आरण्यकम्
आरण्यके प्रथम प्रपाठकः (काठकेषु चतुर्थः)
आ।का।10 आरुणकेतुक चयन मन्त्र ब्राह्मणात्मकम् (1-32)
भद्रङ्कर्णेभि श्शृणुयाम देवाः। भद्रं पश्येमाक्षभि र्यजत्राः। स्थिरै रङ्गै स्तुष्टुवास स्तनूभिः। व्यशेम देवहितँ यदायुः।।
स्वस्ति न इन्द्रो वृद्धश्रवाः। स्वस्ति न पूषा विश्ववेदाः। स्वस्ति नस्तार्क्ष्यो अरिष्टनेमिः। स्वस्ति नो बृहस्पति र्दधातु।।
ओं शान्ति श्शान्ति श्शान्तिः।।
भद्रङ्कर्णेभि श्शृणुयाम देवाः। भद्रं पश्ये माक्षभिर्यजत्राः। स्थिरै रङ्गैस्तुष्टुवास स्तनूभिः। व्यशेम देवहितँ यदायुः।।
स्वस्ति न इन्द्रो वृद्धश्रवाः। स्वस्ति न पूषा विश्ववेदाः। स्वस्ति नस्तार्क्ष्यो अरिष्टनेमिः। स्वस्ति नो बृहस्पति र्दधातु।।
आपमापा मप स्सर्वाः। अस्मादस्मा दितोमुतः।। 1।।
अग्नि र्वायुश्च सूर्यश्च। सहस ञ्चस्करर्धिया।।
वाय्वश्वा रश्मि पतयः। मरीच्यात्मानो अद्रुहः। देवीर्भुवन सूवरीः। पुत्रवत्त्वाय मे सुत।।
महानाम्नी र्महामानाः। महसो महसस्स्वः। देवी पर्जन्य सूवरीः। पुत्रवत्त्वाय मे सुत।। 2।।
अपाश्न्युष्णि मपारक्षः। अपाश्न्युष्णि मपारघम्। अपाघ्रा मप चावर्तिम्। अपदेवी रितो हित।।
वज्र न्देवी रजीताश्च। भुवन न्देव सूवरीः। आदित्या नदिति न्देवीम्। योनिनोर्ध्व मुदीषत।।
शिवा न श्शन्तमा भवन्तु। दिव्या आप ओषधयः।।
सुमृडीका सरस्वति। मा ते व्योम सन्दृशि।। 3।। (अमुत स्सुतौषधयो द्वे च। 1।)
स्मृति प्रत्यक्ष मैतिह्यम्। अनुमान श्चतुष्टयम्। एतै रादित्यमण्डलम्। सर्वैरेव विधास्यते।।
सूर्यो मरीचि मा दत्ते। सर्वस्मा द्भुवना दधि। तस्या पाकविशेषेण। स्मृत ङ्कालविशेषणम्।।
नदीव प्रभवा त्काचित्। अक्षय्यात्स्यन्दते यथा।। 4।।
तान्नद्योभि समायन्ति। सोरु स्सती न निवर्तते।।
एव न्नाना समुत्थानाः। काला स्सँवत्सर श्रिताः। अणुशश्च महशश्च। सर्वे समवयन्त्रितम्।।
सतै स्सर्वै स्समाविष्टः। ऊरु स्सन्न निवर्तते। अधि सँवथ्सरँ विद्यात्। तदेव लक्षणे।। 5।।
अणुभिश्च महद्भिश्च। समारूढ प्रदृश्यते। सँवथ्सर प्रत्यक्षेण। नाधिसत्व प्रदृश्यते।।
पटरो विक्लिध पिङ्गः। एत द्वरुणलक्षणम्। यत्रैत दुपदृश्यते। सहस्र न्तत्र नीयते।।
एक हि शिरो नानामुखे। कृथ्स्न न्तदृतु लक्षणम्।। 6।।
उभयत स्सप्तेन्द्रियाणि। जल्पितन्त्वेव दिह्यते।।
शुक्लकृष्णे सँवथ्सरस्य। दक्षिणवामयो पार्श्वयोः। तस्यैषा भवति।
शुक्रन्ते अन्य द्यजतन्ते अन्यत्। विषुरूपे अहनी द्यौरिवासि। विश्वा हि माया अवसि स्वधावः। भद्रा ते पूषन्निह राति र-स्त्विति। नात्र भुवनम्। न पूषा। न पशवः। नादित्य स्सँवथ्सर एव प्रत्यक्षेण प्रियतमँ विद्यात्। एतद्वै सँवथ्सरस्य प्रियतम रूपम्। योस्य महा नर्थ उत्पथ्स्यमानो भवति। इदं पुण्य ङ्कुरुष्वेति। तमाहरणन्दद्यात्।। 7।। (यथा लक्षण ऋतुलक्षणं भुवन सप्त च। 2।)
साकञ्जाना सप्तथ माहु रेकजम्। षडुद्यमा ऋषयो देवजा इति। तेषा मिष्टानि विहितानि धामशः। स्थात्रे रेजन्ते विकृतानि रूपशः।।
कोनु मर्या अमिथितः। सखा सखाय मब्रवीत्। जहाको अस्म दीषते।।
यस्तित्याज सखिविद सखायम्। न तस्य वाच्यपि भागो अस्ति। यदी शृणो त्यलक शृणोति।। 8।।
न हि प्र वेद सुकृतस्य पन्था-मिति।।
ऋतुर् ऋतुना नुद्यमानः। विननादाभिधावः। षष्टिश्च त्रिशका वल्गाः। शुक्लकृष्णौ च षाष्टिकौ।।
सारागवस्त्रै र्जरदक्षः। वसन्तो वसुभि स्सह। सँवथ्सरस्य सवितुः। प्रैषकृ त्प्रथम स्स्मृतः।।
अमू नादयतेत्यन्यान्।। 9।।
अमूश्च परिरक्षतः। एता वाच प्रयुज्यन्ते। यत्रैत दुपदृश्यते।।
एतदेव विजानीयात्। प्रमाण ङ्कालपर्यये। विशेषणन्तु वक्ष्यामः। ऋतूना न्तन्निबोधत।।
शुक्लवासा रुद्रगणः। ग्रीष्मेणावर्तते सह। निजह न्पृथिवी सर्वाम्।। 10।।
ज्योतिषा प्रतिख्येन सः।।
विश्वरूपाणि वासासि। आदित्याना न्निबोधत। सँवथ्सरीण ङ्कर्मफलम्। वर्षाभि र्ददता सह।।
अदुखो दुखचक्षु रिव। तद्मापीत इव दृश्यते। शीतेनाव्यथयन्निव। रुरुदक्ष इव दृश्यते।।
ह्लादयते ज्वलतश्चैव। शाम्यतश्चास्य चक्षुषी। या वै प्रजा भ्रश्यन्ते। सँवथ्सरात्ता भ्रश्यन्ते।।
या प्रतितिष्ठन्ति। सँवथ्सरे ता प्रति तिष्ठन्ति। वर्षाभ्य इत्यर्थः।। 11।। (शृणोत्यन्या न्थ्सर्वामेव षट्च। 3।)
अक्षि दुखोत्थितस्यैव। विप्रसन्ने कनीनिके। आङ्क्ते चाद्गणन्नास्ति। ऋभूणान्त न्निबोधत।।
कनकाभानि वासासि। अहतानि निबोधत। अन्न मश्नीत मृज्मीत। अहँ वो जीवनप्रदः।।
एता वाच प्र युज्यन्ते। शर द्यत्रोपदृश्यते।। 12।।
अभिधून्वन्तोभिघ्नन्त इव। वातवन्तो मरुद्गणाः।।
अमुतो जेतु मिषुमुख मिव। सन्नद्धा स्सह ददृशेह। अपध्वस्तै र्वस्तिवर्णैरिव। विशिखास कपर्दिनः।।
अक्रुद्धस्य योत्स्यमानस्य। क्रुद्धस्येव लोहिनी। हेमत श्चक्षुषी विद्यात्। अक्ष्णयो क्षिपणोरिव।। 13।।
दुर्भिक्ष न्देवलोकेषु। मनूना मुदक ङ्गृहे। एता वाच प्रवदन्तीः। वैद्युतो यान्ति शैशिरीः।।
ता अग्नि पवमाना अन्वैक्षत। इह जीविका मपरिपश्यन्न्। तस्यैषा भवति।
इहेह व स्स्वतपसः। मरुत स्सूर्यत्वचः। शर्म सप्रथा आवृणे।। 14।। (दृश्यत इवावृणे।4।)
अतिताम्राणि वासासि। अष्टिवज्रि शतघ्नि च। विश्वे देवा वि प्र हरन्ति। अग्निजिह्वा असश्चत।।
नैव देवो न मर्त्यः। न राजा वरुणो विभुः। नाग्नि र्नेन्द्रो न पवमानः। मातृक्कच्चन विद्यते।।
दिव्यस्यैका धनुरार्त्निः। पृथिव्या मपराश्रिता।। 15।।
तस्येन्द्रो वम्रिरूपेण। धनु र्ज्यामच्छिन थ्स्वयम्।।
तदिन्द्र धनु रित्यज्यम्। अब्भ्रवर्णेषु चक्षते। एतदेव शँयो र्बार्हस्पत्यस्य। एत द्रुद्रस्य धनुः।।
रुद्रस्य त्वेव धनु रार्त्निः। शिर उत्पिपेष। स प्रवर्ग्योभवत्। तस्मा द्य स्सप्रवर्ग्येण यज्ञेन यजते। रुद्रस्य स शिर प्रति दधाति। नैन रुद्र आरुको भवति। य एवँ वेद।। 16।। (श्रिता यजते त्रीणि च। 5।)
अत्यूर्ध्वाक्षोतिरश्चात्। शिशिर प्रदृश्यते। नैव रूप न्न वासासि। न चक्षु प्रति दृश्यते।।
अन्योन्यन्तु न हिस्रातः। सत स्तद्देव लक्षणम्। लोहितोक्ष्णि शारशीर्ष्णिः। सूर्यस्योदयनं प्रति।।
त्वङ्करोषि न्यञ्जलिकाम्। त्वङ्करोषि निजानुकाम्।। 17।।
निजानुका मे न्यञ्जलिका। अमी वाच मुपासता- मिति। तस्मै सर्व ऋतवो नमन्ते। मर्यादाकरत्वा त्प्रपुरोधाम्। ब्राह्मण आप्नोति। य एवँ वेद। स खलु सँवथ्सर एतै स्सेनानीभि स्सह। इन्द्राय सर्वान्कामा नभिवहति। स द्रफ्सः। तस्यैषा भवति।। 18।।
अवद्रफ्सो अशुमती मतिष्ठत्। इयान कृष्णो दशभि स्सहस्रैः। आवर्त मिन्द्र श्शच्या धमन्तम्। उपस्नुहि तन्नृमणा मथ द्रा- मिति। एतयैवेन्द्र स्सलावृक्या सह। असुरा न्परि वृश्चति। पृथिव्यशुमती। तामन्ववस्थित स्सँवथ्सरो दिवञ्च। नैवँ विदुषाचार्यान्तेवासिनौ। अन्योन्यस्मै द्रुह्याताम्। यो द्रुह्यति। भ्रश्यते स्वर्गा ल्लोकात्। इत्यृतुमण्डलानि। सूर्यमण्डला न्याख्यायिकाः। अत ऊर्ध्व सनिर्वचनाः।। 19।। (निजानुकां भवति द्रुह्यातां पञ्च च। 6।)
आरोगो
भ्राज
पटर
पतङ्गः।
स्वर्णरो
ज्योतिषीमान्
विभासः।
ते अस्मै सर्वे दिव मा तपन्ति। ऊर्जन्दुहाना अनपस्फुरन्त - इति।
कश्यपो- ष्टमः। स महामेरुन्न जहाति। तस्यैषा भवति।
यत्ते शिल्प ङ्कश्यप रोचनावत्। इन्द्रियाव त्पुष्कल ञ्चित्रभानु। यस्मिन्थ्सूर्या अर्पिता स्सप्त साकम्।। 20।।
तस्मि न्राजान मधि वि श्रयेम- मिति। ते अस्मै सर्वे कश्यपा ज्ज्योति र्लभन्ते। तान्थ्सोम कश्यपा दधि निर्धमति। भ्रस्ता कर्मकृदिवैवम्। प्राणो जीवानीन्द्रियजीवानि। सप्त शीर्षण्या प्राणाः। सूर्या इत्याचार्याः। अपश्य मह मेता न्थ्सप्त सूर्या निति। पञ्चकर्णो वाथ्स्यायनः। सप्तकर्णश्च प्लाक्षिः।। 21।।
आनुश्रविक एव नौ कश्यप इति। उभौ वेदयिते। न हि शेकुमिव महामेरु ङ्गन्तुम्। अपश्य मह मेतथ्सूर्यमण्डलं परिवर्तमानम्। गार्ग्य प्राणत्रातः। गच्छन्त महामेरुम्। एक ञ्चाजहतम्। भ्राजपटर पतङ्गानिहने। तिष्ठ न्ना तपन्ति। तस्मादिह तप्त्रितपाः।। 22।।
अमुत्रेतरे। तस्मादिहा तप्त्रितपाः। तेषामेषा भवति।
सप्त सूर्या दिव मनु प्रविष्टाः। तानन्वेति पथिभि र्दक्षिणावान्। ते अस्मै सर्वे घृत मा तपन्ति। ऊर्ज न्दुहाना अनस्फुरन्त - इति। सप्तर्त्विज स्सूर्या इत्याचार्याः। तेषा मेषा भवति।
सप्त दिशो नाना सूर्याः।। 23।।
सप्त होतार ऋत्विजः। देवा आदित्या ये सप्त। तेभि स्सोमाभी रक्षण - इति। तदप्याम्नायः। दिग्भ्राज ऋतू न्करोति। एतयैवावृता सहस्रसूर्यताया इति वैशम्पायनः। तस्यैषा भवति।
यद्द्याव इन्द्र ते शत शतं भूमीः। उत स्युः। नत्वा वज्रि‘2’न्थ्सहस्र सूर्याः।। 24।।
अनु न जातमष्टरोदसी - इति। नानालिङ्गत्वा दृतूना न्नानासूर्यत्वम्। अष्टौ तु व्यवसिता इति। सूर्यमण्डला न्यष्टा त ऊर्ध्वम्। तेषामेषा भवति।
चित्र न्देवाना मुदगा दनीकम्। चक्षु र्मित्रस्य वरुणस्याग्नेः। आप्रा द्यावापृथिवी अन्तरिक्षम्। सूर्य आत्मा जगत स्तस्थुष श्चे-ति।। 25।। (साकं प्लाक्षि स्तप्त्रितपा नानासूर्या स्सूर्या नव च। 7।)
क्वेद मब्भ्र न्निविशते। क्वाय सँवथ्सरो मिथः। क्वाह क्वेय न्देवरात्री। क्व मासा ऋतव श्श्रिताः।।
अर्धमासा मुहूर्ताः। निमेषा स्तृटिभि स्सह। क्वेमा आपो निविशन्ते। यदीतो यान्ति सम्प्रति।।
काला अफ्सु नि विशन्ते। आप स्सूर्ये समाहिताः।। 26।।
अब्भ्राण्यप प्र पद्यन्ते। विद्युथ्सूर्ये समाहिता।।
अनवर्णे इमे भूमी। इयञ्चासौ च रोदसी।।
किस्वि दत्रान्तरा भूतम्। येनेमे विधृते उभे। विष्णुना विधृते भूमी। इति वथ्सस्य वेदना।।
इरावती धेनुमती हि भूतम्। सूयवसिनी मनुषे दशस्ये।। 27।।
व्यष्टभ्ना द्रोदसी विष्णवेते। दाधर्थ पृथिवी मभितो मयूखैः।।
किन्तद्विष्णो र्बलमाहुः। का दीप्ति किं परायणम्। एको यद्धारय द्देवः। रेजती रोदसी उभे।।
वाता द्विष्णो र्बल माहुः। अक्षरा द्दीप्ति रुच्यते। त्रिपदा द्धारयद्देवः। यद्विष्णो रेक मुत्तमम्।। 28।।
अग्नयो वायवश्चैव। एतदस्य परायणम्।।
पृच्छामि त्वा परं मृत्युम्। अवमं मध्यमञ्चतुम्। लोकञ्च पुण्यपापानाम्। एत त्पृच्छामि सम्प्रति।।
अमु माहु परं मृत्युम्। पवमानन्तु मध्यमम्। अग्नि रेवावमो मृत्युः। चन्द्रमा श्चतु रुच्यते।। 29।।
अनाभोगा परं मृत्युम्। पापा स्सँयन्ति सर्वदा। आभोगा स्त्वेव सँयन्ति। यत्र पुण्यकृतो जनाः।।
ततो मध्यम मायन्ति। चतु मग्निञ्च सम्प्रति।।
पृच्छामि त्वा पापकृतः। यत्र यातयते यमः। त्वन्न स्तद्ब्रह्म न्प्र ब्रूहि। यदि वेत्थासतो गृहान्।। 30।।
कश्यपा दुदिता स्सूर्याः। पापा न्निर्घ्नन्ति सर्वदा। रोदस्यो रन्तर्देशेषु। तत्र न्यस्यन्ते वासवैः।।
तेशरीराः प्रपद्यन्ते। यथा पुण्यस्य कर्मणः। अपाण्यपादकेशासः। तत्र तेयोनिजा जनाः।।
मृत्वा पुनर्मृत्यु मापद्यन्ते। अद्यमाना स्स्वकर्मभिः।। 31।।
आशातिका क्रिमय इव। तत पूयन्ते वासवैः।।
अपैतं मृत्यु ञ्जयति। य एवँ वेद। सखल्वैवँवि द्ब्राह्मणः। दीर्घश्रुत्तमो भवति। कश्यपस्यातिथि स्सिद्धगमन स्सिद्धागमनः। तस्यैषा भवति।
आ यस्मि न्थ्सप्त वासवाः। रोहन्ति पूर्व्या रुहः।। 32।।
ऋषिर् ह दीर्घश्रुत्तमः। इन्द्रस्य घर्मो अतिथि- रिति। कश्यप पश्यको भवति। यथ्सर्वं परिपश्यतीति सौक्ष्म्यात्। अथाग्ने रष्टपुरुषस्य। तस्यैषा भवति।
अग्ने नय सुपथा राये अस्मान्। विश्वानि देव वयुनानि विद्वान्। युयोध्यस्म ज्जुहुराण मेनः। भूयिष्ठान्ते नमउक्तिँ विधे- मेति।। 33।। (समाहिता दशस्ये उत्तम मुच्यते गृहा न्थ्स्वकर्मभि पूर्व्या रुह इति। 8।)
अग्निश्च
जातवेदाश्च।
सहोजा
अजिराप्रभुः।
वैश्वानरो
नर्यापाश्च।
पङ्क्तिराधाश्च सप्तमः।
विसर्पे- वाष्टमोग्नीनाम्। एतेष्टौ वसव क्षिता इति। यथर्त्वेवाग्ने रर्चि र्वर्णविशेषाः। नीलार्चिश्च पीतकार्चिश्चेति।
अथ वायो रेकादश पुरुषस्यैकादशस्त्रीकस्य।
प्रभ्राजमाना
व्यवदाताः।। 34।।
याश्च
वासुकिवैद्युताः।
रजता
परुषा
श्श्यामाः।
कपिला
अतिलोहिताः।
ऊर्ध्वा
अवपतन्ताश्च।
वैद्युत- इत्येकादश। नैनँ वैद्युतो हिनस्ति। य एवँ वेद। स होवाच व्यास पाराशर्यः। विद्युद्वध मेवाहं मृत्यु मैच्छमिति। न त्वकाम हन्ति।। 35।।
य एवँ वेद।अथ गन्धर्वगणाः।
स्वान
भ्राट्।
अङ्घारि
र्बम्भारिः।
हस्त
स्सुहस्तः।
कृशानु
र्विश्वावसुः।
मूर्ध्वन्वा
न्थ्सूर्यवर्चाः।
कृति- रित्येकादश गन्धर्वगणाः। देवाश्च महादेवाः। रश्मयश्च देवा गरगिरः।। 36।।
नैन ङ्गरो हिनस्ति। य एवँ वेद।
गौरी मिमाय सलिलानि तक्षती। एकपदी द्विपदी सा चतुष्पदी। अष्टापदी नवपदी बभूवुषी। सहस्राक्षरा परमे व्योम- न्निति। वाचो विशेषणम्। अथ निगदव्याख्याताः। ताननु क्रमिष्यामः।
वराहव
स्स्वतपसः।। 37।।
विद्युन्महसो
धूपयः।
श्वापयो
गृहमेधाश्चे- त्येते। ये चेमे
शिमिविद्विषः।
पर्जन्या स्सप्त पृथिवी मभिवर्षन्ति। वृष्टिभि रिति। एतयैव विभक्ति विपरीताः। सप्तभि र्वातै रुदीरिताः। अमू न्लोका नभिवर्षन्ति। तेषामेषा भवति।
समान मेत दुदकम्।। 38।।
उच्चैत्यव चाहभिः। भूमिं पर्जन्या जिन्वन्ति। दिवञ्जिन्व न्त्यग्नय- इति।
यदक्षरं भूतकृतम्। विश्वे देवा उपासते। महर्षि मस्य गोप्तारम्। जमदग्नि मकुर्वत।।
जमदग्नि राप्यायते। छन्दोभि श्चतु रुत्तरैः। राज्ञ स्सोमस्य तृप्तासः।। 39।।
ब्रह्मणा वीर्यावता। शिवा न प्रदिशो दिशः।।
तच्छँयो रावृणीमहे। गातुँ यज्ञाय। गातुँ यज्ञपतये। दैवी स्वस्तिरस्तु नः। स्वस्ति र्मानुषेभ्यः। ऊर्ध्व ञ्जिगातु भेषजम्। शन्नो अस्तु द्विपदे। शञ्चतुष्पदे।।
सोमपा ‘3’ असोमपा ‘3’ इति निगदव्याख्याताः।। 40।। (व्यवदाता हन्ति गरगिर स्स्वतपस उदक न्तृप्तास श्चतुष्पद एकञ्च। 9।)
सहस्रवृदियं भूमिः। परँ व्योम सहस्रवृत्। अश्विना भुज्यू नासत्या। विश्वस्य जगतस्पती।।
जाया भूमि पति र्व्योम। मिथुनन्ता अतुर्यथुः। पुत्त्रो बृहस्पती रुद्रः। सरमा इति स्त्रीपुमम्।।
शुक्रँ वा मन्य द्यजतँ वा मन्यत्। विषुरूपे अहनी द्यौ रिव स्थः।। 41।।
विश्वा हि माया अवथ स्स्वधावन्तौ। भद्रा वां पूषणा विह रातिरस्तु।।
वासात्यौ चित्रौ जगतो निधानौ। द्यावाभूमी चरथ स्स सखायौ। तावश्विना रासभाश्वा हवं मे। शुभस्पती आगत सूर्यया सह।।
त्युग्रो ह भुज्ज्यु मश्विनोदमेघे। रयिन्न कश्चिन्ममृवाँ ‘2’ अवाहाः। तमूहथु र्नौभि रात्मन्वतीभिः। अन्तरिक्ष प्रुड्भि रपोदकाभिः।। 42।।
तिस्र क्षप स्त्रिरहाति व्रजद्भिः। नासत्या भुज्ज्यु मूहथु पतङ्गैः। समुद्रस्य धन्व न्नार्द्रस्य पारे। त्रिभी रथै श्शतपद्भि ष्षडश्वैः।।
सवितारँ वितन्वन्तम्। अनु बध्नाति शाम्बरः। आपपूरु षम्बरश्चैव। सविता रेपसोभवत्।
त्य सु तृप्तँ विदित्वैव। बहु सोम गिरँ वशी।। 43।।
अन्वेति तुग्रो वक्रियान्तम्। आयसूया न्थ्सोम तृप्सुषु।।
स सङ्ग्राम स्तमोद्योत्योतः। वाचो गा पिपाति तत्। स तद्गोभि स्तवात्येत्यन्ये। रक्षसा नन्विताश्च ये।।
अन्वेति परिवृत्यास्तः। एवमेतौ स्थो अश्विना। ते एते द्युपृथिव्योः। अहरह र्गर्भ न्दधाथे।। 44।।
तयो रेतौ वत्सा वहोरात्रे। पृथिव्या अहः। दिवो रात्रिः। ता अविसृष्टौ। दम्पती एव भवतः। तयो रेतौ वथ्सौ। अग्निश्चादित्यश्च। रात्रे र्वथ्सः। श्वेत आदित्यः। अह्नोग्निः।। 45।।
ताम्रो अरुणः। ता अविसृष्टौ। दम्पती एव भवतः। तयोरेतौ वथ्सौ। वृत्रश्च वैद्युतश्च। अग्नेर्वृत्रः। वैद्युत आदित्यस्य। ता अविसृष्टौ। दम्पती एव भवतः। तयोरेतौ वथ्सौ।। 46।।
उष्मा च नीहारश्च। वृत्रस्योष्मा। वैद्युतस्य नीहारः। तौ तावेव प्रतिपद्येते। सेय रात्री गर्भिणी पुत्रेण सँवसति। तस्या वा एत दुल्बणम्। यद्रात्रौ रश्मयः। यथा गोर्गर्भिण्या उल्बणम्। एव मेतस्या उल्बणम्। प्रजयिष्णु प्रजया च पशुभिश्च भवति। य एवँ वेद। एत मुद्यन्त मपियन्तञ्चेति। आदित्य पुण्यस्य वथ्सः। अथ पवित्राङ्गिरसः।। 47।। (स्थोपोदकाभि र्वशी दधाथे अग्नि स्तयो रेतौ वथ्सौ भवति चत्वारि च। 10।)
पवित्रवन्त परि वाज मासते। पितैषां प्रत्नो अभि रक्षति व्रतम्। महस्समुद्रँ वरुण स्तिरो दधे। धीरा इच्छेकु र्धरुणेष्वारभम्।।
पवित्रन्ते विततं ब्रह्मणस्पते। प्रभु र्गात्राणि पर्येषि विश्वतः। अतप्ततनूर्न तदामो अश्नुते। शृतास इद्वहन्त स्तथ्समाशत।।
ब्रह्मा देवानाम् ।।
असत स्सद्येततक्षुः।। 48।।
ऋषय स्सप्तात्रिश्च यत्। सर्वे त्रयो अगस्त्यश्च। नक्षत्रै श्शङ्कृतो वसन्न्।।
अथ सवितु श्श्यावाश्वस्यावर्तिकामस्य।
अमी य ऋक्षा निहितास उच्चा। नक्त न्ददृश्रे कुह चिद्दिवेयुः। अदब्धानि वरुणस्य व्रतानि। विचाकश च्चन्द्रमा नक्षत्रमेति।।
तथ्सवितु र्वरेण्यम्। भर्गो देवस्य धीमहि।। 49।।
धियो यो नप्रचोदयात्।।
तथ्सवितु र्वृणीमहे। वयन्देवस्य भोजनम्। श्रेष्ठ सर्वधातमम्। तुरं भगस्य धीमहि।।
अपागूहत सवितातृभीन्। सर्वा न्दिवो अन्धसः। नक्तन्ता न्यभव न्दृशे। अस्थ्यस्थ्ना सं भविष्यामः।।
नाम नामैव नाम मे।। 50।।
नपुसकं पुमा स्त्र्यस्मि। स्थावरोस्म्यथ जङ्गमः। यजे यक्षि यष्टाहे च।।
मया भूतान्ययक्षत। पशवो मम भूतानि। अनूबन्ध्योस्म्यहँ विभुः।।
स्त्रिय स्सतीः। ता उ मे पुस आहुः। पश्य दक्षण्वा न्न विचेत दन्धः। कवि र्य पुत्त्र स्स इमा चिकेत।। 51।।
यस्ता विजाना थ्सवितु पितासत्।।
अन्धो मणि मविन्दत्। तमनङ्गुलि रावयत्। अग्रीव प्रत्यमुञ्चत्। तमजिह्वा असश्चत।।
ऊर्ध्वमूल मवाक्छाखम्। वृक्षँ यो वेद सम्प्रति। न स जातु जन श्श्रद्दध्यात्। मृत्यु र्मा मारयादितिः।।
हसित रुदित ङ्गीतम्।। 52।।
वीणापणव लासितम्। मृत ञ्जीवञ्च यत्किञ्चित्। अङ्गानिस्नेव विद्धि तत्।।
अतृष्य स्तृष्य द्ध्यायत्। अस्मा ज्जाता मे मिथू चरन्न्। पुत्त्रो निर्ऋत्या वैदेहः। अचेता यश्च चेतनः।।
सतं मणि मविन्दत्। सोनङ्गुलि रावयत्। सोग्रीवः प्रत्यमुञ्चत्।। 53।।
सोजिह्वो असश्चत।।
नैतमृषिँ विदित्वा नगरं प्रविशेत्। यदि प्रविशेत्। मिथौ चरित्वा प्रविशेत्। तत्सम्भवस्य व्रतम्।
आतमग्ने रथन्तिष्ठ। एकाश्व मेकयोजनम्। एकचक्र मेकधुरम्। वातध्राजि गतिँ विभो।।
न रिष्यति न व्यथते।। 54।।
नास्याक्षो यातु सज्जति। यच्छ्वेता न्रोहिता श्चाग्नेः। रथे युक्त्वाधितिष्ठति।।
एकया च दशभिश्च स्व भूते। द्वाभ्यामिष्टये विशत्या च। तिसृभिश्च वहसे त्रिशता च। नियुद्भि र्वायविहता विमुञ्च।। 55।। (ततक्षु र्धीमहि नाम मे चिकेत गीतं प्रत्यमुञ्च द्व्यथते सप्त च। 11।)
आ तनुष्व प्र तनुष्व। उद्धमाधम सन्धम। आदित्ये चन्द्रवर्णानाम्। गर्भ मा धेहि य पुमान्।।
इतस्सिक्त सूर्यगतम्। चन्द्रमसे रसङ्कृधि। वारादञ्जनयाग्रेग्निम्। य एको रुद्र उच्यते।।
असङ्ख्याता स्सहस्राणि। स्मर्यते न च दृश्यते।। 56।।
एव मेत न्निबोधत।।
आमन्द्रै रिन्द्र हरिभिः। याहि मयूररोमभिः। मा त्वा केचिन्नि ये मुरिन्न पाशिनः। दधन्वेव ता इहि।।
मामन्द्रै रिन्द्र हरिभिः। यामि मयूर रोमभिः। मा मा केचिन्नि ये मुरिन्नपाशिनः। निधन्वेव ताँ ‘2’ इमि।।
अणुभिश्च महद्भिश्च।। 57।।
निघृष्वै रसमायुतैः। कालैर् हरित्व मापन्नैः। इन्द्रायाहि सहस्रयुक्।।
अग्नि र्विभ्राष्टिवसनः। वायु श्श्वेतसिकद्रुकः। सँवथ्सरो विषूवर्णैः। नित्या स्तेनुचरास्तव।।
सुब्रह्मण्यो सुब्रह्मण्यो सुब्रह्मण्योम्। इन्द्रागच्छ हरिव आगच्छ मेधातिथेः। मेषवृषण श्वस्य मेने।। 58।।
गौरावस्कन्दि न्नहल्यायै जार। कौशिक ब्राह्मण गौतम ब्रुवाण।।
अरुणाश्वा इहागताः। वसव पृथिविक्षितः। अष्टौ दिग्वाससोग्नयः। अग्निश्च जातवेदा श्चे- त्येते।।
ताम्राश्वा स्ताम्ररथाः। ताम्रवर्णा स्तथासिताः। दण्डहस्ता खादग्दतः। इतो रुद्रा पराङ्गताः।। 59।।
उक्तस्थानं प्रमाणञ्च पुर इत।
बृहस्पतिश्च सविता च। विश्वरूपै रिहागताम्। रथेनोदकवर्त्मना। अप्सुषा इति तद्द्वयोः।।
उक्तो वेषो वासासि च। कालावयवाना मित प्रतीच्या । वासात्या इत्यश्विनोः। कोन्तरिक्षे शब्दङ्करोतीति। वासिष्ठो रौहिणो मीमासाञ्चक्रे। तस्यैषा भवति।
वाश्रेव विद्यु -दिति।
ब्रह्मण उदरणमसि।
ब्रह्मण उदीरणमसि।
ब्रह्मण आस्तरणमसि।
ब्रह्मण उपस्तरणमसि।। 60।। (दृश्यते च मेने पराङ्गता श्चक्रे षट्च। 12।)
(अपक्रामत गर्भिण्यः - गर्भिणी सन्निवेशात्, मन्द्रस्थाय्युच्चारणं सामयिकम्)
अष्टयोनी मष्टपुत्त्राम्। अष्टपत्नी मिमां महीम्। अहँ वेद न मे मृत्युः। न चामृत्यु रघाहरत्।।
अष्टयो न्यष्टपुत्त्रम्। अष्टप दिद मन्तरिक्षम्। अहँ वेद न मे मृत्युः। न चामृत्यु रघाहरत्।।
अष्टयोनी मष्टपुत्त्राम्। अष्टपत्नी ममू न्दिवम्।। 61।।
अहँ वेद न मे मृत्युः। न चामृत्यु रघाहरत्।।
सुत्रामाणं
मही मूषु।
अदिति र्द्यौ रदिति रन्तरिक्षम्। अदिति र्माता स पिता स पुत्त्रः। विश्वे देवा अदिति पञ्च जनाः। अदिति र्जात मदिति र्जनित्वम्।।
अष्टौ पुत्रासो अदितेः। ये जाता स्तन्व परि। देवाँ ‘2’ उपप्रै थ्सप्तभिः।। 62।।
परा मार्ताण्ड मास्यत्।।
सप्तभि पुत्त्रै रदितिः। उप प्रैत्पूर्व्यँ युगम्। प्रजायै मृत्यवे तत्। परामार्ताण्ड माभर- दिति। ताननु क्रमिष्यामः।
मित्रश्च
वरुणश्च।
धाता
चार्यमा च।
अशश्च
भगश्च।
इन्द्रश्च
विवस्वाश्चे- त्येते।
हिरण्यगर्भो
हस श्शुचिषत् ।
ब्रह्म जज्ञान
न्तदित्पद - मिति।।
गर्भ प्राजापत्यः। अथ पुरुष स्सप्तपुरुषः।। 63।। (अमून्दिव सप्तभि रेते चत्वारि च। 13। यथास्थानङ्गर्भिण्यः)
योसौ तप न्नुदेति। स सर्वेषां भूतानां प्राणानादा योदेति। मा मे प्रजाया मा पशूनाम्। मा मम प्राणानादा योदगाः।।
असौ योस्तमेति। स सर्वेषां भूतानां प्राणानादा यास्त मेति। मा मे प्रजाया मा पशूनाम्। मा मम प्राणानादायास्तङ्गाः।।
असौ य आपूर्यति। स सर्वेषां भूतानां प्राणै रापूर्यति।। 64।।
मा मे प्रजाया मा पशूनाम्। मा मम प्राणै रापूरिष्ठाः।।
असौ योपक्षीयति। स सर्वेषां भूतानां प्राणै रपक्षीयति। मा मे प्रजाया मा पशूनाम्। मा मम प्राणै रपक्षेष्ठाः।। (1)।।
अमूनि नक्षत्राणि। सर्वेषां भूतानां प्राणै रप प्रसर्पन्ति चोथ्सर्पन्ति च। मा मे प्रजाया मा पशूनाम्। मा मम प्राणै रप प्रसृपत मोथ्सृपत।। 65।।
इमे मासा श्चार्धमासाश्च। सर्वेषां भूतानां प्राणै रपप्रसर्पन्ति चोथ्सर्पन्ति च। मा मे प्रजाया मा पशूनाम्। मा मम प्राणै रप प्रसृपत मोथ्सृपत।।
इम ऋतवः। सर्वेषां भूतानां प्राणै रपप्रसर्पन्ति चोथ्सर्पन्ति च। मा मे प्रजाया मा पशूनाम्। मा मम प्राणै रप प्रसृपत मोथ्सृपत।। (2)।।
अय सँवथ्सरः। सर्वेषां भूतानां प्राणै रपप्रसर्पति चोथ्सर्पति च।। 66।।
मा मे प्रजाया मा पशूनाम्। मा मम प्राणै रपप्रसृप मोथ्सृप।।
इद महः। सर्वेषां भूतानां प्राणै रपप्रसर्पति चोथ्सर्पति च। मा मे प्रजाया मा पशूनाम्। मा मम प्राणै रपप्रसृप मोथ्सृप।।
इय रात्रिः। सर्वेषां भूतानां प्राणै रप प्रसर्पति चोथ्सर्पति च। मा मे प्रजाया मा पशूनाम्। मा मम प्राणै रपप्रसृप मोथ्सृप।।
ओं भूर्भुवस्स्वः।
एतद्वो मिथुनं मा नो मिथुन रीढ्वम्।। 67।। (3)
(प्राणै रापूर्यति मोथ्सृपत चोथ्सर्पति च मोथ्सृप द्वे च। 14। योसौ षोडशामूनि द्वादशाय ञ्चतुर्दश। उदेत्यस्त मेत्यापूर्य त्यपक्षीय त्यमूनि नक्षत्राणीमे मासा इम ऋतवोय सँवथ्सर इदमह रिय रात्रिर्दश।)
अथादित्यस्याष्टपुरुषस्य।
वसूना मादित्या स्थाने स्वतेजसा भानि।
रुद्राणा मादित्याना स्थाने स्वतेजसा भानि।
आदित्याना मादित्याना स्थाने स्वतेजसा भानि।
सता सत्यानाम्। आदित्याना स्थाने स्वतेजसा भानि।
अभिधून्वता मभिघ्नताम्। वातवतां मरुताम्। आदित्याना स्थाने स्वतेजसा भानि।
ऋभूणा मादित्याना स्थाने स्वतेजसा भानि।
विश्वेषा न्देवानाम्। आदित्याना स्थाने स्वतेजसा भानि।
सँवथ्सरस्य सवितुः। आदित्यस्य स्थाने स्वतेजसा भानि।
ओं भूर्भुवस्स्वः।
रश्मयो वो मिथुनं मा नो मिथुन रीढ्वम्।। 68।। (ऋभूणा मादित्याना स्थाने स्वतेजसा भानि षट्च। 15।)
आरोगस्य स्थाने स्वतेजसा भानि।
भ्राजस्य स्थाने स्वतेजसा भानि।
पटरस्य स्थाने स्वतेजसा भानि।
पतङ्गस्य स्थाने स्वतेजसा भानि।
स्वर्णरस्य स्थाने स्वतेजसा भानि।
ज्योतिषीमतस्य स्थाने स्वतेजसा भानि।
विभासस्य स्थाने स्वतेजसा भानि।
कश्यपस्य स्थाने स्वतेजसा भानि।
ओं भूर्भुवस्स्वः।
आपो वो मिथुनं मा नो मिथुन रीढ्वम्।। 69।। (आरोगस्य दश। 16।)
अथ वायो रेकादशपुरुष स्यैकादशस्त्रीकस्य।
प्रभ्राजमानाना रुद्राणा स्थाने स्वतेजसा भानि।
व्यवदाताना रुद्राणा स्थाने स्वतेजसा भानि।
वासुकिवैद्युताना रुद्राणा स्थाने स्वतेजसा भानि।
रजताना रुद्राणा स्थाने स्वतेजसा भानि।
परुषाणा रुद्राणा स्थाने स्वतेजसा भानि।
श्यामाना रुद्राणा स्थाने स्वतेजसा भानि।
कपिलाना रुद्राणा स्थाने स्वतेजसा भानि।
अतिलोहिताना रुद्राणा स्थाने स्वतेजसा भानि।
ऊर्ध्वाना रुद्राणा स्थाने स्वतेजसा भानि।। 70।।
अवपतन्ताना रुद्राणा स्थाने स्वतेजसा भानि।
वैद्युताना रुद्राणा स्थाने स्वतेजसा भानि।
प्रभ्राजमानीना रुद्राणीना स्थाने स्वतेजसा भानि।
व्यवदातीना रुद्राणीना स्थाने स्वतेजसा भानि।
वासुकिवैद्युतीना रुद्राणीना स्थाने स्वतेजसा भानि।
रजताना रुद्राणीना स्थाने स्वतेजसा भानि।
परुषाणा रुद्राणीना स्थाने स्वतेजसा भानि।
श्यामाना रुद्राणीना स्थाने स्वतेजसा भानि।
कपिलाना रुद्राणीना स्थाने स्वतेजसा भानि।
अतिलोहितीना रुद्राणीना स्थाने स्वतेजसा भानि।
ऊर्ध्वाना रुद्राणीना स्थाने स्वतेजसा भानि।
अवपतन्तीना रुद्राणीना स्थाने स्वतेजसा भानि।
वैद्युतीना रुद्राणीना स्थाने स्वतेजसा भानि।
ओं भूर्भुवस्स्वः।
रूपाणि वो मिथुनं मा नो मिथुन रीढ्वम्।। 71।। (ऊर्ध्वाना रुद्राणा स्थाने स्वतेजसा भान्यतिलोहितीना रुद्राणीना स्थाने स्वतेजसा भानि पञ्च च। 17।)
अथाग्ने रष्टपुरुषस्य।
अग्ने पूर्वदिश्यस्य स्थाने स्वतेजसा भानि।
जातवेदस उपदिश्यस्य स्थाने स्वतेजसा भानि।
सहोजसो दक्षिणदिश्यस्य स्थाने स्वतेजसा भानि।
अजिराप्रभव उपदिश्यस्य स्थाने स्वतेजसा भानि।
वैश्वानरस्यापरदिश्यस्य स्थाने स्वतेजसा भानि।
नर्यापस उपदिश्यस्य स्थाने स्वतेजसा भानि।
पङ्क्तिराधस उदग्दिश्यस्य स्थाने स्वतेजसा भानि।
विसर्पिण उपदिश्यस्य स्थाने स्वतेजसा भानि।
ओं भूर्भुवस्स्वः।
दिशो वो मिथुनं मा नो मिथुन रीढ्वम्।। 72।। (स्वरेकञ्च। 18। एतद्रश्मय आपो रूपाणि दिश पञ्च।)
दक्षिणपूर्वस्या न्दिशि विसर्पी नरकः। तस्मान्न परिपाहि।
दक्षिणापरस्या न्दिश्यविसर्पी नरकः। तस्मान्न परिपाहि।
उत्तरपूर्वस्या न्दिशि विषादी नरकः। तस्मान्न परिपाहि।
उत्तरापरस्या न्दिश्यविषादी नरकः। तस्मान्न परिपाहि।
आ यस्मि‘2’ न्थ्सप्त वासवा
इन्द्रियाणि शतक्रत वित्येते।। 73। (दक्षिण पूर्वस्यान्नव। 19।)
इन्द्रघोषा वो वसुभि पुरस्ता दुप दधताम्।
मनोजवसो व पितृभि र्दक्षिणत उप दधताम्।
प्रचेता वो रुद्रै पश्चा दुप दधताम्।
विश्वकर्मा व आदित्यै रुत्तरत उप दधताम्।
त्वष्टा वो रूपै रुपरिष्टा- दुप दधताम्।
सँ‘2’ज्ञानँ व पश्चा- दिति।
आदित्य स्सर्वोग्नि पृथिव्याम्।
वायु रन्तरिक्षे।
सूर्यो दिवि।
चन्द्रमा दिक्षु।
नक्षत्राणि स्वलोके।
एवा ह्येव--।
एवा ह्यग्ने--।
एवा हि वायो--।
एवा हीन्द्र --।
एवा हि पूषन्न्--।
एवा हि देवाः--।। 74।। (दिक्षु सप्त च। 20।)
आप मापा मप स्सर्वाः। अस्मादस्मा दितोमुतः। अग्नि र्वायुश्च सूर्यश्च। सहस ञ्चस्करर्धिया।।
वाय्वश्वा रश्मिपतयः। मरीच्यात्मानो अद्रुहः। देवी र्भुवनसूवरीः। पुत्त्रवत्त्वाय मे सुत।।
महानाम्नी र्महामानाः। महसो महसस्स्वः।। 75।।
देवी पर्जन्यसूवरीः। पुत्त्रवत्त्वाय मे सुत।।
अपाश्न्युश्नि मपारक्षः। अपाश्न्युष्णि मपारघम्। अपाघ्रा मप चावर्तिम्। अप देवी रितो हित।।
वज्र न्देवी रजीताश्च। भुवन न्देवसूवरीः। आदित्या नदिति न्देवीम्। योनिनोर्ध्व मुदीषत।। 76।।
भद्र ङ्कर्णेभि श्शृणुयाम देवाः। भद्रं पश्ये माक्षभि र्यजत्राः। स्थिरै रङ्गै स्तुष्टुवास स्तनूभिः। व्यशेम देवहितँ यदायुः।।
स्वस्ति न इन्द्रो वृद्धश्रवाः। स्वस्ति नपूषा विश्ववेदाः। स्वस्ति न स्तार्क्ष्यो अरिष्टनेमिः। स्वस्ति नो बृहस्पति र्दधातु।।
केतवो अरुणासश्च। ऋषयो वातरशनाः। प्रतिष्ठा शतधा हि। समाहितासो सहस्रधायसम्।
शिवा न श्शन्तमा भवन्तु। दिव्या आप ओषधयः।।
सुमृडीका सरस्वति। मा ते व्योम सन्दृशि।। 77।। (स्व रुदीषत वातरशना ष्षट्च। 21।)
योपां पुष्पँ वेद। पुष्पवा न्प्रजावा न्पशुमा न्भवति। चन्द्रमा वा अपां पुष्पम्। पुष्पवा न्प्रजावा न्पशुमा न्भवति। य एवँ वेद। योपा मायतनँ वेद। आयतनवा न्भवति।
अग्निर्वा अपा मायतनम्। आयतनवा न्भवति। योग्ने रायतनँ वेद।। 78।।
आयतनवा न्भवति। आपो वा अग्ने रायतनम्। आयतनवा न्भवति। य एवँ वेद। योपा मायतनँ वेद। आयतनवा न्भवति।
वायुर्वा अपा मायतनम्। आयतनवा न्भवति। यो वायो रायतनँ वेद। आयतनवा न्भवति।। 79।।
आपो वै वायो रायतनम्। आयतनवा न्भवति। य एवँ वेद। योपा मायतनँ वेद। आयतनवा न्भवति।
असौ वै तप न्नपा मायतनम्। आयतनवा न्भवति। योमुष्य तपत आयतनँ वेद। आयतनवा न्भवति। आपो वा अमुष्य तपत आयतनम्।। 80।।
आयतनवा न्भवति। य एवँ वेद। योपामायतनँ वेद। आयतनवा न्भवति।
चन्द्रमा वा अपा मायतनम्। आयतनवा न्भवति। यश्चन्द्रमस आयतनँ वेद। आयतनवा न्भवति। आपो वै चन्द्रमस आयतनम्। आयतनवा न्भवति।। 81।।
य एवँ वेद। योपा मायतनँ वेद। आयतनवा न्भवति।
नक्षत्राणि वा अपा मायतनम्। आयतनवा न्भवति। यो नक्षत्राणा मायतनँ वेद। आयतनवा न्भवति। आपो वै नक्षत्राणा मायतनम्। आयतनवा न्भवति। य एवँ वेद।। 82।।
योपा मायतनँ वेद। आयतनवा न्भवति।
पर्जन्यो वा अपा मायतनम्। आयतनवा न्भवति। य पर्जन्यस्यायतनँ वेद। आयतनवा न्भवति। आपो वै पर्जन्यस्यायतनम्। आयतनवा न्भवति। य एवँ वेद। योपा मायतनँ वेद।। 83।।
आयतनवा न्भवति।
सँवथ्सरो वा अपा मायतनम्। आयतनवा न्भवति। यस्सँवथ्सरस्यायतनँ वेद। आयतनवा न्भवति। आपो वै सँवथ्सरस्यायतनम्। आयतनवा न्भवति। य एवँ वेद। योप्सु नावं प्रतिष्ठिताँ वेद। प्रत्येव तिष्ठति।। 84।।
इमे वै लोका अफ्सु प्रतिष्ठिताः। तदेषाभ्यनूक्ता।
अपारस मुदयसन्न्। सूर्ये शुक्र समाभृतम्। अपा रसस्य यो रसः। तँ वो गृह्णाम्युत्तम- मिति। इमे वै लोका अपा रसः। तेमुष्मि न्नादित्ये समाभृताः। जानुदघ्नी मुत्तरवेदी ङ्खात्वा। अपां पूरयित्वा गुल्फदघ्नम्।। 85।।
पुष्करपर्णै पुष्करदण्डै पुष्करैश्च सस्तीर्य। तस्मिन्विहायसे। अग्निं प्रणीयोपसमाधाय। ब्रह्मवादिनो वदन्ति। कस्मात्प्रणीतेय मग्नि श्चीयते। सा प्रणीतेय मफ्सु ह्यय ञ्चीयते। असौ भुवनेप्यनाहिताग्नि रेताः। तमभित एता अबीष्टका उप दधाति। अग्निहोत्रे दर्शपूर्णमासयोः। पशुबन्धे चातुर्मास्येषु।। 86।।
अथो आहुः। सर्वेषु यज्ञक्रतुष्विति। एतद्धस्म वा आहु श्शण्डिलाः। कमग्नि ञ्चिनुते। सत्त्रिय मग्नि ञ्चिन्वानः। सँवथ्सरं प्रत्यक्षेण। कमग्नि ञ्चिनुते। सावित्र मग्नि ञ्चिन्वानः। अमु मादित्यं प्रत्यक्षेण। कमग्नि ञ्चिनुते।। 87।।
नाचिकेत मग्नि ञ्चिन्वानः। प्राणा न्प्रत्यक्षेण। कमग्नि ञ्चिनुते। चातुर्होत्रिय मग्नि ञ्चिन्वानः। ब्रह्म प्रत्यक्षेण। कमग्नि ञ्चिनुते। वैश्वसृज मग्नि ञ्चिन्वानः। शरीरं प्रत्यक्षेण। कमग्नि ञ्चिनुते। उपानुवाक्य माशु मग्नि ञ्चिन्वानः।। 88।।
इमा न्लोका न्प्रत्यक्षेण। कमग्नि ञ्चिनुते। इम मारुणकेतुक मग्नि ञ्चिन्वान इति। य एवासौ। इतश्चामुतश्चाव्यतीपाती। तमिति। योग्ने र्मिथूया वेद। मिथुनवा न्भवति। आपो वा अग्ने र्मिथूयाः। मिथुनवा न्भवति। य एवँ वेद।। 89।। (वेद भव त्यायतन मायतनवा न्भवति य एवँ वेद वेद तिष्ठति गुल्फदघ्न ञ्चातुर्मास्येष्वमु मादित्यं प्रत्यक्षेण कमग्निञ्चिनुत उपानुवाक्य माशु मग्नि ञ्चिन्वानो मिथूया मिथुनवा न्भव त्येकञ्च। 22। पुष्प मग्नि र्वायु रसौ वै तप न्चन्द्रमा नक्षत्राणि पर्जन्य स्सँवथ्सरो योप्सु नाव मेतद्धस्म वै सत्त्रिय सँवथ्सर सावित्र ममु न्नाचिकेतं प्राणा श्चातुर्होत्रियं ब्रह्म वैश्वसृज शरीर मुपानुवाक्य माशु मिमा न्लोका निम मारुणकेतुक मग्नि ञ्चिन्वानो य एवासौ।)
आपो वा इद मास‘2’न्थ्सलिल मेव। स प्रजापति रेक पुष्करपर्णे समभवत्। तस्यान्त र्मनसि काम स्समर्तत। इद सृजेयमिति। तस्मा द्यत्पुरुषो मनसाभिगच्छति। तद्वाचा वदति। तत्कर्मणा करोति। तदेषाभ्यनूक्ता।
काम स्तदग्रे समवर्तताधि। मनसो रेत प्रथमँ यदासीत्।। 90।।
सतो बन्धु मसति निरविन्दन्न्। हृदि प्रतीष्या कवयो मनीषे- ति। उपैन न्तदुप नमति। यत्कामो भवति। य एवँ वेद। स तपोतप्यत। स तपस्तप्त्वा। शरीर मधूनुत। तस्य यन्मास मासीत्। ततोरुणा केतवो वातरशना ऋषय उदतिष्ठन्न्।। 91।।
ये नखाः। ते वैखानसाः। ये वालाः। ते वालखिल्याः। यो रसः। सोपाम्। अन्तरत कूर्मं भूत सर्पन्तम्। तमब्रवीत्। मम वै त्वङ्मासा। समभूत्।। 92।।
नेत्यब्रवीत्। पूर्व मेवाह मिहास मिति। तत्पुरुषस्य पुरुषत्वम्। स सहस्रशीर्षा पुरुषः। सहस्राक्ष स्सहस्रपात्। भूत्वोदतिष्ठत्। तमब्रवीत्। त्वँ वै पूर्व समभूः। त्वमिदं पूर्व कुरुष्वेति। स इत आदायापः।। 93।।
अञ्जलिना पुरस्ता दुपादधात्। एवा ह्येवेति। तत आदित्य उदतिष्ठत्। सा प्राची दिक्। अथारुण केतु र्दक्षिणत उपादधात्। एवा ह्यग्न इति। ततो वा अग्नि रुदतिष्ठत्। सा दक्षिणा दिक्। अथारुण केतु पश्चा दुपादधात्। एवा हि वायो इति।। 94।।
ततो वायु रुदतिष्ठत्। सा प्रतीची दिक्। अथारुण केतु रुत्तरत उपादधात्। एवाहीन्द्रेति। ततो वा इन्द्र उदतिष्ठत्। सोदीची दिक्। अथारुण केतुर्मध्य उपादधात्। एवाहि पूषन्निति। ततो वै पूषोदतिष्ठत्। सेयन्दिक्।। 95।।
अथारुण केतु रुपरिष्टा दुपादधात्। एवाहि देवा इति। ततो देवमनुष्या पितरः। गन्धर्वाप्सरस श्चोदतिष्ठन्न्। सोर्ध्वा दिक्। या विप्रुषो वि परापतन्न्। ताभ्योसुरा रक्षसि पिशाचा श्चोदतिष्ठन्न्। तस्मात्ते पराभवन्न्। विप्रुड्भ्यो हि ते समभवन्न्। तदेषाभ्यनूक्ता।। 96।।
आपो ह यद्बृहती र्गर्भ मायन्न्। दक्ष न्दधाना जनयन्ती स्वयम्भुम्। तत इमेध्यसृज्यन्त सर्गाः।-- अद्भ्यो वा इद समभूत्। --तस्मादिद सर्वं ब्रह्म स्वयम्भ्वि-ति।
तस्मादिद सर्व शिथिल मिवाध्रुव मिवाभवत्। प्रजापति र्वाव तत्। आत्मनात्मानँ विधाय। तदेवानु प्राविशत्। तदेषाभ्यनूक्ता।। 97।।
विधाय लोकान् विधाय भूतानि। विधाय सर्वा प्रदिशो दिशश्च। प्रजापति प्रथमजा ऋतस्य। आत्मनात्मान मभि सँ विवेशे- ति। सर्व मेवेद माप्त्वा। सर्व मवरुद्ध्य। तदेवानु प्रविशति। य एवँ वेद।। 98।। (आसी दतिष्ठ न्नभू दपो वायो इति सेय न्दिगभ्यनूक्ता भ्यनूक्ताष्टौ च। 23।)
चतुष्टय्य आपो गृह्णाति। चत्वारि वा अपा रूपाणि। मेघो विद्युत्। स्तनयित्नु र्वृष्टिः। तान्येवाव रुन्धे। आतपति वर्ष्या गृह्णाति। ता पुरस्ता दुप दधाति। एता वै ब्रह्मवर्चस्या आपः। मुखत एव ब्रह्मवर्चस मव रुन्धे। तस्मान्मुखतो ब्रह्मवर्चसितरः।। 99।।
कूप्या गृह्णाति। ता दक्षिणत उप दधाति। एता वै तेजस्विनी रापः। तेज एवास्य दक्षिणतो दधाति। तस्मा द्दक्षिणोर्ध स्तेजस्वितरः। स्थावरा गृह्णाति। ता पश्चादुप दधाति। प्रतिष्ठिता वै स्थावराः। पश्चादेव प्रति तिष्ठति। वहन्ती र्गृह्णाति।। 100।।
ता उत्तरत उप दधाति। ओजसा वा एता वहन्ती रिवोद्गतीरिव आकूजतीरिव धावन्तीः। ओज एवास्योत्तरतो दधाति। तस्मादुत्तरोर्ध ओजस्वितरः। सम्भार्या गृह्णाति। ता मध्य उप दधाति। इयँ वै सम्भार्याः। अस्यामेव प्रति तिष्ठति। पल्वल्या गृह्णाति। ता उपरिष्टा दुपादधाति।। 101।।
असौ वै पल्वल्याः। अमुष्यामेव प्रति तिष्ठति। दिक्षूप दधाति। दिक्षु वा आपः। अन्नँ वा आपः। अद्भ्यो वा अन्न ञ्जायते। यदेवाद्भ्यो न्न ञ्जायते। तदव रुन्धे। तँ वा एत मरुणा केतवो वातरशना ऋषयोचिन्वन्न्। तस्मा दारुणकेतुकः। तदेषाभ्यनूक्ता।
केतवो अरुणासश्च। ऋषयो वातरशनाः। प्रतिष्ठा शतधा हि। समाहितासो सहस्रधायस- मिति। शतशश्चैव सहस्रशश्च प्रति तिष्ठति। य एत मग्नि ञ्चिनुते। य उ चैनमेवँ वेद।। 102।। (ब्रह्मवर्चसितरो वहन्तीर्गह्णाति ता उपरिष्टा दुपादधात्यारुण केतुकोष्टौ च। 24।)
जानुदघ्नी मुत्तरवेदी ङ्खात्वा। अपां पूरयति। अपा सर्वत्वाय। पुष्करपर्ण रुक्मं पुरुष मित्युप दधाति। तपो वै पुष्करपर्णम्। सत्य रुक्मः। अमृतं पुरुषः। एताव द्वावास्ति। यावदेतत्। यावदेवास्ति।। 103।।
तदवरुन्धे। कूर्म मुप दधाति। अपामेव मेध मव रुन्धे। अथो स्वर्गस्य लोकस्य समष्ट्यै।
आपमापा मप स्सर्वाः। अस्मादस्मा दितोमुतः। अग्निर्वायुश्च सूर्यश्च। सह सञ्चस्करर्धिया - इति।
वाय्वश्वा रश्मिपतयः ।
लोकं पृणच्छिद्रं पृण।। 104।।
यास्तिस्र परमजाः।
इन्द्रघोषा वो वसुभि
रेवाह्येवे-ति ।
पञ्च चितय उपदधाति। पाङ्क्तोग्निः। यावानेवाग्निः। तञ्चिनुते। लोकंपृणया द्वितीया मुप दधाति। पञ्चपदा वै विराट्। तस्या वा इयं पादः। अन्तरिक्षं पादः। द्यौ पादः। दिश पादः। परोरजा पादः। विराज्येव प्रतितिष्ठति। य एत मग्नि ञ्चिनुते। य उ चैनमेवँ वेद।। 105।। (अस्ति पृणान्तरिक्षं पादष्षट्च। 25।)
अग्निं प्रणीयोपसमाधाय। तमभित एता अबीष्टका उपदधाति। अग्निहोत्रे दर्शपूर्णमासयोः। पशुबन्धे चातुर्मास्येषु। अथो आहुः। सर्वेषु यज्ञक्रतुष्विति। अथ ह स्माहारुण स्स्वायम्भुवः। सावित्र स्सर्वोग्नि रित्यननुषङ्गं मन्यामहे। नाना वा एतेषाँ वीर्याणि। कमग्नि ञ्चिनुते।। 106।।
सत्रिय मग्नि ञ्चिन्वानः। कमग्नि ञ्चिनुते। सावित्र मग्नि ञ्चिन्वानः। कमग्नि ञ्चिनुते। नाचिकेत मग्नि ञ्चिन्वानः। कमग्नि ञ्चिनुते। चातुर्होत्रिय मग्नि ञ्चिन्वानः। कमग्नि ञ्चिनुते। वैश्वसृज मग्नि ञ्चिन्वानः। कमग्नि ञ्चिनुते।। 107।।
उपानुवाक्य माशु मग्नि ञ्चिन्वानः। कमग्नि ञ्चिनुते। इम मारुणकेतुक मग्नि ञ्चिन्वान इति। वृषा वा अग्निः। वृषाणौ सस्फालयेत्। हन्येतास्य यज्ञः। तस्मान्नानुषज्यः। सोत्तरवेदिषु क्रतुषु चिन्वीत। उत्तरवेद्या ह्यग्नि श्चीयते। प्रजाकाम श्चिन्वीत।। 108।।
प्राजापत्यो वा एषोग्निः। प्राजापत्या प्रजाः। प्रजावा न्भवति। य एवँ वेद। पशुकाम श्चिन्वीत। सँ‘‘ज्ञानँ वा एतत्पशूनाम्। यदापः। पशूनामेव सँ‘2‘ज्ञानेग्नि ञ्चिनुते। पशुमा न्भवति। य एवँ वेद।। 109।।
वृष्टिकाम श्चिन्वीत। आपो वै वृष्टिः। पर्जन्यो वर्षुको भवति। य एवँ वेद। आमयावी चिन्वीत। आपो वै भेषजम्। भेषज मेवास्मै करोति। सर्वमायु रेति। अभिचर श्चिन्वीत। वज्रो वा आपः।। 110।।
वज्र मेव भ्रातृव्येभ्य प्रहरति। स्तृणुत एनम्। तेजस्कामो यशस्कामः। ब्रह्मवर्चसकाम स्वर्गकाम श्चिन्वीत। एताव द्वावास्ति। यावदेतत्। यावदेवास्ति। तदव रुन्धे। तस्यै तद्व्रतम्। वर्षति न धावेत्।। 111।।
अमृतँ वा आपः। अमृतस्यानन्तरित्यै। नाप्सु मूत्रपुरीष ङ्कुर्यात्। न निष्ठीवेत्। न विवसन स्स्नायात्। गुह्यो वा एषोग्निः। एतस्याग्ने रनतिदाहाय। न पुष्करपर्णानि हिरण्यँ वाभितिष्ठेत्। एतस्याग्ने रनभ्यारोहाय। न कूर्मस्याश्नीयात्। नोदकस्याघातुकान्येन मोदकानि भवन्ति। अघातुका आपः। य एत मग्नि ञ्चिनुते। य उ चैनमेवँ वेद।। 112।। (चिनुते चिनुते प्रजाकाम श्चिन्वीत य एवं वेदापो धावे दश्नीया च्चत्वारि च। 26।)
इमानुकं भुवना सीषधेम। इन्द्रश्च विश्वे च देवाः।।
यज्ञञ्च न स्तन्वञ्च प्रजाञ्च। आदित्यै रिन्द्र स्सह सीषधातु।।
आदित्यै रिन्द्र स्सगणो मरुद्भिः। अस्माकं भूत्वविता तनूनाम्।।
आप्लवस्व प्रप्लवस्व। आण्डीभवजमा मुहुः। सुखादी न्दुखनिधनाम्। प्रति मुञ्चस्व स्वां पुरम्।। 113।।
मरीचय स्स्वायम्भुवाः। ये शरीराण्यकल्पयन्न्। ते ते देहङ्कल्पयन्तु। मा च ते ख्यास्मती रिषत्।।
उत्तिष्ठत मा स्वप्त। अग्निमिच्छध्वं भारताः। राज्ञ स्सोमस्य तृप्तासः। सूर्येण सयुजोषसः।।
युवा सुवासाः ।।
अष्टाचक्रा नवद्वारा।। 114।।
देवानां पू रयोद्ध्या। तस्या हिरण्मय कोशः। स्वर्गो लोको ज्योतिषावृतः।।
यो वै तां ब्रह्मणो वेद। अमृतेनावृतां पुरीम्। तस्मै ब्रह्म च ब्रह्मा च। आयु कीर्तिं प्रजान्ददुः।।
विभ्राजमाना हरिणीम्। यशसा सम्परीवृताम्। पुर हिरण्मयीं ब्रह्मा।। 115।।
विवेशापराजिता।।
पराङेत्यज्यामयी। पराङेत्यनाशकी। इह चामुत्र चान्वेति। विद्वा न्देवासुरा नुभयान्।।
यत्कुमारी मन्द्रयते। यद्योषि द्यत्पतिव्रता। अरिष्टँ यत्किञ्च क्रियते। अग्नि स्तदनु वेधति।।
अशृतास श्शृतासश्च।। 116।।
यज्वानो येप्ययज्वनः। स्वर्यन्तो नापेक्षन्ते। इन्द्र मग्निञ्च ये विदुः।।
सिकता इव सँयन्ति। रश्मिभि स्समुदीरिताः। अस्माल्लोका दमुष्माच्च। ऋषिभि रदा त्पृश्निभिः।।
अपेत वीत वि च सर्पतातः। येत्र स्थ पुराणा ये च नूतनाः। अहोभि रद्भि रक्तुभि र्व्यक्तम्।। 117।।
यमो ददा त्ववसान मस्मै।।
नृमुणन्तु नृपात्वर्यः। अकृष्टा ये च कृष्टजाः। कुमारीषु कनीनीषु। जारिणीषु च ये हिताः।।
रेतपीता आण्डपीताः। अङ्गारेषु च ये हुताः। उभया न्पुत्रपौत्रकान्। युवेहँ यमराजगान्।।
शतमिन्नु शरदः ।।
अदो यद्ब्रह्म विलबम्। पितृणाञ्च यमस्य च। वरुणस्याश्विनो रग्नेः। मरुताञ्च विहायसाम्।।
कामप्रयवणं मे अस्तु। स ह्येवास्मि सनातनः। इति नाको ब्रह्मिश्रवो रायोधनम्। पुत्रा नापो देवी रिहाहिता।। 118।। (पुर न्नवद्वारा ब्रह्मा च व्यक्त शरदोष्टौ च। 27।)
विशीर्ष्णी ङ्गृद्ध्रशीर्ष्णीञ्च। अपेतो निर्ऋति हथः। परिबाध श्वेतकुक्षम्। निजङ्घ शबलोदरम्।।
सतान् वाच्यायया सह। अग्ने नाशय सन्दृशः। ईर्ष्यासूये बुभुक्षाम्। मन्यु ङ्कृत्याञ्च दीधिरे। रथेन किशुकावता। अग्ने नाशय सन्दृशः।। 119।। (विशीर्ष्णी न्दश। 28।)
पर्जन्याय प्रगायत। दिवस्पुत्राय मीढुषे। स नो यवस मिच्छतु।।
इदँ वच पर्जन्याय स्वराजे। हृदो अस्त्वन्तर न्तद्युयोत। मयोभू र्वातो विश्वकृष्टय स्सन्त्वस्मे। सुपिप्पला ओषधी र्देवगोपाः।।
यो गर्भ मोषधीनाम्। गवाङ्कृणो त्यर्वताम्। पर्जन्य पुरुषीणाम्।। 120।। (पर्जन्याय दश। 29।)
पुन र्मामैत्विन्द्रियम्। पुन रायु पुनर्भगः। पुन र्ब्राह्मणमैतु मा। पुन र्द्रविण मैतु मा।।
यन्मेद्य रेत पृथिवी मस्कान्। यदोषधी रप्यसर द्यदापः। इद न्तत्पुन रा ददे। दीर्घायुत्वाय वर्चसे।।
यन्मे रेत प्रसिच्यते। यन्म आजायते पुनः। तेन मा ममृत ङ्कुरु। तेन सुप्रजस ङ्कुरु।। 121।। (पुनर्द्वे च। 30।)
अद्भ्य स्तिरोधा जायत। तव वैश्रवण स्सदा। तिरो धेहि सपत्नान्नः। ये अपोश्नन्ति केचन।।
त्वाष्ट्रीं मायाँ वैश्रवणः। रथ सहस्रवन्धुरम्। पुरुश्चक्र सहस्राश्वम्। आस्थाया याहि नो बलिम्।।
यस्मै भूतानि बलि मावहन्ति। धन ङ्गावो हस्ति हिरण्य मश्वान्।। 122।।
असाम सुमतौ यज्ञियस्य। श्रियं बिभ्रतोन्नमुखीँ विराजम्।।
सुदर्शने च क्रौञ्चे च। मैनागे च महागिरौ। सतद्वाट्टार गमन्ता। सहार्य न्नगर न्तव।।
इति मन्त्राः। कल्पोत ऊर्ध्वम्। यदि बलि हरेत्।
हिरण्यनाभये वितुदये कौबेरायायं बलिः।। 123।।
सर्वभूताधिपतये नम-
इति। अथ बलि हृत्वोपतिष्ठेत।
क्षत्रङ्क्षत्रँ वैश्रवणः। ब्राह्मणा वय स्मः। नमस्ते अस्तु मा मा हिसीः। अस्मात्प्रविश्यान्न मद्धी-ति। अथ तमग्नि मादधीत। यस्मिन्नेतत्कर्म प्रयुञ्जीत।
तिरोधा भूः। तिरोधा भुवः।। 124।।
तिरोधा स्वः। तिरोधा भूर्भुवस्स्वः। सर्वेषाँ लोकाना माधिपत्ये सीदे- ति। अथ तमग्नि मिन्धीत। यस्मि न्नेतत्कर्म प्रयुञ्जीत।
तिरोधा भूस्स्वाहा।।
तिरोधा भुवस्स्वाहा।।
तिरोधा स्स्व स्स्वाहा।।
तिरोधा भूर्भुव स्स्वस्स्वाहा।।
यस्मिन्नस्य काले सर्वा आहुतीर् हुता भवेयुः।। 125।।
अपि ब्राह्मणमुखीनाः। तस्मिन्नह्न काले प्रयुञ्जीत। पर स्सुप्तजना द्वेपि। मा स्म प्रमाद्यन्त माध्यापयेत्। सर्वार्था स्सिध्यन्ते। य एवँ वेद। क्षुध्य न्निद मजानताम्। सर्वार्था न सिध्यन्ते।
यस्ते विघातुको भ्राता। ममान्तर्हृदये श्रितः।। 126।।
तस्मा इम मग्रपिण्ड ञ्जुहोमि। समेर्था न्मा वि वधीत्। मयि स्वाहा।।
राजाधिराजाय प्रसह्यसाहिने। नमो वयँ वैश्रवणाय कुर्महे। स मे कामा न्कामकामाय मह्यम्। कामेश्वरो वैश्रवणो ददातु। कुबेराय वैश्रवणाय। महाराजाय नमः।।
केतवो अरुणासश्च। ऋषयो वातरशनाः। प्रतिष्ठा शतधा हि। समाहितासो सहस्रधायसम्।।
शिवा न श्शन्तमा भवन्तु। दिव्या आप ओषधयः।।
सुमृडीका सरस्वति। मा ते व्योम सन्दृशि।। 127।। (अश्वा न्बलिर्भुवो भवेयु श्श्रितश्च सप्त च। 31।)
सँवथ्सर मेतद्व्रत ञ्चरेत्। द्वौ वा मासौ। नियम स्समासेन। तस्मि न्नियमविशेषाः। त्रिषवण मुदकोपस्पर्शी। चतुर्थकालपानभक्त स्स्यात्। अहरहर्वा भैक्ष मश्नीयात्। औदुम्बरीभि स्समिद्भि रग्निं परिचरेत्।
पुनर्मा मैत्विन्द्रिय मित्येतेनानुवाकेन। उद्धृतपरिपूताभि रद्भि कार्य ङ्कुर्वीत।। 128।।
असञ्चयवान्।
अग्नये
वायवे
सूर्याय।
ब्रह्मणे
प्रजापतये।
चन्द्रमसे
नक्षत्रेभ्यः।
ऋतुभ्य
स्सँवथ्सराय।
वरुणाया
रुणाये-ति व्रतहोमाः। प्रवर्ग्यव दादेशः। अरुणा काण्डऋषयः। अरण्येधीयीरन्न्। भद्रङ्कर्णेभि रिति द्वे जपित्वा।। 129।।
महानाम्नीभि (3) रुदक सस्पर्श्य। तमाचार्यो दद्यात्। शिवानश्शन्तमे - त्योषधी रालभते। सुमृडीके ति - भूमिम्। एव मपवर्गे। धेनु र्दक्षिणा। कसँ वासश्च क्षौमम्। अन्यद्वा शुक्लम्। यथाशक्ति वा। एव स्वाध्यायधर्मेण। अरण्ये धीयीत। तपस्वी पुण्यो भवति तपस्वी पुण्यो भवति।। 130।। (कुर्वीत जपित्वा स्वाध्यायधर्मेण द्वे च। 31।)
(भद्र स्मृति स्साकञ्जाना मक्ष्यतिताम्राण्यत्यूर्ध्वाक्ष आरोग क्वेदमग्निश्च सहस्रवृ त्पवित्रवन्त आतनुष्वाष्टयोनीँ योसा वथादित्य स्यारोगस्याथ वायो रथाग्ने र्दक्षिणपूर्वस्या मिन्द्रघोषा व आपमापाँ योपा मापो वै चतुष्टय्यो जानुदघ्नी मग्निं प्रणीयेमानुकँ विशीर्ष्णीं पर्जन्याय पुन रद्भ्य स्सँवत्सर न्द्वात्रिशत्। 31। भद्र ञ्ज्योतिषा तस्मिन्न्राजान ङ्कश्यपा त्सहस्रवृदिय न्नपुसक मष्टयोनी मवपतन्ताना मायतनवा न्भवति सतो बन्धुन्ता उत्तरतो वज्रमेव पुनर्मामैतु त्रिशदुत्तरशतम्। 130। भद्रन्तपस्वी पुण्यो भवति तपस्वी पुण्यो भवति।।)
भद्र ङ्कर्णेभि श्शृणुयाम देवाः। भद्रं पश्येमाक्षभि र्यजत्राः। स्थिरै रङ्गै स्तुष्टुवास स्तनूभिः। व्यशेम देवहितँ यदायुः।।
स्वस्ति न इन्द्रो वृद्धश्रवाः। स्वस्ति न पूषा विश्ववेदाः। स्वस्ति नस्तार्क्ष्यो अरिष्टनेमिः। स्वस्ति नो बृहस्पतिर्दधातु।।
ओं शान्ति श्शान्ति श्शान्तिः।।
आरण्यके द्वितीय प्रपाठकः (स्वाध्याय प्रश्नः) (काठकेषु पञ्चमः)
नमो ब्रह्मणे नमो अस्त्वग्नये नम पृथिव्यै नम ओषधीभ्यः। नमो वाचे नमो वाचस्पतये नमो विष्णवे बृहते करोमि।।
ओं शान्ति श्शान्ति श्शान्तिः।।
स्वा।का। 1 यज्ञोपवीत ब्राह्मणम् 1 (एकोनुवाकः 1)
सह वै देवाना ञ्चासुराणाञ्च यज्ञौ प्रततावास्ताँ वय स्वर्गँ लोक मेष्यामो वयमेष्याम इति, तेसुरा स्सन्नह्य सहसैवाचर न्ब्रह्मचर्येण तपसैव देवा, स्तेसुरा अमुह्य, स्ते न प्राजानस्ते पराभवन्ते न स्वर्गँ लोकमाय, न्प्रसृतेन वै यज्ञेन देवा स्स्वर्गँ लोकमाय, न्न प्रसृतेनासुरा न्पराभावय, न्प्रसृतो ह वै यज्ञोपवीतिनो यज्ञो प्रसृतोनुपवीतिनो, यत्किञ्च ब्राह्मणो यज्ञोपवीत्यधीते यजत एव त,त्तस्मा द्यज्ञोपवीत्येवाधीयीत याजये द्यजेत वा यज्ञस्य प्रसृत्या, अजिनँ वासो वा दक्षिणत उपवीय दक्षिणं बाहु मुद्धरतेवधत्ते- सव्य मिति यज्ञोपवीत, -मेत देव विपरीतं प्राचीनावीत सँवीतं मानुषम्।। 1।।
स्वा।का। 2 आदित्याभिध्यान ब्राह्मणम् 1 (एकोनुवाकः 1)
रक्षासि ह वा पुरोनुवाके तपोग्र मतिष्ठन्त, ता न्प्रजापति र्वरेणोपामन्त्रयत, तानि वर मवृणीतादित्यो नो योद्धा इति, तान्प्रजापति रब्रवी द्योधयध्व मिति, तस्मा दुत्तिष्ठन्त ह वा तानि रक्षास्यादित्यँ योधयन्ति, याव दस्तमन्वगा त्तानि ह वा एतानि रक्षासि गायत्रियाभिमन्त्रितेनाम्भसा शाम्यन्ति, तदु ह वा एते ब्रह्मवादिन पूर्वाभिमुखा स्सन्ध्याया ङ्गायत्रिया भिमन्त्रिता आप ऊर्ध्वँ वि क्षिपन्ति, ता एता आपो वज्री भूत्वा तानि रक्षासि मन्देहारुणे द्वीपे प्रक्षिपन्ति, यत्प्रदक्षिणं प्रक्रमन्ति तेन पाप्मान मवधून्व, -न्त्युद्यन्त मस्तँ यन्त मादित्य मभिध्याय न्कुर्व न्ब्राह्मणो विद्वा न्थ्सकलं भद्रमश्नुते
सावादित्यो ब्रह्मे-ति ब्रह्मैव सन्ब्रह्माप्येति य एवँ वेद।। 2।।
स्वा।का। 3 कूश्माण्ड मन्त्राः 1 (चत्वारोनुवाकाः 4)
यद्देवा देवहेळन न्देवास श्चकृमा वयम्। आदित्या स्तस्मान्मा मुञ्चतर्तस्यर्तेन मामित।।
देवा जीवनकाम्या यद्वाचानृत मूदिम। तस्मान्न इह मुञ्चत विश्वे देवा स्सजोषसः।।
ऋतेन द्यावापृथिवी ऋतेन त्व सरस्वति। कृतान्न पाह्येनसो यत्किञ्चानृत मूदिम।।
इन्द्राग्नी मित्रावरुणौ सोमो धाता बृहस्पतिः। ते नो मुञ्चन्त्वेनसो यदन्यकृत मारिम।।
सजातशसा दुत जामिशसा ज्ज्यायस श्शसा दुत वा कनीयसः। अनाधृष्ट न्देवकृतँ यदेन स्तस्मात्त्व मस्मा न्जातवेदो मुमुग्धि।। 3।।
यद्वाचा यन्मनसा बाहुभ्या मूरुभ्या मष्ठीवद्भ्या शिश्नै र्यदनृत ञ्चकृमा वयम्। अग्नि र्मा तस्मा देनस प्रमुञ्चतु चकृम यानि दुष्कृता।।
येन त्रितो अर्णवा न्निर्बभूव येन सूर्य न्तमसो निर्मुमोच। येनेन्द्रो विश्वा अजहा दराती स्तेनाह ञ्ज्योतिषा ज्योति रानशान आक्षि।।
यत्कुसीद मप्रतीत्तँ मयेह येन यमस्य निधिना चरामि। एत त्तदग्ने अनृणो भवामि जीवन्नेव प्रति तत्ते दधामि।।
यन्मयि माता
यदा पिपेष
यदन्तरिक्षँ
यदाशसा
ति क्रामामि
त्रिते देवा
दिवि जाता
यदाप
इमं मे वरुण
तत्त्वा यामि
त्वन्नो अग्ने
स त्वन्नो अग्ने
त्वमग्ने अयासि ।। 4।। (मुमुग्धि सप्त च। 3।)
यददीव्यन्नृण महं बभूवादिथ्सन्वास ञ्जगर जनेभ्यः। अग्नि र्मा तस्मा दिन्द्रश्च सँविदानौ प्रमुञ्चताम्।।
यद्धस्ताभ्या ञ्चकर किल्बिषाण्यक्षाणाँ वग्नु मुपजिघ्नमानः। उग्रंपश्या च राष्ट्रभृच्च तान्यफ्सरसा वनुदत्ता मृणानि।।
उग्रंपश्ये राष्ट्रभृ त्किल्बिषाणि यदक्षवृत्त मनुदत्त मेतत्। नेन्न ऋणा नृणव इथ्समानो यमस्य लोके अधिरज्जुराय।।
अव ते हेळ
उदुत्तम
मिमं मे वरुण
तत्त्वा यामि
त्वन्नो अग्ने
स त्वन्नो अग्ने
सङ्कुसुको विकुसुको निर्ऋथो यश्च निस्वनः। ते2(ए)स्मद्यक्ष्म मनागसो दूरा द्दूर मचीचतम्।।
निर्यक्ष्म मचीचते कृत्या न्निर्ऋतिञ्च। तेन यो2 (ओ)स्मथ्समृच्छातै तमस्मै प्रसुवामसि।।
दुश्शसानुशसाभ्या ङ्घणेनानुघणेन च। तेनान्यो2 (ओ) स्मथ्समृच्छातै तमस्मै प्र सुवामसि।।
सँवर्चसा पयसा सन्तनूभि रगन्महि मनसा सशिवेन। त्वष्टा नो अत्र विदधातु रायोनु मार्ष्टु तन्वो2 (ओ) यद्विलिष्टम्।। 4।। (कृत्या न्निर्ऋतिञ्च पञ्च च। 4।)
आयुष्टे विश्वतो दध दय मग्नि र्वरेण्यः। पुनस्ते प्राण आ याति परा यक्ष्म सुवामि ते।
आयुर्दा अग्ने हविषो जुषाणो घृतप्रतीको घृतयोनि रेधि। घृतं पीत्वा मधु चारु गव्यं पितेव पुत्र मभि रक्षता दिमम्।।
इम मग्न आयुषे वर्चसे कृधि तिग्म मोजो वरुण स शिशाधि। मातेवास्मा अदिते शर्म यच्छ विश्वे देवा जरदष्टि र्यथासत्।।
अग्न आयूषि पवस आ सुवोर्ज मिषञ्च नः। आरे बाधस्व दुच्छुनाम्।।
अग्ने पवस्व स्वपा अस्मे वर्च स्सुवीर्यम्। दध द्रयिं मयि पोषम्।। 6।।
अग्निर् ऋषि पवमान पाञ्चजन्य पुरोहितः। तमीमहे महागयम्।।
अग्ने जाता न्प्रणुदा न स्सपत्ना न्प्रत्यजाता न्जातवेदो नुदस्व। अस्मे दीदिहि सुमना अहेळ ञ्छर्मन्ते स्याम त्रिवरूथ उद्भौ।।
सहसा जाता न्प्रणुदा न स्सपत्ना न्प्रत्यजाता न्जातवेदो नुदस्व। अधि नो ब्रूहि सुमनस्यमानो वय स्याम प्रणुदा न स्सपत्नान्।।
अग्ने यो नोभितो जनो वृको वारो जिघासति। तास्त्वँ वृत्रह न्जहि वस्वस्मभ्य मा भर।।
अग्ने यो नोभिदासति समानो यश्च निष्ट्यः। तँ वय समिधङ्कृत्वा तुभ्य मग्नेपि दध्मसि।। 7।।
यो न श्शपा दशपतो यश्च न श्शपत श्शपात्। उषाश्च तस्मै निम्रुक्च सर्वं पाप समूहताम्।।
यो न स्सपत्नो यो रणो मर्तोभिदासति देवाः। इध्मस्येव प्रक्षायतो मा तस्योच्छेषि किञ्चन।।
यो मा न्द्वेष्टि जातवेदो यञ्चाह न्द्वेष्मि यश्च माम्। सर्वा स्तानग्ने सन्दह याश्चाह न्द्वेष्मि ये च माम्।।
यो अस्मभ्य मरातीया द्यश्च नो द्वेषते जनः। निन्दाद्यो अस्मा न्दिफ्साच्च सर्वा स्तान्मष्मषा कुरु।।
सशितं मे ब्रह्म सशितँ वीर्य1(अं) बलम्। सशितङ्क्षत्रं मे जिष्णु यस्याह मस्मि पुरोहितः।।
उदेषां बाहू अतिर मुद्वर्चो अथो बलम्। क्षिणोमि ब्रह्मणामित्रा नुन्नयामि स्वाँ 2 अहम्।।
पुन र्मन पुन रायु र्म आगा त्पुन श्चक्षु पुनश्श्रोत्रं म आगा त्पुन प्राण पुनराकूतं म आगा त्पुनश्चित्तं पुन राधीतं म आगात्। वैश्वानरो मेदब्ध स्तनूपा अव बाधता न्दुरितानि विश्वा।। 8।। (पोष न्दध्मसि पुरोहित श्चत्वारि च। 5।)
वैश्वानराय प्रति वेदयामो यदीनृण सङ्गरो देवतासु। स एता न्पाशा न्प्रमुच न्प्र वेद स नो मुञ्चातु दुरिता दवद्यात्।।
वैश्वानर पवयान्न पवित्रै र्यथ्सङ्गर मभिधावा म्याशाम्। अनाजान न्मनसा याचमानो यदत्रैनो अव तथ्सुवामि।।
अमी ये सुभगे दिवि विचृतौ नाम तारके। प्रेहामृतस्य यच्छता मेत द्बद्धकमोचनम्।।
वि जिहीर्ष्व लोका न्कृधि बन्धा न्मुञ्चासि बद्धकम्। योने रिव प्रच्युतो गर्भ स्सर्वा न्पथो अनुष्व।।
स प्रजान न्प्रतिगृभ्णीत विद्वा न्प्रजापति प्रथमजा ऋतस्य। अस्माभि र्दत्त ञ्जरस परस्ता दच्छिन्न न्तन्तु मनु सञ्चरेम।। 9।।
तत न्तन्तु मन्वेके अनु सञ्चरन्ति येषा न्दत्तं पित्र्य मायनवत्। अबन्ध्वेके ददत प्रयच्छा द्दातु ञ्चेच्छक्नवा स स्वर्ग एषाम्।।
आ रभेथा मनु स रभेथा समानं पन्था मवथो घृतेन। यद्वां पूर्तं परिविष्टँ यदग्नौ तस्मै गोत्रायेह जायापती सरभेथाम्।।
यदन्तरिक्षं पृथिवी मुत द्याँ यन्मातरं पितरँ वा जिहिसिम। अग्नि र्मा तस्मा देनसो गार्हपत्य उन्नो नेष द्दुरिता यानि चकृम।।
भूमि र्मातादिति र्नो जनित्रं भ्रातान्तरिक्ष मभिशस्त एनः। द्यौर्न पिता पितृयाच्छं भवासि जामि मित्वा मा विविथ्सि लोकात्।।
यत्र सुहार्द स्सुकृतो मदन्ते विहाय रोग न्तन्वा(आ) स्वायाम्। अश्लोणाङ्गै रह्रुता स्स्वर्गे तत्र पश्येम पितरञ्च पुत्रम्।।
यदन्न मद्म्यनृतेन देवा दास्य न्नदास्य न्नुत वा करिष्यन्न्। यद्देवाना ञ्चक्षुष्यागो अस्ति यदेव किञ्च प्रतिजग्राह मग्निर्मा तस्मा दनृणङ्करोतु।।
यदन्न मद्मि बहुधा विरूपँ वासो हिरण्य मुत गा मजा मविम्।। यद्देवाना ञ्चक्षुष्यागो अस्ति य देव किञ्च प्रतिजग्राह मग्नि र्मा तस्मा दनृण ङ्करोतु।।
यन्मया मनसा वाचा कृत मेन कदाचन। सर्वस्मा त्तस्मा न्मेळितो मोग्धि त्व हि वेत्थ यथातथम्।। 10।। (चरेम पुत्र षट्च। 6।)
स्वा।का। 3 कूश्माण्ड ब्राह्मणम् 1 (द्वावनुवाकौ 2)
वातरशना ह वा ऋषय श्श्रमणा ऊर्ध्वमन्थिनो बभूवु, स्तानृषयोर्थ माय स्ते निलाय मचर, स्तेनु प्रविशु कूश्माण्डानि तास्तेष्वन्वविन्द,ञ्छ्रद्धया च तपसा च तानृषयो ब्रुव,न्कथा निलायञ्चरथेति त ऋषी नब्रुव, न्नमो वोस्तु भगवन्तोस्मि न्धाम्नि केन व स्सपर्यामेति, तानृषयोब्रुव- न्पवित्र न्नो ब्रूत येनारेपस स्स्यामेति, त एतानि सूक्तान्यपश्यन् यद्देवा देवहेळनँ- यददीव्यन्नृणमहं बभूवा-युष्टे विश्वतो दध दित्येतै राज्य ञ्जुहुत- वैश्वानराय प्रतिवेदयाम इत्युपतिष्ठत- यदर्वाचीन मेनो भ्रूणहत्याया स्तस्मा न्मोक्ष्यध्व इति, त एतै रजुहवु स्तेरेपसोभव, न्कर्मादिष्वेतै र्जुहुया त्पूतो देवलोका न्थ्समश्नुते।। 11।। 7।
कूश्माण्डै र्जुहुया द्योपूत इव मन्येत यथा स्तेनो यथा भ्रूणहैव मेष भवति योयोनौ रेत स्सिञ्चति यदर्वाचीन मेनो भ्रूणहत्याया स्तस्मा न्मुच्यते, यावदेनो दीक्षा मुपैति दीक्षित एतै स्सतति जुहोति, सँवथ्सर न्दीक्षितो भवति सँवथ्सरा देवात्मानं पुनीते मास न्दीक्षितो भवति यो मास स्स सँवथ्सर स्सँवथ्सरा देवात्मानं पुनीते, चतुर्विशति रात्री र्दीक्षितो भवति चतुर्विशति रर्धमासा स्सँवथ्सर स्सँवथ्सरा देवात्मानं पुनीते, द्वादश रात्री र्दीक्षितो भवति द्वादश मासा स्सँवथ्सर स्सँवथ्सरा देवात्मानं पुनीते, षड्रात्री र्दीक्षितो भवति षड्वा ऋतव स्सँवथ्सर स्सँवथ्सरा देवात्मानं पुनीते, तिस्रो रात्री र्दीक्षितो भवति त्रिपदा गायत्री गायत्रिया एवात्मानं पुनीते, न मास मश्नीया न्न स्त्रिय मुपेया न्नोपर्यासीत जुगुफ्सेतानृता, त्पयो ब्राह्मणस्य व्रतँ- यवागू राजन्यस्या-मिक्षा वैश्यस्याथो सौम्येप्यध्वर एतद्व्रतं ब्रूया, द्यदि मन्येतोपदस्यामी त्योदन न्धाना स्सक्तू न्घृत मित्यनुव्रतये दात्मनोनुपदासाय।। 12।।
। 8।
स्वा।का। 4 पञ्चयज्ञ ब्राह्मणम् 1 (द्वावनुवाकौ 2)
अजान् ह वै पृश्नी स्तपस्यमाना न्ब्रह्म स्वयम्भ्वभ्यानर्ष त्त ऋषयोभव, न्तदृषीणा मृषित्व, न्तान्देवता मुपातिष्ठन्त यज्ञकामा, स्त एतं ब्रह्मयज्ञ मपश्य न्तमाहर न्तेनायजन्त, यदृचोध्यगीषत ता पयआहुतयो देवाना मभवन्, यद्यजूषि घृताहुतयो यत्सामानि सोमाहुतयो यदथर्वाङ्गिरसो मध्वाहुतयो यद्ब्राह्मणानीतिहासा न्पुराणानि कल्पा न्गाथा नाराशसी र्मेदाहुतयो देवाना मभव न्ताभिः~ क्षुधं पाप्मान मपाघ्न, न्नपहतपाप्मानो देवा स्स्वर्गँ लोक माय, न्ब्रह्मण स्सायुज्य मृषयोगच्छन्न्।। 13।।
। 9 ।
पञ्च वा एते महायज्ञा स्सतति प्र तायन्ते सतति सन्तिष्ठन्ते देवयज्ञ पितृयज्ञो भूतयज्ञो मनुष्य यज्ञो ब्रह्मयज्ञ इति, यदग्नौ जुहोत्यपि समिध न्तद्देवयज्ञ स्सन्तिष्ठते, यत्पितृभ्य स्स्वधा करोत्यप्यप स्तत्पितृयज्ञ स्सन्तिष्ठते, यद्भूतेभ्यो बलि हरति तद्भूतयज्ञ स्सन्तिष्ठते, यद्ब्राह्मणेभ्योन्न न्ददाति तन्मनुष्ययज्ञ स्सन्तिष्ठते, यथ्स्वाध्याय मधीयीतैका मप्यृचँ यजु स्साम वा तद्ब्रह्मयज्ञ स्सन्तिष्ठते, यदृचोधीते पयस कूल्या अस्य पितॄन्थ्स्वधा अभि वहन्ति, यद्यजूषि घृतस्य कूल्या यथ्सामानि सोम एभ्य पवते यदथर्वाङ्गिरसो मधो कूल्या, यद्ब्राह्मणानीतिहासा न्पुराणानि कल्पा न्गाथा नाराशसी र्मेदस कूल्या अस्य पितॄन्थ्स्वधा अभि वहन्ति, यदृचोधीते पयआहुतिभिरेव तद्देवा स्तर्पयति, यद्यजूषि घृताहुतिभि र्यथ्सामानि सोमाहुतिभि र्यदथर्वाङ्गिरसो मध्वाहुतिभि र्यद्ब्राह्मणानीतिहासा न्पुराणानि कल्पा न्गाथानाराशसी र्मेदाहुतिभिरेव तद्देवा स्तर्पयति, त एन न्तृप्ता आयुषा तेजसा वर्चसा श्रिया यशसा ब्रह्मवर्चसे नान्नाद्येन च तर्पयन्ति।। 14।।
।10 ।
स्वा।का। 5 स्वाध्याय ब्राह्मणम्, मन्त्राश्च 1 (सप्त अनुवाकाः 7)
ब्रह्मयज्ञेन यक्ष्यमाण प्राच्या न्दिशि ग्रामा दछदिर्दर्श उदीच्यां प्रागुदीच्याँ वोदित आदित्ये दक्षिणत उपवीयोपविश्य हस्ताववनिज्य त्रिराचामे, द्द्वि परिमृज्य सकृदुपस्पृश्य शिरश्चक्षुषी नासिके श्रोत्रे, हृदय मालभ्य यत्त्रिराचामति तेन ऋच प्रीणाति- यद्द्वि परिमृजति तेन यजूषि- यथ्सकृदुपस्पृशति तेन सामानि- यथ्सव्यं पाणिं पादौ प्रोक्षति यच्छिर श्चक्षुषी नासिके श्रोत्रे हृदय मालभते- तेनाथर्वाङ्गिरसो ब्राह्मणानीतिहासा न्पुराणानि कल्पान्गाथा नाराशसी प्रीणाति, दर्भाणां मह दुपस्तीर्योपस्थङ्कृत्वा प्राङासीन स्स्वाध्याय मधीयीता,पाँ वा एष ओषधीना रसो यद्दर्भा स्सरसमेव ब्रह्म कुरुते, दक्षिणोत्तरौ पाणी पादौ कृत्वा सपवित्रा
वो मिति प्रति पद्यत, एतद्वै यजु स्त्रयीँ विद्यां प्रत्येषा वागेतत्परम मक्षरन्तदेत दृचाभ्युक्त
मृचो अक्षरे परमे व्योमन् यस्मिन्देवा अधि विश्वे निषेदु र्यस्तन्न वेद किमृचा करिष्यति य इत्त द्विदुस्त इमे समासत- इति त्रीनेव प्रायुङ्क्त
भू
र्भुव
स्स्व -रित्याहैतद्वै वाच स्सत्यँ यदेव वाच स्सत्यँ तत्र्पायुङ्क्ता
थ सावित्री ङ्गायत्री न्त्रिरन्वाह, पच्छोर्धर्चशो नवान सविता श्रिय प्रसविता श्रिय मेवाप्नो त्यथो प्रज्ञातयैव प्रतिपदा छन्दासि प्रतिपद्यते।। 15।। 11 ।
ग्रामे मनसा स्वाध्याय मधीयीत दिवा नक्तँ वेति ह स्माह शौच आह्नेय उतारण्ये बल उत वाचोत तिष्ठन्नुत व्रजन्नुतासीन उत शयानोधीयीतैव स्वाध्याय न्तपस्वी पुण्यो भवति य एवँ विद्वा न्थ्स्वाध्याय मधीते
नमो ब्रह्मणे नमो अस्त्वग्नये नम पृथिव्यै नम ओषधीभ्यः। नमो वाचे नमो वाचस्पतये नमो विष्णवे बृहते करोमि।। 16।। 12 ।
मध्यन्दिने प्रबल मधीयीतासौ खलु वावैष आदित्यो यद्ब्राह्मण स्तस्मात्तर्हि तेक्ष्णिष्ठ न्तपति तदेषाभ्युक्ता।
चित्र न्देवाना मुदगा दनीक ञ्चक्षु र्मित्रस्य वरुणस्याग्नेः। आप्रा द्यावापृथिवी अन्तरिक्ष सूर्य आत्मा जगत स्तस्थुषश्चे-ति, स वा एष यज्ञ स्सद्य प्रतायते सद्य स्सन्तिष्ठते तस्य प्राख्साय मवभृथो नमो ब्रह्मण इति परिधानीया न्त्रिरन्वाहाप उपस्पृश्य गृहानेति ततो यत्किञ्च ददाति सा दक्षिणा।। 17।। 13 ।
तस्य वा एतस्य यज्ञस्य मेघो हविर्धानँ विद्यु दग्नि र्वर्ष हवि स्स्तनयित्नु र्वषट्कारो यदवस्फूर्जति सोनुवषट्कारो वायु रात्मामावास्या स्विष्टकृ,द्य एवँ विद्वा न्मेघे वर्षति विद्योतमाने स्तनय त्यवस्फूर्जति पवमाने वाया वमावास्याया स्वाध्याय मधीते तप एव तत्तप्यते, तपो हि स्वाध्याय इत्युत्तम न्नाक रोहत्युत्तम स्समानानां भवति, यावन्त ह वा इमाँ वित्तस्य पूर्णा न्दद थ्स्वर्गँ लोक ञ्जयति तावन्तँ लोक ञ्जयति, भूयासञ्चाक्षय्य ञ्चाप पुन र्मृत्यु ञ्जयति ब्रह्मण स्सायुज्य ङ्गच्छति।। 18।। 14 ।
तस्य वा एतस्य यज्ञस्य द्वावनध्यायौ यदात्मा शुचि र्यद्देशस्समृद्धि र्दैवतानि, य एवँ विद्वा न्महारात्र उषस्युदिते व्रज स्तिष्ठ न्नासीन श्शयानोरण्ये ग्रामे वा यावत्तरस स्वाध्याय मधीते सर्वान्लोका न्जयति सर्वान्लोका ननृणोनु सञ्चरति तदेषाभ्युक्ता।
अनृणा अस्मि न्ननृणा परस्मि स्तृतीये लोके अनृणा स्स्याम। ये देवयाना उत पितृयाणा स्सर्वान्पथो अनृणा आक्षीयेमे- त्यग्निँ वै जातं पाप्मा जग्राह तन्देवा आहुतीभि पाप्मान मपाघ्न, न्नाहुतीनाँ यज्ञेन यज्ञस्य दक्षिणाभि र्दक्षिणानां ब्राह्मणेन ब्राह्मणस्य छन्दोभि श्चन्दसा स्वाध्यायेना,पहतपाप्मा स्वाध्यायो, देवपवित्रं वा एत,त्तँ योनूथ्सृजत्यभागो वाचि भवत्यभागो नाके तदेषाभ्युक्ता।
य स्तित्याज सखिविद सखायन्न तस्य वाच्यपि भागो अस्ति। यदी शृणो त्यलक शृणोति न हि प्र वेद सुकृतस्य पन्था- मिति तस्मा थ्स्वाध्यायोध्येतव्यो, यँ यङ्क्रतु मधीते तेनतेनास्येष्टं भव त्यग्ने र्वायो रादित्यस्य सायुज्य ङ्गच्छति, तदेषाभ्युक्ता।
ये अर्वाङुत वा पुराणे वेदँ विद्वास मभितो वदन्त्यादित्य मेव ते परि वदन्ति सर्वे अग्नि न्द्वितीय न्तृतीयञ्च हस- मिति, यावती र्वै देवता स्तास्सर्वा वेदविदि ब्राह्मणे वसन्ति तस्माद्ब्राह्मणेभ्यो वेदविद्भ्यो दिवेदिवे नमस्कुर्या न्नाश्लीलङ्कीर्तये देता एव देवता प्रीणाति।। 19।। 15।
रिच्यत इव वा एष प्रेव रिच्यते यो याजयति प्रति वा गृह्णाति याजयित्वा प्रतिगृह्य वानश्न न्त्रिस्स्वाध्यायँ वेद मधीयीत त्रिरात्रँ वा सावित्री ङ्गायत्री मन्वातिरेचयति, वरो दक्षिणा वरेणैव वर स्पृणो त्यात्मा हि वरः।। 20।। 16।
दुहे ह वा एष छन्दासि यो याजयति स येन यज्ञक्रतुना याजये थ्सोरण्यं परेत्य शुचौ देशे स्वाध्याय मेवैन मधीय न्नासीत, तस्यानशन न्दीक्षा स्थान मुपसद आसन सुत्या वाग्जुहू र्मन उपभृ द्धृति र्ध्रुवा प्राणो हवि स्सामाध्वर्यु, स्स वा एष यज्ञ प्राणदक्षिणोनन्त दक्षिण स्समृद्धतरः।। 21।। 17।
स्वा।का। 6 अवकीर्ण प्रायश्चित्त ब्राह्मणम्, मन्त्राश्च 1 (एकोनुवाकः 1)
कतिधावकीर्णी प्रविशति चतुर्धेत्याहु र्ब्रह्मवादिनो, मरुत प्राणै- रिन्द्रं बलेन- बृहस्पतिं ब्रह्मवर्चसे-नाग्नि मेवेतरेण सर्वेण, तस्यैतां प्रायश्चित्तिँ विदाञ्चकार सुदेव काश्यपो, यो ब्रह्मचार्यवकिरे- दमावास्याया रात्र्या मग्निं प्रणीयोपसमाधाय द्विराज्यस्योपघात ञ्जुहोति
कामावकीर्णो स्म्यवकीर्णोस्मि काम कामाय स्वाहा
कामाभिद्रुग्धो स्म्यभिद्रुग्धोस्मि काम कामाय स्वाहे- त्यमृतँ वा आज्य ममृत मेवात्म न्धत्ते, हुत्वा प्रयताञ्जलि कवातिर्यङ्ङग्नि मभिमन्त्रयेत-
सं मा सिञ्चन्तु मरुत स्समिन्द्र स्सं बृहस्पतिः। सं माय मग्नि स्सिञ्च त्वायुषा च बलेन चायुष्मन्त ङ्करोत मे-ति, प्रतिहास्मै मरुत प्राणा न्दधति प्रतीन्द्रो बलं प्रति बृहस्पति र्ब्रह्मवर्चसं प्रत्यग्नि रितरथ्सर्व, सर्वतनु र्भूत्वा सर्व मायुरेति, त्रिरभि मन्त्रयेत त्रिषत्या हि देवा, योपूत इव मन्येत स इत्थ ञ्जुहुया दित्थ मभि मन्त्रयेत, पुनीत एवात्मान मायु रेवात्म न्धत्ते, वरो दक्षिणा वरेणैव वर स्पृणोत्यात्मा हि वरः।। 22।। 18।
स्वा।का। 7 ब्रह्मोपस्थान मन्त्राः, ब्राह्मणञ्च 1 (एकोनुवाकः 1)
भू प्र पद्ये भुव प्र पद्ये स्व प्र पद्ये भूर्भुवस्स्व प्र पद्ये ब्रह्म प्र पद्ये ब्रह्मकोशं प्र पद्येमृतं प्र पद्ये मृतकोशं प्र पद्ये, चतुर्जालं ब्रह्मकोशँ यं मृत्यु र्नाव पश्यति तं प्र पद्ये देवा न्प्र पद्ये देवपुरं प्र पद्ये, परीवृतो वरीवृतो ब्रह्मणा वर्मणाह न्तेजसा कश्यपस्य यस्मै नम,
स्तच्छिरो धर्मो मूर्धानं ब्रह्मोत्तरा हनु र्यज्ञोधरा विष्णुर् हृदय सँवथ्सर प्रजनन मश्विनौ पूर्वपादा वत्रि र्मध्यं मित्रावरुणा वपरपादा वग्नि पुच्छस्य प्रथमङ्काण्ड न्तत इन्द्र स्तत प्रजापति रभयञ्चतुर्थ, स वा एष दिव्य श्शाक्वर श्शिशुमार स्त ह य एवँ वेदापपुनर्मृत्यु ञ्जयति, जयति स्वर्गँ लोक, न्नाध्वनि प्रमीयते नाग्नौ प्रमीयते नाप्सु प्रमीयते नानपत्य प्रमीयते लघ्वान्नो भवति,
ध्रुव स्त्वमसि ध्रुवस्यक्षितमसि त्वं भूताना मधिपतिरसि त्वं भूताना श्रेष्ठोसि त्वां भूतान्युप पर्यावर्तन्ते नमस्ते नम स्सर्वन्ते नमो नम श्शिशुकुमाराय नमः।। 23।। ।19।
स्वा।का। 8 दिगुपस्थान मन्त्राः 1 (एकोनुवाकः 1)
नम प्राच्यै दिशे याश्च देवता एतस्यां प्रति वस न्त्येताभ्यश्च नमो
नमो दक्षिणायै दिशे याश्च देवता एतस्यां प्रति वस न्त्येताभ्यश्च नमो
नम प्रतीच्यै दिशे याश्च देवता एतस्यां प्रति वस न्त्येताभ्यश्च नमो
नम उदीच्यै दिशे याश्च देवता एतस्यां प्रति वस न्त्येताभ्यश्च नमो
नम ऊर्ध्वायै दिशे याश्च देवता एतस्यां प्रति वस न्त्येताभ्यश्च नमो
नमोधरायै दिशे याश्च देवता एतस्यां प्रति वस न्त्येताभ्यश्च नमो
नमो वान्तरायै दिशे याश्च देवता एतस्यां प्रति वस न्त्येताभ्यश्च नमो
नमो गङ्गायमुनयो र्मध्ये ये वसन्ति ते मे प्रसन्नात्मान श्चिरञ्जीवितँ वर्धयन्ति नमो गङ्गायमुनयो र्मुनिभ्यश्च नमो नमो गङ्गायमुनयो र्मुनिभ्यश्च नमः।। 24।।
20।
(सह रक्षासि यद्देवा स्सप्तदश यददीव्य न्पञ्चदशायुष्टे चतुस्त्रिश द्वैश्वानराय षड्विशति र्वातरशना ह कूश्माण्डै रजान् ह पञ्च ब्रह्मयज्ञेन ग्रामे मध्यन्दिने तस्य वै मेघ स्तस्य वै द्वौ रिच्यते दुहे ह कतिधावकीर्णी भू र्नम प्राच्यै विशतिः। 20।
सह ब्रह्मयज्ञेन विशतिः।। 20।। सह मुनिभ्यश्च नमः।)
ओम्। नमो ब्रह्मणे नमो अस्त्वग्नये नम पृथिव्यै नम ओषधीभ्यः। नमो वाचे नमो वाचस्पतये नमो विष्णवे बृहते करोमि।। ओं शान्ति श्शान्ति श्शान्तिः।।
आरण्यके तृतीय प्रपाठकः
प्रा।का।3 होतृ मन्त्राः (त्रयोदशानुवाकाः 13)
आ। का।8 चातुर्होत्रिय चयन मन्त्राश्च
ओम्।। तच्छँयो रावृणीमहे। गातुँ यज्ञाय। गातुँ यज्ञपतये। दैवी स्वस्ति रस्तु नः। स्वस्ति र्मानुषेभ्यः। ऊर्ध्व ञ्जिगातु भेषजम्। शन्नो अस्तु द्विपदे। शञ्चतुष्पदे।
ओं शान्ति श्शान्ति श्शान्तिः।।
चित्ति स्स्रुक्। चित्त माज्यम्। वाग्वेदिः। आधीतं बर्हिः। केतो अग्निः। विज्ञात मग्निः। वाक्पतिर् होता। मन उपवक्ता। प्राणो हविः। सामाध्वर्युः। (दश होतारः)
वाचस्पते विधे नामन्न्। विधेम ते नाम। विधेस्त्व मस्माक न्नाम। वाचस्पति स्सोमं पिबतु। आस्मासु नृम्ण न्धाथ्स्वाहा।। 1।। (ग्रहभागः) (अध्वर्यु पञ्च च। 1।)
पृथिवी होता। द्यौ रध्वर्युः। रुद्रोग्नीत्। बृहस्पति रुपवक्ता। (चतुर्होतारः)
वाचस्पते वाचो वीर्येण। सम्भृततमेनायक्ष्यसे। यजमानाय वार्यम्। आ सुव स्करस्मै। वाचस्पति स्सोमं पिबति। जजन दिन्द्र मिन्द्रियाय स्वाहा।। 2।। (ग्रहभागः) (पृथिवी होता दश। 2।)
अग्निर् होता। अश्विनाध्वर्यू। त्वष्टाग्नीत्। मित्र उपवक्ता। (पञ्च होतारः)
सोम स्सोमस्य पुरोगाः। शुक्र श्शुक्रस्य पुरोगाः। श्रातास्त इन्द्र सोमाः। वातापेर् हवनश्श्रुत स्स्वाहा।। 3।। (ग्रहभागः) (अग्निर्होताष्टौ। 3।)
सूर्यन्ते चक्षुः। वातं प्राणः। द्यां पृष्ठम्। अन्तरिक्ष मात्मा। अङ्गै र्यज्ञम्। पृथिवी शरीरैः। (षड्ढोतारः - पशुबन्धे)
वाचस्पतेच्छिद्रया वाचा। अच्छिद्रया जुह्वा। दिवि देवावृध होत्रा मेरयस्व स्वाहा।। 4।। (ग्रहभागः) (सूर्यन्ते नव। 4।)
महाहविर् होता। सत्यहवि रध्वर्युः। अच्युतपाजा अग्नीत्। अच्युतमना उपवक्ता। अनाधृष्यश्चाप्रतिधृष्यश्च यज्ञस्याभिगरौ। अयास्य उद्गाता। (सप्त होतारः)
वाचस्पते हृद्विधे नामन्न्। विधेम ते नाम। विधेस्त्व मस्माक न्नाम। वाचस्पति स्सोम मपात्। मा दैव्य स्तन्तु श्छेदि मा मनुष्यः। नमो दिवे। नम पृथिव्यै स्वाहा।। (ग्रहभागः) (अपा त्त्रीणि च। 5।)
वाग्घोता। दीक्षा पत्नी। वातोध्वर्युः। आपोभिगरः। मनो हविः। तपसि जुहोमि। (षड्ढोतारः- चातुर्होत्रिये)
भूर्भुव स्सुवः। ब्रह्म स्वयम्भु। ब्रह्मणे स्वयम्भुवे स्वाहा।। 6।। (ग्रहभागः) (वाग्घोता नव। 6।)
ब्राह्मण एकहोता। स यज्ञः। स मे ददातु प्रजां पशू न्पुष्टिँ यशः। यज्ञश्च मे भूयात्।।
अग्नि र्द्विहोता। स भर्ता। स मे ददातु प्रजां पशू न्पुष्टिँ यशः। भर्ता च मे भूयात्।।
पृथिवी त्रिहोता। स प्रतिष्ठा।। 7।।
स मे ददातु प्रजां पशू न्पुष्टिँ यशः। प्रतिष्ठा च मे भूयात्।।
अन्तरिक्ष ञ्चतुर्होता। स विष्ठाः। स मे ददातु प्रजां पशू न्पुष्टिँ यशः। विष्ठाश्च मे भूयात्।।
वायु पञ्चहोता। स प्राणः। स मे ददातु प्रजां पशू न्पुष्टिँ यशः। प्राणश्च मे भूयात्।। 8।।
चन्द्रमा ष्षड्ढोता। स ऋतू न्कल्पयाति। स मे ददातु प्रजां पशू न्पुष्टिँ यशः। ऋतवश्च मे कल्पन्ताम्।।
अन्न सप्तहोता। स प्राणस्य प्राणः। स मे ददातु प्रजां पशू न्पुष्टिँ यशः। प्राणस्य च मे प्राणो भूयात्।।
द्यौ रष्टहोता। सोनाधृष्यः।। 9।।
स मे ददातु प्रजां पशू न्पुष्टिँ यशः। अनाधृष्यश्च भूयासम्।।
आदित्यो नवहोता। स तेजस्वी। स मे ददातु प्रजां पशू न्पुष्टिँ यशः। तेजस्वी च भूयासम्।।
प्रजापति र्दशहोता। स इद सर्वम्। स मे ददातु प्रजां पशू न्पुष्टिँ यशः। सर्वञ्च मे भूयात्।। 10।। (प्रतिष्ठा प्राणश्च मे भूया दनाधृष्य स्सर्वञ्च मे भूयात्। 7। ब्राह्मणो यज्ञोग्नि र्भर्ता पृथिवी प्रतिष्ठान्तरिक्षँ विष्ठा वायु प्राण श्चन्द्रमा ऋतू नन्न स प्राणस्य प्राणो द्यौरनाधृष्य आदित्य स्स तेजस्वी प्रजापति स्स इद सर्व सर्वञ्च मे भूयात्।। )
अग्नि र्यजुर्भिः।
सविता स्तोमैः।
इन्द्र उक्थामदैः।
मित्रावरुणा वाशिषा।
अङ्गिरसो धिष्णियै रग्निभिः।
मरुत स्सदोहविर्धानाभ्याम्।
आप प्रोक्षणीभिः।
ओषधयो बर्हिषा।
अदिति र्वेद्या।
सोमो दीक्षया।। 11।।
त्वष्टेध्मेन।
विष्णु र्यज्ञेन।
वसव आज्येन।
आदित्या दक्षिणाभिः।
विश्वे देवा ऊर्जा।
पूषा स्वगाकारेण।
बृहस्पति पुरोधया।
प्रजापति रुद्गीथेन।
अन्तरिक्षं पवित्रेण।
वायु पात्रैः।
अह श्रद्धया।। 12।। (दीक्षया पात्रै रेकञ्च। 8।)
सेनेन्द्रस्य।
धेना बृहस्पतेः।
पथ्या पूष्णः।
वाग्वायोः।
दीक्षा सोमस्य।
पृथिव्यग्नेः।
वसूना ङ्गायत्री।
रुद्राणा न्त्रिष्टुक्।
आदित्याना ञ्जगती।
विष्णो रनुष्टुक्।। 13।।
वरुणस्य विराट्।
यज्ञस्य पङ्क्तिः।
प्रजापते रनुमतिः।
मित्रस्य श्रद्धा।
सवितु प्रसूतिः।
सूर्यस्य मरीचिः।
चन्द्रमसो रोहिणी।
ऋषीणा मरुन्धती।
पर्जन्यस्य विद्युत्।
चतस्रो दिशः।
चतस्रोवान्तरदिशाः।
अहश्च रात्रिश्च।
कृषिश्च वृष्टिश्च।
त्विषि श्चापचितिश्च।
आप श्चौषधयश्च।
ऊर्क्च सूनृता च देवानां पत्नयः।। 14।। (अनुष्टुग्दिश ष्षट्च। 9।)
देवस्य त्वा सवितु प्रसवे। अश्विनो र्बाहुभ्याम्। पूष्णो हस्ताभ्यां प्रति गृह्णामि। राजा त्वा वरुणो नयतु देवि दक्षिणे- ग्नये हिरण्यम्।-तेनामृतत्व मश्याम्। वयो दात्रे। मयो मह्य मस्तु प्रतिग्रहीत्रे। क इदङ्कस्मा अदात्। काम कामाय। कामो दाता।। 15।।
काम प्रतिग्रहीता। काम समुद्र माविश। कामेन त्वा प्रतिगृह्णामि। कामैतत्ते। एषा ते काम दक्षिणा। उत्तानस्त्वाङ्गीरस प्रतिगृह्णातु।।
-- सोमाय वासः--।
-- रुद्राय गाम्--।
-- वरुणायाश्वम्--।
-- प्रजापतये पुरुषम्।। 16।।
-- मनवे तल्पम्।
-- त्वष्ट्रेजाम्--।
-- पूष्णेविम्।-- निर्ऋत्या अश्वतरगर्दभौ--।-- हिमवतो हस्तिनम्।
-- गन्धर्वाफ्सराभ्य स्स्रगलङ्करणे--।
-- विश्वेभ्यो देवेभ्यो धान्यम्।
-- वाचेन्नम्।
-- ब्रह्मण ओदनम्--।
-- समुद्रायापः --।। 17।।
-- उत्तानायाङ्गीरसायानः --।
-- वैश्वानराय रथम् --।
वैश्वानर प्रत्नथा नाक मारुहत्। दिव पृष्ठं भन्दमान स्सुमन्मभिः। स पूर्वव ज्जनय ज्जन्तवे धनम्। समान मज्मा परियाति जागृविः।।
--राजा त्वा वरुणो नयतु देवि दक्षिणे- वैश्वानराय रथम्।- तेनामृतत्व मश्याम्। वयो दात्रे। मयो मह्य मस्तु प्रतिग्रहीत्रे।। 18।।
क इदङ्कस्मा अदात्। काम कामाय। कामो दाता। काम प्रतिग्रहीता। काम समुद्र माविश। कामेन त्वा प्रति गृह्णामि। कामैतत्ते। एषा ते काम दक्षिणा। उत्तानस्त्वाङ्गीरस प्रति गृह्णातु।। 19।। (दाता पुरुष माप प्रतिग्रहीत्रे नव च। 10।)
सुवर्णङ्घर्मं परिवेद वेनम्। इन्द्रस्यात्मान न्दशधा चरन्तम्। अन्त स्समुद्रे मनसा चरन्तम्। ब्रह्मान्वविन्द द्दशहोतार मर्णे।।
अन्त प्रविष्ट श्शास्ता जनानाम्। एक स्स न्बहुधा विचारः।।
शत शुक्राणि यत्रैकं भवन्ति। सर्वे वेदा यत्रैकं भवन्ति। सर्वे होतारो यत्रैकं भवन्ति। स मानसीन आत्मा जनानाम्।। 20।।
अन्त प्रविष्ट श्शास्ता जनाना सर्वात्मा। सर्वा प्रजा यत्रैकं भवन्ति। चतुर्होतारो यत्र सम्पदङ्गच्छन्ति देवैः। स मानसीन आत्मा जनानाम्। (दश होतृ हृदय मन्त्रः)
ब्रह्मेन्द्र मग्नि ञ्जगत प्रतिष्ठाम्। दिव आत्मान सवितारं बृहस्पतिम्। चतुर्होतारं प्रदिशोनुकॢप्तम्। वाचो वीर्य न्तपसान्वविन्दत्।।
अन्तप्रविष्ट ङ्कर्तार मेतम्। त्वष्टार रूपाणि विकुर्वन्तँ विपश्चिम्।। 21।।
अमृतस्य प्राणँ यज्ञ मेतम्। चतुर्होतृणा मात्मान ङ्कवयो निचिक्युः।।
अन्तप्रविष्टङ्कर्तार मेतम्। देवानां बन्धु निहितङ्गुहासु। अमृतेन कॢप्तँ यज्ञ मेतम्। चतुर्होतृणा मात्मान ङ्कवयो निचिक्युः। (चतुर्होतृ हृदय मन्त्रः)
शत न्नियुत परिवेद विश्वा विश्ववारः। विश्वमिदँ वृणाति। इन्द्रस्यात्मा निहित पञ्चहोता। अमृत न्देवाना मायु प्रजानाम्।। 22।।
इन्द्र राजान सवितार मेतम्। वायो रात्मानङ्कवयो निचिक्युः। रश्मि रश्मीनां मध्ये तपन्तम्। ऋतस्य पदे कवयो निपान्ति।।
य आण्डकोशे भुवनं बिभर्ति। अनिर्भिण्ण स्सन्नथ लोकान् विचष्टे। यस्याण्डकोश शुष्म माहु प्राण मुल्बम्। तेन कॢप्तोमृतेनाहमस्मि। (पञ्चहोतृ हृदय मन्त्रः)
सुवर्णङ्कोश रजसा परीवृतम्। देवानाँ वसुधानीँ विराजम्।। 23।।
अमृतस्य पूर्णा न्तामु कलाँ विचक्षते। पाद षड्ढोतु र्न किलाविविथ्से।।
येनर्तव पञ्चधोतकॢप्ताः। उतवा षड्धा मनसोत कॢप्ताः। त षड्ढोतार मृतुभि कल्पमानम्। ऋतस्य पदे कवयो नि पान्ति।।
अन्तप्रविष्ट ङ्कर्तार मेतम्। अन्त श्चन्द्रमसि मनसा चरन्तम्। सहैव सन्तन्न वि जानन्ति देवाः। इन्द्रस्यात्मान शतधा चरन्तम्।। 24।। (षड्ढोतृ हृदय मन्त्रः)
इन्द्रो राजा जगतो य ईशे। सप्तहोता सप्तधा विकॢप्तः।।
परेण तन्तुं परिषिच्यमानम्। अन्तरादित्ये मनसा चरन्तम्। देवाना हृदयं ब्रह्मान्वविन्दत्।।
ब्रह्मैतद्ब्रह्मण उज्जभार। अर्क श्चोतन्त सरिरस्य मध्ये।।
आ यस्मिन्थ्सप्त पेरवः। मेहन्ति बहुला श्रियम्। बह्वश्वा मिन्द्र गोमतीम्।। 25।।
अच्युतां बहुला श्रियम्। स हरि र्वसुवित्तमः। पेरु रिन्द्राय पिन्वते।।
बह्वश्वा मिन्द्र गोमतीम्। अच्युतां बहुला श्रियम्। मह्य मिन्द्रो नि यच्छतु।।
शत शता अस्य युक्ता हरीणाम्। अर्वाङायातु वसुभी रश्मि रिन्द्रः। प्रमहमाणो बहुला श्रियम्। रश्मि रिन्द्र स्सविता मे नियच्छतु।। 26।।
घृत न्तेजो मधुम दिन्द्रियम्। मय्यय मग्नि र्दधातु।।
हरि पतङ्ग पटरी सुपर्णः। दिविक्षयो नभसा य एति। स न इन्द्र कामवर न्ददातु।।
पञ्चार ञ्चक्रं परिवर्तते पृथु। हिरण्यज्योति स्सरिरस्य मध्ये। अजस्र ञ्ज्योति र्नभसा सर्पदेति। स न इन्द्र कामवर न्ददातु।।
सप्त युञ्जन्ति रथ मेकचक्रम्।। 27।।
एको अश्वो वहति सप्तनामा। त्रिनाभिचक्र मजर मनर्वम्। येनेमा विश्वा भुवनानि तस्थुः।।
भद्रं पश्यन्त उपसेदु रग्रे। तपो दीक्षा मृषय स्सुवर्विदः। ततः~ क्षत्रं बल मोजश्च जातम्। तदस्मै देवा अभि सन्नमन्तु।।
श्वेत रश्मिं बोभुज्यमानम्। अपा न्नेतारं भुवनस्य गोपाम्। इन्द्र न्निचिक्यु परमे व्योमन्न्।। 28।।
रोहिणी पिङ्गला एकरूपाः। क्षरन्ती पिङ्गला एकरूपाः। शत सहस्राणि प्रयुतानि नाव्यानाम्।।
अयँ य श्श्वेतो रश्मिः। परि सर्व मिद ञ्जगत्। प्रजां पशू न्धनानि। अस्माक न्ददातु।।
श्वेतो रश्मि परि सर्वं बभूव। सुवन्मह्यं पशून् विश्वरूपान्।।
पतङ्ग मक्त मसुरस्य मायया।। 29।।
हृदा पश्यन्ति मनसा मनीषिणः। समुद्रे अन्त कवयो विचक्षते। मरीचीनां पद मिच्छन्ति वेधसः।।
पतङ्गो वाचं मनसा बिभर्ति। ताङ्गन्धर्वोवद द्गर्भे अन्तः। तान्द्योतमाना स्वर्यं मनीषाम्। ऋतस्य पदे कवयो निपान्ति।।
ये ग्राम्या पशवो विश्वरूपाः। विरूपा स्सन्तो बहुधैकरूपाः। अग्निस्ता अग्रे प्र मुमोक्तु देवः।। 30।।
प्रजापति प्रजया सँविदानः।।
वीत स्तुकेस्तुके। युव मस्मासु नि यच्छतम्। प्रप्र यज्ञपति न्तिर।।
ये ग्राम्या पशवो विश्वरूपाः। विरूपा स्सन्तो बहुधैकरूपाः। तेषा सप्ताना मिह रन्तिरस्तु। रायस्पोषाय सुप्रजास्त्वाय सुवीर्याय।।
य आरण्या पशवो विश्वरूपाः। विरूपा स्सन्तो बहुधैकरूपाः।। 31।।
वायु स्ता अग्रे प्र मुमोक्तु देवः। प्रजापति प्रजया सँविदानः।।
इडायै सृप्त ङ्घृतव च्चराचरम्। देवा अन्वविन्द न्गुहा हितम्।।
य आरण्या पशवो विश्वरूपाः। विरूपा स्सन्तो बहुधैकरूपाः। तेषा सप्ताना मिह रन्ति रस्तु। रायस्पोषाय सुप्रजास्त्वाय सुवीर्याय।। 32।। (सप्त होतृ हृदय मन्त्रः) (आत्मा जनानाँ विकुर्वन्तँ विपश्चिं प्रजानाँ वसुधानीँ विराज ञ्चरन्त ङ्गोमतीं मे नियच्छ त्वेकचक्रँ व्योम न्मायया देव एकरूपा अष्टौ च। 11।)
सहस्रशीर्षा पुरुषः। सहस्राक्ष स्सहस्रपात्। स भूमिँ विश्वतो वृत्वा। अत्यतिष्ठ द्दशाङ्गुलम्।।
पुरुष एवेद सर्वम्। यद्भूतँ यच्च भव्यम्। उतामृतत्वस्येशानः। यदन्नेनातिरोहति।।
एतावानस्य महिमा। अतो ज्यायाश्च पूरुषः।। 33।।
पादोस्य विश्वा भूतानि। त्रिपादस्यामृत न्दिवि।।
त्रिपादूर्ध्व उदै त्पुरुषः। पादोस्येहाभवा त्पुनः। ततो विष्वङ्व्यक्रामत्। साशनानशने अभि।।
तस्मा द्विराडजायत। विराजो अधि पूरुषः। स जातो अत्यरिच्यत। पश्चाद्भूमि मथो पुरः।। 34।।
यत्पुरुषेण हविषा। देवा यज्ञ मतन्वत। वसन्तो अस्यासीदाज्यम्। ग्रीष्म इध्म श्शरद्धविः।।
सप्तास्यास न्परिधयः। त्रिस्सप्त समिध कृताः। देवा यद्यज्ञ न्तन्वानाः। अबध्न न्पुरुषं पशुम्।।
तँ यज्ञं बर्हिषि प्रौक्षन्न्। पुरुष ञ्जात मग्रतः।। 35।।
तेन देवा अयजन्त। साध्या ऋषयश्च ये।।
तस्माद्यज्ञा थ्सर्वहुतः। सम्भृतं पृषदाज्यम्। पशू स्ताश्चक्रे वायव्यान्। आरण्या न्ग्राम्याश्च ये।।
तस्माद्यज्ञा थ्सर्वहुतः। ऋच स्सामानि जज्ञिरे। छन्दासि जज्ञिरे तस्मात्। यजु स्तस्मा दजायत।। 36।।
तस्मादश्वा अजायन्त। ये के चोभयादतः। गावो ह जज्ञिरे तस्मात्। तस्मा ज्जाता अजावयः।।
यत् पुरुषँ व्यदधुः। कतिधा व्यकल्पयन्न्। मुख ङ्किमस्य कौ बाहू। कावूरू पादा वुच्येते।।
ब्राह्मणोस्य मुख मासीत्। बाहू राजन्य कृतः।। 37।।
ऊरू तदस्य यद्वैश्यः। पद्भ्या शूद्रो अजायत।।
चन्द्रमा मनसो जातः। चक्षो स्सूर्यो अजायत। मुखा दिन्द्र श्चाग्निश्च। प्राणा द्वायु रजायत।।
नाभ्या आसी दन्तरिक्षम्। शीर्ष्णो द्यौ स्समवर्तत। पद्भ्यां भूमि र्दिश श्श्रोत्रात्। तथा लोका अकल्पयन्न्।। 38।।
वेदाह मेतं पुरुषं महान्तम्। आदित्यवर्ण न्तमसस्तु पारे। सर्वाणि रूपाणि विचित्य धीरः। नामानि कृत्वाभिवदन् यदास्ते।।
धाता पुरस्ता द्यमुदाजहार। शक्र प्र विद्वान् प्रदिश श्चतस्रः। तमेवँ विद्वा नमृत इह भवति। नान्य पन्था अयनाय विद्यते।।
यज्ञेन यज्ञ मयजन्त देवाः। तानि धर्माणि प्रथमान्यासन्। ते ह नाकं महिमान स्सचन्ते। यत्र पूर्वे साध्या स्सन्ति देवाः।। 39।। (पूरुष पुरोग्रतोजायत कृतोकल्पय न्नासन्द्वे च। 12। ज्याया नधि पूरुषः। अन्यत्र पुरुषः।)
अद्भ्य स्सम्भूत पृथिव्यै रसाच्च। विश्वकर्मण स्समवर्तताधि। तस्य त्वष्टा विदध द्रूप मेति। तत्पुरुषस्य विश्व माजान मग्रे।।
वेदाह मेतं पुरुषं महान्तम्। आदित्यवर्ण न्तमस परस्तात्। तमेवँ विद्वा नमृत इह भवति। नान्य पन्था विद्यतेयनाय।।
प्रजापति श्चरति गर्भे अन्तः। अजायमानो बहुधा वि जायते।। 40।।
तस्य धीरा परिजानन्ति योनिम्। मरीचीनां पद मिच्छन्ति वेधसः।।
यो देवेभ्य आतपति। यो देवानां पुरोहितः। पूर्वो यो देवेभ्यो जातः। नमो रुचाय ब्राह्मये।।
रुचं ब्राह्म ञ्जनयन्तः। देवा अग्रे तदब्रुवन्न्। यस्त्वैवं ब्राह्मणो विद्यात्। तस्य देवा असन् वशे।।
ह्रीश्च ते लक्ष्मीश्च पत्न्यौ। अहोरात्रे पार्श्वे। नक्षत्राणि रूपम्। अश्विनौ व्यात्तम्। इष्टं मनिषाण। अमुं मनिषाण। सर्वं मनिषाण।। 41।। (जायते वशे सप्त च। 13।)
वै।का। 9 सूक्तमन्त्राः 2 (द्वावनुवाकौ 2)
भर्ता सन्भ्रियमाणो बिभर्ति। एको देवो बहुधा निविष्टः। यदा भार न्तन्द्रयते स भर्तुम्। निधाय भारं पुन रस्त मेति।।
तमेव मृत्यु ममृत न्तमाहुः। तं भर्तार न्तमु गोप्तार माहुः। स भृतो भ्रियमाणो बिभर्ति। य एनँ वेद सत्येन भर्तुम्।।
सद्यो जात मुत जहात्येषः। उतो जरन्त न्न जहात्येकम्।। 42।।
उतो बहूनेक मह र्जहार। अतन्द्रो देव स्सदमेव प्रार्थः।।
यस्तद्वेद यत आबभूव। सन्धाञ्च या सन्दधे ब्रह्मणैषः। रमते तस्मिन्नुत जीर्णे शयाने। नैन ञ्जहा त्यहस्सु पूर्व्येषु।।
त्वामापो अनु सर्वा श्चरन्ति जानतीः। वथ्सं पयसा पुनानाः। त्वमग्नि हव्यवाह समिन्थ्से। त्वं भर्ता मातरिश्वा प्रजानाम्।। 43।।
त्वँ यज्ञ स्त्वमु वेवासि सोमः। तव देवा हव मायन्ति सर्वे। त्वमेकोसि बहू ननु प्रविष्टः। नमस्ते अस्तु सुहवो म एधि।।
नमो वामस्तु शृणुत हवं मे। प्राणापाना वजिर सञ्चरन्तौ। ह्वयामि वां ब्रह्मणा तूर्त मेतम्। यो मा न्द्वेष्टि तञ्जहितँ युवाना।।
प्राणापानौ सँविदानौ जहितम्। अमुष्या सुनामा सङ्गसाथाम्।। 44।।
तं मे देवा ब्रह्मणा सँविदानौ। वधाय दत्त न्तमह हनामि।।
असज्जजान सत आबभूव। यँ य ञ्जजान स उ गोपो अस्य। यदा भार न्तन्द्रयते स भर्तुम्। परास्य भारं पुन रस्तमेति।।
तद्वै त्वं प्राणो अभवः। महा न्भोग प्रजापतेः। भुज करिष्यमाणः। यद्देवा न्प्राणयो नव।। 45।। (एकं प्रजाना ङ्गसाथा न्नव। 14।)
हरि हरन्त मनुयन्ति देवाः। विश्वस्येशानँ वृषभं मतीनाम्। ब्रह्म सरूप मनु मेद मागात्। अयनं मा विवधी र्वि क्रमस्व।।
मा छिदो मृत्यो मा वधीः। मा मे बलँ वि वृहो मा प्रमोषीः। प्रजां मा मे रीरिष आयु रुग्र। नृचक्षसन्त्वा हविषा विधेम।।
सद्य श्चकमानाय। प्रवेपानाय मृत्यवे।। 46।।
प्रास्मा आशा अशृण्वन्न्। कामेनाजनय न्पुनः।।
कामेन मे काम आगात्। हृदयाद्धृदयं मृत्योः। यदमीषा मद प्रियम्। तदैतूप मामभि।।
परं मृत्यो अनु परेहि पन्थाम्। यस्ते स्व इतरो देवयानात्। चक्षुष्मते शृण्वते ते ब्रवीमि। मा न प्रजा रीरिषो मोत वीरान्।।
प्र पूर्व्यं मनसा वन्दमानः। नाधमानो वृषभ ञ्चर्षणीनाम्। य प्रजाना मेकराण्मानुषीणाम्। मृत्युँ यजे प्रथमजामृतस्य।। 47।। (मृत्यवे वीरा श्चत्वारि च। 15।)
सौ।का।2 ग्रह मन्त्राः (एकोवाकः 1)
तरणि र्विश्वदर्शतो ज्योतिष्कृदसि सूर्य। विश्व माभासि रोचनम्।।
उपयामगृहीतोसि सूर्याय त्वा भ्राजस्वत
एष ते योनि स्सूर्याय त्वा भ्राजस्वते।। 48।।
16।
आ।का।5 अग्निचयन मन्त्राः 3 (त्रयोनुवाकाः)
आप्यायस्व मदिन्तम सोम विश्वाभि रूतिभिः। भवा न स्सप्रथस्तमः।। 49।।
17।
ईयुष्टेये पूर्वतरा मपश्य न्व्युच्छन्ती मुषसं मर्त्यासः। अस्माभि रूनु प्रतिचक्ष्याभू दो ते यन्ति ये अपरीषु पश्यान्।। 50।।
18।
ज्योतिष्मतीन्त्वा सादयामि
ज्योतिष्कृतन्त्वा सादयामि
ज्योतिर्विदन्त्वा सादयामि
भास्वतीन्त्वा सादयामि
ज्वलन्तीन्त्वा सादयामि
मल्मलाभवन्तीन्त्वा सादयामि
दीप्यमानान्त्वा सादयामि
रोचमानान्त्वा सादया
म्यजस्रान्त्वा सादयामि
बृहज्ज्योतिष न्त्वा सादयामि
बोधयन्तीन्त्वा सादयामि
जाग्रतीन्त्वा सादयामि।। 51।।
19।
वै।का। 13 अश्वमेध मन्त्राः 14 (द्वावनुवाकौ 2)
प्रयासाय स्वाहा
यासाय स्वाहा
वियासाय स्वाहा
सँयासाय स्वाहो
द्यासाय स्वाहा
वयासाय स्वाहा
शुचे स्वाहा
शोकाय स्वाहा
तप्यत्वै स्वाहा
तपते स्वाहा
ब्रह्महत्यायै स्वाहा
सर्वस्मै स्वाहा।। 52।। 20।
चित्त सन्तानेन
भवँ यक्ना
रुद्र न्तनिम्ना
पशुपति स्थूलहृदये
नाग्नि हृदयेन
रुद्रँ लोहितेन
शर्वं मतस्नाभ्यां
महादेव मन्तपार्श्वे
नौषिष्ठहन शिङ्गीनिकोश्याभ्याम्।। 53।। 21।
(चित्ति पृथिव्यग्नि स्सूर्यन्ते चक्षु र्महाहविर्होता वाग्घोता ब्राह्मण एकहोताग्नि र्यजुर्भि स्सेनेन्द्रस्य देवस्य सुवर्णङ्घर्म सहस्रशीर्षाद्भ्यो भर्ता हरि न्तरणि राप्यायस्वेयुष्टे ये ज्योतिष्मतीं प्रयासाय चित्त मेकविशतिः। 21। चित्ति रग्नि र्यजुर्भि रन्त प्रविष्ट प्रजापति स्तस्य धीरा ज्योतिष्मती न्त्रिपञ्चाशत्। चित्ति श्शिङ्गीनिकोश्याभ्याम्।)
ओम्।। तच्छँयो रावृणीमहे। गातुँ यज्ञाय। गातुँ यज्ञपतये। दैवी स्वस्ति रस्तु नः। स्वस्ति र्मानुषेभ्यः। ऊर्ध्व ञ्जिगातु भेषजम्। शन्नो अस्तु द्विपदे। शञ्चतुष्पदे।
ओं शान्ति श्शान्ति श्शान्तिः।।
आरण्यके चतुर्थ प्रपाठकः (प्रवर्ग्य मन्त्रः)
सौ।का।7 शुक्रिय मन्त्राः 1 (द्विचत्वारिंशदनुवाकाः 42)
(ओं नमोनुमदन्तु।। ओं शान्ति श्शान्ति श्शान्तिः।। )
नमो वाचे या चोदिता या चानुदिता तस्यै वाचे नमो नमो वाचे नमो वाचस्पतये, नम ऋषिभ्यो मन्त्रकृद्भ्यो मन्त्रपतिभ्यो, मा मा मृषयो मन्त्रकृतो मन्त्रपतय परा दु- र्माह मृषी न्मन्त्रकृतो मन्त्रपती न्परादाँ, वैश्वदेवीँ वाचमुद्यास शिवा मदस्ताञ्जुष्टा न्देवेभ्य,
श्शर्म मे द्यौश्शर्म पृथिवी शर्म विश्वमिद ञ्जगत्। शर्म चन्द्रश्च सूर्यश्च शर्म ब्रह्म प्रजापती।
भूतँ वदिष्ये भुवनँ वदिष्ये तेजो वदिष्ये यशो वदिष्ये तपो वदिष्ये ब्रह्म वदिष्ये सत्यँ वदिष्ये - तस्मा अह मिद मुपस्तरण मुपस्तृण उपस्तरणं मे प्रजायै पशूनां भूया दुपस्तरणमहं प्रजायै पशूनां भूयासं
प्राणापानौ मृत्योर्मा पातं प्राणापानौ मा मा हासिष्टं
मधु मनिष्ये मधु जनिष्ये मधु वक्ष्यामि मधु वदिष्यामि मधुमती न्देवेभ्यो वाच मुद्यास शुश्रूषेण्यां मनुष्येभ्य स्तं मा देवा अवन्तु शोभायै पितरोनुमदन्तु।।
ओं शान्ति श्शान्ति श्शान्तिः।। 1।। 1।
युञ्जते मन उत युञ्जते धियः। विप्रा विप्रस्य बृहतो विपश्चितः। वि होत्रा दधे वयुनावि देक इत्। मही देवस्य सवितुः परिष्टुतिः।।
देवस्य त्वा सवितु प्रसवे। अश्विनो र्बाहुभ्याम्। पूष्णो हस्ताभ्या माददे।।
अब्भ्रिरसि नारिरसि। अध्वरकृद्देवेभ्यः।।
उत्तिष्ठ ब्रह्मणस्पते।। 2।।
देवयन्त स्त्वेमहे। उप प्र यन्तु मरुत स्सुदानवः। इन्द्र प्राशु र्भवा सचा।।
प्रैतु ब्रह्मणस्पतिः। प्रदेव्येतु सूनृता। अच्छा वीर न्नर्यं पङ्क्तिराधसम्। देवा यज्ञ न्नयन्तु नः।।
देवी द्यावापृथिवी अनु मे मसाथाम्।
ऋद्ध्यास मद्य।
मुखस्य शिरः।। 3।।
मखाय त्वा।
मखस्य त्वा शीर्ष्णे।
इयत्यग्र आसीः।
ऋद्ध्यास मद्य।
मखस्य शिरः।
मखाय त्वा।
मखस्य त्वा शीर्ष्णे।
देवी र्वम्री रस्य भूतस्य प्रथमजा ऋतावरीः।
ऋद्ध्यास मद्य।
मखस्य शिरः।। 4।।
मखाय त्वा।
मखस्य त्वा शीर्ष्णे।
इन्द्रस्यौजोसि।
ऋद्ध्यास मद्य।
मखस्य शिरः।
मखाय त्वा।
मखस्य त्वा शीर्ष्णे।
अग्निजा असि प्रजापते रेतः।
ऋद्ध्यास मद्य।
मखस्य शिरः।। 5।।
मखाय त्वा।
मखस्य त्वा शीर्ष्णे।
आयु र्धेहि प्राण न्धेहि। अपान न्धेहि व्यान न्धेहि। चक्षु र्धेहि श्रोत्र न्धेहि। मनो धेहि वाच न्धेहि। आत्मान न्धेहि प्रतिष्ठा न्धेहि। मा न्धेहि मयि धेहि।।
मधु त्वा मधुला करोतु।
मखस्य शिरोसि।। 6।।
यज्ञस्य पदे स्थः।
गायत्रेण त्वा छन्दसा करोमि।
त्रैष्टुभेन त्वा छन्दसा करोमि।
जागतेन त्वा छन्दसा करोमि।
मखस्य रास्नासि।
अदितिस्ते बिल ङ्गृह्णातु। पाङ्क्तेन छन्दसा।
सूर्यस्य हरसा श्राय।
मखोसि।। 7।। (पते शिर ऋतावरीर् ऋद्ध्यास मद्य मखस्य शिर शिर श्शिरोसि नव च। 2। इयति देवी रिन्द्रस्यौजो स्यग्निजा अस्यायुर्धेहि प्राणं पञ्च।)
वृष्णो अश्वस्य निष्पदसि। वरुणस्त्वा धृतव्रत आधूपयतु। मित्रावरुणयो र्ध्रुवेण धर्मणा।।
अर्चिषे त्वा।
शोचिषे त्वा।
ज्योतिषे त्वा।
तपसे त्वा।
अभीमं महिना दिवम्। मित्रो बभूव सप्रथाः। उत श्रवसा पृथिवीम्।। 8।।
मित्रस्य चर्षणीधृतः। श्रवो देवस्य सानसिम्। द्युम्न ञ्चित्रश्रवस्तमम्।
सिद्ध्यै त्वा।
देवस्त्वा सवितोद्वपतु। सुपाणि स्स्वङ्गुरिः। सुबाहु रुत शक्त्या।।
अपद्यमान पृथिव्याम्। आशा दिश आ पृण। उत्तिष्ठ बृह न्भव।। 9।।
ऊर्ध्व स्तिष्ठ ध्रुवस्त्वम्।।
सूर्यस्य त्वा चक्षुषान्वीक्षे। ऋजवे त्वा। साधवे त्वा। सुक्षित्यै त्वा भूत्यै त्वा।
इद मह ममु मामुष्यायणँ विशा पशुभि र्ब्रह्मवर्चसेन पर्यूहामि।
गायत्रेण त्वा छन्दसाच्छृणद्मि।
त्रैष्टुभेन त्वा छन्दसाच्छृणद्मि।
जागतेन त्वा छन्दसाच्छृणद्मि।
छृणत्तु त्वा वाक्।
छृणत्तु त्वोर्क्।
छृणत्तु त्वा हविः।
छृन्धि वाचम्।
छृन्ध्यूर्जम्।
छृन्धि हविः।
देव पुरश्चर सघ्यासन्त्वा।। 10।। (पृथिवीं भव वाख्षट्च। 3।)
ब्रह्म न्प्रवर्ग्येण प्र चरिष्यामः। होत र्घर्म मभिष्टुहि। अग्नीद्रौहिणौ पुरोडाशा वधिश्रय। प्रतिपस्थात र्विहर। प्रस्तोत स्सामानि गाय।।
यजुर्युक्त सामभि राक्तखन्त्वा। विश्वैर्देवै रनुमतं मरुद्भिः। दक्षिणाभि प्रततं पारयिष्णुम्। स्तुभो वहन्तु सुमनस्यमानम्। स नो रुच न्धेह्यहृणीयमानः। भूर्भुवस्सुवः। ओमिन्द्रवन्त प्र चरत।। 11।। (अहृणीयमानो द्वे च। 4।)
ब्रह्म न्प्रचरिष्यामः। होत र्घर्म मभिष्टुहि।
यमाय त्वा मखाय त्वा। सूर्यस्य हरसे त्वा।
प्राणाय स्वाहा
व्यानाय स्वाहा
पानाय स्वाहा।
चक्षुषे स्वाहा
श्रोत्राय स्वाहा।
मनसे स्वाहा
वाचे सरस्वत्यै स्वाहा।
दक्षाय स्वाहा
क्रतवे स्वाहा।
ओजसे स्वाहा
बलाय स्वाहा।
देवस्त्वा सविता मध्वानक्तु।। 12।।
पृथिवी न्तपस स्त्रायस्व।
अर्चिरसि शोचिरसि ज्योतिरसि तपोसि।
स सीदस्व महा असि। शोचस्व देववीतमः। वि धूम मग्ने अरुषं मियेध्य। सृज प्रशस्त दर्शतम्।।
अञ्जन्ति यं प्रथयन्तो न विप्राः। वपावन्त न्नाग्निना तपन्तः। पितुर्न पुत्र उपसि प्रेष्ठः। आ घर्मो अग्नि मृतय न्नसादीत्।। 13।।
अनाधृष्या पुरस्तात्। अग्ने राधिपत्ये। आयुर्मे दाः।
पुत्रवती दक्षिणतः। इन्द्रस्याधिपत्ये। प्रजां मे दाः।
सुषदा पश्चात्। देवस्य सवितु राधिपत्ये। प्राणं मे दाः।
आश्रुति रुत्तरतः।। 14।।
मित्रावरुणयो राधिपत्ये। श्रोत्रं मे दाः।
विधृति रुपरिष्टात्। बृहस्पते राधिपत्ये। ब्रह्म मे दाः क्षत्त्रं मे दाः। तेजो मे धा वर्चो मे धाः। यशो मे धा स्तपो मे धाः। मनो मे धाः।
मनो रश्वासि भूरिपुत्त्रा। विश्वाभ्यो मा नाष्ट्राभ्य पाहि।। 15।।
सूपसदा मे भूया मा मा हिसीः।।
तपोष्वग्ने अन्तरा अमित्रान्। तपाशस मररुष परस्य। तपा वसो चिकितानो अचित्तान्। वि ते तिष्ठन्ता मजरा अयासः।।
चितस्स्थ परिचितः। स्वाहा मरुद्भि परि श्रयस्व।
मा असि।
प्रमा असि।
प्रतिमा असि।। 16।।
सं मा असि।
विमा असि।
उन्मा असि।
अन्तरिक्षस्या न्तर्धि रसि।
दिवन्तपस स्त्रायस्व।
आभि र्गीभि र्यदतो न ऊनम्। आ प्यायय हरिवो वर्धमानः। यदा स्तोतृभ्यो महि गोत्रा रुजासि। भूयिष्ठभाजो अध ते स्याम।।
शुक्रन्ते अन्य द्यजतन्ते अन्यत्।। 17।।
विषुरूपे अहनी द्यौ रिवासि। विश्वा हि माया अवसि स्वधावः। भद्रा ते पूषन्निह रातिरस्तु।।
अर्ह न्बिभर्षि सायकानि धन्व। अर्ह न्निष्कँ यजतँ विश्वरूपम्। अर्ह न्निद न्दयसे विश्व मब्भुवम्। न वा ओजीयो रुद्र त्वदस्ति।।
गायत्रमसि।
त्रैष्टुभमसि।
जागतमसि।
मधु मधु मधु।। 18।। (अनक्त्वसादी दुत्तरत पाहि प्रतिमा असि यजतन्ते अन्य ज्जागत मस्येकञ्च। 5।)
दश प्राची र्दश भासि दक्षिणा। दश प्रतीची र्दश भास्युदीचीः। दशोर्ध्वा भासि सुमनस्यमानः। स नो रुच न्धेह्यहृणीयमानः।।
अग्निष्ट्वा वसुभि पुरस्ता द्रोचयतु गायत्रेण छन्दसा। स मा रुचितो रोचय।।
इन्द्रस्त्वा रुद्रै र्दक्षिणतो रोचयतु त्रैष्टुभेन छन्दसा। स मा रुचितो रोचय।।
वरुणस्त्वादित्यै पश्चाद्रोचयतु जागतेन छन्दसा। स मा रुचितो रोचय।। 19।।
द्युतानस्त्वा मारुतो मरुद्भि रुत्तरतो रोचय त्वानुष्टुभेन छन्दसा। स मा रुचितो रोचय।।
बृहस्पतिस्त्वा विश्वै र्देवै रुपरिष्टाद्रोचयतु पाङ्क्तेन छन्दसा। स मा रुचितो रोचय।।
रोचित स्त्वन्देवघर्म देवेष्वसि। रोचिषीयाहं मनुष्येषु।
सम्राड्घर्म रुचित स्त्व न्देवेष्वायुष्मा स्तेजस्वी ब्रह्मवर्चस्यसि।
रुचितोहं मनुष्येष्वायुष्मा स्तेजस्वी ब्रह्मवर्चसी भूयासम्।
रुगसि। रुचं मयि धेहि।। 20।।
मयि रुक्।
दश पुरस्ता द्रोचसे। दश दक्षिणा। दश प्रत्यङ्ङ्। दशोदङ्ङ्। दशोर्ध्वो भासि सुमनस्यमानः। स न स्सम्राडिष मूर्ज न्धेहि। वाजी वाजिने पवस्व। रोचितो घर्मो रुचीय।। 21।। (रोचय धेहि नव च। 6।)
अपश्यङ्गोपा मनिपद्यमानम्। आ च परा च पथिभि श्चरन्तम्। स सद्ध्रीची स्स विषूची र्वसानः। आवरीवर्ति भुवनेष्वन्तः।।
अत्र प्रावीः। मधु माध्वीभ्यां मधु माधूचीभ्याम्। अनु वा न्देववीतये।।
समग्नि रग्निना गत। सन्देवेन सवित्रा। ससूर्येण रोचते।। 22।।
स्वाहा समग्नि स्तपसा गत। सन्देवेन सवित्रा। ससूर्येणारोचिष्ट।
धर्ता दिवो वि भासि रजसः। पृथिव्या धर्ता। उरो रन्तरिक्षस्य धर्ता। धर्ता देवो देवानाम्। अमर्त्य स्तपोजाः।।
हृदे त्वा मनसे त्वा। दिवे त्वा सूर्याय त्वा।। 23।।
ऊर्ध्व मिम मध्वर ङ्कृधि। दिवि देवेषु होत्रा यच्छ।।
विश्वासां भुवां पते। विश्वस्य भुवनस्पते। विश्वस्य मनसस्पते। विश्वस्य वचसस्पते। विश्वस्य तपसस्पते। विश्वस्य ब्रह्मणस्पते।।
देवश्रू स्त्वन्देवघर्म देवा न्पाहि।
तपोजाँ वाच मस्मे नियच्छ देवायुवम्।। 24।।
गर्भो देवानाम्।
पिता मतीनाम्।
पति प्रजानाम्।
मति कवीनाम्।
सन्देवो देवेन सवित्रायतिष्ट। ससूर्येणारुक्त।
आयुर्दा स्त्वमस्मभ्य ङ्घर्म वर्चोदा असि।
पिता नोसि पिता नो बोध।
आयुर्धा स्तनूधा पयोधाः। वर्चोदा वरिवोदा द्रविणोदाः।। 25।।
अन्तरिक्षप्र उरो र्वरीयान्। अशीमहि त्वा मा मा हिसीः।
त्वमग्ने गृहपति र्विशामसि। विश्वासां मानुषीणाम्। शतं पूर्भि र्यविष्ठ पाह्यहसः। समेद्धार शत हिमाः। तन्द्राविण हार्दिवानम्। इहैव रातयस्सन्तु।।
त्वष्टीमती ते सपेय। सुरेता रेतो दधाना। वीरँ विदेय तव सन्दृशि। माह रायस्पोषेण वि योषम्।। 26।। (रोचते सूर्याय त्वा देवायुव न्द्रविणोदा दधाना द्वे च। 7।)
देवस्य त्वा सवितु प्रसवे। अश्विनो र्बाहुभ्याम्। पूष्णो हस्ताभ्या माददे।
अदित्यै रास्नासि।
इड एहि।
अदित एहि।
सरस्वत्येहि।
असावेहि।
असावेहि।
असावेहि।। 27।।
अदित्या उष्णीष मसि।
वायुरस्यैडः।
पूषा त्वोपाव सृजतु। अश्विभ्यां प्र दापय।
यस्ते स्तन श्शशयो यो मयोभूः। येन विश्वा पुष्यसि वार्याणि। यो रत्नधा वसुवि द्यस्सुदत्रः। सरस्वति तमिह धातवेकः।।
उस्र घर्म शिष। उस्र घर्मं पाहि।। 28।।
घर्माय शिष।
बृहस्पति स्त्वोप सीदतु।
दानवस्थ्स पेरवः। विष्वग्वृतो लोहितेन।
अश्विभ्यां पिन्वस्व। सरस्वत्यै पिन्वस्व। पूष्णे पिन्वस्व। बृहस्पतये पिन्वस्व। इन्द्राय पिन्वस्व। इन्द्राय पिन्वस्व।। 29।।
गायत्रोसि।
त्रैष्टुभोसि।
जागतमसि।
सहोर्जो भागेनोप मेहि।
इन्द्राश्विना मधुन स्सारघस्य। घर्मं पात वसवो यजता वट्।
स्वाहा त्वा सूर्यस्य रश्मये वृष्टिवनये जुहोमि।
मधु हविरसि।
सूर्यस्य तपस्तप।
द्यावापृथिवीभ्यान्त्वा परि गृह्णामि।। 30।।
अन्तरिक्षेण त्वोप यच्छामि।
देवानान्त्वा पितृणा मनुमतो भर्तु शकेयम्।
तेजोसि। तेजोनु प्रेहि। दिविस्पृङ्मा मा हिसीः। अन्तरिक्षस्पृङ्मा मा हिसीः। पृथिविस्पृङ्मा मा हिसीः। सुवरसि सुवर्मे यच्छ। दिवँ यच्छ दिवो मा पाहि।। 31।। (एहि पाहि पिन्वस्व गृह्णामि नव च। 8।)
समुद्राय त्वा वाताय स्वाहा। सलिलाय त्वा वाताय स्वाहा। अनाधृष्याय त्वा वाताय स्वाहा। अप्रतिधृष्याय त्वा वाताय स्वाहा। अवस्यवे त्वा वाताय स्वाहा। दुवस्वते त्वा वाताय स्वाहा। शिमिद्वते त्वा वाताय स्वाहा। अग्नये त्वा वसुमते स्वाहा। सोमाय त्वा रुद्रवते स्वाहा। वरुणाय त्वादित्यवते स्वाहा।। 32।।
बृहस्पतये त्वा विश्वदेव्यावते स्वाहा। सवित्रे त्वर्भुमते विभुमते प्रभुमते वाजवते स्वाहा। यमाय त्वाङ्गिरस्वते पितृमते स्वाहा।
विश्वा आशा दक्षिणसत्। विश्वान्देवा नयाडिह। स्वाहाकृतस्य घर्मस्य। मधो पिबत मश्विना। स्वाहाग्नये यज्ञियाय। शँ यजुर्भिः। अश्विना घर्मं पात हार्दिवानम्।। 33।।
अहर्दिवाभि रूतिभिः। अनु वा न्द्यावापृथिवी मसाताम्। स्वाहेन्द्राय। स्वाहेन्द्रा वट्।
घर्ममपात मश्विना हार्दिवानम्। अहर्दिवाभि रूतिभिः। अनु वा न्द्यावापृथिवी अमसाताम्। तं प्राव्यँ यथा वट्। नमो दिवे। नम पृथिव्यै।। 34।।
दिविधा इमँ यज्ञम्। यज्ञमिम न्दिविधाः। दिव ङ्गच्छ। अन्तरिक्ष ङ्गच्छ। पृथिवी ङ्गच्छ। पञ्च प्रदिशो गच्छ। देवा न्घर्मपा न्गच्छ। पितॄ न्घर्मपा न्गच्छ।। 35।। (आदित्यवते स्वाहा हार्दिवानं पृथिव्या अष्टौ च। 9।)
इषे पीपिहि। ऊर्जे पीपिहि। ब्रह्मणे पीपिहि। क्षत्राय पीपिहि। अद्भ्य पीपिहि। ओषधीभ्य पीपिहि। वनस्पतिभ्य पीपिहि। द्यावापृथिवीभ्यां पीपिहि। सुभूताय पीपिहि। ब्रह्मवर्चसाय पीपिहि।। 36।।
यजमानाय पीपिहि। मह्य ञ्ज्यैष्ठ्याय पीपिहि। त्विष्यै त्वा। द्युम्नाय त्वा। इन्द्रियाय त्वा भूत्यै त्वा। धर्मासि सुधर्मा मे न्यस्मे। ब्रह्माणि धारय। क्षत्राणि धारय। विश न्धारय। नेत्त्वा वात स्स्कन्दयात्।। 37।।
अमुष्य त्वा प्राणे सादयामि। अमुना सह निरर्थ ङ्गच्छ। योस्मा न्द्वेष्टि। यञ्च वय न्द्विष्मः। पूष्णे शरसे स्वाहा। ग्रावभ्यस्स्वाहा। प्रतिरेभ्य स्स्वाहा। द्यावापृथिवीभ्या स्वाहा। पितृभ्यो घर्मपेभ्य स्स्वाहा। रुद्राय रुद्रहोत्रे स्वाहा।। 38।।
अह र्ज्योति केतुना जुषताम्। सुज्योति र्ज्योतिषा स्वाहा। रात्रि र्ज्योति केतुना जुषताम्। सुज्योति र्ज्योतिषा स्वाहा।
अपीपरो माह्नो रात्रियै मा पाहि। एषा ते अग्ने समित्। तया समिध्यस्व। आयुर्मे दाः। वर्चसा माञ्जीः।।
अपीपरो मा रात्रिया अह्नो मा पाहि।। 39।।
एषा ते अग्ने समित्। तया समिध्यस्व। आयुर्मे दाः। वर्चसा माञ्जीः। अग्नि र्ज्योति र्ज्योति रग्निस्स्वाहा। सूर्यो ज्योति र्ज्योति स्सूर्य स्वाहा। भूस्स्वाहा। हुत हविः। मधु हविः। इन्द्रतमेग्नौ। पिता नोसि मा मा हिसीः। अश्याम ते देव घर्म। मधुमतो वाजवत पितुमतः। अङ्गिरस्वत स्स्वधाविनः। अशीमहि त्वा मा मा हिसीः। स्वाहा त्वा सूर्यस्य रश्मिभ्यः। स्वाहा त्वा नक्षत्रेभ्यः।। 40।। (ब्रह्मवर्चसाय पीपिहि स्कन्दया द्रुद्राय रुद्रहोत्रे स्वाहाह्नो मा पाह्यग्नौ सप्त च। 10।)
घर्म या ते दिवि शुक्। या गायत्रे छन्दसि। या ब्राह्मणे। या हविर्धाने। तान्त एतेनाव यजे स्वाहा।।
घर्म या तेन्तरिक्षे शुक्। या त्त्रैष्टुभे छन्दसि। या राजन्ये। याग्नीद्ध्रे। तान्त एतेनाव यजे स्वाहा।। 41।।
घर्म या ते पृथिव्या शुक्। या जागते छन्दसि। या वैश्ये। या सदसि। तान्त एतेनाव यजे स्वाहा।
अनु नोद्यानुमतिः ।
अन्विदनुमते त्वम् ।
दिवस्त्वा परस्पायाः। अन्तरिक्षस्य तनुव पाहि। पृथिव्यास्त्वा धर्मणा।। 42।।
वय मनु क्रामाम सुविताय नव्यसे।।
ब्रह्मणस्त्वा परस्पायाः। क्षत्त्रस्य तनुव पाहि। विशस्त्वा धर्मणा। वय मनु क्रामाम सुविताय नव्यसे।।
प्राणस्य त्वा परस्पायै। चक्षुष स्तनुव पाहि। श्रोत्रस्य त्वा धर्मणा। वय मनु क्रामाम सुविताय नव्यसे।।
वल्गुरसि शँयुधायाः।। 43।।
शिशु र्जनधायाः।
शञ्च वक्षि परि च वक्षि।
चतुस्स्रक्ति र्नाभिर् ऋतस्य।
सदो विश्वायु श्शर्म सप्रथाः।
अप द्वेषो अप ह्वरः। अन्यद्व्रतस्य सश्चिम।।
घर्मैतत्तेन्न मेतत्पुरीषम्। तेन वर्धस्व चाच प्यायस्व। वर्धिषीमहि च वयम्। आ च प्यासिषीमहि।। 44।।
रन्ति र्नामासि दिव्यो गन्धर्वः। तस्य ते पद्वद्धविर्धानम्। अग्नि रध्यक्षाः। रुद्रोधिपतिः।
समह मायुषा। सं प्राणेन। सँ वर्चसा। सं पयसा। सङ्गौपत्येन। स रायस्पोषेण।। 45।।
व्यसौ। योस्मा न्द्वेष्टि। यञ्च वय न्द्विष्मः।।
अचिक्रद द्वृषा हरिः। महा न्मित्रो न दर्शतः। स सूर्येण रोचते।।
चिदसि समुद्रयोनिः। इन्दु र्दक्ष श्श्येन ऋतावा। हिरण्यपक्ष श्शकुनो भुरण्युः। महान्थ्सधस्थे ध्रुव आ निषत्तः।। 46।।
नमस्ते अस्तु मा मा हिसीः।।
विश्वावसु सोमगन्धर्वम्। आपो ददृशुषीः। तदृतेनाव्यायन्। तदन्ववैत्। इन्द्रो रारहाण आसाम्। परि सूर्यस्य परिधी रपश्यत्।
विश्वावसु रभि तन्नो गृणातु। दिव्यो गन्धर्वो रजसो विमानः। यद्वा घा सत्य मुत यन्न विद्म।। 47।।
धियो हिन्वानो धिय इन्नो अव्यात्।।
सस्नि मविन्द च्चरणे नदीनाम्। अपावृणो द्दुरो अश्मव्रजानाम्। प्रासा ङ्गन्धर्वो अमृतानि वोचत्। इन्द्रो दक्षं परिजाना दहीनम्।।
एतत्त्व न्देव घर्म देवो देवानुपागाः।
इद महं मनुष्यो मनुष्यान्। सोमपीथानु मेहि। सह प्रजया सह रायस्पोषेण।।
सुमित्रा न आप ओषधय स्सन्तु।। 48।।
दुर्मित्रा स्तस्मै भूयासुः। योस्मा न्द्वेष्टि। यञ्च वय न्द्विष्मः।
उद्वयन्तमसस्परि ।
उदुत्य
ञ्चित्रम् ।
इम मूषु त्य मस्मभ्य सनिम्। गायत्र न्नवीयासम्। अग्ने देवेषु प्रवोचः।। 49।। (याग्नीद्ध्रे तान्त एतेनाव यजे स्वाहा धर्मणा शँयुधाया प्यासिषीमहि पोषेण निषत्तो विद्म सन्त्वष्टौ च। 11।)
महीनां पयोसि विहित न्देवत्रा।
ज्योतिर्भा असि वनस्पतीना मोषधीना रसः।
वाजिनन्त्वा वाजिनोव नयामः। ऊर्ध्वं मन स्सुवर्गम्।। 50।। 12।
अस्का न्द्यौ पृथिवीम्। अस्कानृषभो युवा गाः। स्कन्नेमा विश्वा भुवना। स्कन्नो यज्ञ प्रजनयतु। अस्का नजनि प्राजनि। आस्कन्ना ज्जायते वृषा। स्कन्ना त्प्रजनिषीमहि।। 51।। 13।
या पुरस्ता- द्विद्यु दापतत्। तान्त एतेनावयजे स्वाहा।
या दक्षिणतः--।
या पश्चात्--।
योत्तरतः--।
योपरिष्टा- द्विद्युदापतत्। तान्त एतेनाव यजे स्वाहा।। 52।। 14।
प्राणाय स्वाहा
व्यानाय स्वाहा
पानाय स्वाहा।
चक्षुषे स्वाहा
श्रोत्राय स्वाहा।
मनसे स्वाहा
वाचे सरस्वत्यै स्वाहा।। 53।।
15।
पूष्णे स्वाहा
पूष्णे शरसे स्वाहा।
पूष्णे प्रपथ्याय स्वाहा
पूष्णे नरन्धिषाय स्वाहा।
पूष्णेङ्घृणये स्वाहा
पूष्णे नरुणाय स्वाहा।
पूष्णे साकेताय स्वाहा।। 54।।
16।
उदस्य शुष्मा द्भानुर्नार्त र्बिभर्ति। भारं पृथिवी न भूम। प्रशुक्रैतु देवी मनीषा। अस्म थ्सुतष्टो रथो न वाजी। अर्चन्त एके महि साम मन्वत। तेन सूर्य मधारयन्न्। तेन सूर्य मरोचयन्न्। घर्म श्शिर स्तदय मग्निः। पुरीषमसि सम्प्रियं प्रजया पशुभि र्भुवत्। प्रजापतिस्त्वा सादयतु। तया देवतयाङ्गिरस्वद्ध्रुवा सीद।। 55।। 17।
यास्ते अग्न आर्द्रा योनयो या कुलायिनीः। ये ते अग्न इन्दवो या उ नाभयः। यास्ते अग्ने तनुव ऊर्जो नाम। ताभि स्त्व मुभयीभि स्सँविदानः। प्रजाभि रग्ने द्रविणेह सीद। प्रजापतिस्त्वा सादयतु। तया देवतयाङ्गिरस्व द्ध्रुवा सीद।। 56।। 18।
अग्निरसि वैश्वानरोसि। सँवथ्सरोसि परिवथ्सरोसि। इदावथ्सरो सीदुवथ्सरोसि। इद्वथ्सरोसि वथ्सरोसि। तस्य ते वसन्त श्शिरः। ग्रीष्मो दक्षिण पक्षः। वर्षा पुच्छम्। शर दुत्तर पक्षः। हेमन्तो मध्यम्। पूर्वपक्षा श्चितयः।। 57।।
अपरपक्षा पुरीषम्। अहोरात्राणीष्टकाः। तस्य ते मासा श्चार्धमासाश्च कल्पन्ताम्। ऋतवस्ते कल्पन्ताम्। सँवथ्सरस्ते कल्पताम्। अहोरात्राणि ते कल्पन्ताम्। एति प्रेति वीति समित्युदिति। प्रजापतिस्त्वा सादयतु। तया देवतयाङ्गिरस्वद्ध्रुव स्सीद।। 58।। (चितयो नव च। 19।)
भू
र्भुव
स्सुवः।
ऊर्ध्व ऊषुण ऊतये ।
ऊर्ध्वो न पाह्यहसः ।
विधु न्दद्राण समने बहूनाम्। युवान सन्तं पलितो जगार। देवस्य पश्य काव्यं महित्वा द्याममार। सह्यस्समान।।
यदृते चिदभिश्रिषः। पुरा जर्तृभ्य आतृदः। सन्धाता सन्धिं मघवा पुरोवसुः।। 59।।
निष्कर्ता विह्रुतं पुनः।
पुनरूर्जा
सह रय्या ।
मा नो घर्म व्यथितो वि व्यथो नः। मा न पर मधरं मा रजोनैः। मोष्वस्मा स्तमस्यन्त राधाः। मा रुद्रियासो अभिगु र्वृधा नः।।
मा न क्रतुभिर् हीडितेभि रस्मान्। द्विषा सुनीते मा परादाः। मा नो रुद्रो निर्ऋति र्मा नो अस्ता। मा द्यावापृथिवी हीडिषाताम्।। 60।।
उप नो मित्रावरुणा विहावतम्। अन्वादीध्याथा मिह न स्सखाया। आदित्यानां प्रसितिर् हेतिः। उग्रा शतापाष्ठा घविषा परिणो वृणक्तु।।
इमं मे वरुण
तत्त्वा यामि ।
त्वन्नो अग्ने
स त्वन्नो अग्ने ।
त्वमग्ने अयासि ।
उद्वय न्तमसस्परि ।
उदुत्य
ञ्चित्रम् ।
वय स्सुपर्णाः ।। 61।। (पुरोवसुर् हीडिषाता सुपर्णाः। 20।)
भूर्भुवस्सुवः।
मयि त्यदिन्द्रियं महत्। मयि दक्षो मयि क्रतुः। मयि धायि सुवीर्यम्। त्रिशुग्घर्मो वि भातु मे।।
आकूत्या मनसा सह। विराजा ज्योतिषा सह। यज्ञेन पयसा सह। ब्रह्मणा तेजसा सह। क्षत्त्रेण यशसा सह। सत्येन तपसा सह। तस्य दोह मशीमहि। तस्य सुम्न मशीमहि। तस्य भक्ष मशीमहि। तस्य त इन्द्रेण पीतस्य मधुमतः। उपहूत.स्योपहूतो भक्षयामि।। 62।। (यशसा सह षट्च। 21।)
यास्ते अग्ने घोरास्तनुवः। क्षुच्च तृष्णा च। अस्नुक्चानाहुतिश्च। अशनया च पिपासा च। सेदिश्चामतिश्च। एतास्ते अग्ने घोरा स्तनुवः। ताभि रमुङ्गच्छ। योस्मा न्द्वेष्टि। यञ्च वय न्द्विष्मः।। 63।। 22।
स्निक्च स्नीहितिश्च स्निहितिश्च। उष्णा च शीता च। उग्रा च भीमा च। सदाम्नी सेदिरनिरा। एतास्ते अग्ने घोरा स्तनुवः। ताभिरमु ङ्गच्छ। योस्मा न्द्वेष्टि। यञ्च वय न्द्विष्मः।। 64।। 23।
धुनिश्च ध्वान्तश्च ध्वनश्च ध्वनयश्च। निलिम्पश्च विलिम्पश्च विक्षिपः।। 65।। 24।
उग्रश्च धुनिश्च ध्वान्तश्च ध्वनश्च ध्वनयश्च। सहसह्वाश्च सहमानश्च सहस्वाश्च सहीयाश्च। एत्य प्रेत्य विक्षिपः।। 66।। 25।
अहोरात्रे त्वोदीरयताम्। अर्घमासा स्त्वोदीञ्जयन्तु। मासास्त्वा श्रपयन्तु। ऋतवस्त्वा पचन्तु। सँवथ्सरस्त्वा हन्त्वसौ।। 67।। 26।
खट्
फ
ड्जहि।
छिन्धी
भिन्धी
हन्धी
कट्। - इति वाचः क्रूराणि।। 68।। 27।
विगा इन्द्र विचरन्थ्स्पाशयस्व। स्वपन्त मिन्द्र पशुमन्त मिच्छ। वज्रेणामुं बोधय दुर्विदत्रम्। स्वपतोस्य प्र हर भोजनेभ्यः।।
अग्ने अग्निना सँ वदस्व। मृत्यो मृत्युना सँ वदस्व। नमस्ते अस्तु भगवः।।
सकृत्ते अग्ने नमः। द्विस्ते नमः। त्रिस्ते नमः। चतुस्ते नमः। पञ्चकृत्वस्ते नमः। दशकृत्वस्ते नमः। शतकृत्वस्ते नमः। आसहस्रकृत्वस्ते नमः। अपरिमितकृत्वस्ते नमः। नमस्ते अस्तु मा मा हिसीः।। 69।। (त्रिस्ते नमस्सप्त च। 28।)
असृङ्मुखो रुधिरेणाव्यक्तः। यमस्य दूत श्श्श्वपा द्विधावसि। गृद्ध्र स्सुपर्ण कुणप न्निषेवसे। यमस्य दूत प्रहितो भवस्य चोभयोः।। 70।। 29।
यदेतद्वृकसो भूत्वा। वाग्देव्यभिरायसि। द्विषन्तं मेभि राय। तं मृत्यो मृत्यवे नय। स आर्त्यार्ति मार्छतु।। 71।। 30।
यदीषितो यदि वा स्वकामी। भयेडको वदति वाच मेताम्। तामिन्द्राग्नी ब्रह्मणा सँविदानौ। शिवा मस्मभ्यङ्कृणुत ङ्गृहेषु।। 72।। 31।
दीर्घमुखि दुर्हणु। मा स्म दक्षिणतो वदः। यदि दक्षिणतो वदा द्द्विषन्तं मेव बाधासै।। 73।। 32।
इत्था दुलूक आपप्तत्। हिरण्याक्षो अयोमुखः। रक्षसा न्दूत आगतः। तमितो नाशयाग्ने।। 74।। 33।
यदेतद्भूता न्यन्वाविश्य। दैवीँ वाचँ वदसि। द्विषतो न परा वद। तान्मृत्यो मृत्यवे नय। त आर्त्यार्ति मार्छन्तु। अग्निनाग्नि स्सँ वदताम्।। 75।। 34।
प्रसार्य सक्थ्यौ पतसि। सव्य मक्षि निपेपि च। मेहकस्य च नाममत्।। 76।। 35।
अत्रिणा त्वा क्रिमे हन्मि। कण्वेन जमदग्निना। विश्वावसो र्ब्रह्मणा हतः। क्रिमीणा राजा। अप्येषा स्थपतिर् हतः। अथो माताथो पिता। अथो स्थूरा अथो क्षुद्राः। अथो कृष्णा अथो श्वेताः। अथो आशातिका हताः। श्वेताभि स्सह सर्वे हताः।। 77।। 36।
आहरावद्य। शृतस्य हविषो यथा। तथ्सत्यम्। यदमुँ यमस्य जम्भयोः। आ दधामि तथा हि तत्। खण्फण्म्रसि।। 78।। 37।
ब्रह्मणा त्वा शपामि। ब्रह्मणस्त्वा शपथेन शपामि। घोरेण त्वा भृगूणा ञ्चक्षुषा प्रेक्षे। रौद्रेण त्वाङ्गिरसां मनसा ध्यायामि। अघस्य त्वा धारया विध्यामि। अधरो मत्पद्यस्वासौ।। 79।। 38।
उत्तुद शिमिजावरि। तल्पेजे तल्प उत्तुद। गिरी रनु प्र वेशय। मरीची रुप सन्नुद। यावदित पुरस्ता दुदयाति सूर्यः। तावदितोमु न्नाशय। योस्मा न्द्वेष्टि। यञ्च वय न्द्विष्मः।। 80।। 39।
भूर्भुवस्सुवो भूर्भुवस्सुवो भूर्भुवस्सुवः।
भुवोद्धायि भुवोद्धायि भुवोद्धायि।
नृम्णायि नृम्ण न्नृम्णायि नृम्ण न्नृम्णायि नृम्णम्।
निधाय्यो वायि निधाय्यो वायि निधाय्यो वायि।
ए अस्मे अस्मे।
सुवर्न ज्योतीः।। 81।। 40।
पृथिवी समित्। तामग्नि स्समिन्धे। साग्नि समिन्धे। तामह समिन्धे। सा मा समिद्धा। आयुषा तेजसा। वर्चसा श्रिया। यशसा ब्रह्मवर्चसेन। अन्नाद्येन समिन्ता स्वाहा।।
अन्तरिक्ष समित्।। 82।।
ताँ वायु स्समिन्धे। सा वायु समिन्धे। तामह समिन्धे। सा मा समिद्धा। आयुषा तेजसा। वर्चसा श्रिया। यशसा ब्रह्मवर्चसेन। अन्नाद्येन समिन्ता स्वाहा।।
द्यौस्समित्। तामादित्य स्समिन्धे।। 83।।
सादित्य समिन्धे। तामह समिन्धे। सा मा समिद्धा। आयुषा तेजसा। वर्चसा श्रिया। यशसा ब्रह्मवर्चसेन। अन्नाद्येन समिन्ता स्वाहा।।
प्राजापत्या मे समिदसि सपत्नक्षयणी। भ्रातृव्यहा मेसि स्वाहा।।
अग्ने व्रतपते- व्रत ञ्चरिष्यामि।। 84।।
तच्छकेय न्तन्मे राध्यताम्।
वायो व्रतपत--
आदित्य व्रतपते--।
व्रतानाँ व्रतपते- व्रत ञ्चरिष्यामि। तच्छकेय न्तन्मे राध्यताम्।
द्यौस्समित्। तामादित्य स्समिन्धे। सादित्य समिन्धे। तामह समिन्धे। सा मा समिद्धा। आयुषा तेजसा।। 85।।
वर्चसा श्रिया। यशसा ब्रह्मवर्चसेन। अन्नाद्येन समिन्ता स्वाहा।।
अन्तरिक्ष समित्। ताँ वायु स्समिन्धे। सा वायु समिन्धे। तामह समिन्धे। सा मा समिद्धा। आयुषा तेजसा। वर्चसा श्रिया।। 86।।
यशसा ब्रह्मवर्चसेन। अन्नाद्येन समिन्ता स्वाहा।।
पृथिवी समित्। तामग्नि स्समिन्धे। साग्नि समिन्धे। तामह समिन्धे। सा मा समिद्धा। आयुषा तेजसा। वर्चसा श्रिया। यशसा ब्रह्मवर्चसेन।। 87।।
अन्नाद्येन समिन्ता स्वाहा।।
प्राजापत्या मे समिदसि सपत्नक्षयणी। भ्रातृव्यहा मेसि स्वाहा।।
आदित्य व्रतपते- व्रत मचारिषम्। तदशकन्तन्मे राधि।।
वायो व्रतपते--
ग्ने व्रतपते--।
व्रतानाँ व्रतपते- व्रत मचारिषम्। तदशकन्तन्मे राधि।। 88।। (समिथ्समिन्धे व्रत ञ्चरिष्या म्यायुषा तेजसा वर्चसा श्रिया यशसा ब्रह्मवर्चसेनाष्टौ च। 41।)
शन्नो वात पवतां मातरिश्वा शन्न स्तपतु सूर्यः। अहानि शं भवन्तु न श्श रात्रि प्रति धीयताम्।।
शमुषा नो व्युच्छतु शमादित्य उदेतु नः। शिवा नश्शन्तमा भव सुमृडीका सरस्वति। मा ते व्योम सन्दृशि।।
इडायै वास्त्वसि वास्तुम द्वास्तुमन्तो भूयास्म मा वास्तो श्छिथ्स्मह्यवास्तु स्स भूया द्योस्मा न्द्वेष्टि यञ्च वय न्द्विष्मः।।
प्रतिष्ठासि प्रतिष्ठावन्तो भूयास्म मा प्रतिष्ठाया श्छिथ्स्मह्यप्रतिष्ठ स्स भूया द्योस्मा न्द्वेष्टि यँ च वय न्द्विष्मः।।
आ वात वाहि भेषजँ वि वात वाहि यद्रपः। त्व हि विश्वभेषजो देवाना न्दूत ईयसे।।
द्वाविमौ वातौ वात आ सिन्धो रा परावतः।। 89।।
दक्षं मे अन्य आवातु परान्यो वातु यद्रपः।।
यददो वात ते गृहेमृतस्य निधिर् हितः। ततो नो देहि जीवसे ततो नो धेहि भेषजम्। ततो नो मह आवह-
वात आवातु भेषजम्। शम्भू र्मयोभू र्नो हृदे प्रण आयूषि तारिषत्।।
इन्द्रस्य गृहोसि तन्त्वा प्र पद्ये सगु स्साश्वः। सह यन्मे अस्ति तेन।।
भू प्र पद्ये भुव प्र पद्ये सुव प्र पद्ये भूर्भुवस्सुव प्र पद्ये वायुं प्र पद्ये नार्ता न्देवतां प्र पद्येश्मान माखणं प्रपद्ये प्रजापते र्ब्रह्मकोशं ब्रह्म प्र पद्य ओं प्र पद्ये।।
अन्तरिक्षं म उर्वन्तरं बृहदग्नय पर्वताश्च यया वात स्स्वस्त्या स्वस्तिमा न्तया स्वस्त्या स्वस्तिमा नसानि।।
प्राणापानौ मृत्योर्मा पातं प्राणापानौ मा मा हासिष्टं
मयि मेधां मयि प्रजां मय्यग्नि स्तेजो दधातु
मयि मेधां मयि प्रजां मयीन्द्र इन्द्रिय न्दधातु
मयि मेधां मयि प्रजां मयि सूर्यो भ्राजो दधातु।। 90।।
द्युभि रक्तुभि परि पात मस्मा नरिष्टेभि रश्विना सौभगेभिः। तन्नो मित्रो वरुणो मा महन्ता मदिति स्सिन्धु पृथिवी उत द्यौः।।
कया न श्चित्र आ भुव दूती सदावृध स्सखा। कया शचिष्ठया वृता।।
कस्त्वा सत्यो मदानां महिष्ठो मथ्सदन्धसः। दृढा चिदारुजे वसु।।
अभीषुण स्सखीना मविता जरितॄणाम्। शतं भवास्यूतिभिः।।
वयस्सुपर्णा उपसेदु रिन्द्रं प्रियमेधा ऋषयो नाधमानाः। अप ध्वान्त मूर्णुहि पूर्धि चक्षु र्मुमुग्ध्यस्मा न्निधयेव बद्धान्।। 91।।
शन्नो देवी रभिष्टय आपो भवन्तु पीतये। शँ यो रभि स्रवन्तु नः।।
ईशाना वार्याणा ङ्क्षयन्ती श्चर्षणीनाम्। अपो याचामि भेषजम्।।
सुमित्रा न आप ओषधय स्सन्तु दुर्मित्रा स्तस्मै भूयासु र्योस्मा न्द्वेष्टि यँ च वय न्द्विष्मः।
आपो हिष्ठा मयोभुव स्ता न ऊर्जे दधातन। महे रणाय चक्षसे।।
यो व श्शिवतमो रस स्तस्य भाजयतेह नः। उशतीरिव मातरः।।
तस्मा अर ङ्गमाम वो यस्य क्षयाय जिन्वथ।। 92।।
आपो जनयथा चनः।।
पृथिवी शान्ता साग्निना शान्ता सा मे शान्ता शुच शमयतु।।
अन्तरिक्ष शान्त न्तद्वायुना शान्त न्तन्मे शान्त शुच शमयतु।।
द्यौश्शान्ता सादित्येन शान्ता सा मे शान्ता शुच शमयतु।।
पृथिवी शान्ति रन्तरिक्ष शान्ति र्द्यौश्शान्ति र्दिश श्शान्ति रवान्तरदिशा श्शान्ति रग्नि श्शान्ति र्वायु श्शान्ति रादित्य श्शान्ति श्चन्द्रमा श्शान्ति र्नक्षत्राणि शान्ति राप श्शान्ति रोषधय श्शान्ति र्वनस्पतय श्शान्तिर्गौ श्शान्ति रजा शान्ति रश्व श्शान्ति पुरुषश्शान्ति र्ब्रह्म शान्ति र्ब्राह्मणश्शान्ति श्शान्तिरेव शान्ति श्शान्ति र्मे अस्तु शान्तिः।
तयाह शान्त्या सर्वशान्त्या मह्य न्द्विपदे चतुष्पदे च शान्ति ङ्करोमि शान्ति र्मे अस्तु शान्तिः।।
एह श्रीश्च ह्रीश्च धृतिश्च तपो मेधा प्रतिष्ठा श्रद्धा सत्य न्धर्म श्चैतानि मोत्तिष्ठन्त मनूत्तिष्ठन्तु मा मा श्रीश्च ह्रीश्च धृतिश्च तपो मेधा प्रतिष्ठा श्रद्धा सत्य न्धर्म श्चैतानि मा मा हासिषुः।।
उदायुषा स्वायुषोदोषधीना रसेनोत्पर्जन्यस्य शुष्मेणोदस्था ममृता अनु।।
तच्चक्षु र्देवहितं पुरस्ता च्छुक्र मुच्चरत्।
पश्येम शरद श्शत
ञ्जीवेम शरद श्शत
न्नन्दाम शरद श्शतं
मोदाम शरद श्शतं
भवाम शरद श्शत
शृणवाम शरद श्शतं
प्र ब्रवाम शरद श्शत
मजीता स्स्याम शरद श्शत
ञ्ज्योक्च सूर्यन्दृशे।।
य उदगा न्महतोर्णवा द्विभ्राजमान स्सरिरस्य मध्या थ्समा वृषभो लोहिताक्ष स्सूर्यो विपश्चि न्मनसा पुनातु।।
ब्रह्मण श्चोतन्यसि ब्रह्मण आणी स्थो ब्रह्मण आवपनमसि धारितेयं पृथिवी ब्रह्मणा मही धारित मेनेन महदन्तरिक्ष न्दिव न्दाधार पृथिवी सदेवाँ यदहँ वेद तदह न्धारयाणि मा मद्वेदोधि विस्रसत्।।
मेधामनीषे मा विशता समीची भूतस्य भवस्यावरुध्यै सर्वमायु रयाणि सर्वमायु रयाणि।।
आभि र्गीर्भि र्यदतो न ऊन माप्यायय हरिवो वर्धमानः। यदा स्तोतृभ्यो महि गोत्रा रुजासि भूयिष्ठभाजो अध ते स्याम।।
ब्रह्म प्रावादिष्म तन्नो मा हासीत्।।
ओं शान्ति श्शान्ति श्शान्तिः।। 93।। (परावतो दधातु बद्धा ञ्जिन्वथ दृशे सप्त च। 42।)
(नमो युञ्जते वृष्णो अश्वस्य ब्रह्म न्प्रवर्ग्येण ब्रह्म न्प्रचरिष्यामो दश प्राची रपश्य ङ्गोपा न्देवस्य समुद्रायेषे पीपिहि घर्म या ते महीना ञ्चत्वार्यस्कान् या पुरस्ताथ्सप्तसप्त प्राणाय त्रीणि पूष्णे चत्वार्युदस्यैकादश यास्ते सप्ताग्नि र्ध्रुव स्सीदैकान्न विशति र्भूरूर्ध्व स्त्रिश,द्भू र्मयि षोडश, यास्ते घोरा नव, स्निक्चाष्टौ, धुनिश्च द्वे, उग्रश्च त्रीण्यहोरात्रे पञ्च, खट्त्रीणि, विगा स्सप्तदशासृङ्मुख श्चत्वारि यदेतद्वृकस पञ्च यदीषित श्चत्वारि, दीर्घमुखि त्रीणीत्था चत्वारि, यदेतद्भूतानि षट्प्रसार्य त्रीण्यत्रिणा दशाहरावद्य, ब्रह्मणा षट्थ्षडुत्तुदाष्टौ, भूष्षट् पृथिव्यष्टषष्टि श्शन्न स्सप्तपञ्चाश द्द्विचत्वारिशत्। 43।
युञ्जते ब्रह्म न्प्र चरिष्यामो पश्य ङ्गोपा समुद्राय वय मनु क्रामाम पूष्णे धुनिश्च यदेत द्भूतानि तच्छकेय मष्टाशीतिः। नमो वाचे ब्रह्म न्प्रवर्ग्येण मयि रुगन्तरिक्षेण घर्म या ते दिविशु गस्कान्द्यौ पृथिवी मुप नो मित्रावरुणा यदेत द्वृकसो भूर्भुवस्सुव र्द्युभि स्त्रिनवतिः।। 93।। युञ्जते मनो मा हासीत्।)
ओं शान्तिश्शान्तिः।
आरण्यके पञ्चम प्रपाठकः
सौ।का। 7 शुक्रिय (प्रवर्ग्य) ब्राह्मणम्
(शन्न स्तन्नो मा हासीत्। ओं शान्ति श्शान्ति श्शान्तिः।। )
देवा वै सत्र मासत। ऋद्धिपरिमितँ यशस्कामाः। तेब्रुवन्न्। यन्न प्रथमँ यश ऋच्छात्। सर्वेषान्न स्त थ्सहासदिति। तेषा ङ्कुरुक्षेत्रँ वेदि रासीत्। तस्यै खाण्डवो दक्षिणार्ध आसीत्। तूर्घ्न मुत्तरार्धः। परीण ज्जघनार्धः। मरव उत्करः।। 1।।
तेषां मखँ वैष्णवँ यश आर्छत्। तन्न्यकामत। तेनापाक्रामत्। तन्देवा अन्वायन्न्। यशोवरुरुथ्समानाः। तस्यान्वागतस्य। सव्या द्धनु रजायत। दक्षिणा दिषवः। तस्मा दिषुधन्वं पुण्यजन्म। यज्ञजन्मा हि।। 2।।
तमेक सन्तम्। बहवो नाभ्यधृष्णुवन्न्। तस्मा देकमिषुधन्विनम्। बहवोनिषुधन्वा नाभि धृष्णुवन्ति। सोस्मयत। एकं मा सन्तं बहवो नाभ्यधर्षिषुरिति। तस्य सिष्मियाणस्य तेजोपाक्रामत्। तद्देवा ओषधीषु न्यमृजुः। ते श्यामाका अभवन्न्। स्मयाका वै नामैते।। 3।।
तथ्स्मयाकाना स्मयाकत्वम्। तस्मा द्दीक्षितेनापिगृह्य स्मेतव्यम्। तेजसो धृत्यै। स धनु प्रतिष्कभ्यातिष्ठत्। ता उपदीका अब्रुवन्वरँ वृणामहै। अथ व इम रन्धयाम। यत्र क्व च खनाम। तदपोभि तृणदामेति। तस्मादुपदीका यत्र क्व च खनन्ति। तदपोभि तृन्दन्ति।। 4।।
वारेवृत ह्यासाम्। तस्य ज्या मप्यादन्न्। तस्य धनु र्विप्रवमाण शिर उदवर्तयत्। तद्द्यावापृथिवी अनु प्रावर्तत। यत्प्रावर्तत। तत्प्रवर्ग्यस्य प्रवर्ग्यत्वम्। यद्घ्राँ ‘4’ इत्यपतत्। तद्घर्मस्य घर्मत्वम्। महतो वीर्य मपप्त दिति। तन्महावीरस्य महावीरत्वम्।। 5।।
यदस्या स्समभरन्न्। तथ्सम्राज्ञ स्सम्राट्त्वम्। तस्तृत न्देवता स्त्रेधा व्यगृह्णत। अग्नि प्रातस्सवनम्। इन्द्रो माध्यन्दिन सवनम्। विश्वे देवा स्तृतीयसवनम्। तेनापशीर्ष्णा यज्ञेन यजमानाः। नाशिषोवारुन्धत। न सुवर्गँ लोक मभ्यजयन्न्। ते देवा अश्विनावब्रुवन्न्।। 6।।
भिषजौ वै स्थः। इदँ यज्ञस्य शिर प्रति धत्तमिति। तावब्रूताँ वरँ वृणावहै। ग्रह एव नावत्रापि गृह्यतामिति। ताभ्या मेत माश्विन मगृह्णन्न्। तावेत द्यज्ञस्य शिर प्रत्यधत्ताम्। यत्प्रवर्ग्यः। तेन सशीर्ष्णा यज्ञेन यजमानाः। अवाशिषो रुन्धत। अभि सुवर्गँ लोक मजयन्न्। यत्प्रवर्ग्यं प्रवृणक्ति। यज्ञस्यैव तच्छिर प्रति दधाति। तेन सशीर्ष्णा यज्ञेन यजमानः। अवाशिषो रुन्धे। अभि सुवर्गँ लोक ञ्जयति। तस्मादेष आश्विनप्रवया इव। यत्प्रवर्ग्यः।। 7।। (उत्करो ह्येते तृन्दन्ति महावीरत्व मब्रुव न्नजय‘2‘न्थ्सप्त च। 1।)
सावित्र ञ्जुहोति प्रसूत्यै। चतुर्गृहीतेन जुहोति। चतुष्पाद पशवः। पशूनेवाव रुन्धे। चतस्रो दिशः। दिक्ष्वेव प्रति तिष्ठति। छन्दासि देवेभ्योपाक्रामन्न्। न वोभागानि हव्यँ वक्ष्याम इति। तेभ्य एत च्चतुर्गृहीत मधारयन्न्। पुरोनुवाक्यायै याज्यायै।। 8।।
देवतायै वषट्काराय। यच्चतुर्गृहीत ञ्जुहोति। छन्दास्येव तत्प्रीणाति। तान्यस्य प्रीतानि देवेभ्यो हव्यँ वहन्ति। ब्रह्मवादिनो वदन्ति। होतव्य न्दीक्षितस्य गृहा ‘3’ इ न होतव्या ‘3’ मिति। हविर्वै दीक्षितः। यज्जुहुयात्। हविष्कृतँ यजमान मग्नौ प्र दध्यात्। यन्न जुहुयात्।। 9।।
यज्ञपरु रन्तरियात्। यजुरेव वदेत्। न हविष्कृतँ यजमान मग्नौ प्रदधाति। न यज्ञपरु रन्तरेति। गायत्री छन्दास्यत्यमन्यत। तस्यै वषट्कारोभ्यय्य शिरोच्छिनत्। तस्यै द्वेधा रस परापतत्। पृथिवी मर्ध प्राविशत्। पशूनर्धः। य पृथिवीं प्राविशत्।। 10।।
स खदिरोभवत्। य पशून्। सोजाम्। यत्खादिर्यभ्रि र्भवति। छन्दसामेव रसेन यज्ञस्य शिर स्सं भरति। यदौदुम्बरी। ऊर्ग्वा उदुम्बरः। ऊर्जैव यज्ञस्य शिरस्सं भरति। यद्वैणवी। तेजो वै वेणुः।। 11।।
तेजसैव यज्ञस्य शिर स्सं भरति। यद्वैकङ्कती। भा एवाव रुन्धे। देवस्य त्वा सवितु प्रसव इत्यभ्रि मादत्ते प्रसूत्यै। अश्विनो र्बाहुभ्या मित्याह। अश्विनौ हि देवाना मध्वर्यू आस्ताम्। पूष्णो हस्ताभ्या मित्याह यत्यै। वज्र इव वा एषा। यदब्भ्रिः। अब्भ्रिरसि नारि रसीत्याह शान्त्यै।। 12।।
अध्वरकृ द्देवेभ्य इत्याह। यज्ञो वा अध्वरः। यज्ञकृ द्देवेभ्य इति वावैतदाह। उत्तिष्ठ ब्रह्मणस्पत इत्याह। ब्रह्मणैव यज्ञस्य शिरोच्छैति। प्रैतु ब्रह्मणस्पति रित्याह। प्रेत्यैव यज्ञस्य शिरोच्छैति। प्रदेव्येतु सूनृतेत्याह। यज्ञो वै सूनृता। अच्छा वीर न्नर्यं पङ्क्तिराधस मित्याह।। 13।।
पाङ्क्तो हि यज्ञः। देवा यज्ञ न्नयन्तु न इत्याह। देवानेव यज्ञनिय कुरुते। देवी द्यावापृथिवी अनु मे मसाथा मित्याह। आभ्या मेवानुमतो यज्ञस्य शिर स्सं भरति। ऋध्यास मद्य मखस्य शिर इत्याह। यज्ञो वै मखः। ऋद्ध्यास मद्य यज्ञस्य शिर इति वावैतदाह। मखाय त्वा मखस्य त्वा शीर्ष्ण इत्याह। निर्दिश्यैवैन द्धरति।। 14।।
त्रिर्हरति। त्रय इमे लोकाः। एभ्य एव लोकेभ्यो यज्ञस्य शिरस्सं भरति। तूष्णीञ्चतुर्थ हरति। अपरिमिता देव यज्ञस्य शिरस्सं भरति। मृत्खनादग्रे हरति। तस्मा न्मृत्खन करुण्यतमः। इयत्यग्र आसी रित्याह। अस्यामेवाछम्बट्कारँ यज्ञस्य शिरस्सं भरति। ऊर्जँ वा एत रसं पृथिव्या उपदीका उद्दिहन्ति।। 15।।
यद्वल्मीकम्। यद्वल्मीकवपा सम्भारो भवति। ऊर्जमेव रसं पृथिव्या अव रुन्धे। अथो श्रोत्रमेव। श्रोत्र ह्येत त्पृथिव्याः। यद्वल्मीकः। अबधिरो भवति। य एवँ वेद। इन्द्रो वृत्राय वज्र मुदयच्छत्। स यत्रयत्र पराक्रमत।। 16।।
तन्नाध्रियत। स पूतीकस्तम्बे पराक्रमत। सोद्ध्रियत। सोब्रवीत्। ऊतिँ वै मेधा इति। तदूतीकाना मूतीकत्वम्। यदूतीका भवन्ति। यज्ञायैवोति न्दधति। अग्निजा असि प्रजापते रेत इत्याह। य एव रस पशू न्प्राविशत्।। 17।।
तमेवाव रुन्धे। पञ्चैते सम्भारा भवन्ति। पाङ्क्तो यज्ञः। यावानेव यज्ञः। तस्य शिरस्सं भरति। यद्ग्राम्याणां पशूना ञ्चर्मणा सम्भरेत्। ग्राम्या न्पशू न्छुचार्पयेत्। कृष्णाजिनेन सं भरति। आरण्यानेव पशू न्छुचार्पयति। तस्माथ्समावत्पशूनां प्रजायमानानाम्।। 18।।
आरण्या पशव कनीयासः। शुचा ह्यृताः। लोमत स्सं भरति। अतो ह्यस्य मेध्यम्। परिगृह्यायन्ति। रक्षसा मपहत्यै। बहवो हरन्ति। अपचिति मेवास्मि न्दधति। उद्धते सिकतोपोप्ते परिश्रिते नि दधति शान्त्यै। मदन्तीभि रुप सृजति।। 19।।
तेज एवास्मि न्दधाति। मधु त्वा मधुला करोत्वित्याह। ब्रह्मणैवास्मि न्तेजो दधाति। यद्ग्राम्याणां पात्राणां कपालै स्ससृजेत्। ग्राम्याणि पात्राणि शुचार्पयेत्। अर्मकपालै स्स सृजति। एतानि वा अनुपजीवनीयानि। तान्येव शुचार्पयति। शर्कराभि स्स सृजति धृत्यै। अथो शन्त्वाय। अजलोमै स्ससृजति। एषा वा अग्ने प्रिया तनूः। यदजा। प्रिययैवैन न्तनुवा ससृजति। अथो तेजसा। कृष्णाजिनस्य लोमभि स्स सृजति। यज्ञो वै कृष्णाजिनम्। यज्ञेनैव यज्ञ स सृजति।। 20।। (याज्यायै न जुहुया दविश द्वेणु श्शान्त्यै पङ्क्तिराधसमित्याह हरति दिहन्ति पराक्रमताविश त्प्रजायमानाना सृजति शन्त्वायाष्टौ च। 2।)
परिश्रिते करोति। ब्रह्मवर्चसस्य परिगृहीत्यै। न कुर्व न्नभि प्राण्यात्। यत्कुर्व न्नभिप्राण्यात्। प्राणा न्छुचार्पयेत्। अपहाय प्राणिति। प्राणाना ङ्गोपीथाय। न प्रवर्ग्य ञ्चादित्य ञ्चान्तरेयात्। यदन्तरेयात्। दुश्चर्मा स्यात्।। 21।।
तस्मा न्नान्तराय्यम्। आत्मनो गोपीथाय। वेणुना करोति। तेजो वै वेणुः। तेज प्रवर्ग्यः। तेजसैव तेज स्समर्धयति। मखस्य शिरोसीत्याह। यज्ञो वै मखः। तस्यैतच्छिरः। यत्प्रवर्ग्यः।। 22।।
तस्मा देवमाह। यज्ञस्य पदे स्थ इत्याह। यज्ञस्य ह्येते पदे। अथो प्रतिष्ठित्यै। गायत्रेण त्वा छन्दसा करोमीत्याह। छन्दोभि रेवैन ङ्करोति। त्र्युद्धि ङ्करोति। त्रय इमे लोकाः। एषाँ लोकाना माप्त्यै। छन्दोभि करोति।। 23।।
वीर्यँ वै छन्दासि। वीर्येणैवैन ङ्करोति। यजुषा बिल ङ्करोति व्यावृत्त्यै। इयन्त ङ्करोति। प्रजापतिना यज्ञमुखेन संमितम्। इयन्त ङ्करोति। यज्ञपरुषा संमितम्। इयन्त ङ्करोति। एतावद्वै पुरुषे वीर्यम्। वीर्यसम्मितम्।। 24।।
अपरिमित ङ्करोति। अपरिमितस्यावरुद्ध्यै। परिग्रीव ङ्करोति धृत्यै। सूर्यस्य हरसा श्रायेत्याह। यथायजु रेवैतत्। अश्वशकेन धूपयति। प्राजापत्यो वा अश्व स्सयोनित्वाय। वृष्णो अश्वस्य निष्पदसीत्याह। असौ वा आदित्यो वृषाश्वः। तस्य छन्दासि निष्पत्।। 25।।
छन्दोभि रेवैन न्धूपयति। अर्चिषे त्वा शोचिषे त्वेत्याह। तेज एवास्मि न्दधाति। वारुणोभीद्धः। मैत्रियोपैति शान्त्यै। सिद्ध्यै त्वेत्याह। यथायजु रेवैतत्। देवस्त्वा सवितोद्वपत्वित्याह। सवितृप्रसूत एवैनं ब्रह्मणा देवताभि रुद्वपति। अपद्यमान पृथिव्या माशा दिश आ पृणेत्याह।। 26।।
तस्मादग्नि स्सर्वा दिशोनु वि भाति। उत्तिष्ठ बृहन्भवोर्ध्व स्तिष्ठ ध्रुवस्त्व मित्याह प्रतिष्ठित्यै। ईश्वरो वा एषोन्धो भवितोः। य प्रवर्ग्य मन्वीक्षते। सूर्यस्य त्वा चक्षुषान्वीक्ष इत्याह। चक्षुषो गोपीथाय। ऋजवे त्वा साधवे त्वा सुक्षित्यै त्वा भूत्यै त्वेत्याह। इयँ वा ऋजुः। अन्तरिक्ष साधु। असौ सुक्षितिः।। 27।।
दिशो भूतिः। इमानेवास्मै लोका न्कल्पयति। अथो प्रतिष्ठित्यै। इद मह ममु मामुष्यायणँ विशा पशुभि र्ब्रह्मवर्चसेन पर्यूहामीत्याह। विशैवैनं पशुभि र्ब्रह्मवर्चसेन पर्यूहति। विशेति राजन्यस्य ब्रूयात्। विशैवैनं पर्यूहति। पशुभिरिति वैश्यस्य। पशुभिरेवैनं पर्यूहति। असुर्यं पात्र मनाच्छृण्णम्।। 28।।
आच्छृणत्ति। देवत्राकः। अजक्षीरेणा च्छृणत्ति। परमँ वा एतत्पयः। यदजक्षीरम्। परमेणैवैनं पयसाच्छृणत्ति। यजुषा व्यावृत्यै। छन्दोभिराच्छृणत्ति। छन्दोभिर्वा एष क्रियते। छन्दोभि रेव छन्दास्याच्छृणत्ति। छृन्धि वाच मित्याह। वाच मेवाव रुन्धे। छृन्ध्यूर्ज मित्याह। ऊर्ज मेवाव रुन्धे। छृन्धि हविरित्याह। हवि रेवाकः। देव पुरश्चर सघ्यास न्त्वेत्याह। यथायजु रेवैतत्।। 29।। (स्याद्यत्प्रवर्ग्य श्छन्दोभि करोति वीर्यसम्मित ञ्छन्दासि निष्पत्पृणेत्याह सुक्षिति रनाच्छृण्ण ञ्छन्दा स्याच्छृणत्त्यष्टौ च। 3।)
ब्रह्म न्प्र चरिष्यामो होत र्घर्म मभिष्टुहीत्याह। एष वा एतर्हि बृहस्पतिः। यद्ब्रह्मा। तस्मा एव प्रतिप्रोच्य प्र चरति। आत्मनोनार्त्यै। यमाय त्वा मखाय त्वेत्याह। एता वा एतस्य देवताः। ताभि रेवैन समर्धयति। मदन्तीभि प्रोक्षति। तेज एवास्मि न्दधाति।। 30।।
अभिपूर्वं प्रोक्षति। अभिपूर्व मेवास्मि न्तेजो दधाति। त्रि प्रोक्षति। त्र्यावृद्धि यज्ञः। अथो मेध्यत्वाय। होतान्वाह। रक्षसा मपहत्यै। अनवानम्। प्राणाना सन्तत्यै। त्रिष्टुभ स्सती र्गायत्री रिवान्वाह।। 31।।
गायत्रो हि प्राणः। प्राणमेव यजमाने दधाति। सन्तत मन्वाह। प्राणाना मन्नाद्यस्य सन्तत्यै। अथो रक्षसा मपहत्यै। यत्परिमिता अनुब्रूयात्। परिमित मव रुन्धीत। अपरिमिता अन्वाह। अपरिमित स्यावरुद्ध्यै। शिरो वा एतद्यज्ञस्य।। 32।।
यत्प्रवर्ग्यः। ऊर्ङ्मुञ्जाः। यन्मौञ्जो वेदो भवति। ऊर्जैव यज्ञस्य शिर स्समर्धयति। प्राणाहुती र्जुहोति। प्राणानेव यजमाने दधाति। सप्त जुहोति। सप्त वै शीर्षण्या प्राणाः। प्राणा नेवास्मि न्दधाति। देवस्त्वा सविता मध्वानक्त्वित्याह।। 33।।
तेजसैवैन मनक्ति। पृथिवी न्तपस स्त्रायस्वेति हिरण्य मुपास्यति। अस्या अनतिदाहाय। शिरो वा एतद्यज्ञस्य। यत्प्रवर्ग्यः। अग्नि स्सर्वा देवताः। प्रलवा नादीप्योपास्यति। देवतास्वेव यज्ञस्य शिर प्रति दधाति। अप्रतिशीर्णाग्रं भवति। एतद्बर्हि र्ह्येषः।। 34।।
अर्चिरसि शोचिरसीत्याह। तेज एवास्मि न्ब्रह्मवर्चस न्दधाति। स सीदस्व महा असीत्याह। महान् ह्येषः। ब्रह्मवादिनो वदन्ति। एते वाव त ऋत्विजः। ये दर्शपूर्णमासयोः। अथ कथा होता यजमानायाशिषो नाशास्त इति। पुरस्तादाशी खलु वा अन्यो यज्ञः। उपरिष्टादाशी रन्यः।। 35।।
अनाधृष्या पुरस्ता दिति यदेतानि यजूष्याह। शीर्षत एव यज्ञस्य यजमान आशिषोव रुन्धे। आयु पुरस्तादाह। प्रजा न्दक्षिणतः। प्राणं पश्चात्। श्रोत्र मुत्तरतः। विधृति मुपरिष्टात्। प्राणानेवास्मै समीचो दधाति। ईश्वरो वा एष दिशोनून्मदितोः। यन्दिशोनु व्यास्थापयन्ति।। 36।।
मनो रश्वासि भूरि पुत्रेतीमा मभि मृशति। इयँ वै मनो रश्वा भूरिपुत्रा। अस्यामेव प्रतितिष्ठ त्यनुन्मादाय। सूपसदा मे भूया मा मा हिसी रित्याहाहिसायै। चितस्स्थ्स परिचित इत्याह। अपचिति मेवास्मि न्दधाति। शिरो वा एत द्यज्ञस्य। यत्प्रवर्ग्यः। असौ खलु वा आदित्य प्रवर्ग्यः। तस्य मरुतो रश्मयः।। 37।।
स्वाहा मरुद्भि परि श्रयस्वेत्याह। अमु मेवादित्य रश्मिभि पर्यूहति। तस्मा दसावादित्योमुष्मि न्लोके रश्मिभि पर्यूढः। तस्माद्राजा विशा पर्यूढः। तस्माद्ग्रामणी स्सजातै पर्यूढः। अग्ने स्सृष्टस्य यतः। विकङ्कतं भा आर्च्छत्। यद्वैकङ्कता परिधयो भवन्ति। भा एवाव रुन्धे। द्वादश भवन्ति।। 38।।
द्वादश मासा स्सँवथ्सरः। सँवथ्सर मेवाव रुन्धे। अस्ति त्रयोदशो मास इत्याहुः। यत्त्रयोदश परिधि र्भवति। तेनैव त्रयोदशं मास मव रुन्धे। अन्तरिक्षस्यान्तर्धि रसीत्याह व्यावृत्त्यै। दिव न्तपस स्त्रायस्वे त्युपरिष्टा द्धिरण्य मधि नि दधाति। अमुष्या अनतिदाहाय। अथो आभ्यामेवैन मुभयत परि गृह्णाति। अर्ह न्बिभर्षि सायकानि धन्वेत्याह।। 39।।
स्तौत्येवैन मेतत्। गायत्रमसि त्रैष्टुभमसि जागत मसीति धवित्राण्या दत्ते। छन्दोभि रेवैनान्या दत्ते। मधु मध्विति धूनोति। प्राणो वै मधु। प्राणमेव यजमाने दधाति। त्रि परि यन्ति। त्रिवृद्धि प्राणः। त्रि परि यन्ति। त्र्यावृद्धि यज्ञः।। 40।।
अथो रक्षसा मपहत्यै। त्रि पुन परि यन्ति। षट्थ्सं पद्यन्ते। षड्वा ऋतवः। ऋतुष्वेव प्रतितिष्ठन्ति। यो वै घर्मस्य प्रिया न्तनुव माक्रामति। दुश्चर्मा वै स भवति। एष ह वा अस्य प्रिया न्तनुव मा क्रामति। यस्त्रि परीत्य चतुर्थं पर्येति। एता ह वा अस्योग्रदेवो राजनि राचक्राम।। 41।।
ततो वै स दुश्चर्माभवत्। तस्मात्त्रि परीत्य न चतुर्थं परीयात्। आत्मनो गोपीथाय। प्राणा वै धवित्राणि। अव्यतिषङ्ग न्धून्वन्ति। प्राणाना मव्यतिषङ्गाय कॢप्त्यै। विनिषद्य धून्वन्ति। दिक्ष्वेव प्रति तिष्ठन्ति। ऊर्ध्व न्धून्वन्ति। सुवर्गस्य लोकस्य समष्ट्यै। सर्वतो धून्वन्ति। तस्मादय सर्वत पवते।। 42।। (दधातीवान्वाह यज्ञस्याहैष उपरिष्टादाशी रन्यो व्यास्थापयन्ति रश्मयो भवन्ति धन्वेत्याह यज्ञ श्चक्राम समष्ट्यै द्वे च। 4।)
अग्निष्ट्वा वसुभि पुरस्ता द्रोचयतु गायत्रेण छन्दसेत्याह। अग्निरेवैनँ वसुभि पुरस्ता द्रोचयति गायत्रेण छन्दसा। स मा रुचितो रोचयेत्याह। आशिष मेवैता माशास्ते। इन्द्रस्त्वा रुद्रैर्दक्षिणतो रोचयतु त्रैष्टुभेन छन्दसेत्याह। इन्द्र एवैन रुद्रै र्दक्षिणतो रोचयति त्रैष्टुभेन छन्दसा। स मा रुचितो रोचयेत्याह। आशिष मेवैता माशास्ते। वरुणस्त्वा दित्यै पश्चा द्रोचयतु जागतेन छन्दसेत्याह। वरुण एवैन मादित्यै पश्चा द्रोचयति जागतेन छन्दसा।। । 43।।
स मा रुचितो रोचयेत्याह। आशिष मेवैता माशास्ते। द्युतानस्त्वा मरुतो मरुद्भि रुत्तरतो रोचय त्वानुष्टुभेन छन्दसेत्याह। द्युतान एवैनं मारुतो मरुद्भि रुत्तरतो रोचय त्यानुष्टुभेन छन्दसा। स मा रुचितो रोचयेत्याह। आशिष मेवैता माशास्ते। बृहस्पतिस्त्वा विश्वै र्देवै रुपरिष्टा द्रोचयतु पाङ्क्तेन छन्दसेत्याह। बृहस्पति रेवैनँ विश्वै र्देवै रुपरिष्टा द्रोचयति पाङ्क्तेन छन्दसा। स मा रुचितो रोचयेत्याह। आशिष मेवैता माशास्ते।। 44।।
रोचित स्त्वन्देव घर्म देवेष्वसीत्याह। रोचितो ह्येष देवेषु। रोचिषीयाहं मनुष्येष्वित्याह। रोचत एवैष मनुष्येषु। सम्राड्घर्म रुचितस्त्व न्देवेष्वायुष्मा स्तेजस्वी ब्रह्मवर्चस्यसीत्याह। रुचितो ह्येष देवेष्वायुष्मा स्तेजस्वी ब्रह्मवर्चसी। रुचितोहं मनुष्येष्वायुष्मा स्तेजस्वी ब्रह्मवर्चसी भूयासमित्याह। रुचित एवैष मनुष्येष्वायुष्मा स्तेजस्वी ब्रह्मवर्चसी भवति। रुगसि रुचं मयि धेहि मयि रुगित्याह। आशिष मेवैतामाशास्ते। तँ यदेतै र्यजुर्भि ररोचयित्वा।
रुचितो घर्म - इति प्रब्रूयात्। अरोचुकोध्वर्यु स्स्यात्। अरोचुको यजमानः। अथ यदेन मेतै र्यजुर्भी रोचयित्वा। रुचितो घर्म इति प्राह। रोचुकोध्वर्यु र्भवति। रोचुको यजमानः।। 45।। (पश्चाद्रोचयति जागतेन छन्दसा स मा रुचितो रोचयेत्याहा शिष मेवैता माशास्ते शास्तेष्टौ च। 5।)
शिरो वा एतद्यज्ञस्य। यत्प्रवर्ग्यः। ग्रीवा उपसदः। पुरस्ता दुपसदां प्रवर्ग्यं प्र वृणक्ति। ग्रीवास्वेव यज्ञस्य शिर प्रति दधाति। त्रि प्र वृणक्ति। त्रय इमे लोकाः। एभ्य एव लोकेभ्यो यज्ञस्य शिरोव रुन्धे। षट्थ्सं पद्यन्ते। षड्वा ऋतवः।। 46।।
ऋतुभ्य एव यज्ञस्य शिरोव रुन्धे। द्वादशकृत्व प्र वृणक्ति। द्वादश मासा स्सँवथ्सरः। सँवथ्सरादेव यज्ञस्य शिरोव रुन्धे। चतुर्विशति स्सं पद्यन्ते। चतुर्विशति रर्धमासाः। अर्धमासेभ्य एव यज्ञस्य शिरोव रुन्धे। अथो खलु। सकृदेव प्रवृज्यः। एक हि शिरः।। 47।।
अग्निष्टोमे प्र वृणक्ति। एतावान् वै यज्ञः। यावा नग्निष्टोमः। यावानेव यज्ञः। तस्य शिर प्रति दधाति। नोक्थ्ये प्र वृञ्ज्यात्। प्रजा वै पशव उक्थानि। यदुक्थ्ये प्रवृञ्ज्यात्। प्रजां पशूनस्य निर्दहेत्। विश्वजिति सर्वपृष्ठे प्र वृणक्ति।। 48।।
पृष्ठानि वा अच्युत ञ्च्यावयन्ति। पृष्ठै रेवास्मा अच्युत ञ्च्यावयित्वाव रुन्धे। अपश्य ङ्गोपामित्याह। प्राणो वै गोपाः। प्राणमेव प्रजासु वि यातयति। अपश्य ङ्गोपा मित्याह। असौ वा आदित्यो गोपाः। स हीमा प्रजा गोपायति। तमेव प्रजाना ङ्गोप्तार ङ्कुरुते। अनिपद्यमान मित्याह।। 49।।
न ह्येष निपद्यते। आ च परा च पथिभि श्चरन्त मित्याह। आ च ह्येष परा च पथिभि श्चरति। स सद्ध्रीची स्सविषूची र्वसान इत्याह। सद्ध्रीचीश्च ह्येष विषूचीश्च वसान प्रजा अभि विपश्यति। आ वरीवर्ति भुवनेष्वन्त रित्याह। आ ह्येष वरीवर्ति भुवनेष्वन्तः। अत्र प्रावी र्मधु माध्वीभ्यां मधु माधूचीभ्या मित्याह। वासन्तिका वेवास्मा ऋतू कल्पयति। समग्नि रग्निना गतेत्याह।। 50।।
ग्रैष्मा वेवास्मा ऋतू कल्पयति। समग्नि रग्निना गतेत्याह। अग्निर्ह्येवैषोग्निना सङ्गच्छते। स्वाहा समग्नि स्तपसा गतेत्याह। पूर्वमेवोदितम्। उत्तरेणाभि गृणाति। धर्ता दिवो विभासि रजस पृथिव्या इत्याह। वार्षिकावेवास्मा ऋतू कल्पयति। हृदे त्वा मनसे त्वेत्याह। शारदा वेवास्मा ऋतू कल्पयति।। 51।।
दिवि देवेषु होत्रा यच्छेत्याह। होत्राभि रेवेमा न्लोका न्थ्सदधाति। विश्वासां भुवां पत इत्याह। हैमन्तिका वेवास्मा ऋतू कल्पयति। देवश्रू स्त्व न्देव घर्म देवा न्पाहीत्याह। शैशिरावेवास्मा ऋतू कल्पयति। तपोजाँ वाच मस्मे नियच्छ देवायुव मित्याह। या वै मेध्या वाक्। सा तपोजाः। तामेवाव रुन्धे।। 52।।
गर्भो देवाना मित्याह। गर्भो ह्येष देवानाम्। पिता मतीना मित्याह। प्रजा वै मतयः। तासामेष एव पिता। यत्प्रवर्ग्यः। तस्मा देवमाह। पति प्रजाना मित्याह। पति र्ह्येष प्रजानाम्। मति कवीना मित्याह।। 53।।
मति र्ह्येष कवीनाम्। सन्देवो देवेन सवित्रा यतिष्ट स सूर्येणारुक्तेत्याह। अमुञ्चैवादित्यं प्रवर्ग्यञ्च सशास्ति। आयुर्दास्त्व मस्मभ्य ङ्घर्म वर्चोदा असीत्याह। आशिष मेवैता माशास्ते। पिता नोसि पिता नो बोधेत्याह। बोधय त्येवैनम्। नवैतेवकाशा भवन्ति। पत्नियै दशमः। नव वै पुरुषे प्राणाः।। 54।।
नाभि र्दशमी। प्राणानेव यजमाने दधाति। अथो दशाक्षरा विराट्। अन्नँ विराट्। विराजैवान्नाद्य मव रुन्धे। यज्ञस्य शिरोच्छिद्यत। तद्देवा होत्राभि प्रत्यदधुः। ऋत्विजो वेक्षन्ते। एता वै होत्राः। होत्राभिरेव यज्ञस्य शिर प्रति दधाति।। 55।।
रुचित मवेक्षन्ते। रुचिताद्वै प्रजापति प्रजा असृजत। प्रजाना सृष्ट्यै। रुचित मवेक्षन्ते। रुचिताद्वै पर्जन्यो वर्षति। वर्षुक पर्जन्यो भवति। सं प्रजा एधन्ते। रुचित मवेक्षन्ते। रुचितँ वै ब्रह्मवर्चसम्। ब्रह्मवर्चसिनो भवन्ति।। 56।।
अधीयन्तोवेक्षन्ते। सर्वमायु र्यन्ति। न पत्न्यवेक्षेत। यत्पत्न्यवेक्षेत। प्र जायेत। प्रजा न्त्वस्यै निर्दहेत्। यन्नावेक्षेत। न प्रजायेत। नास्यै प्रजा न्निर्दहेत्। तिरस्कृत्य यजु र्वाचयति। प्र जायते। नास्यै प्रजा न्निर्दहति। त्वष्टीमती ते सपेयेत्याह। सपाद्धि प्रजा प्रजायन्ते।। 57।। (ऋतवो हि शिर स्सर्वपृष्ठे प्र वृणक्त्यनिपद्यमान मित्याह गतेत्याह शारदावेवास्मा ऋतू कल्पयति रुन्धे कवीना मित्याह प्राणा प्रति दधाति भवन्ति वाचयति चत्वारि च। 6।)
देवस्य त्वा सवितु प्रसव इति रशना मा दत्ते प्रसूत्यै। अश्विनो र्बाहुभ्या मित्याह। अश्विनौ हि देवाना मध्वर्यू आस्ताम्। पूष्णो हस्ताभ्या मित्याह यत्यै। आददेदित्यै रास्नासीत्याह यजुष्कृत्यै। इड एह्यदित एहि सरस्वत्येहीत्याह। एतानि वा अस्यै देवनामानि। देवनामै रेवैना मा ह्वयति। असा वे.ह्यसा वे.ह्यसा वेहीत्याह। एतानि वा अस्यै मनुष्यनामानि।। 58।।
मनुष्यनामै रेवैना मा ह्वयति। षट्थ्सं पद्यन्ते। षड्वा ऋतवः। ऋतुभि रेवैना माह्वयति। अदित्या उष्णीष मसीत्याह। यथायजु रेवैतत्। वायुरस्यैड इत्याह। वायुदेवत्यो वै वथ्सः। पूषा त्वोपावसृज त्वित्याह। पौष्णा वै देवतया पशवः।। 59।।
स्वयैवैन न्देवतयोपावसृजति। अश्विभ्यां प्रदापयेत्याह। अश्विनौ वै देवानां भिषजौ। ताभ्या मेवास्मै भेषज ङ्करोति। यस्ते स्तन श्शशय इत्याह। स्तौत्येवैनाम्। उस्र घर्म शिषोस्र घर्मं पाहि घर्माय शिषेत्याह। यथा ब्रूया दमुष्मै देहीति। तादृगेव तत्। बृहस्पति स्त्वोपसीद त्वित्याह।। 60।।
ब्रह्म वै देवानां बृहस्पतिः। ब्रह्मणैवैना मुप सीदति। दानवस्स्थ पेरव इत्याह। मेध्या नेवैना न्करोति। विष्वग्वृतो लोहितेनेत्याह व्यावृत्त्यै। अश्विभ्यां पिन्वस्व सरस्वत्यै पिन्वस्व पूष्णे पिन्वस्व बृहस्पतये पिन्वस्वेत्याह। एताभ्यो ह्येषा देवताभ्य पिन्वते। इन्द्राय पिन्वस्वेन्द्राय पिन्वस्वेत्याह। इन्द्रमेव भागधेयेन समर्धयति। द्विरिन्द्रायेत्याह।। 61।।
तस्मादिन्द्रो देवतानां भूयिष्ठभाक्तमः। गायत्रोसि त्रैष्टुभोसि जागतमसीति शफोपयमा नादत्ते। छन्दोभि रेवैना नादत्ते। सहोर्जो भागेनोपमेहीत्याह। ऊर्ज एवैनं भाग मकः। अश्विनौ वा एतद्यज्ञस्य शिर प्रतिदधता वब्रूताम्। आवाभ्यामेव पूर्वाभ्याँ वषट्क्रियाता इति। इन्द्राश्विना मधुन स्सारघस्येत्याह। अश्विभ्या मेव पूर्वाभ्याँ वषट्करोति। अथो अश्विनावेव भागधेयेन समर्धयति।। 62।।
घर्मं पात वसवो यजता वडित्याह। वसूनेव भागधेयेन समर्धयति। यद्वषट्कुर्यात्। यातयामास्य वषट्कारस्स्यात्। यन्न वषट्कुर्यात्। रक्षासि यज्ञ हन्युः। वडित्याह। परोक्षमेव वषट्करोति। नास्य यातयामा वषट्कारो भवति। न यज्ञ रक्षासि घ्नन्ति।। 63।।
स्वाहा त्वा सूर्यस्य रश्मये वृष्टिवनये जुहोमीत्याह। यो वा अस्य पुण्यो रश्मिः। स वृष्टिवनिः। तस्मा एवैन ञ्जुहोति। मधु हविरसीत्याह। स्वदयत्येवैनम्। सूर्यस्य तप स्तपेत्याह। यथायजु रेवैतत्। द्यावापृथिवीभ्यान्त्वा परि गृह्णामीत्याह। द्यावापृथिवीभ्या मेवैनं परि गृह्णाति।। 64।।
अन्तरिक्षेण त्वोप यच्छा मीत्याह। अन्तरिक्षेणैवैन मुप यच्छति। न वा एतं मनुष्यो भर्तु मर्हति। देवानान्त्वा पितृणा मनुमतो भर्तु शकेय मित्याह। देवैरेवैनं पितृभि रनुमत आदत्ते। वि वा एन मेत दर्धयन्ति। यत्पश्चात्प्रवृज्य पुरो जुह्वति। तेजोसि तेजोनु प्रेहीत्याह। तेज एवास्मि न्दधाति। दिविस्पृङ्मा मा हिसी रन्तरिक्षस्पृङ्मा मा हिसी पृथिविस्पृङ्मा मा हिसी रित्याहाहिसायै।। 65।।
सुवरसि सुवर्मे यच्छ दिवँ यच्छ दिवो मा पाहीत्याह। आशिष मेवैता माशास्ते। शिरो वा एतद्यज्ञस्य। यत्प्रवर्ग्यः। आत्मा वायुः। उद्यत्य वातनामान्याह। आत्मन्नेव यज्ञस्य शिर प्रति दधाति। अनवानम्। प्राणाना सन्तत्यै। पञ्चाह।। 66।।
पाङ्क्तो यज्ञः। यावानेव यज्ञः। तस्य शिर प्रति दधाति। अग्नये त्वा वसुमते स्वाहेत्याह। असौ वा आदित्योग्नि र्वसुमान्। तस्मा एवैन ञ्जुहोति। सोमाय त्वा रुद्रवते स्वाहेत्याह। चन्द्रमा वै सोमो रुद्रवान्। तस्मा एवैन ञ्जुहोति। वरुणाय त्वादित्यवते स्वाहेत्याह।। 67।।
अप्सु वै वरुण आदित्यवान्। तस्मा एवैन ञ्जुहोति। बृहस्पतये त्वा विश्वदेव्यावते स्वाहेत्याह। ब्रह्म वै देवानां बृहस्पतिः। ब्रह्मण एवैन ञ्जुहोति। सवित्रे त्वर्भुमते विभुमते प्रभुमते वाजवते स्वाहेत्याह। सँवथ्सरो वै सवितर्भुमान् विभुमा न्प्रभुमान् वाजवान्। तस्मा एवैन ञ्जुहोति। यमाय त्वाङ्गिरस्वते पितृमते स्वाहेत्याह। प्राणो वै यमोङ्गिरस्वा न्पितृमान्।। 68।।
तस्मा एवैन ञ्जुहोति। एताभ्य एवैन न्देवताभ्यो जुहोति। दश सं पद्यन्ते। दशाक्षरा विराट्। अन्नँ विराट्। विराजैवान्नाद्य मवरुन्धे। रौहिणाभ्याँ वै देवा स्सुवर्गँ लोक मायन्न्। तद्रौहिणयो रौहिणत्वम्। यद्रौहिणौ भवतः। रौहिणाभ्यामेव तद्यजमान स्सुवर्गँ लोकमेति। अहर्जोति केतुना जुषता सुज्योति र्ज्योतिषा स्वाहा रात्रि र्ज्योति केतुना जुषता सुज्योति र्ज्योतिषा स्वाहेत्याह। आदित्यमेव तदमुष्मि न्लोकेह्ना परस्ता द्दाधार। रात्रिया अवस्तात्। तस्मा दसावादित्योमुष्मि न्लोके होरात्राभ्या न्धृतः।। 69।।(मनुष्यनामानि पशव स्सीद त्वित्याहेन्द्रायेत्या. हार्धयति घ्नन्ति गृह्णात्यहिसायै पञ्चाहादित्यवते स्वाहेत्याह पितृमानेति चत्वारि च। 7।)
विश्वा आशा दक्षिणसदित्याह। विश्वानेव देवा न्प्रीणाति। अथो दुरिष्ट्या एवैनं पाति। विश्वा न्देवा नयाडिहेत्याह। विश्वानेव देवा न्भागधेयेन समर्धयति। स्वाहाकृतस्य घर्मस्य मधो पिबत मश्विनेत्याह। अश्विना वेव भागधेयेन समर्धयति। स्वाहाग्नये यज्ञियाय शँ यजुर्भि रित्याह। अभ्येवैन ङ्घारयति। अथो हविरेवाकः।। 70।।
अश्विना घर्मं पात हार्दिवान महर्दिवाभि रूतिभि रित्याह। अश्विना वेव भागधेयेन समर्धयति। अनु वान्द्यावापृथिवी मसाता मित्याहानुमत्यै। स्वाहेन्द्राय स्वाहेन्द्रा वडित्याह। इन्द्राय हि पुरो हूयते। आश्राव्याह-
घर्मस्य यजे-ति। वषट्कृते जुहोति। रक्षसा मपहत्यै। अनु यजति स्वगाकृत्यै। घर्म मपात मश्विनेत्याह।। 71।।
पूर्वमेवोदितम्। उत्तरेणाभि गृणाति। अनु वा न्द्यावापृथिवी अमसाता मित्याहानुमत्यै। तं प्राव्यँ यथावण्णमो दिवे नम पृथिव्या इत्याह। यथायजु रेवैतत्। दिविधा इमँ यज्ञँ यज्ञ मिम न्दिविधा इत्याह। सुवर्ग मेवैनँ लोक ङ्गमयति। दिव ङ्गच्छान्तरिक्ष ङ्गच्छ पृथिवी ङ्गच्छेत्याह। एष्वेवैनँ लोकेषु प्रतिष्ठापयति। पञ्च प्रदिशो गच्छेत्याह।। 72।।
दिक्ष्वेवैनं प्रतिष्ठापयति। देवा न्घर्मपा न्गच्छ पितॄ न्घर्मपा न्गच्छेत्याह। उभयेष्वेवैनं प्रतिष्ठापयति। यत्पिन्वते। वर्षुक पर्जन्यो भवति। तस्मा त्पिन्वमान पुण्यः। यत्प्राङ्पिन्वते। तद्देवानाम्। यद्दक्षिणा। तत्पितृणाम्।। 73।।
यत्प्रत्यक्। तन्मनुष्याणाम्। यदुदङ्ङ्। तद्रुद्राणाम्। प्राञ्च मुदञ्चं पिन्वयति। देवत्राकः। अथो खलु। सर्वा अनु दिश पिन्वयति। सर्वा दिश स्समेधन्ते। अन्तपरिधि पिन्वयति।। 74।।
तेजसोस्कन्दाय। इषे पीपिह्यूर्जे पीपिहीत्याह। इषमेवोर्जँ यजमाने दधाति। यजमानाय पीपिहीत्याह। यजमानायैवैता माशिषमा शास्ते। मह्य ञ्ज्यैष्ठ्याय पीपिहीत्याह। आत्मन एवैता माशिष माशास्ते। त्विष्यै त्वा द्युम्नाय त्वेन्द्रियाय त्वा भूत्यै त्वेत्याह। यथायजु रेवैतत्। धर्मासि सुधर्मा मे न्यस्मे ब्रह्माणि धारयेत्याह।। 75।।
ब्रह्मन्नेवैनं प्रतिष्ठापयति। नेत्त्वा वात स्स्कन्दयादिति यद्यभिचरेत्। अमुष्य त्वा प्राणे सादयाम्यमुना सह निरर्थ ङ्गच्छेति ब्रूया द्यन्द्विष्यात्। यमेव द्वेष्टि। तेनैन सह निरर्थ ङ्गमयति। पूष्णे शरसे स्वाहेत्याह। या एव देवता हुतभागाः। ताभ्य एवैन ञ्जुहोति। ग्रावभ्य स्स्वाहेत्याह। या एवान्तरिक्षे वाचः।। 76।।
ताभ्य एवैन ञ्जुहोति। प्रतिरेभ्य स्स्वाहेत्याह। प्राणा वै देवा प्रतिराः। तेभ्य एवैन ञ्जुहोति। द्यावापृथिवीभ्या स्वाहेत्याह। द्यावापृथिवीभ्या मेवैन ञ्जुहोति। पितृभ्यो घर्मपेभ्य स्स्वाहेत्याह। ये वै यज्वानः। ते पितरो घर्मपाः। तेभ्य एवैन ञ्जुहोति।। 77।।
रुद्राय रुद्रहोत्रे स्वाहेत्याह। रुद्रमेव भागधेयेन समर्धयति। सर्वत स्समनक्ति। सर्वत एव रुद्र न्निरवदयते। उदञ्च न्निरस्यति। एषा वै रुद्रस्य दिक्। स्वायामेव दिशि रुद्र न्निरवदयते। अप उप स्पृशति मेध्यत्वाय। नान्वीक्षेत। यदन्वीक्षेत।। 78।।
चक्षुरस्य प्रमायुक स्यात्। तस्मा न्नान्वीक्ष्यः। अपीपरो माह्नो रात्रियै मा पाह्येषा ते अग्ने समित्तया समिध्यस्वायुर्मे दा वर्चसा माञ्जी रित्याह। आयु रेवास्मिन्वर्चो दधाति। अपीपरो मा रात्रिया अह्नो मा पाह्येषा ते अग्ने समित्तया समिध्यस्वायुर्मे दा वर्चसा माञ्जीरित्याह। आयु रेवास्मिन्वर्चो दधाति। अग्नि र्ज्योति र्ज्योति रग्नि स्स्वाहा सूर्यो ज्योति र्ज्योति स्सूर्य स्स्वाहेत्याह। यथायजु रेवैतत्। ब्रह्मवादिनो वदन्ति। होतव्य मग्निहोत्राँ ‘3‘ न होतव्या ‘3‘ मिति।। 79।।
यद्यजुषा जुहुयात्। अयथापूर्व माहुती जुहुयात्। यन्न जुहुयात्। अग्नि परा भवेत्। भूस्स्वाहेत्येव होतव्यम्। यथापूर्व माहुती जुहोति। नाग्नि पराभवति। हुत हवि र्मधु हविरित्याह। स्वदय त्येवैनम्। इन्द्रतमेग्ना वित्याह।। 80।।
प्राणो वा इन्द्रतमोग्निः। प्राण एवैन मिन्द्रतमेग्नौ जुहोति। पिता नोसि मा मा हिसी रित्याहाहिसायै। अश्याम ते देवघर्म मधुमतो वाजवत पितुमत इत्याह। आशिष मेवैता माशास्ते। स्वधाविनोशीमहि त्वा मा मा हिसी रित्याहाहिसायै। तेजसा वा एते व्यृध्यन्ते। ये प्रवर्ग्येण चरन्ति। प्राश्ञ्चन्ति। तेज एवात्म न्दधते।। 81।।
सँवथ्सरन्न मास मश्ञ्चीयात्। न रामा मुपेयात्। न मृन्मयेन पिबेत्। नास्य राम उच्छिष्टं पिबेत्। तेज एव तथ्सश्यति। देवासुरा स्सँयत्ता आसन्न्। ते देवा विजय मुपयन्तः। विभ्राजि सौर्ये ब्रह्म सन्न्यदधत। यत्किञ्च दिवाकीर्त्यम्। तदेते नैव व्रतेनागोपायत्। तस्मा देतद्र्वत ञ्चार्यम्। तेजसो गोपीथाय। तस्मा देतानि यजूषि विभ्राज स्सौर्यस्येत्याहुः। स्वाहा त्वा सूर्यस्य रश्मिभ्य इति प्रात स्स सादयति। स्वाहा त्वा नक्षत्रेभ्य इति सायम्। एता वा एतस्य देवताः। ताभिरेवैन समर्धयति।। 82।। (अक रश्विनेत्याह प्रदिशो गच्छेत्याह पितृणा मन्तपरिधि पिन्वयति धारयेत्याह वाचो घर्मपा स्तेभ्य एवैन ञ्जुहोत्यन्वीक्षेत होतव्या ‘3’ मित्यग्ना वित्याह दधते गोपाय थ्सप्त च। 8।)
घर्म या ते दिवि शुगिति तिस्र आहुती र्जुहोति। छन्दोभि रेवास्यैभ्यो लोकेभ्य श्शुच मव यजते। इयत्यग्रे जुहोति। अथेयत्यथेयति। त्रय इमे लोकाः। एभ्य एव लोकेभ्य श्शुच मव यजते। अनुनो द्यानुमति रित्याहानुमत्यै। दिवस्त्वा परस्पाया इत्याह। दिव एवेमा न्लोका न्दाधार। ब्रह्मणस्त्वा परस्पाया इत्याह।। 83।।
एष्वेव लोकेषु प्रजा दाधार। प्राणस्य त्वा परस्पाया इत्याह। प्रजास्वेव प्राणा न्दाधार। शिरो वा एतद्यज्ञस्य। यत्प्रवर्ग्यः। असौ खलु वा आदित्य प्रवर्ग्यः। तँ यद्दक्षिणा प्रत्यञ्च मुदञ्च मुद्वासयेत्। जिह्मँ यज्ञस्य शिरो हरेत्। प्राञ्च मुद्वासयति। पुरस्तादेव यज्ञस्य शिर प्रति दधाति।। 84।।
प्राञ्च मुद्वासयति। तस्मा दसावादित्य पुरस्ता दुदेति। शफोपयमा न्धवित्राणि धृष्टी इत्यन्ववहरन्ति। सात्मान मेवैन सतनु ङ्करोति। सात्मा मुष्मि न्लोके भवति। य एवँ वेद। औदुम्बराणि भवन्ति। ऊर्ग्वा उदुम्बरः। ऊर्ज मेवाव रुन्धे। वर्त्मना वा अन्वित्य।। 85।।
यज्ञ रक्षासि जिघासन्ति। साम्ना प्रस्तोता न्ववैति। साम वै रक्षोहा। रक्षसा मपहत्यै। त्रिर्निधन मुपैति। त्रय इमे लोकाः। एभ्य एव लोकेभ्यो रक्षास्यप हन्ति। पुरुषपुरुषो निधन मुपैति। पुरुषपुरुषो हि रक्षस्वी। रक्षसा मपहत्यै।। 86।।
यत्पृथिव्या मुद्वासयेत्। पृथिवी शुचार्पयेत्। यदफ्सु। अप श्शुचार्पयेत्। यदोषधीषु। ओषधी श्शुचार्पयेत्। यद्वनस्पतिषु। वनस्पती न्छुचार्पयेत्। हिरण्य न्निधायोद्वासयति। अमृतँ वै हिरण्यम्।। 87।।
अमृत एवैनं प्रतिष्ठापयति। वल्गुरसि शँयुधाया इति त्रि परिषिञ्च न्पर्येति। त्रिवृद्वा अग्निः। यावा नेवाग्निः। तस्य शुच शमयति। त्रि पुन पर्येति। षट्थ्सं पद्यन्ते। षड्वा ऋतवः। ऋतुभि रेवास्य शुच शमयति। चतुस्स्रक्ति र्नाभिर् ऋतस्येत्याह।। 88।।
इयँ वा ऋतम्। तस्या एष एव नाभिः। यत्प्रवर्ग्यः। तस्मा देवमाह। सदो विश्वायु रित्याह। सदो हीयम्। अप द्वेषो अप ह्वर इत्याह भ्रातृव्यापनुत्यै। घर्मैतत्तेन्न मेतत्पुरीष मिति दध्ना मधुमिश्रेण पूरयति। ऊर्ग्वा अन्नाद्य न्दधि। ऊर्जैवैन मन्नाद्येन समर्धयति।। 89।।
अनशनायुको भवति। य एवँ वेद। रन्ति र्नामासि दिव्यो गन्धर्व इत्याह। रूप मेवास्यैत न्महिमान रन्तिं बन्धुताँ व्याचष्टे। समह मायुषा सं प्राणेनेत्याह। आशिष मेवैता माशास्ते। व्यसौ योस्मा न्द्वेष्टि यञ्च वय न्द्विष्म इत्याह। अभिचार एवास्यैषः। अचिक्रद द्वृषा हरि रित्याह। वृषा ह्येषः।। 90।।
वृषा हरिः। महा न्मित्रो न दर्शत इत्याह। स्तौत्येवैन मेतत्। चिदसि समुद्रयोनि रित्याह। स्वामेवैनँ योनिङ्गमयति। नमस्ते अस्तु मा मा हिसी रित्याहाहिसायै। विश्वावसु सोमगन्धर्व मित्याह। यदेवास्य क्रियमाणस्यान्तर्यन्ति। तदेवास्यैतेना प्याययति। विश्वावसु रभितन्नो गृणात्वित्याह।। 91।।
पूर्वमेवोदितम्। उत्तरेणाभि गृणाति। धियो हिन्वानो धिय इन्नो अव्यादित्याह। ऋतू नेवास्मै कल्पयति। प्रासा ङ्गन्धर्वो अमृतानि वोचदित्याह। प्राणा वा अमृताः। प्राणा नेवास्मै कल्पयति। एतत्त्व न्देव घर्म देवो देवा नुपागा इत्याह। देवो ह्येष सन्देवा नुपैति। इद महं मनुष्यो मनुष्यानित्याह।। 92।।
मनुष्यो हि। एष सन्मनुष्या नुपैति। ईश्वरो वै प्रवर्ग्य मुद्वासयन्न्। प्रजां पशू न्थ्सोमपीथ मनूद्वास स्सोमपीथानु मेहि। सह प्रजया सह राय स्पोषेणेत्याह। प्रजामेव पशून्थ्सोमपीथ मात्म न्धत्ते। सुमित्रा न आप ओषधय स्सन्त्वित्याह। आशिष मेवैता माशास्ते। दुर्मित्रा स्तस्मै भूयासु र्योस्मा न्द्वेष्टि यँ च वय न्द्विष्म इत्याह। अभिचार एवास्यैषः। प्र वा एषोस्माल्लोका च्च्यवते। य प्रवर्ग्य मुद्वासयति। उदुत्य ञ्चित्रमिति सौरीभ्या मृग्भ्यां पुनरेत्य गार्हपत्ये जुहोति। अयँ वै लोको गार्हपत्यः। अस्मिन्नेव लोके प्रतितिष्ठति। असौ खलु वा आदित्य स्सुवर्गो लोकः। यथ्सौरी भवतः। तेनैव सुवर्गा ल्लोकान्नैति।। 93।। (ब्रह्मणस्त्वा परस्पाया इत्याह दधात्यन्वित्य रक्षस्वी रक्षसा मपहत्यै वै हिरण्य माहार्धयति ह्येष गृणा त्वित्याह मनुष्या नित्याहास्यैषोष्टौ च। 9।)
प्रजापतिँ वै देवा श्शुक्रं पयोदुह्रन्न्। तदेभ्यो न व्यभवत्। तदग्नि र्व्यकरोत्। तानि शुक्रियाणि सामान्यभवन्न्। तेषाँ यो रसोत्यक्षरत्। तानि शुक्रयजूष्यभवन्न्। शुक्रियाणाँ वा एतानि शुक्रियाणि। सामपयसँ वा एतयो रन्यत्। देवाना मन्यत्पयः। यद्गो पयः।। 94।।
तत्साम्न पयः। यदजायै पयः। तद्देवानां पयः। तस्माद्यत्रै र्यजुर्भि श्चरन्ति। तत्पयसा चरन्ति। प्रजापति मेव तद्देवा न्पयसा न्नाद्येन समर्धयन्ति। एष हत्वै साक्षात्प्रवर्ग्यं भक्षयति। यस्यैवँविदुष प्रवर्ग्य प्रवृज्यते। उत्तरवेद्या मुद्वसाये त्तेजस्कामस्य। तेजो वा उत्तरवेदिः।। 95।।
तेज प्रवर्ग्यः। तेजसैव तेज स्समर्धयति। उत्तरवेद्या मुद्वासये दन्नकामस्य। शिरो वा एतद्यज्ञस्य। यत्प्रवर्ग्यः। मुख मुत्तरवेदिः। शीर्ष्णैव मुख सन्दधात्यन्नाद्याय। अन्नाद एव भवति। यत्र खलु वा एतमुद्वासितँ वयासि पर्यासते। परि वै ता समां प्रजा वयास्यासते।। 96।।
तस्मा दुत्तरवेद्या मेवोद्वासयेत्। प्रजाना ङ्गोपीथाय। पुरो वा पश्चा द्वोद्वासयेत्। पुरस्ताद्वा एतज्ज्योति रुदेति। तत्पश्चा न्निम्रोचति। स्वामेवैनँ योनि मनूद्वासयति। अपां मध्य उद्वासयेत्। अपाँ वा एतन्मध्या ज्ज्योति रजायत। ज्योति प्रवर्ग्यः। स्व एवैनँ योनौ प्रतिष्ठापयति।। 97।।
यन्द्विष्यात्। यत्र स स्यात्। तस्या न्दिश्युद्वासयेत्। एष वा अग्नि र्वैश्वानरः। यत्प्रवर्ग्यः। अग्निनैवैनँ वैश्वानरेणाभि प्र वर्तयति। औदुम्बर्या शाखाया मुद्वासयेत्। ऊर्ग्वा उदुम्बरः। अन्नं प्राणः। शुग्घर्मः।। 98।।
इदमह ममुष्या मुष्यायणस्य शुचा प्राण मपि दहामी- त्याह। शुचैवास्य प्राण मपि दहति। ताजगार्ति मार्छति। यत्र दर्भा उपदीकसन्ततास्स्युः। तदुद्वासये द्वृष्टिकामस्य। एता वा अपा मनूज्झावर्यो नाम। यद्दर्भाः। असौ खलु वा आदित्य इतो वृष्टि मुदीरयति। असा वेवास्मा आदित्यो वृष्टि न्नि यच्छति। ता आपो नियता धन्वना यन्ति।। 99।। (गो पय उत्तरवेदिरासते स्थापयति घर्मो यन्ति। 10।)
प्रजापति स्सम्भ्रियमाणः। सम्राट्थ्सम्भृतः। घर्म प्रवृक्तः। महावीर उद्वासितः। असौ खलु वावैष आदित्यः। यत्प्रवर्ग्यः। स एतानि नामान्यकुरुत। य एवँ वेद। विदुरेन न्नाम्ना। ब्रह्मवादिनो वदन्ति।। 100।।
यो वै वसीयासँ यथानाम मुपचरति। पुण्यार्तिँ वै स तस्मै कामयते। पुण्यार्तिमस्मै कामयन्ते। य एवँ वेद। तस्मादेवँ विद्वान्। घर्म इति दिवाचक्षीत। सम्राडिति नक्तम्। एते वा एतस्य प्रिये तनुवौ। एते अस्य प्रिये नामनी। प्रिययैवैन न्तनुवा।। 101।।
प्रियेण नाम्ना समर्धयति। कीर्तिरस्य पूर्वा गच्छति जनता मायतः। गायत्री देवेभ्योपाक्रामत्। तान्देवा प्रवर्ग्येणैवानु व्यभवन्न्। प्रवर्ग्येणाप्नुवन्न्। यच्चतुर्विशतिकृत्व प्रवर्ग्यं प्रवृणक्ति। गायत्रीमेव तदनु विभवति। गायत्री माप्नोति। पूर्वास्य जनँ यत कीर्ति र्गच्छति। वैश्वदेव स्ससन्नः।। 102।।
वसव प्रवृक्तः। सोमोभिकीर्यमाणः। आश्विन पयस्यानीयमाने। मारुत क्वथन्न्। पौष्ण उदन्तः। सारस्वतो विष्यन्दमानः। मैत्र श्शरो गृहीतः। तेज उद्यतो वायुः। ह्रियमाण प्रजापतिः। हूयमानो वाग्घुतः।। 103।।
असौ खलु वावैष आदित्यः। यत्प्रवर्ग्यः। स एतानि नामान्यकुरुत। य एवँ वेद। विदु रेन न्नाम्ना। ब्रह्मवादिनो वदन्ति। यन्मृन्मय माहुति न्नाश्च्ञुतेथ। कस्मा देषोश्च्ञुत इति। वागेष इति ब्रूयात्। वाच्येव वाच न्दधाति।। 104।।
तस्मादश्च्ञुते। प्रजापति र्वा एष द्वादशधा विहितः। यत्प्रवर्ग्यः। यत्प्रागवकाशेभ्यः। तेन प्रजा असृजत। अवकाशै र्देवासुरा नसृजत। यदूर्ध्व मवकाशेभ्यः। तेनान्न मसृजत। अन्नं प्रजापतिः। प्रजापति र्वावैषः।। 105।। (वदन्ति तनुवा ससन्नो हूयमानो वाग्घुतो दधात्येषः। 11।)
सविता भूत्वा प्रथमेह न्प्रवृज्यते। तेन कामा एति। यद्द्वितीयेह न्प्रवृज्यते। अग्नि र्भूत्वा देवानेति। यत्तृतीयेह न्प्रवृज्यते। वायु र्भूत्वा प्राणानेति। यच्चतुर्थेह न्प्रवृज्यते। आदित्यो भूत्वा रश्मीनेति। यत्पञ्चमेह न्प्रवृज्यते। चन्द्रमा भूत्वा नक्षत्राण्येति।। 106।।
यत्षष्ठेह न्प्रवृज्यते। ऋतु र्भूत्वा सँवथ्सर मेति। यथ्सप्तमेह न्प्रवृज्यते। धाता भूत्वा शक्वरीमेति। यदष्टमेह न्प्रवृज्यते। बृहस्पति र्भूत्वा गायत्रीमेति। यन्नवमेह न्प्रवृज्यते। मित्रो भूत्वा त्रिवृत इमा न्लोकानेति। यद्दशमेह न्प्रवृज्यते। वरुणो भूत्वा विराजमेति।। 107।।
यदेकादशेह न्प्रवृज्यते। इन्द्रो भूत्वा त्रिष्टुभमेति। यद्द्वादशेह न्प्रवृज्यते। सोमो भूत्वा सुत्यामेति। यत्पुरस्ता दुपसदां प्रवृज्यते। तस्मादित पराङमू न्लोका स्तपन्नेति। यदुपरिष्टा दुपसदां प्रवृज्यते। तस्मा दमुतोर्वाङिमा न्लोका स्तपन्नेति। य एवँ वेद। ऐव तपति।। 108।। (नक्षत्राण्येति विराजमेति तपति। 12।)
(देवा वै सत्र सावित्रं परिश्रिते ब्रह्म न्प्रचरिष्यामोग्निष्ट्वा शिरो ग्रीवा देवस्य रशनाँ विश्वा आशा घर्म या ते प्रजापति शुक्रं प्रजापति स्सम्भ्रियमाण स्सविता भूत्वा द्वादश ।12। देवा वै सत्र स खदिर परिश्रिते भिपूर्व मथो रक्षसां ग्रैष्मा वेवास्मै ब्रह्म वै देवाना मश्विना घर्मं पातं प्राणो वै वृषा हरि र्यो वै वसीयासँ यथानाम मष्टोत्तरशतम्। 108। देवा वै सत्र मैव तपति।)
शन्न स्तन्नो मा हासीत्।। ओं शान्ति श्शान्ति श्शान्तिः।।
आरण्यके षष्ठ प्रपाठकः
प्रा।का।5 पितृमेध मन्त्राः (द्वादशानुवाकाः 11)
ओम्। सन्त्वा सिञ्चामि यजुषा प्रजा मायु र्धनञ्च। ओं शान्ति श्शान्ति श्शान्तिः।।
परेयुवासं प्रवतो महीरनु बहुभ्य पन्था मनपस्पशानम्। वैवस्वत सङ्गमन ञ्जनानाँ यम राजान हविषा दुवस्यत।।
इदन्त्वा वस्त्रं प्रथमन्न्वाग न्नपैतदूह यदिहाबिभ पुरा। इष्टापूर्त मनु सं पश्य दक्षिणाँ यथा ते दत्तं बहुधा विबन्धुषु।।
इमौ युनज्मि ते वह्नी असुनीथाय वोढवे। याभ्याँ यमस्य सादन सुकृता ञ्चापि गच्छतात्।।
पूषा त्वेतश्च्यावयतु प्रविद्वा ननष्टपशु र्भुवनस्य गोपाः। स त्वैतेभ्य परि ददा त्पितृभ्योग्नि र्देवेभ्य स्सुविदत्रेभ्यः।।
पूषेमा आशा अनुवेद सर्वास्सो अस्मा अभयतमेन नेषत्। स्वस्तिदा अघृणि स्सर्ववीरोप्रयुच्छ न्पुर एतु प्रविद्वान्।। 1।।
आयु र्विश्वायु परिपासति त्वा पूषा त्वा पातु प्रपथे पुरस्तात्। यत्रासते सुकृतो यत्र ते ययु स्तत्र त्वा देव स्सविता दधातु।।
भुवनस्य पत इद हविः। अग्नये रयिमते स्वाहा।।
पुरुषस्य सयावर्यपे दघानि मृज्महे। यथा नो अत्र नापर पुरा जरस आयति।।
पुरुषस्य सयावरि वि ते प्राण मसिस्रसम्। शरीरेण मही मिहि स्वधयेहि पितॄ नुप प्रजयास्मा निहावह।।
मैवं मास्ता प्रियेह न्देवी सती पितृलोकँ यदैषि। विश्वावारा नभसा सँव्यय न्त्युभौ नो लोकौ पयसाभ्याववृथ्स्व।। 2।।
इयन्नारी पतिलोकँ वृणाना नि पद्यत उप त्वा मर्त्य प्रेतम्। विश्वं पुराण मनु पालयन्ती तस्यै प्रजा न्द्रविण ञ्चेह धेहि।।
उदीर्ष्व नार्यभि जीवलोक मितासु मेत मुपशेष एहि। हस्तग्राभस्य दिधिषो स्त्वमेत त्पत्यु र्जनित्व मभि सम्बभूव।।
सुवर्ण हस्ता दाददाना मृतस्य श्रियै ब्रह्मणे तेजसे बलाय। अत्रैव त्व मिह वय सुशेवा विश्वास्पृधो अभिमाती र्जयेम।।
धनुर् हस्ता दाददाना मृतस्य श्रियै क्षत्रायौजसे बलाय। अत्रैव त्वमिह वय सुशेवा विश्वास्पृधो अभिमाती र्जयेम।।
मणि हस्ता दाददाना मृतस्य श्रियै विशे पुष्ट्यै बलाय। अत्रैव त्वमिह वय सुशेवा विश्वास्पृधो अभिमाती र्जयेम।। 3।।
इममग्ने चमसं मा वि जीह्वर प्रियो देवाना मुत सोम्यानाम्। एष यश्चमसो देवपान स्तस्मिन्देवा अमृता मादयन्ताम्।।
अग्नेर्वर्म परिगोभि र्व्ययस्व सं प्रोर्णुष्व मेदसा पीवसा च। नेत्त्वा धृष्णुर् हरसा जर्हृषाणो दध द्विधक्ष्य न्पर्यङ्खयातै।।
मैन मग्ने विदहो माभिशोचो मास्य त्वच ञ्चिक्षिपो मा शरीरम्। यदा शृत ङ्करवो जातवेदोथेमेनं प्र हिणुता त्पितृभ्यः।।
शृतँ यदा करसि जातवेदोथेमेनं परि दत्तात्पितृभ्यः। यदा गच्छा त्यसुनीति मेता मथा देवानाँ वशनी र्भवाति।।
सूर्यन्ते चक्षु र्गच्छतु वात मात्मा द्याञ्च गच्छ पृथिवीञ्च धर्मणा। अपो वा गच्छ यदि तत्र ते हित मोषधीषु प्रति तिष्ठा शरीरैः।।
अजो भाग स्तपसा तन्तपस्व तन्ते शोचि स्तपतु तन्ते अर्चिः। यास्ते शिवा स्तनुवो जातवेद स्ताभि र्वहेम सुकृताँ यत्र लोकाः।।
अयँ वै त्वमस्मादधि त्वमेत दयँ वै तदस्य योनि रसि। वैश्वानर पुत्र पित्रे लोककृ ज्जातवेदो वहेम सुकृताँ यत्र लोकाः।। 4।। (विद्वा नभ्याववृथ्स्वाभिमाती र्जयेम शरीरै श्चत्वारि च। 1।)
य एतस्य पथो गोप्तार स्तेभ्य स्स्वाहा
य एतस्य पथो रक्षितार स्तेभ्य स्स्वाहा
य एतस्य पथोभिरक्षितार स्तेभ्य स्स्वाहा
ख्यात्रे स्वाहा
पाख्यात्रे स्वाहा
भिलालपते स्वाहा
पलालपते स्वाहा
ग्नये कर्मकृते स्वाहा
यमत्र नाधीम स्तस्मै स्वाहा।।
यस्त इध्म ञ्जभर थ्सिष्विदानो मूर्धानँ वा ततपते त्वाया। दिवो विश्वस्मा त्सीमघायत उरुष्यः।।
अस्मात्त्व मधि जातोसि त्वदय ञ्जायतां पुनः। अग्नये वैश्वानराय सुवर्गाय लोकाय स्वाहा।। 5।। (य एतस्य त्वत्पञ्च। 2)
प्रकेतुना बृहता भात्यग्नि रावि र्विश्वानि वृषभो रोरवीति। दिव श्चिदन्ता दुप मा मुदान डपा मुपस्थे महिषो ववर्ध।।
इदन्त एकं पर ऊत एक न्तृतीयेन ज्योतिषा सँ विशस्व। सँवेशन स्तनुवै चारुरेधि प्रियो देवानां परमे सधस्थे।।
नाके सुपर्ण मुपय त्पतन्त हृदा वेनन्तो अभ्यचक्षत त्वा। हिरण्यपक्षँ वरुणस्य दूतँ यमस्य योनौ शकुनं भुरण्युम्।।
अतिद्रव सारमेयौ श्वानौ चतुरक्षौ शबलौ साधुना पथा। अथा पितॄ न्थ्सुविदत्रा अपीहि यमेन ये सधमादं मदन्ति।।
यौ ते श्वानौ यमरक्षितारौ चतुरक्षौ पथिरक्षी नृचक्षसा। ताभ्या राज न्परि देह्येन स्वस्ति चास्मा अनमीवञ्च धेहि।। 6।।
उरुणसा वसुतृपा वुलुम्बलौ यमस्य दूतौ चरतो वशा अनु। तावस्मभ्य न्दृशये सूर्याय पुनर्दत्ता वसुम द्येह भद्रम्।।
सोम एकेभ्य पवते घृतमेक उपासते। येभ्यो मधु प्रधावति ताश्चिदेवापि गच्छतात्।।
ये युध्यन्ते प्रधनेषु शूरासो ये तनुत्यजः। ये वा सहस्र दक्षिणा स्ताश्चिदेवापि गच्छतात्।।
तपसा ये अनाधृष्या स्तपसा ये सुवर्गताः। तपो ये चक्रिरे महत्ता श्चिदेवापि गच्छतात्।।
अश्मन्वती रेवती स्स रभध्व मुत्तिष्ठत प्रतरता सखायः। अत्रा जहाम ये अस न्नशेवा श्शिवान् वय मभि वाजा नुत्तरेम।। 7।।
यद्वै देवस्य सवितु पवित्र सहस्रधारँ वितत मन्तरिक्षे। येनापुना दिन्द्र मनार्त मार्त्यै तेनाहं मा सर्वतनुं पुनामि।।
या राष्ट्रा त्पन्ना दपयन्ति शाखा अभिमृता नृपति मिच्छमानाः। धातु स्ता स्सर्वा पवनेन पूता प्रजयास्मा न्रय्या वर्चसा ससृजाथ।।
उद्वय न्तमस स्परि पश्यन्तो ज्योति रुत्तमम्। देव न्देवत्रा सूर्य मगन्म ज्योति रुत्तमम्।।
धाता पुनातु सविता पुनातु। अग्ने स्तेजसा सूर्यस्य वर्चसा।। 8।। (धेह्युत्तरेमाष्टौ च। 3।)
यन्ते अग्नि ममन्थाम वृषभायेव पक्तवे। इमन्त शमयामसि क्षीरेण चोदकेन च।।
यन्त्वमग्ने समदह स्त्वमु निर्वापया पुनः। क्याम्बू रत्र जायतां पाकदूर्वा व्यल्कशा।।
शीतिके शीतिकावति ह्लादुके ह्लादुकावति। मण्डूक्यासु सङ्गमयेम स्वग्नि शमय।।
शन्ते धन्वन्या आप श्शमु ते सन्त्वनूक्याः। शन्ते समुद्रिया आप श्शमु ते सन्तु वर्ष्याः।।
शन्ते स्रवन्ती स्तनुवे शमुते सन्तु कूप्याः। शन्ते नीहारो वर्षतु शमु पृष्वाव शीयताम्।। 9।।
अवसृज पुनरग्ने पितृभ्यो यस्त आहुत श्चरति स्वधाभिः। आयु र्वसान उप यातु शेष सङ्गच्छता न्तनुवा जातवेदः।।
सङ्गच्छस्व पितृभि स्स स्वधाभि स्समिष्टापूर्तेन परमे व्योमन्न्। यत्र भूम्यै वृणसे तत्र गच्छ तत्र त्वा देव स्सविता दधातु।।
यत्ते कृष्ण श्शकुन आतुतोद पिपील स्सर्प उत वा श्वापदः। अग्निष्ट द्विश्वा दनृण ङ्कृणोतु सोमश्च यो ब्राह्मण माविवेश।।
उत्तिष्ठात स्तनुव सम्भरस्व मेह गात्र मवहा मा शरीरम्। यत्र भूम्यै वृणसे तत्र गच्छ तत्र त्वा देव स्सविता दधातु।।
इदन्त एकं पर ऊत एक न्तृतीयेन ज्योतिषा सँ विशस्व। सँवेशन स्तनुवै चारु रेधि प्रियो देवानां परमे सधस्थे।।
उत्तिष्ठ प्रेहि प्रद्रवौक कृणुष्व परमे व्योमन्न्। यमेन त्वँ यम्या सँविदानोत्तम न्नाक मधिरोहेमम्।।
अश्मन्वती रेवती
र्यद्वै देवस्य सवितु पवित्रँ
या राष्ट्रा त्पन्ना
दुद्वय न्तमस स्परि
धाता पुनातु ।
अस्मा त्त्वमधि जातोस्यय न्त्वदधि जायताम्। अग्नये वैश्वानराय सुवर्गाय लोकाय स्वाहा।। 10।। (अव शीयता सधस्थे पञ्च च। 4।)
आ यातु देव स्सुमनाभि रूतिभि र्यमो ह वेह प्रयताभि रक्ता। आ सीदता सुप्रयतेह बर्हिष्यूर्जाय जात्यै मम शत्रुहत्यै।।
यमे इव यतमाने यदैतं प्रवां भर न्मानुषा देवयन्तः। आ सीदत स्वमु लोकँ विदाने स्वासस्थे भवत मिन्दवे नः।।
यमाय सोम सुनुत यमाय जुहुता हविः। यम ह यज्ञो गच्छ त्यग्निदूतो अरङ्कृतः।।
यमाय घृतवद्धवि र्जुहोत प्र च तिष्ठत। स नो देवे ष्वायम द्दीर्घ मायु प्र जीवसे।।
यमाय मधुमत्तम राज्ञे हव्य ञ्जुहोतन। इद न्नम ऋषिभ्य पूर्वजेभ्य पूर्वेभ्य पथिकृद्भ्यः।। 11।।
योस्य कौष्ठ्य जगत पार्थिवस्यैक इद्वशी। यमं भङ्ग्यश्रवो गाय यो राजानपरोद्ध्यः।।
यमङ्गाय भङ्ग्यश्रवो यो राजानपरोद्ध्यः। येनापो नद्यो धन्वानि येन द्यौ पृथिवी दृढा।।
हिरण्यकक्ष्या न्थ्सुधुरान् हिरण्याक्षा नयश्शफान्। अश्वा ननश्यतो दानँ यमो राजाभितिष्ठति।।
यमो दाधार पृथिवीँ यमो विश्व मिद ञ्जगत्। यमाय सर्व मि त्तस्थे यत्प्राण द्वायु रक्षितम्।।
यथा पञ्च यथा षड्यथा पञ्च दशर्षयः। यमँ यो विद्याथ्स ब्रूया द्यथैकऋषि र्विजानते।। 12।।
त्रिकद्रुकेभि पतति षडुर्वी रेकमि द्बृहत्। गायत्री त्रिष्टुप्छन्दासि सर्वा ता यम आहिता।।
अहरह र्नयमानो गामश्वं पुरुष ञ्जगत्। वैवस्वतो न तृप्यति पञ्चभि र्मानवै र्यमः।।
वैवस्वते विविच्यन्ते यमे राजनि ते जनाः। ये चेह सत्येनेच्छन्ते य उ चानृतवादिनः।।
ते राज न्निह विविच्यन्तेथा यन्ति त्वामुप। देवाश्च ये नमस्यन्ति ब्राह्मणा श्चापचित्यति।।
यस्मि न्वृक्षे सुपलाशे देवै स्सम्पिबते यमः। अत्रा नो विश्पति पिता पुराणा अनु वेनति।। 13।। (पथिकृद्भ्यो विजानतेनु वेनति। 5।)
वैश्वानरे हवि रिद ञ्जुहोमि साहस्र मुथ्स शतधार मेतम्। तस्मि न्नेष पितरं पितामहं प्रपितामहं बिभर त्पिन्वमाने।।
द्रप्स श्चस्कन्द पृथिवी मनु द्या मिमञ्च योनि मनु यश्च पूर्वः। तृतीयँ योनि मनु सञ्चरन्त न्द्रप्स ञ्जुहोम्यनु सप्त होत्राः।।
इम समुद्र शतधार मुथ्सँ व्यच्यमानं भुवनस्य मध्ये। घृत न्दुहाना मदिति ञ्जनायाग्ने मा हिसीः परमे व्योमन्न्।।
अपेत वीत वि च सर्पतातो येत्र स्थ पुराणा ये च नूतनाः। अहोभि रद्भि रक्तुभि र्व्यक्तँ यमो ददा त्ववसान मस्मै।।
सवितैतानि शरीराणि पृथिव्यै मातु रुपस्थ आ दधे। तेभि र्युज्यन्ता मघ्नियाः।। 14।।
शुनँ वाहा श्शुन न्नारा श्शुनङ्कृषतु लाङ्गलम्। शुनँ वरत्रा बध्यन्ता शुन मष्ट्रा मुदिङ्गय शुनासीरा शुन मस्मासु धत्तम्।।
शुनासीरा विमाँ वाचँ यद्दिवि चक्रथु पयः। तेनेमा मुप सिञ्चतम्।।
सीते वन्दामहे त्वार्वाची सुभगे भव। यथा न स्सुभगा ससि यथा नस्सुफला ससि।।
सवितैतानि शरीराणि पृथिव्यै मातु रुपस्थ आदधे। तेभि रदिते शं भव।।
विमुच्यध्व मघ्निया देवयाना अतारिष्म तमस स्पारमस्य। ज्योति रापाम सुव रगन्म।। 15।।
प्र वाता वान्ति पतयन्ति विद्युत उदोषधी र्जिहते पिन्वते सुवः। इरा विश्वस्मै भुवनाय जायते यत्पर्जन्य पृथिवी रेतसावति।।
यथा यमाय हार्म्य मवप न्पञ्च मानवाः। एवँ वपामि हार्म्यँ यथासाम जीवलोके भूरयः।।
चितस्थ्स परिचित ऊर्ध्वचित श्श्रयध्वं पितरो देवता। प्रजापति र्व स्सादयतु तया देवतया ।।
आप्यायस्व
सन्ते ।। 16।। (अघ्निया अगन्म सप्त च। 6।)
उत्ते तभ्नोमि पृथिवी न्त्वत्परीमँ लोक न्निदध न्मो अह रिषम्। एता स्थूणां पितरो धारयन्तु तेत्रा यम स्सादनात्ते मिनोतु।।
उप सर्प मातरं भूमि मेता मुरुव्यचसं पृथिवी सुशेवाम्। ऊर्णम्रदा युवति र्दक्षिणावत्येषा त्वा पातु निर्ऋत्या उपस्थे।।
उच्छ्मञ्चस्व पृथिवि मा विबाधिथा स्सूपायनास्मै भव सूपवञ्चना। माता पुत्रँ यथा सिचाभ्येनं भूमि वृणु।।
उच्छ्मञ्चमाना पृथिवी हि तिष्ठसि सहस्रं मित उप हि श्रयन्ताम्। ते गृहासो मधुश्चुतो विश्वाहास्मै शरणा स्सन्त्वत्र।।
एणी र्धाना हरिणी रर्जुनी स्सन्तु धेनवः। तिलवथ्सा ऊर्ज मस्मै दुहाना विश्वाहा सन्त्वनपस्फुरन्तीः।। 17।।
एषा ते यमसादने स्वधा नि धीयते गृहे। अक्षिति र्नाम ते असौ।।
इदं पितृभ्य प्र भरेम बर्हि र्देवेभ्यो जीवन्त उत्तरं भरेम। तत्त्व मा रोहासो मेघ्यो भवँ यमेन त्वँ यम्या सँविदानः।
मा त्वा वृक्षौ सं बाधिष्टां मा माता पृथिवि त्वम्। पितॄन् ह्यत्र गच्छास्येधासँ यमराज्ये।।
मा त्वा वृक्षौ सं बाधेथां मा माता पृथिवी मही। वैवस्वत हि गच्छासि यमराज्ये वि राजसि।।
नळं प्लव मा रोहैत न्नळेन पथोन्विहि। स त्व न्नळप्लवो भूत्वा सन्तर प्रतरोत्तर।। 18।।
सवितैतानि शरीराणि पृथिव्यै मातु रुपस्थ आ दधे। तेभ्य पृथिवि शं भव।।
षड्ढोता सूर्यन्ते चक्षु र्गच्छतु वात मात्मा द्याञ्च गच्छ पृथिवीञ्च धर्मणा। अपो वा गच्छ यदि तत्र ते हित मोषधीषु प्रतितिष्ठा शरीरैः।।
परं मृत्यो अनु परेहि पन्थाँ यस्ते स्व इतरो देवयानात्। चक्षुष्मते शृण्वते ते ब्रवीमि मा न प्रजा रीरिषो मोत वीरान्।।
शँ वात श्श हि ते घृणि श्शमु ते सन्त्वोषधीः। कल्पन्तां मे दिश श्शग्माः।।
पृथिव्यास्त्वा- लोके सादयाम्यमुष्य शर्मासि पितरो देवता। प्रजापतिस्त्वा सादयतु तया देवतया ।।
अन्तरिक्षस्य त्वा--
दिवस्त्वा--
दिशान्त्वा--
नाकस्य त्वा पृष्ठे--
ब्रध्नस्य त्वा विष्टपे-- सादया म्यमुष्य शर्मासि पितरो देवता। प्रजापतिस्त्वा सादयतु तया देवतया ।। 19।। (अनपस्फुरन्ती रुत्तर देवतया द्वे च। 7।)
अपूपवा न्घृतावा श्चरु रेह सीदतूत्तभ्नुव न्पृथिवी न्द्यामुतो परि। योनिकृत पथिकृत स्सपर्यत ये देवाना ङ्घृतभागा इह स्थ। एषा ते यमसादने स्वधा निधीयते गृहेसौ।।
दशाक्षरा- ता रक्षस्व ताङ्गोपायस्व तान्ते परिददामि तस्यान्त्वा मा दभ न्पितरो देवता। प्रजापतिस्त्वा सादयतु तया देवतया ।
अपूपवा ञ्छृतवा--
--न्क्षीरवा --
--न्दधिवा--
--न्मधुमा- श्चरु रेह सीदतूत्तभ्नुव न्पृथिवी न्द्यामुतो परि। योनिकृत पथिकृत स्सपर्यत ये देवाना
--शृतभागाः~--क्षीरभागा --
--दधिभागा --
-- मधुभागा इह स्थ। एषा ते यमसादने स्वधा निधीयते गृहेसौ।।
शताक्षरा--
सहस्राक्षरा--
युताक्षरा--
च्युताक्षरा- ता रक्षस्व ताङ्गोपायस्व तान्ते परि ददामि तस्यान्त्वा मा दभ न्पितरो देवता। प्रजापतिस्त्वा सादयतु तया देवतया ।। 20।। (अपूपवा नसौ दश। 8।)
एतास्ते स्वधा अमृता करोमि यास्ते धाना परिकिराम्यत्र। तास्ते यम पितृभि स्सँविदानोत्र धेनू कामदुघा करोतु।।
त्वामर्जुनौषधीनां पयो ब्रह्माण इद्विदुः। तासान्त्वा मध्या दाददे चरुभ्यो अपि धातवे।।
दूर्वाणा स्तम्ब माहरैतां प्रियतमां मम। इमा न्दिशं मनुष्याणां भूयिष्ठानु वि रोहतु।।
काशाना स्तम्ब मा हर रक्षसा मपहत्यै। य एतस्यै दिश पराभव न्नघायवो यथा ते नाभवा न्पुनः।।
दर्भाणा स्तम्ब माहर पितृणा मोषधीं प्रियाम्। अन्वस्यै मूल ञ्जीवा दनु काण्ड मथो फलम्।। 21।।
लोकं पृण
ता अस्य सूददोहसः ।
शँ वात श्श हि ते घृणि श्शमु ते सन्त्वोषधीः। कल्पन्तान्ते दिश स्सर्वाः।।
इदमेव मेतोपरा मार्ति माराम काञ्चन। तथा तदश्विभ्या ङ्कृतं मित्रेण वरुणेन च।।
वरणो वारया दिद न्देवो वनस्पतिः। आर्त्यै निर्ऋत्यै द्वेषाच्च वनस्पतिः।।
विधृतिरसि विधारयास्म दघाद्द्वेषासि
शमि शमयास्म दघा द्द्वेषासि
यव यवयास्म दघा द्द्वेषासि।।
पृथिवी ङ्गच्छान्तरिक्ष ङ्गच्छ दिव ङ्गच्छ दिशो गच्छ सुव र्गच्छ सुव र्गच्छ दिशो गच्छ दिव ङ्गच्छान्तरिक्ष ङ्गच्छ पृथिवी ङ्गच्छापो वा गच्छ यदि तत्र ते हित मोषधीषु प्रतितिष्ठा शरीरैः।।
अश्मन्वती रेवती
र्यद्वै देवस्य सवितु पवित्रँ
या राष्ट्रा त्पन्ना
दुद्वय न्तमस स्परि
धाता पुनातु ।। 22।। (अथो फल न्धाता पुनातु। 9।)
आरोहतायु र्जरस ङ्गृणाना अनुपूर्वँ यतमाना यतिष्ट। इह त्वष्टा सुजनिमा सुरत्नो दीर्घमायु करतु जीवसे वः।।
यथाहा न्यनुपूर्वं भवन्ति यथर्तव ऋतुभि र्यन्ति कॢप्ताः। यथा न पूर्व मपरो जहा त्येवा धात रायूषि कल्पयैषाम्।।
न हि ते अग्ने तनुवै क्रूर ञ्चकार मर्त्यः। कपि र्बभस्ति तेजनं पुन र्जरायु गौरिव।।
अप न श्शोशुच दघ मग्ने शुशुद्ध्या रयिम्। अप न श्शोशुच दघं मृत्यवे स्वाहा।।
अनड्वाह मन्वारभामहे स्वस्तये। स न इन्द्र इव देवेभ्यो वह्नि स्संपारणो भव।। 23।।
इमे जीवा विमृतै राववर्ति न्नभू द्भद्रा देवहूति न्नो अद्य। प्राञ्जोगामा नृतये हसाय द्राघीय आयु प्रतरा न्दधानाः।।
मृत्यो पदँ योपयन्तो यदैम द्राघीय आयु प्रतरा न्दधानाः। आप्यायमाना प्रजया धनेन शुद्धा पूता भवथ यज्ञियासः।।
इम ञ्जीवेभ्य परिधि न्दधामि मा नोनुगा दपरो अर्ध मेतम्। शत ञ्जीवन्तु शरद पुरूची स्तिरो मृत्यु न्दद्महे पर्वतेन।।
इमा नारी रविधवा स्सुपत्नी राञ्जनेन सर्पिषा सं मृशन्ताम्। अनश्रवो अनमीवा स्सुशेवा आरोहन्तु जनयो योनि मग्रे।।
यदाञ्जन न्त्रैककुद ञ्जात हिमवत स्परि। तेनामृतस्य मूलेनाराती र्जम्भयामसि।।
यथा त्वमुद्भिनथ्स्योषधे पृथिव्या अधि। एव मिम उद्भिन्दन्तु कीर्त्या यशसा ब्रह्मवर्चसेन।
अजोस्यजास्म दघा द्द्वेषासि
यवोसि यवयास्मदघा द्द्वेषासि।। 24।। (भव जम्भयामसि त्रीणि च। 10।)
अप न श्शोशुच दघमग्ने शुशुद्ध्या रयिम्। अप न श्शोशुच दघम्।।
सुक्षेत्रिया सुगातुया वसूया च यजामहे। अप न श्शोशुच दघम्।।
प्र यद्भन्दिष्ठ एषां प्रास्माकासश्च सूरयः। अप न श्शोशुच दघम्।।
प्र यदग्ने स्सहस्वतो विश्वतो यन्ति सूरयः। अप न श्शोशुच दघम्।।
प्र यत्ते अग्ने सूरयो जायेमहि प्र ते वयम्। अप न श्शोशुच दघम्।। 25।।
त्व हि विश्वतोमुख विश्वत परिभूरसि। अप न श्शोशुच दघम्।।
द्विषो नो विश्वतोमुखाति नावेव पारय। अप न श्शोशुच दघम्।।
स न स्सिन्धु मिव नावयातिपर्षा स्वस्तये। अप न श्शोशुच दघम्।।
आप प्रवणादिव यती रपास्मथ्स्यन्दता मघम्। अप न श्शोशुच दघम्।।
उद्वना दुदका नीवापा स्मथ्स्यन्दता मघम्। अप न श्शोशुच दघम्।।
आनन्दाय प्रमोदाय पुन रागा स्वा न्गृहान्। अप न श्शोशुच दघम्।।
न वै तत्र प्र मीयते गौरश्व पुरुष पशुः। यत्रेदं ब्रह्म क्रियते परिधि र्जीवनाय क मप न श्शोशुच दघम्।। 26।। (अघ मघ ञ्चत्वारि च। 11।)
अपश्याम युवति माचरन्तीं मृताय जीवां परिणीयमानाम्। अन्धेन या तमसा प्रावृतासि प्राची मवाची मवय न्नरिष्ट्यै।।
मयैतां मास्तां भ्रियमाणा देवी सती पितृलोकँ यदैषि। विश्ववारा नभसा सँव्यय न्त्युभौ नो लोकौ पयसावृणीहि।।
रयिष्ठा मग्निं मधुमन्त मूर्मिण मूर्जस्वन्त न्त्वा पयसोप स सदेम। स रय्या समु वर्चसा सचस्वा न स्स्वस्तये।।
ये जीवा ये च मृता ये जाता ये च जन्त्याः। तेभ्यो घृतस्य धारयितुं मधुधारा व्युन्दती।।
माता रुद्राणा न्दुहिता वसूना स्वसादित्याना ममृतस्य नाभिः। प्रणु वोच ञ्चिकितुषे जनाय मा गा मनागा मदितिँ वधिष्ट।।
पिबतूदक न्तृणा न्यत्तु। ओमुथ्सृजत।। 27।। (वधिष्ट द्वे च। 12।
(परेयुवासं प्र विद्वा न्भुवनस्याभ्याववृथ्स्वाजो भागोयँ वै चतुश्चत्वारिश- द्य एतस्य त्वत्पञ्च- प्रकेतुनेदन्ते नाके सुपर्णँ यौ ते ये युध्यन्ते तपसाश्मन्वती रेवती स्स रभध्व मष्टाविशति- र्यन्ते यत्त उत्तिष्ठेदन्त उत्तिष्ठ प्रेह्यश्मन् यद्वा उद्वय मयं पञ्चविशति- रा यातु त्रिश द्वैश्वानरे तस्मि न्द्रप्स इम मपेताहोभि र्युज्यन्ता मघ्निया अदिते पारँ व आ प्यायस्व सप्तविशति- रुत्ते तभ्नो म्यक्षिति स्तेभ्य पृथिवि षड्ढोता परं मे शग्मा पृथिव्या अन्तरिक्षस्य द्वात्रिश दपूपवा नसौ दश शतद-शैता स्ते ते दिश स्सर्वा इद मश्मन्विशति- रारोहत तनुवै क्रूर ञ्चकार पुन र्मृत्यवे मा नोनु गा द्दद्मह इमा नारी परि त्रयोविशति- रप न स्सुक्षेत्रिया प्र यद्भन्दिष्ठ प्रयदग्ने प्र यत्ते अग्ने त्व हि द्विष स्स न स्सिन्धु माप प्रवणा दुद्वना दानन्दाय न वै तत्र यत्रेद ञ्चतुर्विशति- रपश्यामावृणीहि द्वादश द्वादश।। 12।। परेयुवास माया त्वेतास्ते सप्तविशतिः। 27। परेयुवास मो मुथ्सृजत।)
ओम्। सन्त्वा सिञ्चामि यजुषा प्रजा मायुर्धनञ्च।। ओं शान्तिश्शान्तिश्शान्तिः।
माङ्गलिका मन्त्राः
सुमङ्गलीरियँ वधू रिमा समेत पश्यत। सौभाग्य मस्यै दत्वायाथास्तँ विपरेतन।।
रोचनो रोचमान श्शोभन श्शोभमानः कल्याणः।।
मङ्गलानि भवन्तु।। हरिः ओम्।
|
