मृत्युञ्जय होम सङ्कल्पः
मम उपात्त समस्तदुरित क्षयद्वारा श्रीपरमेश्वर प्रीत्यर्थम्,
मम अपमृत्युनिवारणद्वारा वेदोक्त-आयुष्याभिवृद्ध्यर्थम्,
आधिभौतिक-आधिदैविक- आध्यात्मिकतापत्रय-प्रशमानार्थम्
मृत्युञ्जयप्रसादद्वारा आयुरारोग्यवृद्ध्यर्थम्, निरामयतासिद्धिद्वारा - स्वस्थतासिद्धये, 
आचार्यादि- ऋत्विक्-मुखेन मृत्युञ्जयमन्त्रानुष्ठानपुरस्सरं मृत्युञ्जयहोमाख्यं कर्म करिष्ये।।
---
मृत्युञ्जयाय रुद्राय नीलकण्ठाय शम्भवे।
अमृतेशाय शर्वाय महादेवाय ते नमः।।
---
ॐ अस्य श्री सदाशिवस्तोत्र मन्त्रस्य मार्कण्डेय ऋषिः अनुष्टुप्छन्दः 
श्री साम्बसदाशिवो देवता। गौरी शक्ति:।
मम सर्वारिष्ट निवृत्त पूर्वक शरीरारोग्य सिद्धये मृत्युञ्जयप्रीत्यर्थे पाठे विनियोग:॥

ॐ रुद्रं पशुपतिं स्थाणुं नीलकण्ठमुमापतिम्।
नमामि शिरसा देवं किन्नो मृत्यु: करिष्यति॥	1

नीलकण्ठं विरुपाक्षं निर्मलं निर्भयं प्रभुम्।
नमामि शिरसा देवं किन्नो मृत्यु: करिष्यति॥	2

कालकण्ठं कालमूर्तिं कालज्ञं कालनाशनम्।
नमामि शिरसा देवं किन्नो मृत्यु: करिष्यति॥	3

वामदेवं महादेवं शङ्करं शूलपाणिनम्।
नमामि शिरसा देवं किन्नो मृत्यु: करिष्यति॥	4

देव देवं जगन्नाथं देवेशं वृषभध्वजम्।
नमामि शिरसा देवं किन्नो मृत्यु: करिष्यति॥	5

गङ्गाधरं महादेवं लोकनाथं जगद्गुरुम्।
नमामि शिरसा देवं किन्नो मृत्यु: करिष्यति॥	6

भस्म धूलित सर्वांगं नागाभरणभूषितम्।
नमामि शिरसा देवं किन्नो मृत्यु: करिष्यति॥	7

आनन्दं परमानन्दं कैवल्यपददायकम्।
नमामि शिरसा देवं किन्नो  मृत्यु: करिष्यति॥8

स्वर्गापवर्गदातारं सृष्टिस्थित्यन्त कारणम्।
नमामि शिरसा देवं किन्नो मृत्यु: करिष्यति॥	9

प्रलयस्थिति.कर्तार-मादिकर्तार.मीश्वरम्।
नमामि शिरसा देवं किन्नो मृत्यु: करिष्यति॥10

मार्कण्डेय कृतं स्तोत्रं यः पठे.च्छिवसन्निधौ।
तस्य मृत्युभयं नास्ति सत्यं सत्यं वदाम्यहम्॥11

सत्यं सत्यं पुन.स्सत्यं- सत्य.मेत.दिहोच्यते।
प्रथमं तु महादेवं द्वितीयं तु महेश्वरम्॥	12

तृतीयं शङ्करं देवं चतुर्थं वृषभध्वजम्।
पञ्चमं शूलपाणिञ्च षष्ठं कामाग्निनाशनम्॥	13

सप्तमं देवदेवेशं श्रीकण्ठं च तथाष्टमम्।
नवम.मीश्वरं चैव दशमं पार्वतीश्वरम्॥	14

रुद्र.मेकादशं चैव द्वादशं शिवमेव च।
एतद् द्वादश नामानि त्रिसन्ध्यं य: पठेन्नरः॥	15

ब्रह्मघ्नश्च कृतघ्नश्च भ्रूणहा गुरुतल्पग:।
सुरापानं कृतः पापी आततायी च मुच्यते॥	16

बालस्य घातकश्चैव स्तुते च वृषभध्वजम्।
मुच्यते सर्वपापेभ्यो शिवलोकं च गच्छति।	17

इति श्री मार्कण्डेयकृतं मृत्युञ्जयस्तोत्रं सम्पूर्णम्।।