नवग्रह स्तोत्रम् - मृत्युञ्जय स्तोत्रम् (व्यासकृतम्) ===
नमस्सूर्याय चन्द्राय मङ्गलाय बुधाय च।
गुरुशुक्रशनिभ्यश्च राहवे केतवे नमः।।
1) जपाकुसुम संकाशं काश्यपेयं महाद्युतिम्।
तमोघ्नं सर्वपापघ्नं प्रणतोस्मि दिवाकरम्।। 		सूर्यग्रहाय नमः।
2) दधिशङ्खतुषाराभं क्षीरोदार्णव सम्भवम्।
नमामि शशिनं सोमं शम्भो.र्मुकुटभूषणम्।। 	चन्द्रग्रहाय नमः।
3) धरणी.गर्भ.सम्भूतं विद्युत्कान्ति.समप्रभम्।
कुमारं शक्तिहस्तं तं मंगलं प्रणमाम्यहम्।। 		कुजग्रहाय नमः।
4) प्रियंगुकलिका.श्यामं रूपेणाप्रतिमं बुधम्।
सौम्यं सौम्यगुणोपेतं तं बुधं प्रणमाम्यहम्।। 	बुधग्रहाय नमः।
5) देवानां च ऋषीणां च गुरुं काञ्चनसन्निभम्।
बुद्धिभूतं त्रिलोकेशं तं नमामि बृहस्पतिम्।। 		बृहस्पतिग्रहाय नमः।
6) हिमकुन्दमृणालाभं दैत्यानां परमं गुरुम्।
सर्वशास्त्रप्रवक्तारं भार्गवं प्रणमाम्यहम्।। 		शुक्रग्रहाय नमः।
7) नीलाञ्जन.समाभासं रविपुत्रं यमाग्रजम्।
छायामार्ताण्डसम्भूतं तं नमामि शनैश्चरम्।। 		शनैश्चरग्रहाय नमः।
8) अर्धकायं महावीरं चन्द्रादित्य.विमर्दनम्।
सिंहिकागर्भ.सम्भूतं तं राहुं प्रणमाम्यहम्।। 		राहुग्रहाय नमः।
9) पलाशपुष्प.सङ्काशं तारका.ग्रह.मस्तकम्।
रौद्रं रौद्रात्मकं घोरं तं केतुं प्रणमाम्यहम्।। 	केतुगणाय नमः। =====
10) मृत्युञ्जयाय रुद्राय नीलकण्ठाय शम्भवे।
अमृतेशाय शर्वाय महादेवाय ते नमः।। 	 मृत्युञ्जयाय नमः। 
=====
11) सूर्य.श्शौर्य,मथेन्दु.रुच्चपदवीं, सन्मंगलं मंगल: 
     सद्बुद्धिञ्च बुधो, गुरुश्च गुरुतां, शुक्र.स्सुखं शं शनिः।
     राहु.र्बाहुबलं करोतु विपुलं, केतुः कुलस्योन्नतिम् 
     नित्यं प्रीतिकरा भवन्तु भवतां, सर्वेनुकूला ग्रहाः।।
सूर्य-चन्द्र- कुज- बुध- गुरु- शुक्र- शनि- राहु - केतवः प्रीयन्ताम्।।
सूर्यपुरोगा.स्सर्वे ग्रहाः प्रीयन्ताम्।।
मृत्युञ्जयः प्रीयताम्।।