Rama Panchaka Stotram
राम पञ्चक स्तोत्रम्
जयतु जयतु रामो धर्म-मर्मज्ञ सम्राट्
जयतु जयतु कौसल्यासुतो वेदवर्त्मा।
जयतु जयतु रामो लोक पीडाविनाशो
जयतु जयतु सीता-नायको लोकनाथः।। १
तुदतु तुदतु रामो दैत्यहन्ता कुबुद्धिं
तुदतु तुदतु लोके भावदारिद्र्यजालम्।
तुदतु तुदतु रामो धर्ममार्गादपेतिं
तुदतु तुदतु राजा नित्यकार्पण्यतानम्॥ २
दिशतु दिशतु रामो धर्मसम्पत्तिमाद्यो
दिशतु दिशतु देवो शुद्धमर्थं प्रजानाम्।
दिशतु दिशतु रामः कामितं श्रेयसेऽलं
दिशतु दिशतु मह्यं सन्ततं मोक्षमार्गम्॥ ३
भजतु भजतु रामं लोकजातं विनीतं
भजतु भजतु धर्मे श्रद्दधानं महत्ताम्।
भजतु भजतु रामान्मित्रवात्सल्यबन्धं
भजतु भजतु सर्वो मोदमानन्दलाभम्॥ ४
भवतु भवतु रामो बुद्धिशुद्धौ सदा मे
भवतु भवतु रामेणान्वितं चित्तमद्य।
भवतु भवतु रामे मोदमानं मनो मे
भवतु भवतु रामाहङ्कृतिर्नित्यसत्या॥ ५
श्रीरामसेवनासक्ताः रामभक्तिप्रपत्तितः!।
श्रीरामपञ्चकस्तोत्रं प्रपठन्तु महाशयाः॥
जय जय श्रीराम
- वंशीकृष्ण घनपाठी, मैसूरु
अयोध्या- श्रीराम जन्मक्षेत्रे नूतनदेवायतने
प्रथमश्रीरामनवमी शुभावसरे
श्रीरामचरणारविन्दयुगले समर्पितम्॥