकलाभरणै.र्युताम्।
 सहस्र चन्द्रसूर्याभां देवीं कन्यां नमा.म्यह्यम्।।
 मयूरारात्रिक दीप दर्शनम् - ३
  
   विचित्र.विश्वरचना-चतुरां परदेवताम्।
 मयूरासन संरूढां नमामि विधिसुन्दरीम्।।
 गजारात्रिक दीप दर्शनम् - ४
  
   ऐरावत.स्सुप्रतीको वामनोन्ये च दिग्गजाः।
 नीराजन.विधिं देवि कुर्वन्ति हरवल्लभे।।
 मूषकारात्रिक दीप दर्शनम् - ५
  
    महामूषक.दर्पघ्नो गजवक्त्र.स्तवात्मजः।
 मूषका द्योतयन्ति त्वां स्वीकुरुष्व शिवात्मिके।।
 गरुडारात्रिक दीप दर्शनम् - ६
  
   विनताया कुमार.स्तु गरुडो विष्णुवाहनः।
 ज्योतिर्मयी.न्त्वां देवेशि सन्दीपयति शाङ्करि।।
 नन्द्यारात्रिक दीप दर्शनम् -७
  
   नन्दीश्वरो महातेजा.-श्शिवस्य शुभवाहनः।
 करोति तव दीपार्चां स्वीकुरुष्व महेश्वरि।।
 अश्वारात्रिक दीप दर्शनम् -८
  
   द्युलोके दीप्यमानाश्वा द्योतयन्तो जगन्मयीम्।
 तव सेवां प्रकुर्वन्ति स्वीकुरुष्व सुरेश्वरि।।
 कलशारात्रिक दीप दर्शनम् -९
  
   कलशोद्भव दुर्वासः-पूजिते परदेवते।
 सन्दर्शयामि देवेशि कलशारात्रिकं शुभम्। 
 चामरवीजनम्
  
 चारुचन्द्रकलाचूडे चण्डमुण्ड.विनाशिनि।
  चामरे वीजया.म्यद्य चारुदेह विराजिते। चामराभ्यां वीजयामि।
 कुमारी पूजा
  
 यजमानः पूजयेच्च कन्यानां नवकं शुभम्।
  द्विवर्षाद्या दशाब्दान्ताः कुमारीः परिपूजयेत्।।
(अर्धा.देकहायनाल्पवयस्का वर्ज्या। आसने उपवेश्य, मन्त्रेणावाहयेत्)

  
 मन्त्राक्षरमयीं देवीं, मातॄणां रूपधारिणीम्।
 नवदुर्गात्मिकां साक्षात्, कन्या.मावाहया.म्यहम्।।
(अनेनैव मन्त्रेण नवापि आवाहयेत्)
 अशक्ते, एकां वा यथाशक्ति पूजयेत्। अथ नवानां पूजामन्त्राः।।
1) द्विहायना कुमारी
  
 सर्वस्वरूपे सर्वेशे सर्वशक्ति.स्वरूपिणि।
 पूजां गृहाण कौमारि जगन्मातर् नमोस्तुते।।
2. त्रिहायना त्रिमूर्तिः
  
 त्रिपुरां त्रिपुराधारां त्रिवर्षां ज्ञानरूपिणीम्।
 त्रैलोक्य.वन्दितां देवीं त्रिमूर्तिं पूजया.म्यहम्।।
3. चतुर्वर्षा कल्याणी
  
 कलात्मिकां कलातीतां कारुण्यहृदयां शिवाम्।
 कल्याणजननीं देवीं कल्याणीं पूजया.म्यहम्।।
4. पञ्चवर्षा रोहिणी
  
 अणिमादि गुणाधारा-मकाराद्यक्षरात्मिकाम्।
 अनन्तशक्तिकां लक्ष्मीं रोहिणीं पूजया.म्यहम्।।
5. षड्वर्षा कालिका
  
 कामचारां शुभां कान्तां, कालचक्र.स्वरूपिणीम्।
 कामदां करुणोदारां कालिकां पूजया.म्यहम्।।
6. सप्तवर्षा चण्डिका
  
 चण्डवीरां चण्डमायां चण्डमुण्ड.प्रभञ्जनीम्।
 पूजयामि सदा देवीं, चण्डिकां चण्डविक्रमाम्।।
7. अष्टवर्षा शाम्भवी
  
 सदानन्दकरीं शान्तां सर्वदेव.नमस्कृताम्।
 सर्वभूतात्मिकां लक्ष्मीं शाम्भवीं पूजया.म्यहम्।।
8. नवहायना दुर्गा
  
 दुर्गमे दुस्तरे कार्ये, भवदुःख.विनाशिनीम्।
 पूजयामि सदा भक्त्या, दुर्गां दुर्गार्ति.नाशिनीम्।।
9. दशवर्षा सुभद्रा
  
 सुन्दरीं स्वर्णवर्णाभां, सुखसौभाग्य.दायिनीम्।
 सुभद्रजननीं देवीं, सुभद्रां पूजया.म्यहम्।।
(एतै.र्मन्त्रै.षोडशोपचारैः पञ्चोपचारैर्वा पूजयेत्। नूतनवस्त्रालङ्कारादि दद्यात्)
पूजांग पायस बलिः
मूलमन्त्रं पठन्, आवरणदेवता सहित श्री महाकाली महलक्ष्मी महासरस्वती स्वरूपिण्यै श्री राजराजेश्वरी परदेवतायै नमः पायस बलिं समर्पयामि। इति बलिं दत्वा अक्षतोदकं विसृजेत्।
ततो हरिद्रा.कुङ्कुम.वस्त्र.फल.पुष्प,.ताम्बूलाद्यैः, सुवासिन्यर्चन प्रीता शोभना शुद्धमानसा - इति मन्त्रेण ब्राह्मण.सुवासिनी.पूजां कुर्यात्।
==00==