महान्यासः (यजुर्वेदीयः बोधायनोक्तविधिः)
रुद्राभिषेचनविधिः
----
आदौ पञ्चाङ्ग रौद्रीकरणम्
(शिव पञ्चाक्षरी मन्त्रस्य पञ्चाक्षरान् पञ्चदिक्षु न्यसेत्)
अथात पञ्चाङ्ग रुद्राणाम्।।
• ओङ्कार मन्त्र सँयुक्तं नित्य न्ध्यायन्ति योगिनः।
कामदं मोक्षदं तस्मै ओङ्काराय नमो नमः।।
• नमस्ते देव देवेश नमस्ते परमेश्वर।
नमस्ते वृषभारूढ नकाराय नमोनमः।।
ॐ भूर्भुवस्सुवः। ॐ नं।
नमस्ते रुद्र मन्यव ....... रुद्र मृडय। ॐ नमो भगवते रुद्राय।
नं ॐ पूर्वाङ्ग रुद्राय नमः।।
• महादेवं महात्मानं महापातक नाशनम्।
महापाप हरं वन्दे मकाराय नमो नमः।।
ॐ भूर्भुव स्सुवः। ॐ मं।
निधन पतये नमः। ... परमलिङ्गाय नमः।।
ॐ नमो भगवते रुद्राय। मं ॐ। दक्षिणाङ्ग रुद्राय नमः।।
• शिवं शान्तं जगन्नाथं लोकानु ग्रहकारणम्।
शिवमेकं परं वन्दे शिकाराय नमो नमः।।
ॐ भूर्भुवस्सुवः। ॐ शिं।
अपैतु मृत्युरमृतं ... न श्शचीपतिः।। ॐ नमो भगवते रुद्राय। शिं ॐ। पश्चिमाङ्ग रुद्राय नमः।।
• वाहनं वृषभो यस्य वासुकि कण्ठभूषणम्।
वामे शक्तिधरं वन्दे वकाराय नमो नमः।।
ॐ भूर्भुवस्सुवः।। ॐ वां।
प्राणानां ग्रन्थिरसि ..... मृत्युर्मे पाहि।। ॐ नमो भगवते रुद्राय। वां ॐ। उत्तरांग रुद्राय नमः।।
• यत्र कुत्र स्थितं देवं सर्व व्यापिन मीश्वरम्।
यल्लिङ्गं पूजये न्नित्यं यकाराय नमो नमः।।
ॐ भूर्भुवस्सुवः।। ॐ यं।
यो रुद्रो अग्नौ यो ...... रुद्राय नमो अस्तु।। ॐ नमो भगवते रुद्राय। यं ॐ। ऊर्ध्वांग रुद्राय नमः।।
(नमस्ते निधनापैतु प्राणानां यो रुद्रः पञ्च।)
----
पञ्चमुख ध्यानम्
ॐ भूर्भुवस्सुवः। ॐ नं।।
तत्पुरुषाय विद्महे महा देवाय धीमहि। तन्नो रुद्रः प्रचोदयात्।।
• सँवर्ताग्नि तटि त्प्रदीप्त कनक प्रस्पर्धि तेजोमयं
गंभीर ध्वनि सामवेदजनकं ताम्राधरं सुन्दरम्।
अर्धेन्दु द्युतिलोल पिङ्गळ जटाभार प्रबद्धोरगं
वन्दे सिद्ध सुरासुरेन्द्र नमितं पूर्वं मुखं शूलिनः।।
ॐ नमो भगवते रुद्राय। नं ॐ। पूर्वमुखाय नमः।
ॐ भूर्भुवस्सुवः। ॐ मं।
अघोरेभ्योथ घोरेभ्यो ... रुद्र रूपेभ्यः।।
• कालाभ्र भ्रमराञ्जन द्युति निभं व्यावृत्त पिङ्गेक्षणं
कर्णोद्भासित भोगिमस्तक मणि प्रोद्गीर्ण दंष्ट्राङ्कुरं।
सर्प प्रोत कपाल शुक्ति शकल व्याकीर्ण सच्छेखरं
वन्दे दक्षिण मीश्वरस्य कुटिलभ्रूभङ्ग रौद्रं मुखम्।।
ॐ नमो भगवते रुद्राय। मं ॐ। दक्षिणमुखाय नमः।।
ॐ भूर्भुवस्सुवः। ॐ शिं।
सद्योजातं प्रपद्यामि... भवोद्भवाय नमः।।
• प्रालेयाचल मिन्दु कुन्द धवळं गोक्षीर फेनप्रभं
भस्माभ्यक्त मनङ्ग देह दहन ज्वालावळी लोचनम्।
ब्रह्मेन्द्रादि मरुद्गणै स्स्तुतिपदै रभ्यर्चितं योगिभिः
वन्देहं सकलं कळङ्करहितं स्थाणो र्मुखं पश्चिमम्।।
ॐ नमो भगवते रुद्राय।। शिं ॐ।। पश्चिम मुखायनमः।।
ॐ भूर्भुवस्सुवः। ॐ वां।
वामदेवाय नमो ज्येष्ठाय ... नमो मनोन्मनाय नमः।।
• गौरं कुङ्कुम पङ्किलं सुतिलकं व्यापाण्डु गण्ड स्थलं
भ्रूविक्षेप कटाक्ष वीक्षण लसत्संसक्त कर्णोत्पलम्।
स्निग्धं बिंब फलाधर प्रहसितं नीलालकालङ्कृतं
वन्दे पूर्णशशाङ्क मण्डल निभं वक्त्रं हरस्योत्तरम्।।
ॐ नमो भगवते रुद्राय। वां ॐ।। उत्तरमुखाय नमः।
ॐ भूर्भुवस्सुवः। ॐ यं।
ईशानस्सर्वविद्यानां ... सदाशिवोम्।।
• व्यक्ताव्यक्त गुणेतरं सुविमलं षट्त्रिंश तत्त्वात्मकं
तस्मादुत्तम तत्त्व मक्षर मिति ध्येयं सदा योगिभिः।
ओङ्कारादि समस्त मन्त्रजनकं सूक्ष्मादि सूक्षं परं
शान्तं पञ्चम मीश्वरस्य वदनं खव्यापि तेजोमयम्।।
ॐ नमो भगवते रुद्राय। यं ॐ।। ऊर्ध्वमुखाय नमः।
• पूर्वे पशुपति पातु दक्षिणे पातु शङ्करः।
पश्चिमे पातु विश्वेशो नीलकंठस्तथोत्तरे।।
• ईशान्यां पातु मां शर्वो ह्याग्नेय्यां पार्वतीपतिः।
नैर्ऋत्यां पातु मे रुद्रो वायव्यां नीललोहितः।।
• ऊर्ध्वे त्रिलोचन पातु - अधरायां महेश्वरः।
एताभ्यो दश दिग्भ्यस्तु सर्वत पातु शङ्करः।।
-----
न्यास खण्डः
(नारुद्रो रुद्रमर्चयेत्। अतः, महान्यास मन्त्रै रात्मानं रुद्ररूपं भावयेत्। तदेव रौद्रीकरणम्) न्यासपूर्वकं जप होमार्चनाभिषेक विधिं व्याख्यास्यामः। (बौधायन गृह्य सूत्रम्)
1. ॐ याते रुद्र शिवा ........ चाकशीहि।। शिखायै नमः।।
2. ॐ अस्मिन्महत्यर्णवे ... धन्वानि तन्मसि।। शिरसे नमः।
3. ॐ सहस्राणि सहस्रशो... धन्वानि तन्मसि।। ललाटाय नमः।
4. ॐ हस श्शुचिष ... ऋतं बृहत्।। भ्रुवो र्मध्याय नमः।
5. ॐ त्र्यम्बकं यजामहे ... मामृतात्।। नेत्राभ्यां नमः।
6. ॐ नम स्स्रुत्याय च ..... वैशन्ताय च। कर्णाभ्यां नमः।
7. ॐ मानस्तोके तनये ... हविष्मन्तो नमसा विधेम ते।। नासिकायै नमः।
8. ॐ अवतत्य धनुस्त्व ....... शिवो न स्सुमना भव। मुखाय नमः।
9. ॐ नीलग्रीवा श्शितिकण्ठा श्शर्वा .... तेषा सहस्र ... तन्मसि।। कण्ठाय नमः।
10. ॐ नीलग्रीवा श्शितिकण्ठा दिव ... तेषा सहस्र ... तन्मसि।। उप कण्ठाय नमः।
11. ॐ नमस्ते अस्त्वायुधा .... बाहुभ्या न्तव धन्वने।। बाहुभ्यां नमः।
12. ॐ या ते हेतिर्मीढुष्टम ... परिब्भुज।। उपबाहुभ्यां नमः।।
13. ॐ ये तीर्थानि प्रचरन्ति ... तेषा सहस्र ...... तन्मसि।। हस्ताभ्यां नमः।
14. ॐ सद्योजातं .... भवोद्भवाय नमः।। अङ्गुष्ठाभ्यां नमः।
15. ॐ वामदेवाय नमो ... मनोन्मनाय नमः। तर्जनीभ्यां नमः।
16. ॐ अघोरेभ्यो ... रुद्ररूपेभ्यः।। मध्यमाभ्यां नमः।
17. ॐ तत्पुरुषाय ... रुद्र प्रचोदयात्।। अनामिकाभ्यां नमः।
18. ॐ ईशान स्सर्व विद्यानां ... सदाशिवोम्। कनिष्ठिकाभ्यां नमः।
19. ॐ नमो व किरिकेभ्यो देवाना ..... आमीवत्केभ्यः।। हृदयाय नमः।
20. ॐ नमो गणेभ्यो ... विश्वरूपेभ्यश्च वो नमो नमः। पृष्ठाय नमः।
21. ॐ नम स्तक्षभ्यो ... कर्मारेभ्यश्च वो नमो नमः। कक्षाभ्यां नमः।
22. ॐ नमो हिरण्यबाहवे ....पशूनां पतये नमः।। पार्श्वाभ्यां नमः।
23. ॐ विज्य न्धनु कपर्दिनो ... आभुरस्य निषङ्गथिः।। जठराय नमः।
24. ॐ हिरण्यगर्भ स्समवर्तताग्रे भूतस्य जात पति रेक आसीत्। स दाधार पृथिवी न्द्यामुतेमा ङ्कस्मै देवाय हविषा विधेम।। नाभ्यै नमः।
25. ॐ मीढुष्टम शिवतम ..... बिभ्रदागहि।। कट्यैनमः।
26. ॐ ये भूतानामधिपतयो ... तेषासहस्र...तन्मसि।। गुह्याय नमः।
27. ॐ ये अन्नेषु विविध्यन्ति ... तेषा सहस्र .... तन्मसि। अण्डाभ्यां नमः।
28. ॐ सशिरा जातवेदाः। अक्षरं परमं पदम्। वेदाना शिर उत्तमम्। जातवेदसे शिरसि माता। ब्रह्मभूर्भुव स्सुवरोम्।। अपानायनमः।
(अप उपस्पृश्य)
29. ॐ मा नो महान्त मुत .... रुद्र रीरिषः।। ऊरुभ्यां नमः।
30. ॐ एष ते रुद्रभाग स्तजुषस्व तेनावसेन परो मूजवतोती ह्यवततधन्वा पिनाक हस्त कृत्तिवासाः।। जानुभ्यां नमः।
31. ॐ ससृष्टजित्सोमपा बाहुशर्ध्यूर्ध्वधन्वा प्रतिहिताभि रस्ता। बृहस्पते परीदीया रथेन रक्षोहामित्रा अपबाधमानः।। जङ्घाभ्यां नमः।
32. ॐ विश्वं भूतं भुवनं चित्रं बहुधा जातं जायमानं च यत्। सर्वो ह्येष रुद्र स्तस्मै रुद्राय नमो अस्तु।। गुल्फाभ्यां नमः।
33. ॐ ये पथां पथिरक्षय ... तेषा सहस्र ... तन्मसि। पादाभ्यां नमः।
34. ॐ अध्यवोच दधिवक्ता ...... यातुधान्यः।। कवचायनमः।
35. ॐ नमोबिल्मिने च कवचिने ... श्रुतसेनायच।। उपकवचाय नमः।
36. ॐ नमो अस्तु नीलग्रीवाय ...तेभ्योकरं नमः।। तृतीयनेत्राय नमः।
37. ॐ प्रमुञ्च धन्वनस्त्व ... परा ता भगवो वप।। अस्त्राय फट्।।
38. ॐ य एतावन्तश्च... तेषा सहस्र ...तन्मसि।। इति दिग्बन्धः।।
ॐ नमो भगवते रुद्रायेति नमस्कारं विन्यसेत्।।
अथ दशाक्षर न्यासः
ॐ मूर्ध्ने नमः।। नं नासिकायै नमः।। मों ललाटाय नमः।।
भं मुखाय नमः।। गं कंठाय नमः।। वं हृदयाय नमः।।
तें दक्षिणहस्ताय नमः।। रुं वामहस्ताय नमः।। द्रां नाभ्यै नमः।।
यं पादाभ्यां नमः।। (अप उपस्पृश्य)
पञ्चब्रह्ममन्त्र न्यासः
ॐ सद्योजातं ... भवोद्भवायनमः।। पादाभ्यां नमः।
ॐ वामदेवायनमो ... मनोन्मनायनमः।। ऊरुमध्याभ्यां नमः।
ॐ अघोरेभ्यो .... रुद्ररूपेभ्य।। हृदयाय नमः।
तत्पुरुषाय विद्महे .... रुद्रः प्रचोदयात्।। मुखाय नमः।
ॐ ईशानस्सर्व विद्यानां ... सदाशिवोम्। मूर्ध्ने नमः।।
हंसमन्त्र जपः
अस्य श्री हंसगायत्री स्तोत्रमहामंत्रस्य। आत्मा - ऋषिः। परमात्मा देवता।
अव्यक्त गायत्री छन्दः। हंस गायत्री प्रसाद सिद्ध्यर्थे हंस गायत्री जपे विनियोगः।।
करन्यासः
हं सां अंगुष्ठाभ्यां नमः। हं सीं तर्जनीभ्यां नमः।
हं सूं मध्यमाभ्यां नमः। हं सैं अनामिकाभ्यां नमः।
हं सौं कनिष्ठिकाभ्यां नमः। हंसः करतलकर पृष्ठाभ्यां नमः।
अङ्गन्यासः
हं सां हृदयायनमः। हं सीं शिरसे स्वाहा।
हं सूं शिखायै वषट्। हं सैं कवचायहुं।
हं सौं नेत्रत्रयायवौषट्। हं सः अस्त्रायफट्।
भूर्भुव स्सुव रोमिति दिग्बंधः।।
ध्यानम्
• गमागमस्थं गगनादि शून्यं चिद्रूपदीपं तिमिरापहारम्।
पश्यामि ते सर्वजनान्तरस्थं नमामि हंसं परमात्मरूपम्।।
• देहो देवालय प्रोक्तो जीवो देव स्सनातनः।
त्यजे दज्ञान निर्माल्यं सोहं भावेन पूजयेत्।।
ॐ हंस हंस परम हंस स्सोहं हंस स्सोहं हंसः।
हंस हंसाय विद्महे परम हंसाय धीमहि। तन्नो हंस प्रचोदयात्।।
• हंस हंसेति यो ब्रूया द्धंसो नाम सदाशिवः।
एवं न्यास विधि ङ्कृत्वा तत स्संपुट मारभेत्।।
-----
संपुटीकरणम्
(इन्द्रादीन् दश दिक्षु विन्यस्य)
ॐ भूर्भुवस्सुवः।। ॐ ॐ।।
त्रातार मिन्द्र मवितार मिन्द्र हवेहवे सुहव शूर मिन्द्रम्। हुवे नु शक्रं पुरुहूत मिन्द्र स्वस्ति नो मघवा धात्विन्द्रः।।
ॐ नमो भगवते रुद्राय।। ॐ ॐ पूर्वदिग्भागे इन्द्राय नमः।।
ॐ भूर्भुवस्सुवः।। ॐ नं।।
त्वन्नो अग्ने वरुणस्य विद्वा न्देवस्य हेडोव यासिसीष्ठाः। यजिष्ठो वह्नितम श्शोशुचानो विश्वा द्वेषासि प्रमुमुग्ध्यस्मत्।।
ॐ नमो भगवते रुद्राय। नं ॐ। आग्नेय दिग्भागे अग्नये नमः।।
ॐ भूर्भुव स्सुवः।। ॐ मों।।
सुगन्न पन्था मभय ङ्कृणोतु। यस्मि न्नक्षत्रे यम एति राजा। यस्मि न्नेन मभ्यषिञ्चन्त देवाः। तदस्य चित्र हविषा यजाम।।
ॐ नमो भगवते रुद्राय।। मों ॐ।। दक्षिण दिग्भागे यमाय नमः।।
ॐ भूर्भुव स्सुवः।। ॐ भं।।
असुन्वन्त मयजमान मिच्छ स्तेनस्येत्यां तस्करस्यान्वेषि। अन्य मस्म दिच्छ सा त इत्या नमो देवि निर्ऋते तुभ्यमस्तु।।
ॐ नमो भगवते रुद्राय।भं ॐ। निर्ऋतिदिग्भागे निर्ऋतये नमः।।
ॐ भूर्भुवस्सुवः।। ॐ गं।।
तत्त्वायामि ब्रह्मणा वन्दमान स्तदाशास्ते यजमानो हविर्भिः। अहेडमानो वरुणेह बोध्युरुशस मा न आयु प्र मोषीः।।
ॐ नमो भगवते रुद्राय। गं ॐ। पश्चिम दिग्भागे वरुणाय नमः।।
ॐ भूर्भुव स्सुवः।। ॐ वं।।
आ नो नियुद्भि श्शतिनीभि रध्वर सहस्रिणीभि रुप याहि यज्ञम्। वायो अस्मिन् हविषि मादयस्व यूयं पात स्वस्तिभि स्सदा नः।।
ॐ नमो भगवते रुद्राय। वं ॐ।। वायव्य दिग्भागे वायवे नमः।।
ॐ भूर्भुव स्सुवः।। ॐ तें।।
वय सोम व्रते तव। मन स्तनूषु बिभ्रतः। प्रजावन्तो अशीमहि।
ॐ नमोभगवते रुद्राय। तें ॐ। उत्तर दिग्भागे कुबेराय नमः।।
ॐ भूर्भुव स्सुवः।। ॐ रुं।।
तमीशानं जगत स्तस्थुष स्पतिं धियं जिन्व मवसे हूमहे वयम्। पूषा नो यथा वेदसा मसद्वृधे रक्षिता पायु रदब्ध स्स्वस्तये।।
ॐ नमो भगवते रुद्राय।। रुं ॐ।। ईशान्य दिग्भागे ईशानाय नमः।।
ॐ भूर्भुव स्सुवः।। ॐ द्रां।।
अस्मे रुद्रा मेहना पर्वतासो वृत्रहत्ये भरहूतौ सजोषाः। य श्शंसते स्तुवते धायि पज्र इन्द्र ज्येष्ठा अस्माँ अवन्तु देवाः।।
ॐ नमो भगवते रुद्राय। द्रां ॐ। ऊर्ध्वदिग्भागे आकाशाय नमः।।
• ॐ भूर्भुव स्सुवः। ॐ यं।
स्योना पृथिवि भवा नृक्षरा निवेशनी। यच्छा न श्शर्म सप्रथाः।।
ॐ नमो भगवते रुद्राय। यं ॐ। अधो दिग्भागे पृथिव्यै नमः।।
• आदौ प्रणव मुच्चार्य व्याहृति प्रणवं ततः।
बीजं प्रणव मुच्चार्य मन्त्रान्ते बीज मुच्चरेत्।।
-----
दशाङ्ग रौद्रीकरणम्
• ललाट नेत्र कर्णेषु मुखे बाह्वोश्च नासिके।
जठरे नाभिमूर्ध्नोश्च पादयो र्दश दैहिकम्।।
बीजं मन्त्रं समुच्चार्य मन्त्रान्ते बीज मुच्चरेत्।
ॐ भूर्भुवस्सुवः। ॐ ॐ।। नम श्शम्भवे च .... शिवतराय च।।
त्रातारमिन्द्र ..... मघवा धात्विंद्रः। नम श्शम्भवे च .... शिवतराय च।।
ॐ नमो भगवते रुद्राय।। ॐ ॐ।। ललाटस्थाने इन्द्राय नमः।।
ॐ भूर्भुवस्सुवः। ॐ नं।। नमश्शंभवे च ..... शिवतराय च।।
त्वन्नो अग्ने वरुणस्य ...... प्रमुमुग्ध्यस्मत्।। ॐ नम श्शंभवेच...... शिवतराय च।।
ॐ नमो भगवते रुद्राय। नं ॐ।। नेत्रस्थाने अग्नये नमः।
ॐ भूर्भुव स्सुवः। ॐ मों।।ॐ नम श्शंभवेच...... शिवतराय च।।
सुगन्न पंथा.....हविषा यजाम।।ॐ नम श्शंभवे .... शिवतराय च।। ॐ नमो भगवते रुद्राय।। मों ॐ।। कर्ण स्थाने यमाय नमः।।
ॐ भूर्भुवस्सुवः। ॐ भं।। ॐ नम श्शंभवेच...... शिवतराय च।।
असुन्वन्त ...... तुभ्यमस्तु।। ॐ नम श्शंभवेच ...... शिवतराय च।।
ॐ नमो भगवते रुद्राय।। भं ॐ।। मुखस्थाने निर्ऋतये नमः।।
ॐ भूर्भुवस्सुवः। ॐ गं।। नमश्शंभवे ... शिवतराय च।।
तत्त्वायामि .... आयुः प्रमोषीः।। ॐ नम श्शंभवेच .... शिवतराय च।। ॐ नमो भगवते रुद्राय।। गं ॐ।। बाहुस्थाने वरुणाय नमः।।
ॐ भूर्भुवस्सुवः। ॐ वं।। नमश्शंभवे ... शिवतराय च।।
आनो नियुद्भि ... स्वस्तिभिस्सदानः।। ॐ नम श्शंभवेच ... शिवतराय च।। ॐ नमो भगवते रुद्राय।। वं ॐ।। नासिका स्थाने वायवे नमः।।
ॐ भूर्भुवस्सुवः। ॐ तें।। नम श्शंभवे ... शिवतराय च।।
वय सोम ..... अशीमहि।। ॐ नमश्शंभवेच ... शिवतराय च। ॐ नमो भगवते रुद्राय।। तें ॐ।। जठरस्थाने कुबेराय नमः।।
ॐ भूर्भुवस्सुवः।। ॐ रुं।। नमश्शंभवे ... शिवतराय च।।
तमीशानं ..... अदब्ध स्वस्तये।। ॐ नम श्शंभवे च ... शिवतराय च।। ॐ नमो भगवते रुद्राय।। रुं ॐ।। नाभिस्थाने ईशानाय नमः।।
ॐ भूर्भुवस्सुवः।। ॐ द्रां।। नमश्शंभवे ... शिवतराय च।।
अस्मे रुद्रा ..... अवंतु देवाः।। ॐ नमश्शंभवेच ..... शिवतराय च।। ॐ नमो भगवते रुद्राय।। द्रां ॐ।। मूर्ध स्थाने आकाशाय नमः।।
ॐ भूर्भुवस्सुवः।। ॐ यं।। नमश्शंभवे ... शिवतराय च।।
स्योना पृथिवि ...... सप्रथाः।। ॐ नमश्शंभवेच .....शिवतराय च।।
ॐ नमो भगवते रुद्राय।। यं ॐ।। पादस्थाने पृथिव्यै नमः।।
• प्रणवं व्याहृति र्बीजं शंभवे च तत परम्।
दिङ्मन्त्रं शंभवे चान्तं बीजं प्रणव मुच्चरेत्।।
---
अथ षोडशाङ्ग रौद्रीकरणम्
• शिखा शिरश्च मूर्धा च ललाटं नेत्रकर्णकौ।
मुखञ्च कण्ठ बाहू च हृन्नाभी च कटि स्तथा।
ऊरू जानू जङ्घपादौ षोडशाङ्ग स्थलानिवै।।
ॐ भूर्भुवस्सुवः।। ॐ अं। नम श्शम्भवे ...... शिवतराय च।
विभूरसि प्रवाहणो रौद्रेणानीकेन पाहि माग्ने पिपृहि मा मा मा हिसीः। ॐ नमो भगवते रुद्राय। अं ॐ। शिखायै नमः।।
ॐ भूर्भुवस्सुवः।। ॐ आं। नम श्शम्भवे च ......... शिवतराय च।
वह्निरसि हव्यवाहनो रौद्रेणानीकेन पाहि माग्ने पिपृहि मा मा मा हिसीः। ॐ नमोभगवते रुद्राय। आं ॐ। शिरसे नमः।।
ॐ भूर्भुवस्सुवः।। ॐ इं। नम श्शम्भवे च ......... शिवतराय च।
श्वात्रोसि प्रचेता रौद्रेणानीकेन पाहिमाग्ने पिपृहि मा मा मा हिसीः।। ॐ नमो भगवते रुद्राय।। इं ॐ। मूर्ध्ने नमः।।
ॐ भूर्भुवस्सुवः।। ॐ ईं। नम श्शम्भवे च ......... शिवतराय च।
तुथोसि विश्ववेदा रौद्रेणानीकेन पाहि माग्ने पिपृहि मा मा मा हिसीः। ॐ नमो भगवते रुद्राय। ईं ॐ। ललाटाय नमः।।
ॐ भूर्भुवस्सुवः।। ॐ उं। नम श्शम्भवे च ......... शिवतराय च।
उशिगसि कवी रौद्रेणानीकेन पाहि माग्ने पिपृहि मा मा मा हिसीः।
ॐ नमो भगवते रुद्राय। उं ॐ।। नेत्राभ्यां नमः।।
ॐ भूर्भुवस्सुवः।। ॐ ऊं। नम श्शम्भवे च ......... शिवतराय च।
अङ्घारि रसि बम्भारी रौद्रेणानीकेन पाहि माग्ने पिपृहि मा मा मा हिसीः। ॐ नमो भगवते रुद्राय। ऊं ॐ। कर्णाभ्यां नमः।।
ॐ भूर्भुवस्सुवः।। ॐ ऋं। नम श्शम्भवे च ......... शिवतराय च।
अवस्युरसि दुवस्वा न्रौद्रेणानीकेन पाहि माग्ने पिपृहि मा मा मा हिसीः। ॐ नमो भगवते रुद्राय। ऋं ॐ।। मुखाय नमः।।
ॐ भूर्भुवस्सुवः।। ॐ ॠं। नम श्शम्भवे च ......... शिवतराय च।
शुन्ध्यूरसि मार्जालीयो रौद्रेणानीकेन पाहि माग्ने पिपृहि मा मा मा हिसीः। ॐ नमो भगवते रुद्राय। ॠं ॐ। कण्ठाय नमः।।
ॐ भूर्भुवस्सुवः।। ॐ ऌं। नम श्शम्भवे च ......... शिवतराय च।
सम्राडसि कृशानू रौद्रेणानीकेन पाहि माग्ने पिपृहि मा मा मा हिसीः। ॐ नमो भगवते रुद्राय। ऌं ॐ। बाहुभ्यां नमः।।
ॐ भूर्भुवस्सुवः।। ॐ ॡं। नम श्शम्भवे च ......... शिवतराय च।
परिषद्योसि पवमानो रौद्रेणानीकेन पाहि माग्ने पिपृहि मा मा मा हिसीः। ॐ नमो भगवते रुद्राय। ॡं ॐ। हृदयाय नमः।।
ॐ भूर्भुवस्सुवः।। ॐ एं। नम श्शम्भवे च ......... शिवतराय च।
प्रतक्वासि नभस्वा न्रौद्रेणानीकेन पाहि माग्ने पिपृहि मा मा मा हिसीः। ॐ नमो भगवते रुद्राय।। एं ॐ।। नाभ्यै नमः।।
ॐ भूर्भुवस्सुवः।। ॐ ऐं। नम श्शम्भवे च ......... शिवतराय च।
असंमृष्टोसि हव्यसूदो रौद्रेणानीकेन पाहि माग्ने पिपृहि मा मा मा हिसीः। ॐ नमो भगवते रुद्राय। ऐं ॐ। कट्यै नमः।।
ॐ भूर्भुवस्सुवः।। ॐ ॐ। नम श्शम्भवे च ......... शिवतराय च।
ऋतधामासि सुवर्जोती रौद्रेणानीकेन पाहि माग्ने पिपृहि मा मा मा हिसीः। ॐ नमो भगवते रुद्राय। ॐ ॐ। ऊरुभ्यां नमः।।
ॐ भूर्भुवस्सुवः।। ॐ औं। नम श्शम्भवे च ......... शिवतराय च।
ब्रह्मज्योतिरसि सुवर्धामा रौद्रेणानीकेन पाहि माग्ने पिपृहि मा मा मा हिसीः। ॐ नमो भगवते रुद्राय। औं ॐ। जानुभ्यां नमः।।
ॐ भूर्भुवस्सुवः।। ॐ अं। नम श्शम्भवे च ......... शिवतराय च।
अजोस्येकपा द्रौद्रेणानीकेन पाहि माग्ने पिपृहि मा मा मा हिसीः। ॐ नमो भगवते रुद्राय। अं ॐ। जंघाभ्यां नमः।।
ॐ भूर्भुवस्सुवः।। ॐ अः। नम श्शम्भवे च ......... शिवतराय च।
अहिरसि बुध्नियो रौद्रेणानीकेन पाहि माग्ने पिपृहि मा मा मा हिसीः। ॐ नमो भगवते रुद्राय। अः ॐ। पादाभ्यां नमः।।
(षोडशाङ्गरौद्रीकरणान्त महान्यास फलम्)
त्वगस्थिगतै स्सर्वपापै प्रमुच्यते। सर्वभूतेष्वपराजितो भवति।
ततो भूत प्रेत पिशाच बद्ध ब्रह्मराक्षस यक्ष यमदूत शाकिनी ढाकिनी हाकिनी शत्रु सर्प श्वापद तस्कर ज्वराद्युपद्रवजोपघाता स्सर्वे ज्वलंतं पश्यन्तु। मां रक्षन्तु। यजमान रक्षन्तु।।
-----
आत्म रक्षा
ॐ मनो ज्योति र्जुषता माज्यँ विच्छिन्नँ यज्ञ समिम न्दधातु। बृहस्पति स्तनुता मिमन्नो विश्वे देवा इह मादयन्ताम्।। गुह्याय नमः।।
अबोध्यग्नि स्समिधा जनानां प्रति धेनु मिवायती मुषासम्। यह्वा इव प्रवया मुज्जिहाना प्रभानव स्सिस्रते नाक मच्छ।। नाभ्यै नमः।।
अग्निर्मूर्धा दिव ककुत्पति पृथिव्या अयम्। अपा रेतासि जिन्वति।। हृदयाय नमः।।
मूर्धान न्दिवो अरतिं पृथिव्या वैश्वानर मृताय जात मग्निम्। कवि सम्राज मतिथि ञ्जनाना मासन्ना पात्र ञ्जनयन्त देवाः।। कण्ठाय नमः।।
मर्माणि ते वर्मभि श्छादयामि सोमस्त्वा राजामृतेनाभि वस्ताम्। उरो र्वरीयो वरिव स्ते अस्तु जयन्त न्त्वा मनु मदन्तु देवाः।। मुखाय नमः।।
जातवेदा यदि वा पावकोसि। वैश्वानरो यदि वा वैद्युतोसि। शं प्रजाभ्यो यजमानाय लोकम्। ऊर्जं पुष्टि न्दद दभ्याववृथ्स्व।। शिरसे नमः।।
ब्रह्मात्मन्व दसृजत। तदकामयत। समात्मना पद्येयेति। आत्म न्नात्म न्नित्यामन्त्रयत। तस्मै दशम हूत प्रत्यशृणोत्। स दशहूतोभवत्। दशहूतो ह वै नामैषः। तँ वा एत न्दशहूत सन्तम्। दशहोतेत्याचक्षते परोक्षेण। परोक्षप्रिया इव हि देवाः।।
आत्म न्नात्म न्नित्यामन्त्रयत। तस्मै सप्तम हूत प्रत्यशृणोत्। स सप्तहूतोभवत्। सप्तहूतो ह वै नामैषः। तँ वा एत सप्तहूत सन्तम्। सप्तहोते त्याचक्षते परोक्षेण। परोक्षप्रिया इव हि देवाः।
आत्म न्नात्म न्नित्यामन्त्रयत। तस्मै षष्ठ हूत प्रत्यशृणोत्। स षड्ढूतोभवत्।। षड्ढूतो ह वै नामैषः। तँ वा एत षड्ढूत सन्तम्। षड्ढोते त्याचक्षते परोक्षेण। परोक्षप्रिया इव हि देवाः।
आत्म न्नात्म न्नित्यामन्त्रयत। तस्मै पञ्चम हूत प्रत्यशृणोत्। स पञ्चहूतोभवत्। पञ्चहूतो ह वै नामैषः। तँ वा एतं पञ्चहूत सन्तम्। पञ्चहोते त्याचक्षते परोक्षेण।
परोक्षप्रिया इव हि देवाः।
आत्म न्नात्म न्नित्यामन्त्रयत। तस्मै चतुर्थ हूत प्रत्यशृणोत्। स चतुर्हूतोभवत्। चतुर्हूतो ह वै नामैषः। तँ वा एत ञ्चतुर्हूत सन्तम्। चतुर्होते त्याचक्षते परोक्षेण। परोक्षप्रिया इव हि देवाः।
तमब्रवीत्। त्वँ वै मे नेदिष्ठ हूत प्रत्यश्रौषीः। त्वयैना नाख्यातार इति। तस्मा न्नुहैना श्चतुर्होतार इत्याचक्षते। तस्माच्छुश्रूषु पुत्राणा हृद्यतमः। नेदिष्ठो हृद्यतमः। नेदिष्ठो ब्रह्मणो भवति। य एवँ वेद।। (इत्यात्म रक्षा कर्तव्या)
-----
शिवसङ्कल्पः
(शुक्लयजुर्वेद काण्व माध्यन्दिन संहिता 34 अध्याये 1-6 मन्त्राः)
1) यज्जाग्रतो दूर मुदैति दैव न्तदु सुप्तस्य तथैवेति। दूरङ्गम ञ्ज्योतिषा ञ्ज्योति रेक न्त न्मे मन श्शिवसङ्कल्प मस्तु।।
2) येन कर्माण्यपसो मनीषिणो यज्ञे कृण्वन्ति विदथेषु धीराः। यदपूर्वँ यक्ष मन्त प्रजाना न्तन्मे मन श्शिवसङ्कल्प मस्तु।।
3) यत्प्रज्ञान मुत चेतो धृतिश्च यज्ज्योति रन्त रमृतं प्रजासु। यस्मान्न ऋते किञ्चन कर्म क्रियते तन्मे मन श्शिवसङ्कल्प मस्तु।।
4) ये नेदं भूतं भुवनं भविष्य त्परिगृहीत ममृतेन सर्वम्। येन यज्ञ स्तायते सप्तहोतातन्मे मन श्शिवसङ्कल्प मस्तु।।
5) यस्मिन्नृच स्साम यजूषि यस्मि न्प्रतिष्ठिता रथनाभा विवाराः। यस्मि श्चित्त सर्वमोतं प्रजानां तन्मेमन श्शिवसङ्कल्प मस्तु।।
6. सुषारथि रश्वानिव यन्मनुष्या न्नेनीयते भीषुभि र्वाजिना इव। हृत्प्रतिष्ठँ यदजिर ञ्जविष्ठ न्तन्मे मन श्शिवसङ्कल्पमस्तु।।
-------
ऋग्वेद परिशिष्टे (8-8-24)
1. येनेदं भूतं भुवनं भविष्य त्परि गृहीत ममृतेन सर्वम्। येन यज्ञ स्तायते सप्तहोता तन्मे मन श्शिवसङ्कल्प मस्तु।।
2. येन कर्मा ण्यपसो मनीषिणो यज्ञे कृण्वन्ति विदथेषु धीराः। यदपूर्वँ यक्षमन्त प्रजाना न्तन्मे मन श्शिवसङ्कल्प मस्तु।।
3. यज्जाग्रतो दूर मुदैति दैव न्तदु सुप्तस्य तथैवेति। दूरङ्गम ञ्ज्योतिषा ञ्ज्योति रेक न्तन्मे मन श्शिवसङ्कल्प मस्तु।।
4. यत्प्रज्ञान मुत चेतो धृतिश्च यज्ज्योति रन्त रमृतं प्रजासु। यस्मान्न ऋते किञ्चन कर्म क्रियते तन्मे मन श्शिवसङ्कल्प मस्तु।।
5. यस्मिन्नृच स्साम यजूंषि यस्मि न्प्रतिष्ठिता रथनाभा विवाराः। यस्मिंश्चित्तं सर्व मोतं प्रजाना न्तन्मे मन श्शिवसङ्कल्प मस्तु।।
6. सुषारथि रश्वानिव यन्मनुष्या न्नेनीयतेभीशुभि र्वाजिन इव। हृत्प्रतिष्ठँ यदजिरँ यविष्ठ न्तन्मे मन श्शिवसङ्कल्प मस्तु।।
7. ये पञ्च पञ्चाशत श्शतञ्च सहस्रञ्च नियुत ञ्चार्बुदञ्च। ते यज्ञचित्तेष्टकास्ता शरीर न्तन्मे मन श्शिवसङ्कल्प मस्तु।।
8. वेदाह मेतं पुरुष महान्त मादित्यवर्ण न्तमस परस्तात्। तस्य योनिं परि पश्यन्ति धीरा स्तन्मे मन श्शिवसङ्कल्प मस्तु।।
9. येन कर्माणि प्रचरन्ति धीरा विप्रा वाचा मनसा कर्मणा वा। यत्स्वा न्दिश मनु सँयन्ति प्राणिन स्तन्मे मन श्शिवसङ्कल्प मस्तु।।
10. ये मे मनो हृदयँ ये च देवा ये अन्तरिक्षं बहुधा कल्पयन्ति। ये श्रोत्रञ्च चक्षुषी सञ्चरन्ति तन्मे मन श्शिवसङ्कल्प मस्तु।।
11. यस्येद न्धीरा पुनन्ति कवयो ब्रह्माण मेतँ व्यावृणत इन्दुम्। स्थावर ञ्जङ्गमञ्च द्यौराकाश न्तन्मे मन श्शिवसङ्कल्प मस्तु।।
12. येन द्यौरुग्रा पृथिवी चान्तरिक्षँ येन पर्वता प्रदिशो दिश श्च। येनेदं सर्व ञ्जगद्व्याप्तं प्रजान त्तन्मे मन श्शिवसङ्कल्प मस्तु।।
13. अव्यक्त ञ्चा प्रमेयञ्च व्यक्ताव्यक्तपरं शिवम्। सूक्ष्मा त्सूक्ष्मतर ञ्ज्ञेय न्तन्मे मन श्शिवसङ्कल्प मस्तु।।
14. कैलास शिखरे रम्ये शङ्करस्य गृहालयम्। देवता स्तत्प्रमोदन्ते तन्मे मन श्शिवसङ्कल्प मस्तु।।
15. आदित्यवर्ण न्तपसा ज्वलन्तँ यत्पश्यसि गुहासु जायमानः। शिवरूपं शिव मुदितं शिवालय न्तन्मे मन श्शिवसङ्कल्प मस्तु।।
16. येनेदं सर्व ञ्जगतो बभूव यद्देवा अपि महतो जातवेदाः। यदेवाग्र्य न्तपसो ज्योति रेक न्तन्मे मन श्शिवसङ्कल्प मस्तु।।
17. गोभि र्जुष्टो धनेन ह्यायुषा च बलेन च। प्रजया पशुभि पुष्करार्ध न्तन्मे मन श्शिवसङ्कल्प मस्तु।।
18. योसौ सर्वेषु वेदेषु पठ्यतेनद ईश्वरः। अकार्यो निर्व्रणो ह्यात्मा तन्मे मन श्शिवसङ्कल्प मस्तु।।
19. यो वेदादिषु गायत्री सर्वव्यापी महेश्वरः। तदुक्तञ्च यदा ज्ञेय न्तन्मे मन श्शिवसङ्कल्प मस्तु।।
20. प्रयत प्राण ओङ्कारं प्रणवञ्च महेश्वरम्। यस्सर्वँ यस्य चित्सर्व न्तन्मे मन श्शिवसङ्कल्प मस्तु।।
21. यो वै वेद महादेवं प्रणवं पुरुषोत्तमम्। ओङ्कारं परमात्मान न्तन्मे मन श्शिवसङ्कल्प मस्तु।।
22. ओंकार ञ्चतुर्भुजँ लोकनाथ न्नारायणम्। सर्वस्थितं सर्वगतं सर्वव्याप्त न्तन्मे मन श्शिवसङ्कल्प मस्तु।।
23. तत्परा त्परतो ब्रह्मा तत्परा त्परतो हरिः। परा त्परतर ञ्ज्ञान न्तन्मे मन श्शिवसङ्कल्प मस्तु।।
24. अस्ति नास्ति शयित्वा सर्व मिद न्नास्ति पुन स्तथैव दृष्ट न्ध्रुवम्।
अस्ति नास्ति हितं मध्यमं पद न्तन्मे मन श्शिवसङ्कल्प मस्तु।।
25. अस्ति नास्ति विपरीतो प्रवादोस्ति नास्ति गुह्यँ वा इदं सर्वम्।
अस्ति नास्ति परा त्परो यत्पर न्तन्मे मन श्शिवसङ्कल्प मस्तु।।
26. य इदं शिव सङ्कल्पं सदा धीयन्ति ब्राह्मणाः। ते परं मोक्ष माप्स्यन्ति तन्मे मन श्शिवसङ्कल्प मस्तु।।
(अस्मिन् शिवसङ्कल्पे बहवः पाठभेदा वर्तन्ते। शुक्लयजुर्वेदे संहितायां षट् मन्त्रा उपलभ्यन्ते। ऋग्वेदे अष्टमाष्टके अष्टमाध्याये 24 वर्गस्य परिशिष्टभागे षड्विंश मन्त्रा लभ्यन्ते। सोयं पाठः – अद्यतन प्रयोक्तृभिः पठ्यमानस्य मूलमिव दृश्यते। अतः, उभयमेतत् प्रदर्शितम्।)
ॐ नमो भगवते रुद्राय। शिवसंकल्प हृदयाय नमः।।
----
अनुवाकाः
सहस्रशीर्षा ... स्सन्ति देवाः। ॐ नमो भगवते रुद्राय। पुरुष सूक्त शिरसे स्वाहा।।
अद्भ्य स्संभूतः .... मनिषाण। ॐ नमो भगवते रुद्राय।
उत्तर नारायण शिखायै वषट्।।
---
(अप्रतिरथ सूक्तम् य.सं. 4-6-4)
आशु श्शिशानो वृषभो न युध्मो घनाघन~क्षोभण श्चर्षणीनाम्। सङ्क्रदनो निमिष एकवीर श्शत सेना अजय थ्साकमिन्द्रः।
सङ्क्रन्दनेनानिमिषेण जिष्णुना युत्कारेण दुश्च्यवनेन धृष्णुना। तदिन्द्रेण जयत तथ्सहध्वँ युधो नर इषुहस्तेन वृष्णा।
स इषुहस्तै स्स निषङ्गिभि र्वशी सस्रष्टा स युध इन्द्रो गणेन। ससृष्टजि थ्सोमपा बाहुशर्ध्यूर्ध्वधन्वा प्रतिहिताभि रस्ता।
बृहस्पते परि दीया रथेन रक्षोहामित्रा अपबाधमानः। प्रभञ्ज2 न्थ्सेना प्रमृणो युधा जय न्नस्माक मेध्यविता रथानाम्।
गोत्रभिद ङ्गोविदँ वज्रबाहु ञ्जयन्त मज्म प्रमृणन्त मोजसा। इम सजाता अनु वीरयध्व मिन्द्र सखायोनु स रभध्वम्।
बलविज्ञाय स्स्थविर प्रवीर स्सहस्वान् वाजी सहमान उग्रः। अभिवीरो अभिसत्वा सहोजा जैत्र मिन्द्र रथ मा तिष्ठ गोवित्।
अभि गोत्राणि सहसा गाहमानोदायो वीर श्शतमन्यु रिन्द्रः। दुश्च्यवन पृतनाषा डयुध्योस्माक सेना अवतु प्र युथ्सु।
इन्द्र आसा न्नेता बृहस्पति र्दक्षिणा यज्ञ पुर एतु सोमः। देवसेनाना मभिभञ्जतीना ञ्जयन्तीनां मरुतो यन्त्वग्रे।
इन्द्रस्य वृष्णो वरुणस्य राज्ञ आदित्यानां मरुता शर्ध उग्रम्। महामनसां भुवनच्यवाना ङ्घोषो देवाना ञ्जयता मुदस्थात्।
अस्माक मिन्द्र स्समृतेषु ध्वजे ष्वस्माकँ या इषव स्ता जयन्तु। अस्माकँ वीरा उत्तरे भवन्त्वस्मानु देवा अवता हवेषु।
उद्धर्षय मघव न्नायुधा न्युथ्सत्वनां मामकानां महासि। उद्वृत्रहन् वाजिनाँ वाजिना न्युद्रथाना ञ्जयता मेतु घोषः।
उप प्रेत जयता नर स्स्थिरा व स्सन्तु बाहवः। इन्द्रो व श्शर्म यच्छ त्वनाधृष्या यथासथ।
अवसृष्टा परा पत शरव्ये ब्रह्मसशिता। गच्छामित्रा न्प्रविश मैषा ङ्कञ्चनोच्छिषः।।
मर्माणि ते वर्मभि श्छादयामि सोमस्त्वा राजामृते नाभि वस्ताम्। उरो र्वरीयो वरिवस्ते अस्तु जयन्तन्त्वा मनु मदन्तु देवाः।
यत्र बाणा स्संपतन्ति कुमारा विशिखा इव। इन्द्रो न स्तत्र वृत्रहा विश्वाहा शर्म यच्छतु।।
देवासुरा स्सँयत्ता आस न्ते देवा एत दप्रतिरथ मपश्य न्तेन वै तेप्रत्यसुरा नजय न्तदप्रतिरथस्याप्रतिरथत्वँ यदप्रतिरथ न्द्वितीयो होतान्वाहाप्रत्येव तेन यजमानो भ्रातृव्या ञ्जयत्यथो अनभिजित मेवाभि जयति दशर्चं भवति दशाक्षरा विराड्विराजेमौ लोकौ विधृता वनयो र्लोकयो र्विधृत्या अथो दशाक्षरा विराडन्नँ विराड्विराज्येवान्नाद्ये प्रति तिष्ठति। (य.सं. 5-4-6.3) आशुश्शिशानोप्रतिरथं कवचाय हुं।।
----
प्रतिपूरुष मेककपाला न्निर्वप त्येक मतिरिक्तँ यावन्तो गृह्यास्स्म स्तेभ्य कमकरं पशूना शर्मासि शर्म यजमानस्य शर्म मे यच्छैक एव रुद्रो न द्वितीयाय तस्थ आखुस्ते रुद्र पशु स्तञ्जुषस्वैष ते रुद्र भाग स्सह स्वस्राम्बिकया तञ्जुषस्व भेषज ङ्गवेश्वाय पुरुषाय भेषज मथो अस्मभ्यं भेषज सुभेषजँ यथासति। सुगं मेषाय मेष्या अवाम्ब रुद्र मदिमह्यव देव न्त्र्यम्बकम्। यथा न श्श्रेयस कर द्यथा नो वस्यस कर द्यथा न पशुमत कर द्यथा नो व्यवसाययात्।
त्र्यम्बकँ यजामहे सुगन्धिं पुष्टिवर्धनम्। उर्वारुक मिव बन्धना न्मृत्यो र्मुक्षीय मामृतात्।
एष ते रुद्र भाग स्तञ्जुषस्व तेनावसेन परो मूजवतोतीह्यवततधन्वा पिनाकहस्त कृत्तिवासाः।।
प्रतिपूरुष मेककपाला न्निर्वपति। जाता एव प्रजा रुद्रा न्निरवदयते। एक मतिरिक्तम्। जनिष्यमाणा एव प्रजा रुद्रा न्निरवदयते। एककपाला भवन्ति। एकधैव रुद्र न्निरवदयते। नाभि घारयति। यदभिघारयेत्। अन्त रवचारिण रुद्र ङ्कुर्यात्। एकोल्मुकेन यन्ति।। तद्धि रुद्रस्य भागधेयम्। इमा न्दिशँ यन्ति। एषा वै रुद्रस्य दिक्। स्वाया मेव दिशि रुद्र न्निरवदयते। रुद्रो वा अपशुकाया आहुत्यै नातिष्ठत।
असौ ते पशुरिति निर्दिशे द्यन्द्विष्यात्। यमेव द्वेष्टि। तमस्मै पशु न्निर्दिशति। यदि न द्विष्यात्।
आखुस्ते पशुरिति ब्रूयात्।। न ग्राम्या न्पशून् हिनस्ति। नारण्यान्। चतुष्पथे जुहोति। एष वा अग्नीनां पड्बीशो नाम। अग्निवत्येव जुहोति। मध्यमेन पर्णेन जुहोति। स्रुग्घ्येषा। अथो खलु। अन्तमेनैव होतव्यम्। अन्तत एव रुद्र न्निरवदयते।। एष ते रुद्र भाग स्सहस्वस्रा म्बिकयेत्याह। शरद्वा अस्याम्बिका स्वसा। तया वा एष हिनस्ति। य हिनस्ति। तयैवैन सह शमयति। भेषज ङ्गव इत्याह। यावन्त एव ग्राम्या पशवः। तेभ्यो भेषज ङ्करोति। अवाम्ब रुद्र मदिमहीत्याह। आशिष मेवैता मा शास्ते।। त्र्यम्बकँ यजामह इत्याह। मृत्यो र्मुक्षीय मामृतादिति वावैतदाह। उत्किरन्ति। भगस्य लीफ्सन्ते। मूते कृत्वा सजन्ति। यथा जनँ यतेवस ङ्करोति। तादृगेव तत्। एष ते रुद्र भाग इत्याह निरवत्यै। अप्रतीक्ष मा यन्ति। अप परिषिञ्चति। रुद्रस्यान्तर्हित्यै। प्र वा एतेस्मा ल्लोका च्च्यवन्ते। ये त्र्यम्बकै श्चरन्ति। आदित्य ञ्चरुं पुनरेत्य निर्वपति। इयँ वा अदितिः। अस्या मेव प्रति तिष्ठन्ति।।
-----
त्वमग्ने रुद्रो असुरो महो दिवस्त्व शर्धो मारुतं पृक्ष ईशिषे। त्वँ वातै ररुणै र्यासि शङ्गय स्त्वं पूषा विधत पासि नु त्मना।।
आ वो राजान मध्वरस्य रुद्र होतार सत्ययज रोदस्योः। अग्निं पुरा तनयित्नो रचित्ता द्धिरण्यरूप मवसे कृणुध्वम्।
अग्निर् होता निषसादा यजीया नुपस्थे मातु स्सुरभावु लोके। युवा कवि पुरुनिष्ठ ऋतावा धर्ता कृष्टीना मुत मध्य इद्धः।
साध्वी मक र्देववीति न्नो अद्य यज्ञस्य जिह्वा मविदाम गुह्याम्। स आयु रागा थ्सुरभि र्वसानो भद्रा मक र्देवहूति न्नो अद्य।
अक्रन्द दग्नि स्स्तनयन्निव द्यौ क्षामा रेरिह द्वीरुध स्समञ्जन्न्। सद्यो जज्ञानो वि ही मिद्धो अख्यदा रोदसी भानुना भात्यन्तः।
त्वे वसूनि पुर्वणीक होतर्दोषा वस्तो रेरिरे यज्ञियासः। क्षामेव विश्वा भुवनानि यस्मि2न्थ्स सौभगानि दधिरे पावके।
तुभ्य न्ता अङ्गिरस्तम विश्वा स्सुक्षितय पृथक्। अग्ने कामाय येमिरे।
अश्याम त ङ्काम मग्ने तवोत्यश्याम रयि रयिव स्सुवीरम्। अश्याम वाज मभि वाजयन्तोश्याम द्युम्न मजराजरन्ते।
श्रेष्ठँ यविष्ठ भारताग्ने द्युमन्त मा भर।। वसो पुरुस्पृह रयिम्।
स श्वितान स्तन्यतू रोचनस्था अजरेभि र्नानदद्भि र्यविष्ठः। य पावक पुरुतम पुरूणि पृथू न्यग्नि रनुयाति भर्वन्न्।
आयुष्टे विश्वतो दध दय मग्नि र्वरेण्यः। पुनस्ते प्राण आयति परा यक्ष सुवामि ते।
आयुर्दा अग्ने हविषो जुषाणो घृतप्रतीको घृतयोनि रेधि। घृतं पीत्वा मधु चारु गव्यं पितेव पुत्र मभि रक्षता दिमम्।
तस्मै ते प्रतिहर्यते जातवेदो विचर्षणे। अग्ने जनामि सुष्टुतिम्।
दिवस्परि प्रथम ञ्जज्ञे अग्नि रस्म द्द्वितीयं परि जातवेदाः। तृतीय मप्सु नृमणा अजस्र मिन्धान एन ञ्जरते स्वाधीः।
शुचि पावक वन्द्योग्ने बृह द्विरोचसे। त्व ङ्घृतेभि राहुतः।
दृशानो रुक्म उर्व्या व्यद्यौ द्दुर्मर्ष मायु श्श्रिये रुचानः। अग्नि रमृतो अभव द्वयोभि र्यदेन न्द्यौ रजनय थ्सुरेताः।।
आ यदिषे नृपति न्तेज आन ट्छुचि रेतो निषिक्त न्द्यौरभीके। अग्नि श्शर्ध मनवद्यँ युवान स्वाधिय ञ्जनय थ्सूदयच्च।
स तेजीयसा मनसा त्वोत उत शिक्ष स्वपत्यस्य शिक्षोः। अग्ने रायो नृतमस्य प्रभूतौ भूयाम ते सुष्टुतयश्च वस्वः।
अग्ने सहन्त मा भर द्युम्नस्य प्रासहा रयिम्। विश्वा य श्चर्षणी रभ्यासा वाजेषु सासहत्।
तमग्ने पृतनासह रयि सहस्व आ भर। त्व हि सत्यो अद्भुतो दाता वाजस्य गोमतः।
उक्षान्नाय वशान्नाय सोमपृष्ठाय वेधसे। स्तोमै र्विधे माग्नये।।
वद्मा हि सूनो अस्यद्मसद्वा चक्रे अग्नि र्जनुषाज्मान्नम्। स त्वन्न ऊर्जसन ऊर्ज न्धा राजेव जे रवृके क्षेष्यन्तः।
अग्न आयूषि पवस आ सुवोर्ज मिष ञ्च नः। आरे बाधस्व दुच्छुनाम्।
अग्ने पवस्व स्वपा अस्मे वर्च स्सुवीर्यम्। दधत्पोष रयिं मयि।
अग्ने पावक रोचिषा मन्द्रया देव जिह्वया। आ देवान् वक्षि यक्षि च।
स न पावक दीदिवोग्ने देवा इहावह। उप यज्ञ हविश्च नः।
अग्नि श्शुचिव्रततम श्शुचि र्विप्र श्शुचि कविः। शुची रोचत आहुतः।
उदग्ने शुचय स्तव शुक्रा भ्राजन्त ईरते। तव ज्योती ष्यर्चयः।।
त्वमग्ने रुद्रो असुरो महो दिवः। त्व शर्धो मारुतं पृक्ष ईशिषे। त्वँ वातै ररुणै र्यासि शङ्गयः। त्वं पूषा विधत पासि नु त्मना।
देवा देवेषु श्रयध्वम्। प्रथमा द्वितीयेषु श्रयध्वम्। द्वितीया स्तृतीयेषु श्रयध्वम्। तृतीया श्चतुर्थेषु श्रयध्वम्। चतुर्था पञ्चमेषु श्रयध्वम्। पञ्चमा ष्षष्ठेषु श्रयध्वम्। षष्ठा स्सप्तमेषु श्रयध्वम्। सप्तमा अष्टमेषु श्रयध्वम्। अष्टमा नवमेषु श्रयध्वम्। नवमा दशमेषु श्रयध्वम्। दशमा एकादशेषु श्रयध्वम्। एकादशा द्वादशेषु श्रयध्वम्। द्वादशा स्त्रयोदशेषु श्रयध्वम्। त्रयोदशा श्चतुर्दशेषु श्रयध्वम्। चतुर्दशा पञ्चदशेषु श्रयध्वम्। पञ्चदशा ष्षोडशेषु श्रयध्वम्। षोडशा स्सप्तदशेषु श्रयध्वम्। सप्तदशा अष्टादशेषु श्रयध्वम्। अष्टादशा एकान्न विशेषु श्रयध्वम्। एकान्न विशा विशेषु श्रयध्वम्। विशा एकविशेषु श्रयध्वम्। एकविशा द्वाविशेषु श्रयध्वम्। द्वाविशा स्त्रयोविशेषु श्रयध्वम्। त्रयोविशा श्चतुर्विशेषु श्रयध्वम्। चतुर्विशा पञ्चविशेषु श्रयध्वम्। पञ्चविशा ष्षड्विशेषु श्रयध्वम्। षड्विशा स्सप्तविशेषु श्रयध्वम्। सप्तविशा अष्टाविशेषु श्रयध्वम्। अष्टाविशा एकान्न त्रिशेषु श्रयध्वम्। एकान्न त्रिशा स्त्रिशेषु श्रयध्वम्। त्रिशा एकत्रिशेषु श्रयध्वम्। एकत्रिशा द्वात्रिशेषु श्रयध्वम्। द्वात्रिशा स्त्रयस्त्रिशेषु श्रयध्वम्। देवा स्त्रि रेकादशा स्त्रि स्त्रयस्त्रिशाः। उत्तरे भवत। उत्तर वर्त्मान उत्तर सत्वानः। यत्काम इद ञ्जुहोमि। तन्मे समृध्यताम्। वय स्याम पतयो रयीणाम्। भूर्भुव स्स्व स्स्वाहा।।
भूर्भुवस्सुव रोमिति दिग्बन्धः।।
----
अथ पञ्चाङ्ग सकृ ज्जपेत्।।
(पञ्चब्रह्ममन्त्र जपः)
1. ॐ सद्योजातं प्रपद्यामि ........ भवोद्भवाय नमः।।
2. ॐ वामदेवायनमो ......... मनोन्मनाय नमः।।
3. ॐअघोरेभ्योथ ......... रुद्ररूपेभ्यः।।
4. ॐ तत्पुरुषाय विद्महे............ रुद्रः प्रचोदयात्।।
5. ॐ ईशानस्सर्वविद्याना ........... सदाशिवोम्।।
----
अष्टाङ्ग नमस्कारः (साष्टाङ्ग प्रणामः)
ॐ हिरण्यगर्भ स्समवर्तताग्रे भूतस्य जात पति रेक आसीत्। स दाधार पृथिवी न्द्यामुते मा ङ्कस्मै देवाय हविषा विधेम।। उरसा नमः।।
ॐ य प्राणतो निमिषतो महित्वैक इद्राजा जगतो बभूव। य ईशे अस्य द्विपद श्चतुष्पद कस्मै देवाय हविषा विधेम।। शिरसा नमः।।
ॐ ब्रह्मजज्ञानं प्रथमं पुरस्ता द्विसीमत स्सुरुचो वेन आवः। स बुध्निया उपमा अस्य विष्ठा स्सतश्च योनि मसतश्च विवः।। दृष्ट्या नमः।।
ॐ मही द्यौ पृथिवी चन इमँ यज्ञं मिमिक्षताम्। पिपृतान्नो भरीमभिः।। मनसा नमः।।
ॐ उपश्वासय पृथिवी मुत द्यां पुरुत्रा ते मनुताँ विष्ठित ञ्जगत्। स दुन्दुभे सजू रिन्द्रेण देवै र्दूरा द्दवीयो अपसेध शत्रून्।। वचसा नमः।।
ॐ अग्ने नय सुपथा राये अस्मान् विश्वानि देव वयुनानि विद्वान्। युयोध्यस्म ज्जुहुराण मेनो भूयिष्ठान्ते नमउक्तिँ विधेम।। पद्भ्यां नमः।।
ॐ या ते अग्ने रुद्रिया तनू स्तया न पाहि तस्यास्ते स्वाहा या ते अग्नेयाशया रजाशया हराशया तनू र्वर्षिष्ठा गह्वरेष्ठोग्रँ वचो अपावधी न्त्वेषँ वचो अपावधी स्वाहा।। कराभ्यां नमः।।
ॐइमं यम प्रस्तर माहि सीदाङ्गिरोभि पितृभि स्सँविदानः। आ त्वा मन्त्रा कविशस्ता वह न्त्वेना राजन् हविषा मादयस्व।। कर्णाभ्यां नमः।। (इति साष्टाङ्गं प्रणम्य)
• उरसा शिरसा दृष्ट्या मनसा वचसा तथा।
पद्भ्यां कराभ्यां कर्णाभ्यां प्रणामोष्टाङ्ग उच्यते।।
• अथात्मान शिवात्मान श्रीरुद्ररूपिण न्ध्यायेत्।।
शुद्धस्फटिक सङ्काश न्त्रिनेत्रं, पञ्चवक्त्र न्दशभुजं, सर्वाभरण भूषितं, नीलग्रीवं, शशाङ्क चिह्नं, नागयज्ञोपवीतिनं, नागाभरणभूषं, व्याघ्र चर्मांबरधरं, कमण्डल्वक्षसूत्रधर, मभयवरकरं, शूलहस्तं ज्वलन्तं, कपिलं जटाजूटिनं शिखा मुद्द्योतधारिणम्, वृषस्कन्ध समारूढ मुमादेहार्ध धारिण, ममृतेनाप्लुतं हृष्टं दिव्यभोग समन्वितं, दिग्देवता समायुक्तं सुरासुर नमस्कृतं, नित्यं शाश्वतं शुद्धं ध्रुव मक्षर मव्ययं, सर्वव्यापिन मीशानं रुद्रं वै विश्वरूपिणम्। एव न्ध्यात्वा द्विज स्स म्यक्ततो यजन मारभेत।।
----
अथ रुद्रस्नानार्चनादि विनियोगः -
अथातो रुद्रस्नानार्चनाभिषेक विधिं व्याख्यास्यामः।। उदित एव तीर्थे स्नात्वोदेत्य शुचि प्रयतो ब्रह्मचारी शुक्लवासाः,
• तस्य दक्षिणा प्रत्यग्देशे तन्मुखं स्थित्वात्मनि देवतास्थापयेत्।।
• प्रजनने ब्रह्मा तिष्ठतु। पादयो र्विष्णु स्तिष्ठतु। हस्तयो र्हर स्तिष्ठतु। बाह्वो रिन्द्र स्तिष्ठतु। जठरे ~ अग्नि स्तिष्ठतु। हृदये शिव स्तिष्ठतु। कण्ठे वसव स्तिष्ठन्तु। वक्त्रे सरस्वती तिष्ठतु। नासिकयो र्वायु स्तिष्ठतु। नयनयो श्चन्द्रादित्यौ स्तिष्ठेताम्। कर्णयो रश्विनौ तिष्ठेताम्। ललाटे रुद्रा स्तिष्ठन्तु। मूर्ध्न्यादित्या स्तिष्ठन्तु। शिरसि महादेव स्तिष्ठतु। शिखायां वामदेव स्तिष्ठतु। पृष्ठे पिनाकी तिष्ठतु। पुरत श्शूली तिष्ठतु। पार्श्वयो श्शिवाशङ्करौ तिष्ठेताम्। सर्वतो वायु स्तिष्ठतु। ततो बहि स्सर्वतोग्नि ज्वालामाला परिवृता स्तिष्ठन्तु। सर्वेष्वङ्गेषु सर्वा देवता यथास्थानं तिष्ठन्तु। मां रक्षन्तु। यजमान रक्षन्तु।।
अग्निर्मे वाचिश्रित इति यथालिङ्ग मङ्गानि संस्पृश्य।।
अग्निर्मे वाचिश्रितः। वाग्घृदये। हृदयं मयि। अह ममृते। अमृतं ब्रह्मणि।
वायुर्मे प्राणे श्रितः। प्राणोहृदये। हृदयं मयि। अह ममृते। अमृतं ब्रह्मणि।।
सूर्यो मे चक्षुषि श्रितः। चक्षुर् हृदये। हृदयं मयि। अहममृते। अमृतं ब्रह्मणि।
चन्द्रमा मे मनसि श्रितः। मनो हृदये। हृदयं मयि। अह ममृते। अमृतं ब्रह्मणि।।
दिशो मे श्रोत्रे श्रिताः। श्रोत्र हृदये। हृदयं मयि। अह ममृते। अमृतं ब्रह्मणि।
आपो मे रेतसि श्रिताः। रेतो हृदये। हृदयं मयि। अह ममृते। अमृतं ब्रह्मणि।।
पृथिवी मे शरीरे श्रिता। शरीर हृदये। हृदयं मयि। अह ममृते। अमृतं ब्रह्मणि।
ओषधिवनस्पतयो मे लोमसु श्रिताः। लोमानि हृदये। हृदयं मयि। अह ममृते। अमृतं ब्रह्मणि।।
इन्द्रो मे बले श्रितः। बल हृदये। हृदयं मयि। अह ममृते। अमृतं ब्रह्मणि।
पर्जन्यो मे मूर्ध्नि श्रितः। मूर्धा हृदये। हृदयं मयि। अह ममृते। अमृतं ब्रह्मणि।।
ईशानो मे मन्यौ श्रितः। मन्युर् हृदये। हृदयं मयि। अह ममृते। अमृतं ब्रह्मणि।
आत्मा म आत्मनि श्रितः। आत्मा हृदये। हृदयं मयि। अह ममृते। अमृतं ब्रह्मणि।
पुनर्म आत्मा पुन रायुरागात्। पुन प्राण पुन राकूत मागात्। वैश्वानरो रश्मिभि र्वावृधानः। अन्त स्तिष्ठ त्वमृतस्य गोपाः।।
(अग्नि र्वायु स्सूर्य श्चन्द्रमा दिश आप पृथिव्योषधि वनस्पतय इन्द्र पर्जन्य ईशान आत्मा पुनर्मे त्रयोदश) इति यथालिङ्ग मङ्गानि संस्पृश्य।।
अथैनं गन्ध पुष्पाक्षत धूप दीप नैवेद्य तांबूलै रभ्यर्च्य, आत्मानं प्रत्याराधयेत्।।
• आराधितो मनुष्यैस्त्वा शुद्धै र्देवासुरादिभिः।
आराधयामि भक्त्या त्वां मां गृहाण महेश्वर।।
ॐ आत्वावहन्तु हरय स्सचेतस श्श्वेतै रश्वै स्सह केतुमद्भिः।। वाताजवै र्बलवद्भि र्मनोजवै रा याहि शीघ्रं मम हव्याय शर्वोम्।। ईशान मावाहयामि- इत्यावाह्य।।
• मण्डलान्तर गतं हिरण्मयं भ्राजमान वपुषं शुचिस्मितम्।
चण्ड दीधिति मखण्ड विग्रहं चिन्तये न्मुनि सहस्र सेवितम्।।
• शङ्करस्य चरिता कथामृत ञ्चन्द्रशेखर गुणानुकीर्तनम्।
नीलकण्ठ तव पादसेवनं संभवन्तु मम जन्म जन्मनि।।
• स्वामिन् सर्व जगन्नाथ यावत्पूजावसानकम्।
तावत्त्वं प्रीतिभावेन लिङ्गेस्मिन् सन्निधिं कुरु।।
• देहो देवालय प्रोक्तो जीवो देव स्सनातनः।
त्यजे दज्ञान निर्माल्यं सोहं भावेन पूजयेत्।।
अथैनं व्याहृतिभि र्निर्माल्यं विसृज्य। ॐ चण्डीश्वराय नमः - इत्युत्तरतो निर्माल्यं विसृज्य। ततो दक्षिण पार्श्वस्थ कलशोदकं गन्ध पुष्पाक्षतै रभ्यर्च्य।।
• कलशस्य मुखे विष्णुः ............. समाश्रिताः।।
ॐ आकलशेषु धावति ........ वर्धते। आपोवा........ भूर्भुवस्सुवराप ओम्।।
• गङ्गे च यमुने ...... सन्निधिं कुरु।।
कलशोदकेन पूजा द्रव्याणि संप्रोक्ष्य। देवमात्मानञ्च संप्रोक्ष्य।
------
लघु पूजा विधानम् (सद्यो जातादि पूजा विधानम्)
त्र्यम्बकं ........ मामृतात्।। इति स्थापन मुद्रां दर्शयित्वा, (देवं संस्थाप्य)।।
सद्योजातं प्रपद्यामि – आवाहयामि।
सद्योजाताय वै नमो नमः – आसनं समर्पयामि
भवेभवे न – पाद्यं समर्पयामि।
अतिभवे भवस्व माम् - अर्घ्यं समर्पयामि।
भवोद्भवाय नमः – आचमनं समर्पयामि।
वामदेवाय नमः – स्नानं समर्पयामि।
ज्येष्ठाय नमः – वस्त्रं समर्पयामि।
श्रेष्ठाय नमः - उपवीतं समर्पयामि।
रुद्राय नमः - आभरणं समर्पयामि।
कालाय नमः - गन्धं समर्पयामि।
कल विकरणाय नमः - अक्षतान् समर्पयामि।
बल विकरणाय नमः - पुष्पं समर्पयामि।
बलाय नमः - धूपमाघ्रापयामि।
बल प्रमथनाय नमः - दीपं सन्दर्शयामि।
सर्वभूत दमनाय नमः – नैवेद्यं निवेदयामि।
मनोन्मनाय नमः - तांबूलं समर्पयामि।
अघोरेभ्योथ घोरेभ्यो घोरघोरतरेभ्यः। सर्वेभ्य स्सर्वशर्वेभ्यो नमस्ते अस्तु रुद्र रूपेभ्यः। - नीराजनं सन्दर्शयामि।
तत्पुरुषाय विद्महे महादेवाय धीमहि। तन्नो रुद्र प्रचोदयात्।
- मन्त्रपुष्पं समर्पयामि।
ईशान स्सर्व विद्याना मीश्वर स्सर्वभूतानां ब्रह्माधिपति र्ब्रह्मणो धिपति र्ब्रह्मा शिवो मे अस्तु सदाशिवोम्।
- प्रदक्षिण नमस्कारान् समर्पयामि।।
भवाय देवाय नमः – अर्कपुष्पं समर्पयामि।
शर्वाय देवाय नमः – चंपक पुष्पं समर्पयामि।
ईशानाय देवाय नमः – पुन्नागपुष्पं समर्पयामि।
पशुपतये देवाय नमः – नन्द्यावर्त पुष्पं समर्पयामि।
रुद्राय देवाय नमः - पाटल पुष्पं समर्पयामि।
उग्राय देवाय नमः - बृहती पुष्पं समर्पयामि।
भीमाय देवाय नमः – करवीर पुष्पं समर्पयामि।
महते देवाय नमः – द्रोणपुष्पं समर्पयामि।।
भवस्य देवस्य पत्न्यै नमः – अर्कपुष्पं समर्पयामि।
शर्वस्य देवस्य पत्न्यै नमः – चंपक पुष्पं समर्पयामि।
ईशानस्य देवस्य पत्न्यै नमः – पुन्नागपुष्पं समर्पयामि।
पशुपते र्देवस्य पत्न्यै नमः – नन्द्यावर्त पुष्पं समर्पयामि।
रुद्रस्य देवस्य पत्न्यै नमः – पाटल पुष्पं समर्पयामि।
उग्रस्य देवस्य पत्न्यै नमः - बृहती पुष्पं समर्पयामि।
भीमस्य देवस्य पत्न्यै नमः – करवीर पुष्पं समर्पयामि।
महतो देवस्य पत्न्यै नमः - द्रोण पुष्पं समर्पयामि।।
तर्पणम्
• भवन्देव न्तर्पयामि। शर्वन्देव न्तर्पयामि। ईशानन्देव न्तर्पयामि।
• पशुपतिन्देव न्तर्पयामि। रुद्रन्देव न्तर्पयामि। उग्रन्देव न्तर्पयामि।
• भीमन्देव न्तर्पयामि। महान्त न्देव न्तर्पयामि।।
• भवस्य देवस्य पत्नी न्तर्पयामि। शर्वस्य देवस्य पत्नी न्तर्पयामि।
• ईशानस्य देवस्य पत्नी न्तर्पयामि। पशुपते र्देवस्य पत्नी न्तर्पयामि।
• रुद्रस्य देवस्य पत्नी न्तर्पयामि। उग्रस्य देवस्य पत्नी न्तर्पयामि।
• भीमस्य देवस्य पत्नीन्तर्पयामि। महतो देवस्य पत्नी न्तर्पयामि।।
इति तर्पयित्वा।।
यथाशक्ति जपः।।
तत्पुरुषाय ...... प्रचोदयात्।।
इति रुद्र गायत्रीं (शिवपञ्चाक्षरीं वा) दशकृत्व शतकृत्व स्सहस्र कृत्वोवापरिमितकृत्वो वा जपित्वा। अथैन माशिष मा शास्ते।।
आ शास्तेयँ यजमानोसौ। आयु राशास्ते। सुप्रजास्त्व माशास्ते। सजातवनस्या माशास्ते। उत्तरा न्देवयज्या माशास्ते। भूयो हविष्करण माशास्ते। दिव्य न्धामाशास्ते। विश्वं प्रिय माशास्ते। यदनेन हविषा शास्ते। तदश्या त्तदृध्यात्। तदस्मै देवा रासन्ताम्। तदग्नि र्देवो देवेभ्यो वनते। वय मग्ने र्मानुषाः। इष्टञ्च वीतञ्च। उभे च नो द्यावापृथिवी अहस स्पाताम्। इह गति र्वामस्येदञ्च। नमो देवेभ्यः।।
(पुनः पूजारम्भे चण्डीश्वराय नमः। इत्युत्तरतो निर्माल्यं विसृज्य।।
एकादशवार पूजायां, प्रतिवारं
(वामदेवाय नमः स्नानं) इत्यादि निर्माल्यं विसृज्य - इत्यन्तं प्रतिवारं कुर्यात्।। अथ पञ्चामृत स्नानम्।। पञ्चामृत देवताभ्यो नमः ...... षोडशोपचारापूजां समर्पयामि।।
अथैतस्य मूर्ध्नि देशे, हिरण्यकलशेन संततधारा मभिषिञ्चेत्।
(पयसा दध्ना सर्पिषा मधुना शर्कराभि रिक्षुरसेन गन्धतोयेन नारिकेळ तोयेनाम्र रसेनोदकेन बिल्वोदकेनाक्षतोदकेन पुष्पोदकेन वाभिषिञ्चति)
---
अथ पंचामृत स्नानम्।।
ॐ आप्यायस्व समेतु ते विश्वत स्सोम वृष्णियम्। भवा वाजस्य संगथे।। क्षीरेण स्नपयामि ।। तत श्शुद्धोदकं।
ॐ दधिक्राव्ण्णो अकारिष ञ्जिष्णो रश्वस्य वाजिनः। सुरभि नो मुखा करत्प्रण आयूषि तारिषत्।। दध्ना स्नपयामि।। तत श्शुद्धोदकं।
ॐ शुक्र मसि ज्योति रसि तेजोसि देवो व स्सवितो त्पुना त्वच्छिद्रेण पवित्रेण वसो स्सूर्यस्य रश्मिभिः।। आज्येन स्नपयामि।। तत श्शुद्धोदकं।
ॐ मधु वाता ऋतायते मधु क्षरन्ति सिन्धवः। माध्वीर्न स्सन्त्वोषधीः। मधु नक्त मुतोषसि मधुम त्पार्थिव रजः। मधु द्यौरस्तु न पिता। मधुमान्नो वनस्पति र्मधुमा अस्तु सूर्यः। माध्वी र्गावो भवन्तु नः।। मधुना स्नपयामि।। ततः शुद्धोदकं।।
ॐ त्वे क्रतु मपि वृञ्जन्ति विश्वे द्विर्यदेते त्रिर्भवन्त्यूमाः। स्वादो स्स्वादीय स्स्वादुना सृजा समत ऊषु मधु मधुनाभियोधि। (स्वादु पवस्व दिव्याय जन्मने स्वादुरिन्द्राय सुहवीतु नाम्ने। स्वादु र्मित्राय वरुणाय वायवे बृहस्पतये मधुमाँ अदाभ्यः।।) इति शर्कराभि स्स्नपयामि।। ततश्शुद्धोदकम्।। (पञ्चामृत स्नानं समर्पयामि।।)
पाञ्चजन्ये ष्वप्येध्यग्ने यावा अयावा एवा ऊमा स्सब्द स्सगर स्सुमेकः। शङ्खोदकेन स्नपयामि।। ततश्शुद्धोदकम्।।
या फलिनी र्या अफला अपुष्पा याश्च पुष्पिणीः। बृहस्पतिप्रसूता स्ता नो मुञ्च न्त्वहसः।। फलोदकेन स्नपयामि।। ततश्शुद्धोदकम्।।
गन्ध द्वारा न्दुराधर्षा न्नित्यपुष्टा ङ्करीषिणीम्। ईश्वरी सर्वभूताना न्तामिहोप ह्वये श्रियम्।। गन्धोदकेन स्नपयामि।। ततश्शुद्धोदकम्।।
योपां पुष्पं वेद। पुष्पवा न्प्रजावा न्पशुमा न्भवति। चन्द्रमा वा अपां पुष्पम्। पुष्पवा न्प्रजावा न्पशुमा न्भवति।। पुष्पोदकेन स्नपयामि।। ततश्शुद्धोदकम्।।
आयनेते परायणे दूर्वा रोहन्तु पुष्पिणीः। ह्रदाश्च पुण्डरीकानि समुद्रस्य गृहा इमे।। अक्षतोदकेन स्नपयामि।। ततश्शुद्धोदकम्।।
तथ्सुवर्ण हिरण्य मभवत्। तथ्सुवर्णस्य हिरण्यस्य जन्म। य एव सुवर्णस्य हिरण्यस्य जन्म वेद। सुवर्ण आत्मना भवति।। सुवर्णोदकेन स्नपयामि।। ततश्शुद्धोदकम्।।
त्र्यंबकँ यजामहे सुगन्धिं पुष्टिवर्धनम्। उर्वारुक मिव बन्धना न्मृत्यो र्मुक्षीय मामृतात्।। रुद्राक्षोदकेन स्नपयामि।। ततश्शुद्धोदकम्।।
प्रसद्य भस्मना योनि मपश्च पृथिवी मग्ने। ससृज्य मातृभि स्त्व ञ्ज्योतिष्मा न्पुनरासदः।। भस्मोदकेन स्मपयामि।। ततश्शुद्धोदकम्।।
नमो बिल्मिने च कवचिने च नम श्श्रुताय च श्रुतसेनाय च।। बिल्वोदकेन स्नपयामि।। ततश्शुद्धोदकम्।।
काण्डा त्काण्डा त्प्ररोहन्ती परुष परुष परि। एवा नो दूर्वे प्रतनु सहस्रेण शतेन च।। दूर्वोदकेन स्नपयामि।। ततश्शुद्धोदकम्।।
-----
अथ मलापकर्षण स्नानम्
हिरण्य वर्णा श्शुचय पावका यासु जात कश्यपो या स्विन्द्रः। अग्निँ या गर्भ न्दधिरे विरूपा स्तान आप श्श स्योना भवन्तु।।
यासा राजा वरुणो याति मध्ये सत्यानृते अवपश्य न्जनानाम्। मधुश्चुत श्शुचयो या पावका स्तान आप श्श स्योना भवन्तु।।
यासा न्देवा दिवि कृण्वन्ति भक्षँ या अन्तरिक्षे बहुधा भवन्ति। या पृथिवीं पय सोन्दन्ति शुक्रा स्तान आप श्श स्योना भवन्तु।।
शिवेन मा चक्षुषा पश्यताॾप श्शिवया तनुवोप स्पृशत त्वचं मे। सर्वा अग्नी रफ्सुषदो हुवे वो मयि वर्चो बल मोजो निधत्त।।
यदद स्संप्रयती रहा वनदताहते। तस्मादा नद्यो नाम स्थ ता वो नामानि सिन्धवः।।
यत्प्रेषिता वरुणेन ता श्शीभ समवल्गत। तदाप्नो दिन्द्रो वो यती स्तस्मा दापो अनु स्थन।।
अपकाम स्यन्दमाना अवीवरत वो हिकम्। इन्द्रो व श्शक्तिभि र्देवी स्तस्मा द्वार्णाम वो हितम्।।
एको देवो अप्यतिष्ठ थ्स्यन्दमाना यथावशम्। उदानिषु र्महीरिति तस्मा दुदक मुच्यते।।
आपो भद्रा घृतमि दाप आसु रग्नीषोमौ बिभ्र त्याप इत्ताः। तीव्रो रसो मधुपृचा मरङ्गम आ मा प्राणेन सह वर्चसा गन्न्।
आदित्पश्या म्युत वा शृणोम्या मा घोषो गच्छति वाङ्न आसाम्। मन्ये भेजानो अमृतस्य तर्हि हिरण्यवर्णा अतृपँ यदा वः।।
आपो हि ष्ठा मयोभुव स्ता न ऊर्जे दधातनः। महे रणाय चक्षसे।।
यो व श्शिवतमो रस स्तस्य भाजयतेह नः। उशती रिव मातरः।।
तस्मा अरङ्गमाम वो यस्य क्षयाय जिन्वथ। आपो जनयथा च नः।
दिवि श्रयस्वान्तरिक्षे यतस्व पृथिव्या सम्भव ब्रह्मवर्चसमसि ब्रह्ववर्चसाय त्वा।।
अपा ङ्ग्रहा न्गृह्णा त्येत द्वाव राजसूयँ यदेते ग्रहा स्सवोग्नि र्वरुणसवो राजसूय मग्निसव श्चित्य स्ताभ्या मेव सूयतेथो उभा वेव लोका वभि जयति यश्च राजसूये नेजानस्य यश्चाग्निचित आपो भव न्त्यापो वा अग्ने र्भ्रातृव्या यदपोग्ने रधस्ता दुपदधाति भ्रातृव्याभिभूत्यै भवत्यात्मना परास्य भ्रातृव्यो भवत्यमृतँ वा आप स्तस्मा दद्भि रवतन्ता मभि षिञ्चन्ति नार्ति मार्छति सर्वमायु रेति।।
पवमान स्सुवर्जनः। पवित्रेण विचर्षणिः। य पोता स पुनातु मा।
पुनन्तु मा देवजनाः। पुनन्तु मनवो धिया। पुनन्तु विश्व आयवः।
जातवेद पवित्रवत्। पवित्रेण पुनाहि मा। शुक्रेण देव दीद्यत्। अग्ने क्रत्वा क्रतू रनु।।
यत्ते पवित्र मर्चिषि। अग्ने विततमन्तरा। ब्रह्म तेन पुनीमहे।
उभाभ्या न्देवसवितः। पवित्रेण सवेन च। इदं ब्रह्म पुनीमहे।
वैश्वदेवी पुनती देव्यागात्। यस्यै बह्वी स्तनुवो वीतपृष्ठाः। तया मदन्त स्सध माद्येषु। वय स्याम पतयो रयीणाम्।।
वैश्वानरो रश्मिभि र्मा पुनातु। वात प्राणे नेषिरो मयोभूः। द्यावापृथिवी पयसा पयोभिः। ऋतावरी यज्ञिये मा पुनीताम्।
बृहद्भि स्सवितस्तृभिः। वर्षिष्ठै र्देव मन्मभिः। अग्ने दक्षै पुनाहि मा।
येन देवा अपुनत। येनापो दिव्यङ्कशः। तेन दिव्येन ब्रह्मणा। इदं ब्रह्म पुनीमहे।
य पावमानी रध्येति। ऋषिभि स्सम्भृत रसम्। सर्व स पूत मश्च्ञाति। स्वदितं मातरिश्वना।
पावमानी र्यो अध्येति। ऋषिभि स्संभृत रसम्। तस्मै सरस्वती दुहे। क्षीर सर्पि र्मधूदकम्।
पावमानी स्स्वस्त्ययनीः। सुदुघा हि पयस्वतीः। ऋषिभि स्सम्भृतो रसः। ब्राह्मणे ष्वमृत हितम्।
पावमानी र्दिशन्तु नः। इमँ लोक मथो अमुम्। कामा न्थ्समर्धयन्तु नः। देवी र्देवै स्समाभृताः।
पावमानी स्स्वस्त्ययनीः। सुदुघा हि घृतश्चुतः। ऋषिभि स्सम्भृतो रसः। ब्राह्मणे ष्वमृत हितम्।
येन देवा पवित्रेण। आत्मानं पुनते सदा। तेन सहस्रधारेण। पावमान्य पुनन्तु मा।
प्राजापत्यं पवित्रम्। शतोद्याम हिरण्मयम्। तेन ब्रह्मविदो वयम्। पूतं ब्रह्म पुनीमहे।
इन्द्र स्सुनीती सह मा पुनातु। सोम स्स्वस्त्या वरुण स्समीच्या। यमो राजा प्रमृणाभि पुनातु मा। जातवेदा मोर्जयन्त्या पुनातु।।
आपो वा इद सर्वँ विश्वा भूतान्याप प्राणा वा आप पशव आपोन्न मापोमृत माप स्सम्राडापो विराडाप स्स्वराडाप श्छन्दास्यापो ज्योतीष्यापो यजूष्याप स्सत्य माप स्सर्वा देवता आपो भूर्भुव स्सुव राप ओम्।।
अप प्रणयति। श्रद्धा वा आपः। श्रद्धामेवारभ्य प्रणीय प्र चरति।
अप प्रणयति। यज्ञो वा आपः। यज्ञमेवारभ्य प्रणीय प्र चरति।
अप प्रणयति। वज्रो वा आपः। वज्रमेव भ्रातृव्येभ्य प्रहृत्य प्रणीय प्र चरति।
अप प्रणयति। आपो वै रक्षोघ्नीः। रक्षसा मपहत्यै।
अप प्रणयति। आपो वै देवानां प्रिय न्धाम। देवाना मेव प्रिय न्धाम प्रणीय प्र चरति।।
अप प्रणयति। आपो वै सर्वा देवताः। देवता एवारभ्य प्रणीय प्र चरति।।
आदौ शञ्च म इत्यनुवाकं, ततो नमस्ते रुद्र मन्यव इत्ये कादशानुवाकान्, अग्ना विष्णूसजोषसे त्येकमेक मनुवाकं जपेत्।
सर्वेषां वारे वारे पुन राराधयेत्।। विकिरिद विलोहितेति विसर्जयेत्। तदेत द्रुद्र विधान मुत्तमाराधनम्।।
• फलश्रुतिः
सदा पाप क्षयार्थी, व्याधिविमोचनार्थी, जीवितार्थी, मोक्षार्थी, श्री काम, श्शान्तिकामः, पुष्टिकाम, स्तुष्टिकामो, वृद्धिकामः, प्रजाकामो, मेधाकामः, आयुष्यकामः, आरोग्यकामः, अन्नाद्यकामः, एवमाराधनं कुर्वन् सिद्धि मवाप्नोति।।
आचार्याय दक्षिणा दश गाव स्सवत्साः, स्वर्ण रत्न मणि भूषित वृषभा एकादश। तदलाभे - एकां गां दद्या- दश्वमेध शतक्रतु सहस्र फलमवाप्नोतीत्याह भगवान्बोधायनः।।
रुद्रपारायणात् प्राक् शतरुद्रीय न्यासं कुर्यात्।
• अस्य श्री रुद्रस्य प्रश्नस्य..... अभिषेचने विनियोगः।।
• करन्यासः - अग्निहोत्रात्मने ... करतरकरपृष्ठाभ्यां नमः।।
• हृदयादिन्यासः – अग्निहोत्रात्मने ..... दिग्बन्धः।।
• ध्यानम् – आपाताळ नभस्थलान्त ... प्रयच्छन्तु सौख्यम्।।
ॐ शञ्चमे ...... सूषाचमे सुदिनंचमे।।
• भगवतः, .... श्री स्वामिनः एकादशवारार्चने, प्रथमवाराभिषेकं करिष्ये।
ॐ नमो भगवते रुद्राय। ॐ नमस्ते रुद्रमन्यव ........ मृत्युर्मे पाहि।।
अग्नाविष्णू सजोषसे ......... शरीराणि च मे।।
• ॐ नमो भगवते रुद्राय। अमृताभिषेकोस्तु।।
तत स्सद्योजातादि विधानेन लघुपूजां कुर्यात्।
अनेन प्रथम वाराभिषेकेन भगवान् सर्वात्मकः, श्री परमेश्वर स्सुप्रीत स्सुप्रसन्नो वरदो भवतु।।
आचम्य, प्राणानायम्य, पूर्वोक्तैववङ्गुण ... प्रीत्यर्थं, (प्रथम वाराभिषेकानन्तरं) द्वितीय/ तृतीय/ चतुर्थ/ पञ्चम/ षष्ठ/ सप्तम/ अष्टम/ नवम/ दशम/ एकादश वाराभिषेकं - अन्योन्य सहायेन करिष्यामहे।। अन्तिमवाराभिषेचने पुरुषसूक्त, दशशान्ति घोषशान्ति मन्त्रानपि पठेयुः।
-----
दशशान्तयः
1. ॐ भद्र ङ्कर्णेभि श्शृणुयाम देवाः। भद्रं पश्ये माक्षभि र्यजत्राः। स्थिरै रङ्गै स्तुष्टुवास स्तनूभिः। व्यशेम देवहितँ यदायुः।
स्वस्ति न इन्द्रो वृद्धश्रवाः। स्वस्ति न पूषा विश्ववेदाः। स्वस्ति नस्तार्क्ष्यो अरिष्टनेमिः। स्वस्ति नो बृहस्पति र्दधातु।।
ॐ शान्ति श्शान्ति श्शान्तिः।। 1।।
2. ॐ नमो ब्रह्मणे नमो अस्त्वग्नये नम पृथिव्यै नम ओषधीभ्यः। नमो वाचे नमो वाचस्पतये नमो विष्णवे बृहते करोमि।।
ॐ शान्ति श्शान्ति श्शान्तिः।।
3. ॐ तच्छँयो रावृणीमहे। गातुँ यज्ञाय। गातुँ यज्ञपतये। दैवी स्वस्ति रस्तु नः। स्वस्ति र्मानुषेभ्यः। ऊर्ध्व ञ्जिगातु भेषजम्। शन्नो अस्तु द्विपदे। शञ्चतुष्पदे।।
ॐ शान्ति श्शान्ति श्शान्तिः।।
4. ॐ नमो वाचे या चोदिता या चानुदिता तस्यै वाचे नमो नमो वाचे नमो वाचस्पतये नम ऋषिभ्यो मन्त्रकृद्भ्यो मन्त्रपतिभ्यो मा मा मृषयो मन्त्रकृतो मन्त्रपतय परादु र्माह मृषी न्मन्त्रकृतो मन्त्रपती न्परादाँ वैश्वदेवीँ वाच मुद्यास शिवा मदस्ता ञ्जुष्टा न्देवेभ्य
श्शर्म मे द्यौश्शर्म पृथिवी शर्म विश्वमिद ञ्जगत्। शर्म चन्द्रश्च सूर्यश्च शर्म ब्रह्म प्रजापती।
भूतँ वदिष्ये भुवनँ वदिष्ये तेजो वदिष्ये यशो वदिष्ये तपो वदिष्ये ब्रह्म वदिष्ये सत्त्यँ वदिष्ये तस्मा अह मिद मुपस्तरण मुपस्तृण उपस्तरणम्मे प्रजायै पशूनां भूया दुपस्तरण महं प्रजायै पशूनां भूयासं
प्राणापानौ मृत्यो र्मा पातं प्राणापानौ मा मा हासिष्टं
मधु मनिष्ये मधु जनिष्ये मधु वक्ष्यामि मधु वदिष्यामि मधुमती न्देवेभ्यो वाच मुद्यास शुश्रू षेण्यां मनुष्येभ्य स्तम्मा देवा अवन्तु शोभायै पितरोनुमदन्तु।।
ॐ शान्ति श्शान्ति श्शान्तिः।।
5. ॐ शन्नो वात पवतां मातरिश्वा शन्न स्तपतु सूर्यः। अहानि शम्भवन्तु नश्श रात्रि प्रतिधीयताम्।
शमुषा नो व्युच्छतु शमादित्य उदेतु नः। शिवा न श्शन्तमा भव सुमृडीका सरस्वति। मा ते व्योम सन्दृशि।
इडायै वास्त्वसि वास्तुम द्वास्तुमन्तो भूयास्म मा वास्तो श्छिथ्स्मह्य वास्तु स्स भूया द्योस्मान्द्वेष्टि यञ्च वय न्द्विष्मः।
प्रतिष्ठासि प्रतिष्ठावन्तो भूयास्म मा प्रतिष्ठाया श्छिथ्स्मह्य प्रतिष्ठ स्स भूया द्योस्मा न्द्वेष्टि यञ्च वय न्द्विष्मः।
आ वात वाहि भेषजँ विवात वाहि यद्रपः। त्व हि विश्वभेषजो देवाना न्दूत ईयसे।
द्वाविमौ वातौ वात आसिन्धो रा परावतः। दक्षं मे अन्य आवातु परान्यो वातु यद्रपः।
यददो वात ते गृहेमृतस्य निधिर् हितः। ततो नो देहि जीवसे ततो नो धेहि भेषजम्। ततो नो मह आवह
वात आवातु भेषजम्। शम्भू र्मयोभू र्नो हृदे प्रण आयूषि तारिषत्।
इन्द्रस्य गृहोसि तन्त्वा प्रपद्ये सगुस्साश्वः। सह यन्मे अस्ति तेन।
भू प्रपद्ये भुव प्रपद्ये सुव प्रपद्ये भूर्भुवस्सुव प्रपद्ये वायुं प्रपद्ये नार्ता न्देवतां प्रपद्येश्मान माखणं प्रपद्ये प्रजापते र्ब्रह्मकोशं ब्रह्म प्रपद्य ओं प्रपद्ये।
अन्तरिक्षं म उर्वन्तरं बृह दग्नय पर्वताश्च यया वात स्स्वस्त्या स्वस्तिमा न्तया स्वस्त्या स्वस्तिमा नसानि।
प्राणापानौ मृत्योर्मा पातं प्राणापानौ मा मा हासिष्टं
मयि मेधां मयि प्रजां मय्यग्नि स्तेजो दधातु
मयि मेधां मयि प्रजां मयीन्द्र इन्द्रिय न्दधातु
मयि मेधां मयि प्रजां मयि सूर्यो भ्राजो दधातु।।
द्युभि रक्तुभि परिपात मस्मा नरिष्टेभि रश्विना सौभगेभिः। तन्नो मित्रो वरुणो मा महन्ता मदिति स्सिन्धु पृथिवी उत द्यौः।।
कया न श्चित्र आभूव दूती सदावृध स्सखा। कया शचिष्ठया वृता।
कस्त्वा सत्यो मदानां महिष्ठो मथ्सदन्धसः। दृढा चिदारुजे वसु।
अभीषुण स्सखीना मविता जरितॄणाम्। शतं भवा स्यूतिभिः।
वय स्सुपर्णा उपसेदु रिन्द्रं प्रियमेधा ऋषयो नाधमानाः। अपध्वान्त मूर्णुहि पूर्धि चक्षु र्मुमुग्ध्यस्मा न्निधयेव बद्धान्।।
शन्नो देवी रभिष्टय आपो भवन्तु पीतये। शँ यो रभि स्रवन्तु नः।
ईशाना वार्याणा ङ्क्षयन्ती श्चर्षणीनाम्। अपो याचामि भेषजम्।
सुमित्रा न आप ओषधय स्सन्तु दुर्मित्रा स्तस्मै भूयासु र्योस्मा न्द्वेष्टि यञ्च वय न्द्विष्मः।
आपो हिष्ठा मयोभुव स्तान ऊर्जे दधातन। महे रणाय चक्षसे।
योव श्शिवतमो रस स्तस्य भाजयते हनः। उशती रिव मातरः।
तस्मा अरङ्गमाम वो यस्य क्षयाय जिन्वथ। आपो जनयथा चनः।
पृथिवी शान्ता साग्निना शान्ता सा मे शान्ता शुच शमयतु।
अन्तरिक्ष शान्त न्तद्वायुना शान्त न्तन्मे शान्त शुच शमयतु।
द्यौश्शान्ता सादित्येन शान्ता सा मे शान्ता शुच शमयतु।
पृथिवी शान्ति रन्तरिक्ष शान्ति र्द्यौश्शान्ति र्दिश श्शान्ति रवान्तरदिशा श्शान्ति रग्नि श्शान्ति र्वायु श्शान्ति रादित्य श्शान्ति श्चन्द्रमा श्शान्ति र्नक्षत्राणि शान्ति राप श्शान्ति रोषधय श्शान्ति र्वनस्पतय श्शान्ति र्गौश्शान्ति रजा शान्ति रश्व श्शान्ति पुरुष श्शान्ति र्ब्रह्म शान्ति र्ब्राह्मण श्शान्ति श्शान्ति रेव शान्ति श्शान्ति र्मे अस्तु शान्तिः।
तयाह शान्त्या सर्वशान्त्या मह्य न्द्विपदे चतुष्पदे च शान्तिङ्करोमि शान्ति र्मे अस्तु शान्तिः।
एह श्रीश्च ह्रीश्च धृतिश्च तपो मेधा प्रतिष्ठा श्रद्धा सत्य न्धर्म श्चैतानि मोत्तिष्ठन्त मनूत्तिष्ठन्तु मा मा श्रीश्च ह्रीश्च धृतिश्च तपो मेधा प्रतिष्ठा श्रद्धा सत्य न्धर्म श्चैतानि मा मा हासिषुः।
उदायुषा स्वायुषो दोषधीना रसेनोत्पर्जन्यस्य शुष्मेणोदस्था ममृता अनु।
तच्चक्षु र्देवहितं पुरस्ताच्छुक्र मुच्चरत्।
पश्येम शरदश्शत.
ञ्जीवेम शरदश्शत.
न्नन्दाम शरदश्शतं
मोदाम शरदश्शतं
भवाम शरदश्शत
शृणवाम शरदश्शतं
प्रब्रवाम शरदश्शत.
मजीता स्स्याम शरदश्शत.
ञ्ज्योक्च सूर्यन्दृशे।
य उदगा न्महतोर्णवा द्विभ्राजमान स्सरिरस्य मध्या थ्स मा वृषभो लोहिताक्ष स्सूर्यो विपश्चि न्मनसा पुनातु।
ब्रह्मण श्चोतन्यसि ब्रह्मण आणी स्थो ब्रह्मण आवपनमसि धारितेयं पृथिवी ब्रह्मणा मही धारित मेनेन मह दन्तरिक्ष न्दिव न्दाधार पृथिवी सदेवाँ यदहँ वेद तदह न्धारयाणि मा मद्वेदोधि विस्रसत्।
मेधामनीषे मा विशता समीची भूतस्य भव्यस्यावरुध्यै सर्व मायु रयाणि सर्व मायु रयाणि।
आभि र्गीर्भि र्यदतोन ऊन माप्यायय हरिवो वर्धमानः। यदा स्तोतृभ्यो महि गोत्रा रुजासि भूयिष्ठभाजो अध ते स्याम।
ब्रह्म प्रावादिष्म तन्नो मा हासीत्।
ॐ शान्ति श्शान्ति श्शान्तिः।।
6. ॐ सन्त्वा सिञ्चामि यजुषा प्रजा मायु र्धनञ्च।
ॐ शान्ति श्शान्ति श्शान्तिः।।
7. शन्नो मित्र श्शँ वरुणः। शन्नो भव त्वर्यमा। शन्न इन्द्रो बृहस्पतिः। शन्नो विष्णु रुरुक्रमः।
नमो ब्रह्मणे। नमस्ते वायो। त्वमेव प्रत्यक्षं ब्रह्मासि। त्वमेव प्रत्यक्षं ब्रह्म वदिष्यामि।
ऋतँ वदिष्यामि। सत्यँ वदिष्यामि। तन्मा मवतु। तद्वक्तार मवतु। अवतु माम्। अवतु वक्तारम्।
ॐ शान्ति श्शान्ति श्शान्तिः।।
(8, 9, 10) ॐ सहनाववतु। सह नौ भुनक्तु। सह वीर्यं करवावहै। तेजस्वि नावधीत मस्तु मा विद्विषावहै।
ॐ शान्ति श्शान्ति श्शान्तिः।।
----
राजसूय प्रकरणोक्त साम्राज्याभिषेचन मन्त्राः
ॐ मित्रोसि • वरुणोसि।
समहँ विश्वै र्देवैः।
क्षत्रस्य नाभिरसि। क्षत्रस्य योनिरसि।
स्योना मा सीद। सुषदा मा सीद।
मा त्वा हिसीत्। मा मा हिसीत्।
निषसाद धृतव्रतो वरुणः। पस्त्यास्वा। साम्राज्याय सुक्रतुः।
देवस्य त्वा सवितु प्रसवे। अश्विनो र्बाहुभ्याम्। पूष्णो हस्ताभ्याम्। अश्विनो र्भैषज्येन। तेजसे ब्रह्मवर्चसायाभि षिञ्चामि।
देवस्य त्वा सवितु प्रसवे। अश्विनो र्बाहुभ्याम्। पूष्णो हस्ताभ्याम्। सरस्वत्यै भैषज्येन।। वीर्या यान्नाद्या याभि षिञ्चामि।
देवस्य त्वा सवितु प्रसवे। अश्विनो र्बाहुभ्याम्। पूष्णो हस्ताभ्याम्। इन्द्र स्येन्द्रियेण। श्रियै यशसे बलायाभि षिञ्चामि।
अर्यमणं बृहस्पति मिन्द्र न्दानाय चोदय। वाचँ विष्णु सरस्वती सवितारञ्च वाजिनम्। सोम राजानँ वरुण मग्नि मन्वारभामहे। आदित्यान् विष्णु सूर्यं ब्रह्माणञ्च बृहस्पतिम्।
देवस्य त्वा सवितु प्रसवेश्विनो र्बाहुभ्यां पूष्णो हस्ताभ्या सरस्वत्यै वाचो यन्तु र्यन्त्रेणाग्नेस्त्वा साम्राज्ये नाभिषिञ्चा मीन्द्रस्य बृहस्पतेस्त्वा साम्राज्ये नाभिषिञ्चामि।।
वसवस्त्वा पुरस्ता दभि षिञ्चन्तु गायत्रेण छन्दसा।
रुद्रा स्त्वा दक्षिणतोभि षिञ्चन्तु त्रैष्टुभेन छन्दसा।
आदित्या स्त्वा पश्चा दभि षिञ्चन्तु जागतेन छन्दसा।
विश्वे त्वा देवा उत्तरतोभि षिञ्चन्त्वानुष्टुभेन छन्दसा।
बृहस्पति स्त्वोपरिष्टा दभि षिञ्चतु पाङ्क्तेन छन्दसा।।
इमा रुद्राय स्थिरधन्वने गिरः। क्षिप्रेषवे देवाय स्वधाम्ने। अषाढाय सहमानाय मीढुषे। तिग्मायुधाय भरता शृणोतन।
त्वादत्तेभी रुद्र शन्तमेभिः। शत हिमा अशीय भेषजेभिः। व्यस्मद्द्वेषो वितरँ व्यहः। व्यमीवा श्चातयस्वा विषूचीः।।
अर्ह न्बिभर्षि सायकानि धन्व। अर्ह न्निष्कँ यजतँ विश्वरूपम्। अर्हन्निद न्दयसे विश्व मब्भुवम्। न वा ओजीयो रुद्र त्वदस्ति।
मा न स्तोके तनये मा न आयुषि मा नो गोषु मा नो अश्वेषु रीरिषः। वीरा न्मा नो रुद्र भामितो वधीर् हविष्मन्तो नमसा विधेम ते।।
आ ते पित र्मरुता सुम्नमेतु। मा न स्सूर्यस्य सन्दृशो युयोथाः। अभि नो वीरो अर्वति क्षमेत।
प्रजायेमहि रुद्र प्रजाभिः। एवा बभ्रो वृषभ चेकितान। यथा देव न हृणीषे न हसि। हावनश्रूर्नो रुद्रेह बोधि। बृह द्वदेम विदथे सुवीराः।
परि णो रुद्रस्य हेति र्वृणक्तु परि त्वेषस्य दुर्मति रघायोः। अव स्थिरा मघवद्भ्य स्तनुष्व मीढ्व स्तोकाय तनयाय मृडय।।
स्तुहि श्रुत ङ्गर्तसदँ युवानं मृगन्न भीम मुपहत्नु मुग्रम्। मृडा जरित्रे रुद्र स्तवानो अन्यं ते अस्मन्नि वपन्तु सेनाः।।
मीढुष्टम शिवतम शिवो न स्सुमना भव। परमे वृक्ष आयुध न्निधाय कृत्तिँ वसान आ चर पिनाकं बिभ्र दा गहि।।
अर्ह न्बिभर्षि सायकानि धन्व। अर्हन्निष्कँ यजतँ विश्वरूपम्। अर्ह न्निद न्दयसे विश्व मब्भुवम्। न वा ओजीयो रुद्र त्वदस्ति।।
त्वमग्ने रुद्रो असुरो महो दिव स्त्व शर्धो मारुतं पृक्ष ईशिषे। त्वँ वातै ररुणै र्यासि शङ्गय स्त्वं पूषा विधत पासि नु त्मना।।
आ वो राजान मध्वरस्य रुद्र होतार सत्ययज रोदस्योः। अग्निं पुरा तनयित्नो रचित्ता द्धिरण्यरूप मवसे कृणुध्वम्।
येते सहस्र मयुतं पाशा मृत्यो मर्त्याय हन्तवे। तान् यज्ञस्य मायया सर्वा नव यजामहे। मृत्यवे स्वाहा मृत्यवे स्वाहा।।
प्राणाना ङ्ग्रन्थिरसि रुद्रो माविशान्तकः। तेनान्नेनाप्यायस्व।
नमो रुद्राय विष्णवे मृत्युर्मे पाहि।
ॐ शान्तिशान्ति शान्तिः।
|
